தீச் செடி
| தீச் செடி | |
|---|---|
| |
| Dictamnus albus | |
உயிரியல் வகைப்பாடு 
| |
| Unrecognized taxon (fix): | Dictamnus |
| Species | |
| வேறு பெயர்கள் [2] | |
| |
'தீச்செடி (Dictamnus albus)[3] என்பது ரூடேசி குடும்பத்தில் உள்ள ஒரு வகை பூக்கும் தாவர இனத்தைச் சேர்ந்தது. இந்த செடியில் வற்றாத பல புவியியல் மாறுபாடுகள் உள்ளன. இச்செடி தெற்கு ஐரோப்பாவிலும், வடக்கு சீனாவிலும் வளர்கிறது.[2] 1753 இல் சுவீடன் நாட்டைச் சேர்ந்த, உயிரினங்களைப் பற்றி ஆய்வு செய்த முன்னோடி அறிவியலாளரும் தாவரவியலாளருமான கரோலஸ் லின்னேயஸ் என்பவரால் முதன்முதலில் இந்த இனம் விவரிக்கப்பட்டது.[1]
இதரப் பெயர்கள்
[தொகு]- எரிவாயு செடி (Gasplant)
- டிட்டானி (Dittany)
- எரியும் செடி (Burning bush)
செடியின் அமைப்பு
[தொகு]இச்செடி 40 செ.மீ முதல் 100 செ.மீ வரை உயரமாக வளரக்கூடியது. இதன் தண்டு கெட்டியாக, இலைகள் தடிப்பாக, எலுமிச்சம் பழம் வாசனை உடையது. அதன் பூக்கள் ஒரு தளர்வான பிரமிடு ஸ்பைக்கை உருவாக்குகின்றன. வெளிர் ஊதா நிறத்தில் இருந்து வெள்ளை நிறம் வரை பூக்களின் நிறங்கள் வேறுபடுகின்றன.
இச்செடியின் இலைகளிலிருந்து எண்ணெய் கசிந்து வாயுவாக வெளியேறுகிறது. வறண்ட நாட்களின் மாலை நேரத்தில் திடீரென்று நீலநிறச்சுடர் இதைச் சுற்றித் தோன்றி அதிகம் வெப்பம் இருக்கும் போது தீ பிடித்து எரியும். செடியிலிருந்து வெளியாகும் எரிவாயுதான் இதற்கு காரணம். தீக்குச்சியை இதன் அருகில் கொண்டு சென்றால் நெருப்பு பிடித்து எரியும். சில சமயங்களில் இச்செடியால் காட்டுத் தீ ஏற்படுகிறது. தீ பிடித்து எரிந்த பிறகு சூடான ஈரம் ஆவியாகி செடியை குளிர வைக்கிறது.
மேற்கோள்கள்
[தொகு]- ↑ 1.0 1.1 "Dictamnus L.", International Plant Names Index, பார்க்கப்பட்ட நாள் 2021-09-21
- ↑ 2.0 2.1 "Dictamnus L.", Plants of the World Online, அரச கழக தாவரவியல் பூங்கா, கியூ, பார்க்கப்பட்ட நாள் 2021-09-21
- ↑ சிறிதும் - பெரியதும். அறிவியல் வெளியீடு.