துடுப்பு வால் கரிச்சான்
| துடுப்பு வால் கரிச்சான் Greater racket-tailed drongo | |
|---|---|
| |
உயிரியல் வகைப்பாடு 
| |
| திணை: | விலங்கு
|
| தொகுதி: | |
| வரிசை: | |
| குடும்பம்: | |
| பேரினம்: | |
| இனம்: | D. paradiseus
|
| இருசொற் பெயரீடு | |
| Dicrurus paradiseus (Linnaeus, 1766) | |
| வேறு பெயர்கள் | |
| |
துடுப்பு வால் கரிச்சான் (greater racket-tailed drongo) என்பது நடுத்தர அளவிலான ஒரு ஆசிய பறவை ஆகும். இது நீண்ட துடுப்பு போன்ற வாலைக் கொண்டுள்ளதால் இப்பெயரைப் பெற்றது. இவை பெரும்பாலும் மலையை ஒட்டிள்ள காடுகளில் காணப்படும். இவை எப்போதும் சத்தம் எழுப்பிக்கொண்டே இருக்கக்கூடியன. மேலும் இது ராஜாளி, வல்லூறு போன்ற பறவைகளைப் போல ஒலியெழுப்பும் ஒப்புப்போலிப் பண்பையும் கொண்டது. இது பூச்சிகளை வேட்டையாடி உண்பதால், இயற்கை பூச்சிக் கட்டுப்படுத்தியாக வேளாண்மைக்கு உதவுகிறது.[2]
வகைப்பாடு
[தொகு]துடுப்பு வால் கரிச்சானில் 13 துணையினங்கள் அங்கீகரிக்கபட்டுள்ளன:[3]
- D. p. grandis (கோல்ட், 1836) – வட இந்தியா முதல் மேற்கு மற்றும் வடக்கு மியான்மர் மற்றும் தெற்கு சீனா மற்றும் வடக்கு இந்தோசீனா வரை
- D. p. rangoonensis (கோல்ட், 1836) – மத்திய இந்தியா, பங்களாதேஷ், மத்திய மியான்மர் மற்றும் வடக்கு தாய்லாந்து வழியாக மத்திய இந்தோசீனா வரை
- பாரடைசியஸ் துடுப்பு வால் கரிச்சான் D. p. paradiseus (லின்னேயஸ், 1766) – தென்னிந்தியாவிலிருந்து தெற்கு தாய்லாந்து, வடக்கு மலாய் தீபகற்பம் மற்றும் தெற்கு இந்தோசீனா வரை
- D. p. johni (ஆர்டெர்ட், 1902) – ஆய்னான் (தென்கிழக்கு சீனாவிற்கு அப்பால்)
- D. p. ceylonicus வௌரி, 1949 – இலங்கை
- D. p. otiosus (ரிச்மண்ட், 1902) – அந்தமான் தீவுகள்
- D. p. nicobariensis (பேக்கர், இசிஎஸ், 1918) – நிக்கோபார் தீவுகள்
- D. p. hypoballus (ஓபர்ஹோல்சர், 1926) – நடு மலாய் தீபகற்பம்
- D. p. platurus வைலோட், 1817 – தெற்கு மலாய் தீபகற்பம், சுமத்ரா மற்றும் அருகிலுள்ள தீவுகள்
- D. p. microlophus (ஓபர்ஹோல்சர், 1917 – தென் சீனக் கடலில் உள்ள தீவுகள் (தியோமான் தீவு, அனம்பாஸ் தீவுகள் மற்றும் வடக்கு நதுனா தீவுகள்)
- D. p. brachyphorus (போனபார்டே, 1850) – போர்னியோ
- D. p. banguey (சேசன் & குளோஸ், 1929) – வடக்கு போர்னியோவில் உள்ள தீவுகள்
- D. p. formosus (கபானிஸ், 1851) – சாவகம்
விளக்கம்
[தொகு]இது பெரும்பாலும் ஆசியாவில் காணப்படுகிறது. இது துடுப்புபோன்ற தனித்துவமான வாலைக் கொண்டுள்ளது. இதன் முன் தலையில் அலகுக்கு அருகில் கிரிடம் போன்று இறகுகள் தூக்கலாகக் காணப்படும். இப்பறவைகளில் ஆண், பெண் என இரு பறவைகளுக்கு இடையில் பெரியதாக வேறுபாடு ஏதும் இல்லை. தென்னிந்தியாவில், முக்கியமாக மேற்குத்தொடர்ச்சி மலைகளை ஒட்டிய காடுகளில் காணப்படுகின்றன.
தென்னிந்தியாவில் காணப்படும் துணையினமான பாரடைசியஸ் துடுப்பு வால் கரிச்சானைவிடவிட வட இந்தியாவில் காணப்படும் துணையினத்தின் (D. p. grandis) தலைக் கொண்டை பெரியதாக இருப்பதோடு துடுப்பு வாலும் சற்று நீளமாக இருக்கும். இலங்கையில் காணப்படும் துணையினத்தின் (D. p. ceylonicus) தலைக் கொண்டை மிக நுட்பமானது. துடுப்பு வாலும் அளவில் சிறியது.[4]
நடத்தை
[தொகு]இவை பூச்சிகளையும், பூந்தேனையும், பழங்களையும் உண்ணக்கூடியது இதன் கால்கள் மிகவும் சிறியவை என்பதால், எப்போதும் மரத்தின் உச்சியில் இருக்கும் சிறிய கிளையில் அமர்ந்து இருக்கும். துணிவு மிக்கப்பறவையான இது தன் எல்லைக்குள் வரும் பறவைகளை கொத்தி விரட்டும்.
மேற்கோள்கள்
[தொகு]- ↑ BirdLife International. 2016. Dicrurus paradiseus. The IUCN Red List of Threatened Species 2016: e.T103711122A94102694. https://dx.doi.org/10.2305/IUCN.UK.2016-3.RLTS.T103711122A94102694.en. Downloaded on 11 December 2018.
- ↑ ராதிகா ராமசாமி (23 மார்ச் 2019). "பல குரல் பறவை". கட்டுரை. இந்து தமிழ். Retrieved 29 மார்ச் 2019.
- ↑ Gill, Frank; Donsker, David, eds. (2018). "Orioles, drongos, fantails". World Bird List Version 8.1. International Ornithologists' Union. Retrieved 29 March 2018.
- ↑ க. ரத்தினம், தென்னிந்தியப் பறவைகள். சென்னை: தமிழ்நாடு பாடநூல் நிறுவனம். 1973. p. 361.
வெளி இணைப்புகள்
[தொகு]