திண்மவட்டு
 2TB கொள்ளளவு கொண்ட 2.5அகலமுள்ள திண்ம வட்டு | |
| திடீர் நினைவகப் பயன்பாடு | |
|---|---|
| Introduced by: | சேன்டிசுக்(SanDisk) |
| Introduction date: | 1991 |
| மூலக் கருத்துரு | |
| By: | Storage Technology Corporation |
| Conceived: | 1978 |
| Capacity: | 45 மெகாபைட்டு |
| 2025 ஆண்டு தகவல்படி.. | |
| Capacity: | 122.88 TB |
திண்மவட்டு (Solid-state drive) என்பது திட-நிலை மேம்பட்டகணியச் சேமிப்பகம் ஆகும். இது தரவை தொடர்ந்து சேமிக்க ஒருங்கிணைந்த மின்னணுச் சுற்றுகளைப் பயன்படுத்துகிறது.[1] இந்த மேம்பட்ட கணினி வன்பொருள், இதற்கு முன்னுள்ள வன்வட்டு போலச் சுழலும் காந்தத் தட்டுகளோ அல்லது இயங்கும் இயந்திரப் பாகங்களோ இல்லாமல், ஒருங்கிணைந்த மின்னணுச்சுற்றுகளைக் கொண்டு இயங்குகிறது. திடீர்(flash) நினைவகத் தொழில்நுட்பத்தைப் பயன்படுத்திச் செயல்படும் இந்த இயக்கிகள், தரவுகளை மிக விரைவாகப் படிக்கவும், எழுதவும் திறனைக் கொண்டுள்ளன. இயந்திரப் பாகங்கள் இல்லாததால், இது குறைவான மின்சாரத்தை நுகர்வதோடு,[2] அதிக நம்பகத்தன்மையையும், அதிர்வுகளைத் தாங்கும் ஆற்றலையும் வழங்குகிறது. இதன் பயன்பாடு கணினிகளின் ஒட்டுமொத்த வேகத்தைப், பன்மடங்கு அதிகரிப்பதோடு பல புதியக் கருவிகளின் அடிப்படைத் தேவையாகவும் இது மாறிவிட்டது. எனவே இன்றைய காலகட்டத்தில், இது ஒரு தவிர்க்க முடியாத மின்னணுப் பொருளாக, பல கணியக் கருவிகளில் பயன்படுத்தப்படுகிறது.
இயங்கும் முறை
[தொகு]திண்மநிலை இயக்கிகள் முதன்மையாக 'நான்டு' (NAND) திடீர்(flash) நினைவகச் சில்லுகளைப் பயன்படுத்தித் தரவுகளைச் சேமிக்கின்றன. இதில் உள்ள மின்கலங்கள் மூலம் தரவுகள் இரும எண்களாகத் தொடர்ச்சியாகச் சேமிக்கப்படுகின்றன. இந்த இயக்கிகளில் உள்ள கட்டுப்பாட்டகம் எனப்படும், ஒரு தனிச் செயலி கணினிக்கும், நினைவகத்துக்கும் இடையிலான தரவுப் பரிமாற்றத்தை மிகத் துல்லியமாக நிர்வகிக்கிறது. மின்கலங்களில் தரவுகளைச் சேமிக்கும் அளவைப் பொறுத்து, இவை ஒரு நிலை (SLC), பல்நிலை (MLC) மற்றும் முந்நிலை (TLC) மின்கலங்கள் எனப் பல வகைகளாகப் பிரிக்கப்படுகின்றன.
இத்தகைய ஒருங்கிணைந்த மின்சுற்றுகளின் வாயிலாக மின்னணு முறையில் தரவுகள் நேரடியாகவும் உடனடியாகவும் அணுகப்படுவதால் தரவுப் பரிமாற்ற வேகம் வியக்கத்தக்க வகையில் உயர்கிறது.[3] மேலும், இத்தகைய நுட்பமான அமைப்பினால் தரவுகளுக்கான வாசிப்பு நேரமும், எழுதும் நேரமும் கணிசமாகக் குறைக்கப்படுகிறது. இக்காரணங்களால், இவை கணினிகளிலும் தரவு வழங்கிகளிலும் பெருமளவில் பயன்படுத்தப்படுகின்றன.
இடைமுகங்களும், படிவக் காரணிகளும்
[தொகு]திண்மநிலை இயக்கிகள் பல்வேறு வடிவங்களிலும், பலவிதமான இணைப்புக் கோபுரங்களிலும் கிடைக்கின்றன. தொடக்கக் காலத்தில் வன்வட்டுகளின் அதே வடிவமைப்பைக் கொண்டு, சாட்டா (SATA) இடைமுகத்தின் மூலம், இவை கணினிகளுடன் இணைக்கப்பட்டன. இதனால் பழைய கணினிகளிலும், இவற்றை எவ்விதச் சிக்கலுமின்றி எளிதாகப் பொருத்த முடிந்தது. ஆனால், அதன் பிறகு ஏற்பட்ட அசுர தொழில்நுட்ப வளர்ச்சியின் காரணமாக, புதிய மிகச் சிறிய வடிவங்களில் பல்வேறு இயக்கிகள் சந்தையில் அறிமுகப்படுத்தப்பட்டன[4]
தற்போது என்.வி.எம்.இ (NVMe) என்ற நவீனத் தொழில்நுட்பத்தின் வாயிலாகப் பி.சி.ஐ எக்ஸ்பிரஸ் (PCIe) இடைமுகங்களைப் பயன்படுத்தி, இவை மிக அதிக வேகத்தில் தரவுகளைப் பரிமாறுகின்றன. இத்தகைய சிறிய படிவக் காரணிகளால், மடிக்கணினிகளின் ஒட்டுமொத்த எடையும், தடிமனும் வெகுவாகக் குறைக்கப்பட்டுள்ளன. பயனர்களின் பல்வேறுபட்ட தேவைக்கேற்பவும், அதிநவீனக் கணினிகளின் கட்டமைப்புக்கு ஏற்பவும், பலவிதமான தனி வடிவமைப்புகளில் இந்த இயக்கிகள், உலகளாவிய சந்தையில் தாராளமாகக் கிடைக்கின்றன.
எதிர்கால வளர்ச்சி
[தொகு]இன்றைய நவீனத் தொழில்நுட்ப உலகில் திண்மநிலை இயக்கிகளின் பயன்பாடு, அத்தியாவசியமான ஒன்றாக மாறிவிட்டது. தனிநபர் கணினிகள் மெல்லிய மடிக்கணினிகள் மட்டுமின்றி, மீத்திறன் கணினிகள், பெரிய தரவு மையங்களிலும் இவை பரவலாகப் பயன்படுத்தப்படுகின்றன. இவற்றின் எடைக் குறைவு. உறுதித்தன்மை காரணமாக இராணுவத் தளவாடங்களிலும், விண்வெளி ஆராய்ச்சிக் கருவிகளிலும் முக்கியப் பங்கு வகிக்கின்றன[5]
எதிர்காலத்தில் அதிகத் தரவுகளை, மிகக் குறைந்த இடத்தில் சேமிக்கும் வகையில் முப்பரிமாண (3D XPoint) தொழில்நுட்பங்கள் மூலம், திண்மநிலை இயக்கிகள் மேலும் சிறப்பாக மேம்படுத்தப்பட்டு வருகின்றன. ஒவ்வொரு நாளும், புதிய கண்டுபிடிப்புகள் நிகழ்ந்து வருவதால் இதன் தரவுப் பரிமாற்ற வேகம் தொடர்ந்து அதிகரித்துக்கொண்டே செல்கிறது. அதே வேளையில் இதன் உற்பத்திச் செலவு வருங்காலத்தில் முழுமையாகக் குறைந்து, எளிய பயனர்கள் அனைவரையும் எளிதில் சென்றடையும் எனப் பல தொழில்நுட்ப வல்லுநர்களால் உறுதியாக எதிர்பார்க்கப்படுகிறது.
மேற்கோள்கள்
[தொகு]- ↑ Whittaker, Zack. "Solid-State Disk Prices Falling, Still More Costly than Hard Disks". Between the Lines. ZDNet. Archived from the original on 2 December 2012. Retrieved 14 December 2012.
- ↑ "SSD Power Savings Render Significant Reduction to TCO" (PDF). STEC, Inc. Archived from the original (PDF) on 2010-07-04. Retrieved October 25, 2010.
- ↑ Odagiri, Hiroyuki; Goto, Akira; Sunami, Atsushi; Nelson, Richard R. (2010). Intellectual Property Rights, Development, and Catch Up: An International Comparative Study. Oxford University Press. pp. 224–227. ISBN 978-0-19-957475-9.
- ↑ Downing, Shane (February 20, 2024). "Crucial T705 2TB SSD Review: The Fastest SSD on The Planet". Tom's Hardware. Retrieved June 21, 2024.
- ↑ Drossel, Gary (February 2007). "Solid-state drives meet military storage security requirements". Military Embedded Systems. http://www.mil-embedded.com/pdfs/Memtech.Feb07.pdf. பார்த்த நாள்: June 13, 2010.