தண்ணீர்பாவி கடற்கரை

தண்ணீர்பாவி கடற்கரை
தண்ணீர்பாவி கடற்கரை
	கடற்கரை
	கடற்கரை
அமைவிடம்	பாத்திமா தேவாலயம்
நகரம்	மங்களூர்
நாடு	இந்தியா
பாதுகாப்பு ஏற்பாடுகள் உண்டு	உண்டு
செயல்பாடுகள்	நீச்சல்; அலைச்சறுக்கு;
அரசு
• நிர்வாகம்	மங்களூர் நகர நகராட்சி

தண்ணீர்பாவி கடற்கரை (Tannirbhavi beach) என்பது இந்திய மாநிலமான கருநாடகாவின் மங்களூரில் அமைந்துள்ள ஒரு கடற்கரை ஆகும். கடலோர கர்நாடகாவின் மிகவும் பிரபலமான சுற்றுலா தலங்களில் இதுவும் ஒன்று. கடற்கரையுடன், சுல்தான் பத்தேரி, தன்னிர்பாவி மரப் பூங்கா, முன்மொழியப்பட்ட கடல் அருங்காட்சியகம் ஆகியவை சுற்றுலா தலங்களை ஈர்க்கின்றன. குலூர் பாலத்திற்கு அருகிலுள்ள சாலை மூலமாகவோ அல்லது சுல்தான் பத்தேரியிலிருந்து குருபுரா ஆறு வழியாக படகு மூலமாகவோ இதை அடையலாம். ^[1]

இது மங்களூர் நகரத்தின் பிரபலமான கடற்கரைகளில் ஒன்றாகும். மேலும் பனம்பூர் கடற்கரைக்கு அடுத்தபடியாக பிரபலமாக இரண்டாவது இடத்தில் உள்ளது. இந்தக் கடற்கரையில் பாதுகாப்பு ஏற்பாடுகள், சரியான கழிப்பறைகள், ஒரு வாகன நிறுத்துமிடம், ஓரிரு சிறிய உணவகங்கள் மற்றும் அமருமிடம் போன்ற சில அடிப்படை வசதிகள் உள்ளன. ^[1] ^[2]

கடற்கரையின் நிலப்பரப்பின் மறுபுறத்தில் ஜி.எம்.ஆர் குழுமத்தால் அமைக்கப்பட்ட 220 மெகாவாட் மின் உற்பத்தி நிலையம் உள்ளது. இது மங்களூரிலிருந்து 12 கி.மீ. தூரத்தில் அமைந்துள்ளது .

தண்ணீர்பாவி மரப்பூங்கா[தொகு]

இந்தக் கடற்கரைக்கு அருகில் 15 எக்டேர் பரப்பளவில் ஒரு மரப்பூங்கா அமைக்கப்பட்டுள்ளது. இது கர்நாடக வனத்துறையால் தொடங்கப்பட்டது. மரப்பூங்காவில் மேற்குத் தொடர்ச்சி மலையில் காணப்படும் மர இனங்கள் உள்ளன, மேலும் மரங்கள் / தாவரங்கள் மூலிகை மற்றும் மருத்துவ முக்கியத்துவம் வாய்ந்தவை. - இது துளு நாடு, யக்சகானம், பூட்டா கோலா ^[3] போன்ற கலாச்சாரத்தைச் சித்தரிக்கும் பல்வேறு சிற்பங்கள் செதுக்கப்பட்டுள்ளது.

அணுகல்[தொகு]

இந்தக் கடற்கரை சாலை வழியாக நன்கு இணைக்கப்பட்டுள்ளது, மேலும் சொந்த வாகனத்தில் அல்லது வாடகைக்கு எடுக்கப்பட்ட வாகனத்தில் எளிதில் சென்றடையலாம். மாற்றாக, மங்களூர், பாரத ஸ்டேட் வங்கியிலிருந்து சுல்தான் பத்தேரிக்கு நகர பேருந்து (எண் 16, 16 ஏ) மற்றும் குருபூர் ஆற்றின் குறுக்கே ஒரு படகின் மூலமும் சவாரி செய்யலாம். படகுகளுடன் ஆற்றைக் கடந்த பிறகு, மரங்களுக்கு இடையில் ஒரு வழியைக் கண்டுபிடித்து கடற்கரையை அடையலாம். ^[1]