உள்ளடக்கத்துக்குச் செல்

திறன் மேம்பாடு மற்றும் தொழில்முனைவோர் அமைச்சகம், இந்தியா

கட்டற்ற கலைக்களஞ்சியமான விக்கிப்பீடியாவில் இருந்து.
திறன் மேம்பாடு மற்றும் தொழில்முனைவோர் அமைச்சகம்
துறை மேலோட்டம்
அமைப்பு9 நவம்பர் 2014
ஆட்சி எல்லைஇந்திய அரசு
ஆண்டு நிதிரூபாய் 3400 கோடி (2018–19)[1]
அமைச்சர்
துணை அமைச்சர்
வலைத்தளம்www.skilldevelopment.gov.in
www.msde.gov.in

திறன் மேம்பாடு மற்றும் தொழில்முனைவோர் அமைச்சகம் என்பது இந்திய அரசின் அமைச்சகங்களில் ஒன்றாகும். நாடு முழுவதும் அனைத்து திறன் மேம்பாட்டு முயற்சிகளையும் ஒருங்கிணைக்க 9 நவம்பர் 2014 அன்று இந்த அமைச்சகம் நிறுவப்பட்டது. இதன் மூத்த அமைச்சர் தர்மேந்திர பிரதான் ஆவார்.[2] இணை அமைச்சர் இராஜீவ் சந்திரசேகர் ஆவார். திறமையான மனிதவளத்தின் தேவைக்கும், வழங்கலுக்கும் இடையே உள்ள துண்டிப்பை நீக்கி, புதிய திறன்கள் மற்றும் புதுமையான சிந்தனைகளை தற்போதுள்ள வேலைகளுக்கு மட்டுமின்றி உருவாக்கப்பட உள்ள வேலைகளுக்கும் புகுத்துவதை இது நோக்கமாகக் கொண்டுள்ளது.[3]

செயல்பாடுகள்[தொகு]

  • பல்வேறு மத்திய அமைச்சகங்கள்/துறை, மாநில அரசுகள், தேசிய திறன் மேம்பாட்டுக் கழகம்[4] மற்றும் தனியார் துறை ஆகியவற்றுக்கு இடையே திறன் மேம்பாட்டிற்கான அணுகுமுறையை ஒருங்கிணைத்து ஒத்திசைத்தல்.
  • உற்பத்தித் தரம் மற்றும் தரநிலைகள் துறை சார்ந்த தேவைகளை பூர்த்தி செய்வதை உறுதி செய்ய தேசிய திறன்கள் தகுதி கட்டமைப்பு[5]ஐ தொகுத்து செயல்படுத்தல்.
  • மாநில திறன் மேம்பாட்டு பணிகளுக்கான தொடர் அமைப்பாக செயல்படுதல்.
  • பலதரப்பு முகமைகள் மற்றும் தனியார் துறை உள்ளிட்ட பன்னாட்டு முகமைகள் போன்ற பல்வேறு மூலங்களிலிருந்து திறன் மேம்பாட்டிற்கான கூடுதல் நிதி வளங்களை திரட்டுதல்.
  • தற்போதுள்ள திறன் மேம்பாட்டுத் திட்டங்களை அவற்றின் செயல்திறனை மதிப்பிடும் நோக்கில் மதிப்பீடு செய்து, அவற்றை மேலும் திறம்படச் செய்ய சரியான நடவடிக்கையைப் பரிந்துரைத்தல்.
  • ஆய்வக தகவல் மேலாண்மை அமைப்பின் [6] திறன் மேம்பாடு தொடர்பான தேசிய தரவுத் தளத்தை நிறுவி பராமரித்தல்.
  • பட்டியல் சாதியினரும் பட்டியல் பழங்குடியினரும், இதர பிற்படுத்தப்பட்ட வகுப்பினர், சிறுபான்மையினர், மாற்றுத் திறனாளிகளின் திறன் தேவைகள் கவனிக்கப்படுவதை உறுதி செய்தல்.

இதனையும் காண்க[தொகு]

மேற்கோள்கள்[தொகு]

  1. "Budget data" (PDF). www.indiabudget.gov.in. 2019. Archived from the original (PDF) on 4 March 2018. பார்க்கப்பட்ட நாள் 15 September 2018.
  2. "mission booklet.cdr" (PDF). பார்க்கப்பட்ட நாள் 2018-09-15.
  3. "National Skill Development Mission | Prime Minister of India". Pmindia.gov.in. பார்க்கப்பட்ட நாள் 2018-09-15.
  4. National Skill Development Corporation (NSDC)
  5. National Skills Qualification Framework
  6. Laboratory information management system

வெளி இணைப்புகள்[தொகு]