தமிழரசன் (திரைப்படம்)

தமிழரசன்
திரைப்பட வெளியீடு பதாகை
இயக்கம்	பாபு யோகேஸ்வரன்
தயாரிப்பு	எஸ். கௌசல்யா இராணி
கதை	பாபு யோகேஸ்வரன்
இசை	இளையராஜா
நடிப்பு	சுரேஷ் கோபி விஜய் ஆண்டனி
ஒளிப்பதிவு	ஆர். டி. ராஜசேகர்
படத்தொகுப்பு	ஏ. ல். இரமேசு புவன் சீனிவாசன்
கலையகம்	எசுஎன்எசு மூவிசு
விநியோகம்	சக்தி பிலிம் பாக்டிரி ஜீ5
வெளியீடு	22 ஏப்ரல் 2023 (2023-04-22)
ஓட்டம்	129 நிமிடங்கள்
நாடு	இந்தியா
மொழி	தமிழ்

தமிழரசன் 2023ஆம் ஆண்டு வெளிவந்த அதிரடி பரபரப்பு தமிழ்த் திரைப்படமாகும். இப்படத்தை பாபு யோகேஸ்வரன் எழுதி இயக்கினார்.

கதைச் சுருக்கம்

தமிழரசன் ஒரு இரக்க குணமுள்ள காவல்துறை அதிகாரி. அவரது மகன் பிரபாகர் இருதய மாற்று அறுவை சிகிச்சைக்காக மருத்துவமனையில் அனுமதிக்கப்பட்டுள்ளார். ஆனால் பேராசை கொண்ட மருத்துவமனை ஊழியர்களால் இதய மாற்று அறுவை சிகிச்சை செய்ய புறக்கணிக்கப்படுகிறார். இதனால் தமிழரசன் மருத்துவமனையைக் கைப்பற்றுகிறார். ஆனால் அவர் ஊழல் நிறைந்த மேல்நிலை அதிகாரி டிசிபி ராணா பிரதாப் சிங் மற்றும் அவரது தனிப்பட்ட எதிரிகளிடமிருந்து தடைகளை எதிர்கொள்கிறார்.

நடிகர்கள்

• விஜய் ஆண்டனி - காவல் ஆய்வாளர் தமிழரசன்
• ரம்யா நம்பீசன் - இலீனா
• ராதாரவி - காவல் ஆணையர் சுகுமாரன் இந்தியக் காவல் பணி
• சுரேஷ் கோபி - மருத்துவர் முருகானந்தம்
• சோனு சூத் - துணைக் காவல் ஆணையர் இராணா பிரதாப் சிங் இந்தியக் காவல் பணி
• யோகி பாபு - ஜெர்ரி
• சங்கீதா கிரிஷ் - பத்மா சீனிவாசன்
• கஸ்தூரி - ஜகதீஸ்வரி
• சாயா சிங் - மருத்துவர்
• ஒய். ஜி. மகேந்திரன் - அர்தநாரி
• முனீஷ்காந்த் ராமதாஸ் - கணேஷ் குமார்
• ரோபோ சங்கர் - நம்பிராஜன்
• கௌதம் சுந்தர்ராஜன் - காவல் அதிகாரி
• சென்றாயன் - தூனுந்து ஓட்டுநர்
• அஷ்வின் ராஜா- வெற்றிவேல்
• ஜாங்கிரி மதுமிதா - செவிலியர்
• சிங்கம்புலி - உப்பிலியப்பன்
• கஞ்சா கறுப்பு - கண்ணன்
• இராசேந்திரன் - முத்துப்பாண்டி
• மனோபாலா - ஆதிமூலம்

இசை

தமிழரசன்
இசை இளையராஜா
வெளியீடு	25 பெப்ரவரி 2023
ஒலிப்பதிவு	2019–2020
இடம்	சத்தியம் திரையரங்கம் சென்னை
ஸ்டுடியோ	திவோ
இசைப் பாணி	ஒலிச்சுவடு
நீளம்	32:42
மொழி	தமிழ்
இசைத்தட்டு நிறுவனம்	திவோ
இசைத் தயாரிப்பாளர்	இளையராஜா
இளையராஜா காலவரிசை
விடுதலை பகுதி 1 (2023) தமிழரசன் (2023) கஸ்டடி (2023)

இளையராஜா இத்திரைப்படத்திற்கு இசையமைத்தார்

#	பாடல்	வரிகள்	பாடகர்(கள்)	நீளம்
1.	"தமிழனோட வீரமெல்லாம்"	ஏஆர்பி ஜெயராம்	சித் ஸ்ரீராம்	5:04
2.	"யாவும் யாவுமே"	ஏஆர்பி ஜெயராம்	வி. வி. பிரசண்ணா, விபாவாரி	5:08
3.	"பாக்குறப்போ பாக்குறப்போ"	ஏஆர்பி ஜெயராம்	இளையராஜா, நீத்தி மோகன்	5:12
4.	"நீதான் என் கனவு"	பழனி பாரதி	எஸ். பி. பாலசுப்பிரமணியம்	4:19
5.	"பொறுத்தது போதும்"	ஏஆர்பி ஜெயராம்	கே. ஜே. யேசுதாஸ்	4:31
6.	"தமிழரசன் (தலைப்பு பாடல்)"	மதன் கார்க்கி	யோகி பி, சூசன், நகசு ஆசிசு	3:28
7.	"தமிழன் டா"	மதன் கார்க்கி	நகசு ஆசிசு, அர்ஜுன் சாண்டி	5:00
மொத்த நீளம்:				32:42

விமர்சனங்கள்

தினமலர் நாளிதழில் வந்த விமர்சனத்தில், "மருத்துவமனையில் உள்ளவர்களை விஜய் ஆண்டனி பிணயக் கைதியாக பிடித்து வைத்ததுமே, படம் இப்படித்தான் போய் முடியும் என நம்மால் யூகித்துவிட முடிகிறது. அதுவரையிலான அவருடைய போராட்டத்தில் பாசப் போராட்டம்தான் அதிகம் இருக்கிறது. வேறு எந்த ஒரு அதிரடியும் இல்லாததால் சுவாரசியமாக ரசிக்க முடியவில்லை" என்று எழுதி மதிப்பீடுகளை வழங்கினர்.

ஆனந்த விகடன் நாளிதழில் வந்த விமர்சனத்தில், "தன் மகனைக் காப்பாற்ற மருத்துவமனையையே விஜய் ஆண்டனி தன் கட்டுப்பாட்டுக்குள் கொண்டுவரும் காட்சிகளில் ஏராளமான லாஜிக் குறைபாடுகள் என்றால் இறுதியில் வில்லன்கள் அனைவரும் வரிசைகட்டி ஒவ்வொருவராகத் திருந்துவதெல்லாம் செம போங்கு பாஸ். எதை முதன்மைப்படுத்திச் சொல்வது, அதை எப்படிச் சொல்வது என்பதில் தடுமாறி நிற்கிறான் தமிழரசன்" என்று எழுதி 38/100 மதிப்பெண்கள் வழங்கினர்.

வெளியிணைப்புகள்

• இணையதள திரைப்பட தரவுத்தளத்தில் தமிழரசன் (திரைப்படம்)