தாரா கல்யாண்
தாரா கல்யாண் | |
|---|---|
| பிறப்பு | தாரா 1 நவம்பர் 1967 திருவனந்தபுரம், கேரளம், இந்தியா |
| தேசியம் |  இந்தியா |
| பணி |
|
| செயற்பாட்டுக் காலம் | 1986 – தற்போது வரை |
| பெற்றோர் |
|
| வாழ்க்கைத் துணை | இராஜாராம் (death 2017) |
| பிள்ளைகள் | சௌபாக்யா |
தாரா கல்யாண் (Thara Kalyan) (1 நவம்பர், 1967 ) ஓர் இந்தியப் பாரம்பரிய நடனக்கலைஞரும், மலையாளத் திரைப்பட நடிகையுமாவார். இவர் மலையாளத் திரைப்படங்கள், தொலைக்காட்சி திரைப்படங்கள், தொலைக்காட்சி நாடகத் தொடர்கள் போன்றவற்றில் நடித்து வருகிறார்.[1] பரதநாட்டியம், மோகினியாட்டம், குச்சிப்புடி ஆகியவற்றில் தொழில்முறை நடனக் கலைஞராகவும் உள்ளார். இவர் தூர்தர்ஷனின் மோகினியாட்ட 'ஏ உயர்தர'க் கலைஞராவார்.
அம்மா (ஓ. என். வி. குறுப்பு), கருணா (குமரன் ஆசான்), பூதப்பாட்டு, யசோதரா, அனார்கலி போன்ற கருப்பொருள்களில் இவரது மோகினியாட்டப் படைப்பாற்றலில் முதன்மையானவராக அறியப்படுகிறார். "தாத்ரி குட்டி" என்ற இவரது சமீபத்திய படைப்பு மோகினியாட்டத்தின் வரலாற்றில் முதன்முதலில் வலுவான பெண்ணை சித்தரித்து, துணிச்சலுடன் குரல் எழுப்பியது. இவர், திருவனந்தபுரத்தில் ஒரு நடன நிறுவனத்தை நடத்தி வருகிறார்.
சொந்த வாழ்க்கை
[தொகு]மலையாளத் திரையுலகில் துணை வேடங்களில் நடித்து வரும் சுப்பலட்சுமி - கல்யாணகிருஷ்ணன் தம்பதியினருக்கு ஒரு கேரள ஐயர் குடும்பத்தில் பிறந்தார்.[2] 2017இல் இறந்த இவரின் கணவர் இராஜாராம் தொலைக்காட்சித் தொடர்களில் சிறு வேடங்களில் நடித்து வந்தார். மேலும் நகர உள்ளூர் தொலைக்காட்சியில் நிரல் ஆசிரியராகவும், உள்ளூர் மேடை நிகழ்ச்சியில் நடன இயக்குனராகவும் இருந்தார்.[3] தாராவும் ஒரு நிகழ்ச்சித் தொகுப்பாளராக இருக்கிறார். மேலும் தூர்தர்ஷனில் சில திட்டங்களை தொகுத்துள்ளார். கைரளி தொலைக்காட்சியில் உண்மைநிலை நிகழ்ச்சியான "பாட்டுருமாள்" என்ற நிகழ்ச்சியின் நடுவராகவும் இருந்துள்ளார். இவர் அழகுப் போட்டியிலும் வென்றுள்ளார். 1983 ஆம் ஆண்டில் "மிஸ் திருவனந்தபுரம்" பட்டத்தைப் பெற்றார்.
மேற்கோள்கள்
[தொகு]- ↑ "Thara Kalyan". Retrieved 2 June 2016.
- ↑ "Mothers deserve all honour: artiste - KERALA". The Hindu. 2011-05-09. Retrieved 2016-06-02.
- ↑ www.colorvibes.in (2013-09-04). "Chatting with Dr Thara Kalyan; The dancer, actress and teacher". Pravasi Express. Archived from the original on 2014-10-20. Retrieved 2016-06-02.