திபெத்து அருங்காட்சியகம் (தரம்சாலா)

திபெத்து அருங்காட்சியகம்
Tibet Museum

བོད་ཀྱི་འགྲེམས་སྟོན་ཁང་།་
நிறுவப்பட்டது	5 அக்டோபர் 1999
அமைவிடம்	தரம்சாலா, இந்தியா
சேகரிப்பு அளவு	தோராயமாக 30,000 புகைப்படங்கள்

திபெத்து அருங்காட்சியகம் (Tibet Museum ) திபெத்தின் மத்திய நிர்வாகத்தின் தகவல் மற்றும் பன்னாட்டு உறவுகள் துறையின் அதிகாரப்பூர்வ அருங்காட்சியகமாகும். 14 ஆவது தலாய் லாமா, சுக்லாக் காங்கின் பிரதான கோவிலுக்கு அருகில், தரம்சாலா புறநகர்ப் பகுதியான மெக்லியாட் கஞ்சில் அமைந்துள்ளது. திபெத்தின் ஆக்கிரமிப்பு மற்றும் சீனாவால் நடந்து வரும் மனித உரிமை மீறல்கள் பற்றிய விழிப்புணர்வை ஏற்படுத்தும் அதே வேளையில் திபெத்திய வரலாறு மற்றும் கலாச்சாரம் பற்றிய அறிவைப் பரப்புவதை நோக்கமாகக் கொண்டுள்ளது. 1998 ஆம் ஆண்டு நிறுவப்பட்ட திபெத் அருங்காட்சியகத்தில் இப்போது 30,000 புகைப்படங்கள், பயணக் கண்காட்சி மற்றும் இமயமலைத் தொடர்களில் நாடுகடத்தப்பட்ட திபெத்திய பயணத்தை ஆவணப்படுத்தும் நிரந்தர கண்காட்சி ஆகியவை அடங்கிய தொகுப்புகள் உள்ளன.

திபெத் அருங்காட்சியகத்தின் நோக்கம் திபெத்திய வரலாறு மற்றும் கலாச்சாரம் தொடர்பான அனைத்து செய்திகளையும் ஆவணப்படுத்துதல், பாதுகாத்தல், ஆராய்ச்சி செய்தல், காட்சிப்படுத்துதல் மற்றும் பொதுமக்களுக்குக் கற்பித்தல் போன்றவையாகும். தொடக்கத்தில் இதற்கு திபெத்திய தேசிய நினைவேந்தல் மற்றும் ஆவணப்படுத்தல் மையம் என்று பெயரிடப்பட்டது, மத்திய திபெத்திய நிர்வாகத்தால் இறுதிக் கருத்து ஏற்றுக்கொள்ளப்படுவதற்கு முன்பு பல்வேறு ஆலோசனைகள் விவாதிக்கப்பட்டன. 30 ஏப்ரல் 2000 அன்று, சுமார் 300 பிரமுகர்கள் மற்றும் தன்னார்வலர்கள் கலந்து கொண்ட விழாவில் 14ஆவது தலாய் லாமா அருங்காட்சியகத்தைத் திறந்து வைத்தார். திபெத் அருங்காட்சியகம் திபெத்தின் வரலாறு மற்றும் அதன் எதிர்காலத்திற்கான தரிசனங்களை உரைகள், புகைப்படங்கள், கணொலிகள் மற்றும் நிறுவல்கள் போன்றவற்றின் மூலம் வழங்குகிறது.