தண்ணீர்ப் பன்னா
| தண்ணீர்ப் பன்னா | |
|---|---|
| |
உயிரியல் வகைப்பாடு 
| |
| Unrecognized taxon (fix): | Synodus |
| இனம்: | வார்ப்புரு:Taxonomy/SynodusS. foetens
|
| இருசொற் பெயரீடு | |
| Synodus foetens (Linnaeus, 1766) | |
தண்ணீர்ப் பன்னா அல்லது தண்டிப்பண்ணா, நாக்கண்டம் ( Inshore lizardfish ) என்பது பெரும்பாலும் மேற்கு அட்லாண்டிக்கில் காணப்படும் சினோடோன்டிடே குடும்பத்தைச் சேர்ந்த மீன் இனம் ஆகும்.[1]
விளக்கம்[தொகு]
தண்ணீர்ப் பண்ணா மீன் அதிகபட்ச நீளமாக சுமார் 50 செ.மீ வரை இருப்பது பதிவு செய்யப்பட்டுள்ளது. ஆனால் பொதுவாக இது சுமார் 40 செ.மீ நீளத்திலேயே காண இயலும். இவற்றின் ஆயுட்காலம் ஒன்பது ஆண்டுகள் வரை இருக்கலாம்.[1] இந்த இன மீனின் உடல் சுருட்டு போல நீண்டுள்ளது.[2] இவை அதிகபட்சமாக 900 கிராம் எடை வரை காணப்படுகின்றன.[1] வளர்ந்த மீன்களில் பொதுவாக ஆணை விட பெண் மீன்கள் பெரியவை.[2] இந்த இன மீன்களின் வாயின் வடிவம் பெரியதாகவும், கூர்மையானதாகவும் இருக்கும். மேல் தாடை கண்ணுக்கு அப்பால் நீண்டுள்ளது. இதன் வாய் மட்டுமல்லாமல் வாய் அண்ணத்திலும் பற்கள் உள்ளன. இதன் உடலில் உள்ள பக்கவாட்டு கோடு குறிப்பிடத்தக்க அடையாளமாக கருதப்படுகிறது.[3] அந்த பக்கவாட்டு கோட்டு நீளத்தில் சுமார் 60 செதில்களைக் கொண்டிருக்கும்.[2] தண்ணீர்ப் பண்ணாவுக்கு முதுகு துடுப்புகள் இல்லை, ஆனால் 10-13 முதுகு மென்கதிர்கள் உண்டு. அதேபோல குத முட்கள் இல்லை, 11-13 குத மென் கதிர்கள் உள்ளன.[3] தண்ணீர்ப் பண்ணா மீனின் முதுகுப் பக்கமானது பழுப்பு நிறத்தில் இருந்து ஆலிவ் நிறம் வரை இருக்கும். வயிற்றுப் பக்கம் வெள்ளை முதல் மஞ்சள் வரை இருக்கும். இளம் மீன்களின் உடலில் கரும் புள்ளிகள் இருக்கும், இந்த புள்ளிகள் இவை வளரும்போது குறைகின்றன/இல்லாமல் போகின்றன.
உணவு[தொகு]
தண்ணீர்ப் பண்ணா மீன்கள் பதுங்கியிருந்து வேட்டையாடக்கூடியன. இதன் உணவில் பல்வேறு வகையான மீன்கள் மற்றும் சிறிய முதுகெலும்பற்றவைகளான [1] இறால், நண்டுகள், தலைக்காலிகள் போன்றவை அடங்கும்.[2]
வாழ்விடம்[தொகு]
இந்த மீன்களின் வாழ்விடங்களாக ஆழமற்ற கடலடித் தரைப்பகுதிகளாக உள்ளன. சிறுகுடாக்கள், கடல்புற்களுள்ள பகுதிகள், கழிமுகங்கள், விரிகுடாக்கள் போன்ற பொதுவாக மணல் அல்லது மண் தரைப்பகுதியில் காணப்படுகின்றன.[1] பெரிய மீன்கள் கண்ட திட்டுக்கு மேலே திறந்தவெளி கடலிலும் இருப்பது கண்டறியப்பட்டுள்ளது.[3]
குறிப்புகள்[தொகு]
- ↑ 1.0 1.1 1.2 1.3 1.4 Russell, B., Polanco Fernandez, A., Moore, J. & McEachran, J.D. 2015. Synodus foetens. The IUCN Red List of Threatened Species 2015: e.T16441698A16509727. https://dx.doi.org/10.2305/IUCN.UK.2015-4.RLTS.T16441698A16509727.en. Downloaded on 1 May 2017.
- ↑ 2.0 2.1 2.2 2.3 Harry, Shivrani. "Synodus foetens (Inshore Lizardfish)." The Online Guide to the Animals of Trinidad and Tobago . UWI, 2016. Web. 30 Apr. 2017.
- ↑ 3.0 3.1 3.2 Robins, C.R. and G.C. Ray, 1986. A field guide to Atlantic coast fishes of North America. Houghton Mifflin Company, Boston, U.S.A. 354 p. (Ref. 7251)