திருக்குறட் குமரேச வெண்பா
| நூலாசிரியர் | மு. ஜெகவீர பாண்டியனார் |
|---|---|
| நாடு | இந்தியா |
| மொழி | தமிழ் |
| வகை | இலக்கிய உரை நூல் |
வெளியிடப்பட்ட நாள் | 1924–1959 (பல்வேறு பாகங்களாக) |
| ஊடக வகை | அச்சு நூல், மின்னூல் |
திருக்குறட் குமரேச வெண்பா என்பது இருபதாம் நூற்றாண்டில் வாழ்ந்த தமிழறிஞர் மு. ஜெகவீர பாண்டியனார் என்பவரால் இயற்றப்பட்ட ஒரு உரைநூலாகும்.[1] இந்நூல் திருக்குறளின் கருத்துக்களைப் பொதுமக்கள் எளிதில் புரிந்து கொள்ளும் வகையில், வரலாற்று மற்றும் புராணக் கதைகளின் உதாரணங்களுடன் விளக்குகிறது.
நூலின் அமைப்பு
[தொகு]இந்நூல் திருக்குறளின் முப்பால்களையும் (அறத்துப்பால், பொருட்பால், காமத்துப்பால்) உள்ளடக்கிய 133 அதிகாரங்களில் உள்ள 1330 குறள்களுக்கும் தனித்தனி வெண்பாக்களைக் கொண்டுள்ளது.
- ஒவ்வொரு குறளுக்கும் ஒரு வெண்பா வீதம் மொத்தம் 1330 வெண்பாக்கள் இதில் உள்ளன.
- ஒவ்வொரு வெண்பாவின் ஈற்றிலும் "குமரேசா" என்னும் விளிச்சொல் (முருகப் பெருமானைக் குறிக்கும் சொல்) அமைந்திருக்கும்.
- செய்யுளின் முற்பகுதியில் ஒரு கதையின் சுருக்கமும், பிற்பகுதியில் அதற்குச் சான்றாகத் திருக்குறளும் இணைக்கப்பட்டிருக்கும்.
சிறப்பு
[தொகு]- சாதாரண உரை நூல்களைப் போலன்றி, திருக்குறளின் தத்துவங்களை உலகியல் நிகழ்வுகளோடும், மகாபாரதம், இராமாயணம், பெரியபுராணம் மற்றும் சங்க இலக்கியக் கதைகளோடும் ஒப்பிட்டு விளக்குவது இந்நூலின் தனிச்சிறப்பாகும்.
- 1330 கதைகள்: பொதுவாக மற்ற நூலாசிரியர்கள் ஒரு அதிகாரத்திற்கு ஒரு வெண்பா என்ற வீதமே எழுதுவர். ஆனால், மு. ஜெகவீர பாண்டியனார் 1330 குறட்பாக்களுக்கும் தனித்தனியாக 1330 வெண்பாக்களை இயற்றி, அத்தனை குறள்களுக்கும் தனித்தனி கதைகளை சான்றாக தந்துள்ளார்.
- அமைப்பு: ஒவ்வொரு வெண்பாவின் முதல் இரண்டு அடிகள் ஒரு வரலாற்று அல்லது புராணக் கதையைச் சுருக்கமாகக் கூறும். அடுத்த இரண்டு அடிகள் அதற்குப் பொருத்தமான ஒரு முழுத் திருக்குறளை அப்படியே தாங்கி வரும்.விளிச்சொல்: ஒவ்வொரு வெண்பாவின் இரண்டாம் அடியிலும் "குமரேசா" (முருகப்பெருமானைக் குறிக்கும் சொல்) என்ற விளிச்சொல் அமைக்கப்பட்டிருக்கும்.
- பல்வேறு காப்பியங்கள்: இராமாயணம், மகாபாரதம், பெரியபுராணம், கந்தபுராணம், சிலப்பதிகாரம், மணிமேகலை மற்றும் சீவகசிந்தாமணி போன்ற பெரும் காப்பியங்களில் இருந்து கதைகள் எடுக்கப்பட்டுள்ளன.வரலாற்றுச் சான்றுகள்: சங்க இலக்கிய நூல்களின் வாயிலாக அறியப்படும் உண்மை வரலாற்று நிகழ்வுகளும், கொடை வள்ளல்களின் கதைகளும் இதில் சான்றுகளாகப் பயன்படுத்தப்பட்டுள்ளன.
- இலக்கண நயம்: சொற்களின் பிறப்பு, இலக்கணக் குறிப்புகள் மற்றும் அகராதி விளக்கங்களையும் ஆங்காங்கே ஆசிரியர் சேர்த்துள்ளார்.
எடுத்துக்காட்டு வெண்பா
[தொகு](அதிகாரம்: வெஃகாமை, குறள்: 171)
ஈனமறத் தன்கருமஞ் செய்தான் இராவணன்பின் ஏனல்கொண்டான் என்னே குமரேசா - மானமிலா அறனறிந்து வெஃகா அறிவுடையார் சேரும் திறனறிந்து தீதிலா ஆறு.