திப்ரு-சைகோவா தேசியப் பூங்கா

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
திப்ரு-சைகோவா தேசியப் பூங்கா
திப்ரு-சைகோவா உயிர்க்கோள இருப்பு
Dibru Saikhuwa National Park.jpg
Map showing the location of திப்ரு-சைகோவா தேசியப் பூங்கா
Map showing the location of திப்ரு-சைகோவா தேசியப் பூங்கா
அமைவிடம்அசாம், இந்தியா
கிட்டிய நகரம்தின்சுகியா
பரப்பளவு350 km2 (140 sq mi)
நிறுவப்பட்டது1999

திப்ரு-சைகோவா தேசியப் பூங்கா (Dibru-Saikhowa National Park) என்பது இந்தியாவின் அசாமில் உள்ள ஒரு தேசிய பூங்காவாகும்., இது திப்ருகார் மற்றும் தின்சுகியா மாவட்டங்களில் அமைந்துள்ளது. இது 1997 சூலையில் 765 கிமீ 2 (295 சதுர மைல்) பரப்பளவு கொண்ட ஒரு உயிர்க்கோள காப்பகம் பெயரிடப்பட்டது. இதில் 340 கிமீ 2 (130 சதுர மைல்) மையப் பகுதி மற்றும் 425 கிமீ 2 (164 சதுர மைல்) இடையக மண்டலம் ஆகியவை அடங்கும். .

இது தின்சுகியா நகரத்திற்கு வடக்கே சுமார் 12 கிமீ (7.5 மைல்) தொலைவில் 118 மீ (387 அடி) உயரத்தில் 110 முதல் 126 மீ (361 முதல் 413 அடி) வரை அமைந்துள்ளது. இந்தப் பூங்கா வடக்கே பிரம்மபுத்ரா மற்றும் லோஹித் ஆறுகள் மற்றும் தெற்கில் திப்ரு ஆறு ஆகியவற்றால் சூழப்பட்டுள்ளது. இது முக்கியமாக ஈரமான கலப்பு அரை பசுமையான காடுகள், ஈரமான கலப்பு இலையுதிர் காடுகள், புல்வெளிகள் ஆகியவற்றைக் கொண்டுள்ளது. இது வடகிழக்கு இந்தியாவின் மிகப்பெரிய புதர்கள் மற்றும் மரங்கள் கொண்ட சதுப்புநிலக் காடாகும், வெப்பமண்டல பருவமழை வெப்பமான மற்றும் ஈரமான கோடை மற்றும் குளிர்ந்த மற்றும் பொதுவாக வறண்ட குளிர்காலம் கொண்டது. ஆண்டு மழையளவு 2,300 முதல் 3,800 மிமீ (91 முதல் 150 அங்குலம்) வரை இருக்கும். இது பல ஆபத்தான உயிரினங்களுக்கான புகலிடமாகவும், மீன் பன்முகத்தன்மை கொண்டதாகவும் உள்ளது. [1]

பாதுகாப்பு[தொகு]

1890 ஆம் ஆண்டில் இப்பகுதி திப்ரு பாதுகாக்கப்பட்ட வனப்பகுதியாக அறிவிக்கப்பட்டது. 1920 ஆம் ஆண்டில், திப்ரு பாதுகாக்கப்பட்ட வனப்பகுதியில் கூடுதல் பகுதி சேர்க்கப்பட்டது. இது 1929 இல், சைகோவா பாதுகாக்கப்பட்ட வனப்பகுதி என அறிவிக்கப்பட்டது. 1933 ஆம் ஆண்டில், திப்ரு பாதுகாக்கப்பட்ட வனப்பகுதியில் இல் அதிக பகுதி சேர்க்கப்பட்டது. 1986 ஆம் ஆண்டில், 650 கிமீ 2 பரப்பளவு முதன்மையாக வனவிலங்கு சரணாலயமாக அறிவிக்கப்பட்டது. அதில் இறுதியாக 340 கிமீ 2 வனவிலங்கு சரணாலயமாக 1995 இல் அறிவிக்கப்பட்டது. 1997 ஆம் ஆண்டில், திப்ரு-சைகோவா உயிர்க்கோள வனப்பகுதி என அறிவிக்கப்பட்டது.. 1999 ஆம் ஆண்டில், 340 கிமீ 2 சரணாலயப் பகுதி தேசிய பூங்காவாக அறிவிக்கப்பட்டது. [2]

அரிதான வெள்ளை இறக்கைகள் கொண்ட மர வாத்துகளின் வாழ்விடத்தை பாதுகாக்க உதவும் வகையில் முதலில் உருவாக்கப்பட்ட இந்த பூங்கா, நீர் எருமை, கருப்பு மார்பக கிளி பில், புலி மற்றும் நீண்டவால் குரங்கு போன்ற பிற அரிய உயிரினங்களுக்கும் சொந்தமானது. இந்தப் பூங்காவில் சில சூழல் தங்கும் விடுதிகளும் உள்ளன .

தாவரங்கள்[தொகு]

திப்ரு-சைகோவாவின் காடு அரை பசுமையான காடுகள், இலையுதிர், கசப்பான மற்றும் சதுப்புநில காடுகள் மற்றும் ஈரமான பசுமையான காடுகளின் திட்டுகளை கொண்டுள்ளது. தேசிய பூங்கா சுமார் 35.84 சதவீதம் ஈரமான கலப்பு காடு, 9.50 சதவீதம் சீரழிந்த காடு மற்றும் 21.25 சதவீதம் புல்வெளியைக் கொண்டுள்ளது. உவா மரம், சோழவேங்கை, கோங்கு, நாகமரம், செசே மரம், மற்றும் அத்தி மரம் ஆகியன. எருவை போன்ற முக்கிய வகைகள் தேசிய பூங்காவில் உள்ளன. [3] 35 வகையான ஒட்டுயிரி மல்லிகைகளும் 8 வகையான நிலப்பரப்பு மல்லிகைகளும் பதிவு செய்யப்பட்டுள்ளன. [4]

விலங்குகள்[தொகு]

பாலூட்டிகள் : 36 வகையான பாலூட்டி இனங்கள் இங்கு பதிவு செய்யப்பட்டுள்ளன, அவற்றில் 12 வனவிலங்கு (பாதுகாப்பு) சட்டத்தின் அட்டவணை 1 இல் பட்டியலிடப்பட்டுள்ளன. [5] உயிரினங்களைக் கொண்டு வங்கப்புலி, இந்திய சிறுத்தை, படை சிறுத்தை, காட்டுப் பூனை, தேன் கரடி, செந்நாய், சிறிய இந்திய புனுகுப் பூனை, மலேய பெரும் அணில், சீன எறும்புண்ணி, கங்கை ஓங்கில், பெரிய தேவாங்கு, பன்றி வால் குரங்கு, அசாமிய குரங்கு, செம்முகக் குரங்கு, நீண்ட வால் குரங்குகள், ஹூலக் கிப்பான், ஆசிய யானை, காட்டுப்பன்றி, கடமான், பன்றி மான், கேளையாடு, ஆசிய நீர் எருமை மற்றும் பெரல் குதிரை போன்றவை. [6]

ஊர்வன : இரண்டு வகையான பெரிய பல்லி, எட்டு ஆமை இனங்கள் மற்றும் எட்டு பாம்பு இனங்கள் பதிவு செய்யப்பட்டுள்ளன.  


இந்தப் பதிவுகளில் பறவைகளும் அடங்கும் பெருநாரை, ஆண் வாத்து, சிலம்பன், பொறி மார்புச் சிலம்பன், பாடும்பறவை, சிறுத்த பெருநாரை, சாரசு கொக்கு, காடை, கூழைக்கடா, வெண்கழுத்து நாரை, கரும் நாரை, கறுப்பு-கழுத்து நாரை, வெள்ளை வயிற்று கொக்கு, அன்றில், சீழ்க்கைச்சிரவி, பட்டைத்தலை வாத்து , பொதுவான வாத்து, வெள்ளை-இறக்கைகள் கொண்ட வாத்து, புள்ளி மூக்கு வாத்து, ஆண் வாத்து, சதுப்புநில கவுதாரி, இமயமலை பிணந்தின்னிக் கழுகு, வெள்ளை வால் கழுகு, அதீனா மீன் கழுகு, சாம்பல் தலை மீன்பிடிக் கழுகு, அதிக புள்ளிகள் கொண்ட கழுகு, வெள்ளை முதுகு பிணந்தின்னிக் கழுகு, மெல்லிய மூக்குக் கழுகு, பருந்து, பூமன் ஆந்தை, மலை இருவாட்சி, புள்ளிச் செங்கால் உள்ளான், கொண்டை நீர்க்காகம், சாம்பல் நாரை, செந்நாரை, இராக்கொக்கு, நத்தை குத்தி நாரை, சாம்பல் நிற வாத்து, ஊசிவால் வாத்து , விரால் அடிப்பான், கொண்டை பாம்புண்ணிக் கொண்டை பாம்புண்ணிக் கழுகு, வெள்ளை இறக்கைகள் கொண்ட மர வாத்து, வெளிறிய - மூடிய புறா போன்ற பறவையினங்கள இங்கு காணப்படுகின்றன. [7]  


குறிப்புகள்[தொகு]

  1. Choudhury, A. U. (1998). "Mammals, birds and reptiles of Dibru-Saikhowa Sanctuary, Assam, India". Oryx 32 (3): 192–200. doi:10.1046/j.1365-3008.1998.d01-36.x. 
  2. Choudhury, A.U. (2009). The genesis of a national park. In Incredible Dibru–Saikhowa National Park. Dwivedi, K.K. (ed.). Dibru–Saikhowa Conservation Society, Tinsukia, India. Pp. 6-11.
  3. "Dibru Saikhowa Wildlife Sanctuary - Information, Safari and Tours - Wildlife of India".
  4. Khyanjeet Gogoi (January 2010). "Orchid flora of Dibru –Saikhowa National Park and Biosphere Reserve, Assam, India".
  5. Duttai, R. (2014). "Floodwaters force animals to flee Dibru-Saikhowa National Park - Times of India". The Times of India.
  6. Bhuyan, A. (2011). "Warhorses Gone Wild". Open Media Network Pvt. Ltd..
  7. https://www.kaziranga-national-park.com/dibru-saikhowa-national-park.shtml

வெளி இணைப்புகள்[தொகு]