தாஜ் சமுத்ரா
 | |
 தாஜ் சமுத்ரா ஹோட்டல் இந்தியப் பெருங்கடலை நோக்கியவாறு, காலி ஃபேஸ் கிரீன் (Galle Face Green) பகுதிக்கு எதிரே அமைந்துள்ளது. | |
| வகை | பொது |
|---|---|
| முதன்மை நபர்கள் |
|
| தொழில்துறை | விருந்தோம்பல் |
| வருமானம் |  LKR 2,361 மில்லியன் |
| இயக்க வருமானம் | LKR 550 மில்லியன் |
| நிகர வருமானம் | LKR 1,291 மில்லியன் |
| மொத்தச் சொத்துகள் | ▼ LKR 5,129 மில்லியன் |
| மொத்த பங்குத்தொகை | ▼ LKR 1,488 மில்லியன் |
| பணியாளர் | 601 |
தாஜ் சமுத்ரா (Taj Samudra), இலங்கையின் கொழும்பில் அமைந்துள்ள ஓர் ஐந்து நட்சத்திர சொகுசு விடுதியாகும். 1982 முதல் கொழும்பு பங்குச் சந்தையில் பட்டியலிடப்பட்டுள்ள இந்நிறுவனத்தின் பெரும்பான்மையான பங்குகளை 'தாஜ் ஹோட்டல்ஸ்' நிறுவனம் வைத்துள்ளது. இந்தியப் பெருங்கடலை நோக்கியவாறு, கால் ஃபேஸ் கிரீன்' பகுதிக்கு நேர் எதிரே இந்த விடுதி அமைந்துள்ளது. கொழும்பு நகரில் உள்ள மிகப் பழமையான ஐந்து நட்சத்திர விடுதிகளில் இதுவும் ஒன்றாகும்.[1] 2021-ஆம் ஆண்டிற்கான இலங்கையின் மிகவும் மதிப்புமிக்க 100 வர்த்தகப் பெயர்களில் தாஜ் சமுத்ரா 78-வது இடத்தைப் பிடித்ததாக 'பிராண்ட் ஃபைனான்ஸ்' நிறுவனம் தரவரிசைப்படுத்தியுள்ளது.[2]
வரலாறு
[தொகு]இவ்விருதி நிறுவனம் 1980-இல் நிறுவப்பட்டது; 1982-இல் கொழும்பு பங்குச் சந்தையில் பட்டியலிடப்பட்டது. 1992 நவம்பர் 16 அன்று, இவ்விருதிக்கு முன்னால் நடத்தப்பட்ட தற்கொலைப்படை குண்டுவெடிப்பில் இலங்கை கடற்படைத் தளபதி அட்மிரல் கிளான்சி பெர்னாண்டோ கொல்லப்பட்டார்.[3] அச்சமயத்தில் நியூசிலாந்து தேசிய கிரிக்கெட் அணி இவ்விருதியில் தங்கியிருந்தது.[4] 20 மில்லியன் அமெரிக்க டாலர் மதிப்பிலான புனரமைப்புப் பணிகளுக்குப் பிறகு, இவ்விருதி மார்ச் 2018-இல் மீண்டும் திறக்கப்பட்டது. விடுதியில் தங்கும் வாடிக்கையாளர்களின் விகிதத்தை 5 முதல் 8 சதவீதம் வரை அதிகரிக்கும் நோக்கத்துடன், 71 அறைகள் மற்றும் 15 'சூட்' அறைகள் புதுப்பிக்கப்பட்டன.[5] தாஜ் சமுத்ரா தொடர்ந்து ஐந்து ஆண்டுகளாக "பணியாற்றுவதற்குச் சிறந்த இடம்" என அங்கீகரிக்கப்பட்டுள்ளது. இருப்பினும், 2018-இல் மேற்கொள்ளப்பட்ட ஓர் ஆய்வின்படி, தாஜ் சமுத்ராவில் பணியாளர்கள் வெளியேறும் விகிதம் அதிகரித்திருந்தது தெரியவந்தது.[6]
ஈஸ்டர் குண்டுவெடிப்புகள்
[தொகு]முதன்மைக் கட்டுரை: 2019 இலங்கை ஈஸ்டர் குண்டுவெடிப்புகள்
[தொகு]ஈஸ்டர் குண்டுவெடிப்புகளை நடத்தியவர்களில் ஒருவரான அப்துல் லத்தீஃப் முகமது ஜமீல், தனது குண்டை வெடிக்கச் செய்வதில் தோல்வியடைந்தார். விடுதியின் காலை உணவு வழங்கும் இடமே இவரது இலக்காக இருந்தது. அதற்குப் பதிலாக, அவர் டெஹிவலா-மவுண்ட் லாவினியாவில் உள்ள ஒரு தங்கும் விடுதியில் குண்டை வெடிக்கச் செய்தார்.[7] அந்த நபர் காலை 08:32 மணிக்கு 'போர்ட்ஸ் ஆஃப் கால்' உணவகத்திற்குள் நுழைந்தார். இவர் பதற்றத்துடன் காணப்பட்டதையும், ஏதோ செய்ய முயன்றதையும் சிசிடிவி காட்சிகள் காட்டின. சிறிது நேரத்திற்குப் பிறகு, இவர் ஒரு முதுகுப்பையையும் சக்கரங்கள் கொண்ட பயணப் பெட்டியையும் எடுத்துக்கொண்டு விடுதியை விட்டு வெளியேறினார்.[8]
கோவிட்-19 பெருந்தொற்று
[தொகு]2020 நவம்பரில், தாஜ் சமுத்ராவின் பணியாளர்கள் நால்வருக்கு கோவிட்-19 தொற்று இருப்பது உறுதி செய்யப்பட்டது.[9] 2021-ஆம் ஆண்டு நடைபெற்ற இலங்கைச் சுற்றுப்பயணத்தின்போது, இந்தியத் தேசிய கிரிக்கெட் அணி 'தாஜ் சமுத்ரா' ஹோட்டலில் தங்கியிருந்தது. அணிக்காக அந்த ஹோட்டல் முழுவதுமே முன்பதிவு செய்யப்பட்டிருந்த போதிலும், அணியின் வீரர்களில் ஒருவரான க்ருனால் பாண்டியாவுக்கு கோவிட்-19 தொற்று இருப்பது உறுதி செய்யப்பட்டது.[10]
மேற்கோள்கள்
[தொகு]- ↑ "Taj Samudra Colombo, Sri Lanka". telegraph.co.uk. Telegraph Media Group. Retrieved 14 August 2021.
- ↑ "Sri Lanka 100 2021 Ranking". brandirectory.com. Brand Finance. Retrieved 14 August 2021.
- ↑ A. H. M., Razeek. "Remember a true patriot, great officer and gentleman". The Sunday Times. Wijeya Newspapers. Retrieved 14 August 2021.
- ↑ Clementine, Rex (13 August 2021). "How Kiwis bailed Sri Lanka out of cricketing isolation". island.lk (The Island). https://island.lk/how-kiwis-bailed-sri-lanka-out-of-cricketing-isolation/.
- ↑ Jayaram, Pradipti (12 March 2018). "Refurbished Taj Samudra targets business travellers to Sri Lanka". BusinessLine (The Hindu). https://www.thehindubusinessline.com/companies/refurbished-taj-samudra-targets-business-travellers-to-sri-lanka/article23153622.ece.
- ↑ Goonetileke, M.D.N.A.; Samarasinghe, H.M.U.S.R. (November 2019). "Impact of Motivational Factors on Employee Turnover Intention in Taj Samudra, Colombo". Global Journal of Management and Business Research: Administration and Management 19 (12). பன்னாட்டுத் தர தொடர் எண்:2249-4588. https://www.researchgate.net/publication/337274312. பார்த்த நாள்: 14 August 2021.
- ↑ Pal, Alasdair; Aneez, Shihar (26 April 2019). "The Western-educated bomber who botched Sri Lanka hotel attack". reuters.com (Reuters). https://www.reuters.com/article/us-sri-lanka-blasts-bomber-idUSKCN1S21PE.
- ↑ "Details of attempted terror attack at Taj Samudra revealed at PCoI". adaderana.lk (Ada Derana). 25 May 2020. http://www.adaderana.lk/news/64024/details-of-attempted-terror-attack-at-taj-samudra-revealed-at-pcoi.
- ↑ "Statement from Taj Samudra, Colombo". adaderana.lk (Ada Derana). 13 November 2020. http://bizenglish.adaderana.lk/statement-from-taj-samudra-colombo/.
- ↑ Dhyani, Kunal (28 July 2021). "ND vs SL 2nd T20 postponed: Entire Taj Samudra booked for Team India, BCCI & SLC confused how Krunal Pandya tested COVID positive". IndiaSport. https://www.insidesport.co/ind-vs-sl-2nd-t20-postponed-entire-taj-samudra-booked-for-team-india-bcci-slc-confused-how-krunal-pandya-tested-covid-positive/.