தியோதனி நடனம்

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search

தியோதனி நடனம் ( Deodhani dance ) என்பது இந்தியாவின் வடகிழக்கு மாநிலங்களில் ஒன்றான மாநிலமான அசாமில் இருந்து வந்த ஒரு நாட்டுப்புற நடனமாகும். அசாமில் பல்வேறு கலாச்சார மற்றும் பாரம்பரிய பழக்கவழக்கங்கள் மற்றும் சமூக பழக்கவழக்கங்களைக் கொண்ட பல்வேறு இன மற்றும் மத சமூகங்களை பிரதிநிதித்துவப்படுத்தும் மக்கள் தொகை உள்ளது. அவற்றில் இவ்வகை சடங்கு நடனங்களின் வகைகளை நிகழ்த்துகிறது. இது ஒரு தனி அல்லது குழு செயல்திறனாக நிகழ்த்தப்படுகிறது. இந்தக் குழு செயல்திறனில், இது அடிப்படையில் 3 அல்லது 4 பெண்களைக் கொண்டுள்ளது. இந்த நடன வடிவம் பாம்பு தெய்வம் மானசா தேவி அல்லது மரோய் வழிபாட்டுடன் தொடர்புடையது. [1] ஒரு தியோதனி நடனம் பொதுவாக அசாமின் பழமையான கலை வடிவங்களில் ஒன்றான ஓஜாபாலி மற்றும் அசாமிய பாரம்பரியப்படி பாடகர்கள் கூட்டாகவும் [2] பாடல்கள் பாடி நடனம் நிகழ்த்தப்படுகிறது. ஒவ்வொரு ஆண்டும் ஆகஸ்ட் மாதத்தில் நடத்தப்படுகிறது.

வரலாறு[தொகு]

தியோதனி இரண்டு சொற்களிலிருந்து உருவானது, அதாவது தியோ என்றால் கடவுள் என்றும் தானி என்றால் பெண் என்றும் பொருள்படுகிறது. 'தியோதனி' என்ற சொல் ஒரு பெண்ணின் தீய மனப்பான்மையைக் கொண்டிருக்கும்போது அவளது நடனத்தை சித்தரிக்கிறது. தியோதனியில் ஓஜபாலி பாடிய பாடல்கள் சுக்னம்னி என்று அழைக்கப்படுகின்றன. கணவரின் (லக்கிந்தர்) வாழ்க்கையைத் திரும்பப் பெற பெகுலா ( பத்ம புராணத்தில் ஒரு பாத்திரம்) மானசா தெய்வத்தின் முன் நடனமாட வேண்டியிருந்தது என்று புராணக்கதைகள் கூறுகின்றன.

விவரக்குறிப்பு[தொகு]

ஒரு நடனக் கலைஞர் திருமணமாகாத பெண்ணாகவும் மற்றும் பத்ம தெய்வத்தின் பக்தராகவும் இருபார். [3] நடனக் கலைஞர்கள் தன்னுடைய தலைமுடியைத் தளர்வாகவும், ஒரு பெண் போர்வீரனைப் போன்ற ஆடைகளையும் அணிந்திருப்பார்கள். ஜொய்தோல் மற்றும் சிம்பல்ஸ் எனப்படும் பெரிய முரசுகளின் துணையுடன் பல்வேறு கை சைகைகள் மற்றும் சிக்கலான அடிச்சுவடுகளுடன் அவர் நடனமாடுவார். நடனக் கலைஞர் பட்டு, சிவப்பு ரவிக்கை, வெவ்வேறு பாரம்பரிய நகைகள் ஆகியவற்றால் ஆன மேகேலா எனும் ஆடையை அணிந்து கொண்டு, தலைமுடியைத் திறந்து விடுகிறார். [4] அவர்கள் ஒரு வாள் மற்றும் கேடயத்தை எடுத்து, நிகழ்ச்சியின் போது ஒரு வீரமான போர் நடனத்தைக் காண்பிப்பார்கள்.

தியோதனி நடனத்தில் உண்மையில் இரண்டு வகைகள் உள்ளன. ஒன்று அரை பாரம்பரிய நடனம், மற்றொன்று திரான்ஸ் (நடனம் அல்ல) என்பதாகும். அசாமின் மங்கைடோய் மற்றும் தென்மேற்கு காம்ரூப பகுதியில் நிலவும் தியோதனி நடனம், இது சுகனனி ஓஜா-பாலுடன் இணைக்கப்பட்டுள்ளது

மானசா தேவி[தொகு]

மானசா தேவி என்பது வட இந்தியாவில், குறிப்பாக மேற்கு வங்கப் பகுதியில் அதிகம் வழிபடப்படும் நாகதேவதை ஆவாள். இத்தேவி, நாகராசனான வாசுகியின் தங்கையும், ஜரத்காரு முனிவரின் மனைவியும்[5] ஆவாள். பாம்புக்கடியிலிருந்து உயிர்பிழைக்கவும், வளம், செழிப்புக்காகவும் அசாம் மக்கள் மானசா தேவியை வழிபடுவது வழக்கம்.

ஓஜா பாலி[தொகு]

ஓஜாபாலி என்பது இந்தியாவின் அசாம் பகுதியைச் சேர்ந்த ஒரு பாரம்பரிய நாட்டுப்புற நடனம் ஆகும். ஓஜாபாலி கதை சொல்லும் மரபில் இருந்து உருவானதாக நம்பப்படுகிறது. மற்றும் இந்த நடனம், ஒரு குழுவாக நிகழ்த்தப்படுகிறது. இது அசாமின் பழமையான கலை வடிவங்களில் ஒன்றாக கருதப்படுகிறது.

குறிப்புகள்[தொகு]

  1. S. Gajrani (2004). History, Religion and Culture of India. Gyan Publishing House. பக். 112–. பன்னாட்டுத் தரப்புத்தக எண்:978-81-8205-065-5. https://books.google.com/books?id=QQWMc7_qj4kC&pg=PA112. பார்த்த நாள்: 9 June 2013. 
  2. Oja-pali, WebIndia
  3. "Assam - Performing Arts". Nezcc.in (2012-09-08).
  4. "Beauty Of Assam". Info-assam.hpage.co.in (2009-11-28).
  5. Wilkins p.395
"https://ta.wikipedia.org/w/index.php?title=தியோதனி_நடனம்&oldid=2939064" இருந்து மீள்விக்கப்பட்டது