தியாகராசர் பொறியியல் கல்லூரி
 | |
| குறிக்கோளுரை | வினையே உயிர் |
|---|---|
| வகை | அரசு உதவிபெற்றது |
| உருவாக்கம் | 1957 |
| முதல்வர் | முனைவர். வி. அபய்குமார் |
| அமைவிடம் | , , |
| வளாகம் | 143 acres |
| இணையதளம் | http://tce.edu |
மதுரை தியாகராசர் பொறியியல் கல்லூரி புதுடெல்லியிலுள்ள அகில இந்திய தொழில்நுட்பக் கல்விக் குழு அனுமதியுடன் அண்ணா பல்கலைக்கழகம் - மதுரை உடன் இணைக்கப்பட்ட அரசு உதவி பெறும் தனியார் மேலாண்மையிலுள்ள ஒரு பொறியியல் கல்லூரியாகும். சர்வதேச தரச் சான்றிதழ் (ISO 9001:2000) பெற்றுள்ள இக்கல்லூரி, மறைந்த கருமுத்து தியாகராசன் செட்டியாரால் மதுரையில் நிறுவப்பட்ட பல்வேறு கல்வி நிறுவனங்களில் ஒன்றாகும். 1957ஆம் ஆண்டு நிறுவப்பட்ட இக்கல்லூரிக்கு மத்திய, மாநில அரசு மானியங்களுடன் கல்லூரி மேலாண்மையும் நிதியுதவி செய்துள்ளது. 1987ஆம் ஆண்டு இக்கல்லூரிக்கு தன்னாட்சி உரிமம் வழங்கப்பட்டது.[1][2][3]
இருப்பு
[தொகு]மதுரை மாநகரிலுள்ள திருப்பரங்குன்றம் பகுதியில் 143 ஏக்கர் நிலப்பரப்பில் பசுமையான நிலங்களுக்கும், திருப்பரங்குன்றம் மலைக் குன்றுகளுக்கும் இடையில் உள்ள வளாகத்தில், இக்கல்லூரிக்கான கட்டிடங்கள் அமைந்துள்ளன.
கல்விப் பாடங்கள்
[தொகு]தியாகராசர் பொறியியல் கல்லூரியில் பொறியியல் மற்றும் அறிவியலில் ஒன்பது பட்டப் படிப்புப் பாடங்களும், பதினோரு பட்ட மேற்படிப்புப் பாடங்களும் நடத்தப்படுகின்றன.
பொறியியல் துறைகள்
[தொகு]- இலத்திரனியல் மற்றும் தொலைத்தொடர்புப் பொறியியல்
- மின்னியல் மற்றும் இலத்திரனியல் பொறியியல்
- எந்திரப் பொறியியல்
- குடிசார் பொறியியல்
- கணினி அறிவியல் மற்றும் பொறியியல்
- தகவல் தொழில்நுட்பம்
அறிவியல் துறைகள்
[தொகு]- இயற்பியல்
- கணிதம்
- வேதியியல்
தவிர, கட்டிட வடிவமைப்புத் துறையில், இளநிலைப் பட்டப்படிப்பு நடத்தப்படுகிறது.
பொன்விழா ஆண்டு
[தொகு]2007-2008 ஆம் ஆண்டு, இக்கல்லூரி தொடங்கப்பட்டு 50 ஆண்டுகள் நிறைவுற்றதை நினைவுகூரும் வகையில், பொன் விழா ஆண்டாகக் கொண்டாடப்பட்டது.
விஞ்ஞானிகளின் வருகை
[தொகு]- 2008 ஆம் ஆண்டு பொன் விழா கொண்டாட்டங்களைச் சிறப்பிக்கும் வகையில், இந்திய விஞ்ஞானியும் முன்னாள் ஜனாதிபதியுமான டாக்டர் அப்துல் கலாம் இக்கல்லூரிக்கு வருகை தந்து சிறப்புரையாற்றினார்.
- 2009 ஆம் ஆண்டு டாக்டர் எரிக் ஆல்லின் கார்நெல் (Dr. Eric A. Cornell), நோபெல் பரிசு பெற்ற இயற்பியல் விஞ்ஞானி, இக்கல்லூரிக்கு வருகை தந்து சிறப்பித்தார்.
மேலும் பார்க்க
[தொகு]
மேற்கோள்கள்
[தொகு]- ↑ "Programmes offered | Thiagarajar College of Engineering". www.tce.edu. பார்க்கப்பட்ட நாள் 2020-08-26.
- ↑ "APJ Abdul Kalam tried to merge ISRO and DRDO: Sivathanu Pillai". தி டைம்ஸ் ஆஃப் இந்தியா. Times News Network. 30 July 2016. http://timesofindia.indiatimes.com//city/madurai/APJ-Abdul-Kalam-tried-to-merge-ISRO-and-DRDO-Sivathanu-Pillai/articleshow/53460266.cms?. பார்த்த நாள்: 27 August 2017.
- ↑ https://www.tce.edu/sites/default/files/alumni-newsletter/Know-your-alumni-PadmaAwardees.pdf