தர்மசேன பத்திராஜா
| தர்மசேனா பத்திராஜா Dharmasena Pathiraja | |
|---|---|
 | |
| பிறப்பு | 28 மார்ச்சு 1943 கண்டி, இலங்கை |
| இறப்பு | 28 சனவரி 2018 |
| தேசியம் | இலங்கையர் |
| கல்வி | இளங்கலை, முதுகலை, முனைவர் |
| படித்த கல்வி நிறுவனங்கள் | கண்டி தர்மராஜா கல்லூரி, பேராதனைப் பல்கலைக்கழகம், மொனாஷ் பல்கலைக்கழகம் |
| பணி | பல்கலைக்கழகப் பேராசிரியர், திரைப்பட இயக்குனர் |
தர்மசேன பத்திராஜா (Dharmasena Pathiraja, மார்ச் 28, 1943 - சனவரி 28, 2018) இலங்கை சிங்களத் திரைப்பட இயக்குனரும், கல்வியாளரும் ஆவார். பொன்மணி என்ற தமிழ்த் திரைப்படம் உட்பட ஏறத்தாழ பத்து முழுநீளத் திரைப்படங்கள், ஏழு ஆவணப் படங்கள், பதினொரு தொலைக்காட்சி நாடகங்கள் இவரது படைப்புகளாகும்.
வாழ்க்கைச் சுருக்கம்[தொகு]
கண்டி தர்மராஜா கல்லூரியில் கல்வி பயின்ற தர்மசேனா பேராதனைப் பல்கலைக்கழகத்தில் 1967 இல் சிங்களம், மற்றும் மேற்கத்தைய கலாசாரத்தில் சிறப்பு இளங்கலைப் பட்டம் பெற்றார். பின்னர் நாடகத்துறை, மற்றும் நிகழ்கலையில் விரிவுரையாளராகப் பணியாற்றினார்.[1] ஆத்திரேலியா, மொனாசுப் பல்கலைக்கழகத்தில் வங்காளத் திரைப்படத்துறை குறித்த ஆய்வை மேற்கொண்டு கலாநிதி பட்டம் பெற்றார்.[2]
தர்மசேன பத்திராஜா களனிப் பல்கலைக்கழகத்தில் உதவி விரிவுரையாளராகப் பணியைத் திடங்கியவர், பின்னர் யாழ்ப்பாணப் பல்கலைக்கழகம், றுகுணு பல்கலைக்கழகம், கொழும்பு பல்கலைக்கழகம் ஆகியவற்றில் விரிவுரையாளராகவும், இலங்கை ஊடகப்பயிற்சி நிறுவனத்தின் தலைவராகவும் பணியாற்றினார்.[3]
திரைப்படத் துறையில்[தொகு]
பத்திராஜா 1970 ஆம் ஆண்டில் சத்தூரோ என்ற பெயரில் 10-நிமிடக் குறும்படம் ஒன்றைத் தயாரித்தார். நான்கு ஆண்டுகளின் பின்னர் ஆகாசு கௌவா என்ற முழுநீள சிங்களத் திரைப்படத்தை இயக்கி வெளியிட்டார். இது அவருக்குப் பல திரைப்பட விருதுகளைப் பெற்றுக் கொடுத்தது.[1] 1975 இல் வெளியான "பெரிய பையனாக வருவது எப்படி" (எயா தன் லொக்கு லமயாக்) திரைப்படம் மாஸ்கோ 9வது பன்னாட்டுத் திரைப்பட விழாவில் திரையிடப்பட்டது.[1][4] இவரது பம்பரு அவித் (1978) என்ற திரைப்படம் மாஸ்கோ, லாஸ் ஏஞ்சலஸ் திரைப்பட விழாக்களில் வெளியிடப்பட்டது. இலங்கையில் இத்திரைப்படத்திற்கு சிறந்த இயக்குனர், சிறந்த திரைப்படத்துக்கான சனாதிபதி விருதுகள் கிடைத்தன.[1]
இவர் தயாரித்த பொன்மணி தமிழ்த் திரைப்படம் இந்தியாவில் 1980 இல் பன்னாட்டுத் திரைப்பட விழாவில் திரையிடப்பட்டது.[1]
நூல்கள்[தொகு]
திரையரங்கக் கலை பற்றி இரண்டு நூல்களை எழுதி வெளியிட்டுள்ளார்.[3]
மறைவு[தொகு]
தர்மசேன பத்திராஜா 2018 சனவரி 28 அன்று கண்டியில் உள்ள தனியார் மருத்துவமனை ஒன்றில் காலமானார்.[5][6]
மேற்கோள்கள்[தொகு]
- ↑ 1.0 1.1 1.2 1.3 1.4 Ginger, Edward (2006). "Dharmasena Pathiraja biography". Archived from the original on 2006-02-20. பார்க்கப்பட்ட நாள் 2015-12-27.
- ↑ "MA and PhD theses Completed in Film & TV Studies Culture". 2009. Archived from the original on 2010-06-26. பார்க்கப்பட்ட நாள் 2015-12-27.
- ↑ 3.0 3.1 "யாழ். சர்வதேச திரைப்பட விழாவில் வாழ்நாள் சாதனையாளர் விருது". வீரகேசரி. 9-09-2017.
- ↑ "9th Moscow International Film Festival (1975)". MIFF. Archived from the original on 2013-01-16. பார்க்கப்பட்ட நாள் 2013-01-05.
- ↑ "Veteran film director Dharmasena Pathiraja passed away". கொழும்பு கசெட். 28 சனவரி 2018. பார்க்கப்பட்ட நாள் 28 சனவரி 2018.
- ↑ "Dharmasena Pathiraja passes away aged 74". அத தெரண. 28 சனவரி 2018. பார்க்கப்பட்ட நாள் 28 சனவரி 2018.
வெளி இணைப்புகள்[தொகு]
- Sri Lanka Sinhala Films Database - Dharmasena Pathiraja
- இணையத் திரைப்பட தரவுத்தளத்தில் தர்மசேன பத்திராஜா
- One League of Social Consciousness:Dharmasena Pathiraja Speaks பரணிடப்பட்டது 2010-04-04 at the வந்தவழி இயந்திரம்
- Conversation with Sri Lankan Director Dharmasena Pathiraja பரணிடப்பட்டது 2011-06-14 at the வந்தவழி இயந்திரம்