தூக்குச்சட்டி
தூக்குச்சட்டி (Tiffin carrier) அல்லது பாத்திரம் என்பவை ஆசியா மற்றும் கரீபியனில் உணவுகளுக்காக பரவலாகப் பயன்படுத்தப்படும் ஒரு வகையான மதிய உணவுப் பெட்டியாகும். இந்தியா மற்றும் பாக்கித்தானிலிருந்து, அவை மலேசியா மற்றும் சிங்கப்பூர்[1] மற்றும் டிரினிடாட் மற்றும் டொபாகோவிற்கும்[2] பரவின.
இந்திய நகரமான மும்பையிலும், பாகிசுதானிய நகரமான கராச்சியிலும், நகர அலுவலக ஊழியர்களுக்கு அவர்களின் புறநகர் வீடுகளிலிருந்தோ அல்லது ஒரு உணவு தயாரித்து வெளியில் பரிமாறுதல் நிறுவனத்திடமிருந்தோ பெட்டியில் அடைக்கப்பட்ட சூடான மதிய உணவைத் தவறாமல் வழங்கும் ஒரு சிக்கலான மற்றும் திறமையான விநியோக அமைப்பு உள்ளது. இது டப்பாவாலாக்கள் என்று அழைக்கப்படும் விநியோக ஊழியர்களைப் பயன்படுத்துகிறது.[1].[3]
தூக்குச்சட்டி:
ஒரு சொல்லப்படாத கதை என்ற புத்தகம் தூக்குச்சட்டிகளைப் பற்றி விவரிக்கிறது, அவற்றில் சில ஒரு நூற்றாண்டுக்கும் மேலான பழமையானவை.[1][4]
ஒத்த சொற்கள்
[தொகு]கம்போடியாவில், தூக்குச்சட்டிகள் சான் சுராக் (கெமர்: ចានស្រាក់) என்றும், கோக்கியன் மொழியில் உவான்-ட்சான் (சீனம்: 碗層) என்றும், இந்தோனேசிய மொழியில் ரந்தாங் என்றும், மலாய் மொழியில் மாங்குக் திங்கட் (அடுக்குக் கிண்ணங்கள்) என்றும் அழைக்கப்படுகின்றன; அதே சமயம் தாய் மொழியில் பின் டோ (தாய்: ปิ่นโต [ˈpìn ˈtoː]) என்று அழைக்கப்படுகின்றன. அரபு நாடுகளில் அவை சஃபார்டாசு (سفرطاس, துருக்கிய மொழியில் 'பயணக் கிண்ணங்கள்' என்று பொருள்படும் "செஃபர் தாசி" என்பதிலிருந்து வந்தது) என்று அழைக்கப்படுகின்றன. தூக்குச்சட்டிற்கான அங்கேரிய சொல் எத்தோர்டோ (உணவுக் காவி) ஆகும்.
வடிவமைப்பு மற்றும் மூலப்பொருட்கள்
[தொகு]பொதுவாக இந்தக் கொள்கலன்கள் இரண்டு அல்லது மூன்று அடுக்குகளுடன் வருகின்றன, இருப்பினும் மிகவும் நேர்த்தியான பதிப்புகளில் நான்கு அடுக்குகளும் இருக்கலாம். சில நேரங்களில் மற்ற அடுக்குகளை விடப் பெரியதாக இருக்கும் கீழ் அடுக்கு, பொதுவாக அரிசி வைப்பதற்காகப் பயன்படுத்தப்படுகிறது. கைப்பிடியின் இருபுறமும் உள்ள ஒரு சிறிய தாழ்ப்பாளைத் திறப்பதன் மூலம் தூக்குச்சட்டிகள் திறக்கப்படுகின்றன. தூக்குச்சட்டிகள் பொதுவாக எஃகாலும், சில நேரங்களில் அலுமினியத்தாலும் செய்யப்படுகின்றன, ஆனால் மிளிாி மற்றும் நெகிழி பதிப்புகளும் ஐரோப்பிய நிறுவனங்களால் தயாரிக்கப்பட்டுள்ளன.
மும்பையில் டிபன் கேரியர்களில் அடைக்கப்பட்ட உணவை விநியோகிக்கும் இரண்டு பாத்திரக்காரர்கள்.
பங்களாதேசில் தாய் தூக்குச்சட்டி பெட்டி.
பர்மாஅரக்கு வேலைப்பாடு- மலேசியா, பெரனாகன் தூக்குச்சட்டி
மேற்கோள்கள்
[தொகு]- 1 2 3 Leong-Salobir, Cecilia (2011). Food Culture in Colonial Asia; A Taste of Empire (Hardback ed.). London: Routledge. p. 57. ISBN 9780415606325.
- ↑ Yang, Eun; Gibson, Teneille (July 6, 2021). "Food Fare: H Street's Cane Pays Tribute to Trinidad Roots with Tiffin Boxes". NBCUniversal Media.
- ↑ Yang, Eun; Gibson, Teneille (July 6, 2021). "Food Fare: H Street's Cane Pays Tribute to Trinidad Roots with Tiffin Boxes". NBCUniversal Media.
- ↑ Khan, Naimat (October 3, 2024). "In Karachi, hot tiffin lunches, thanks to a centuries-old meal delivery service". Arab News.