தச மகா வித்யா

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்

இந்து சமயத்தில் தச மகா வித்யா (Dasha-Mahavidya) என்பது காளி (துர்கா) தேவியின் பத்து உருவங்களை குறிக்கும். மகாவித்யா அல்லது தசமகாவித்யைகள் (பதின்பெருவித்தையர்) என்போர், பத்துத் தேவியரின் குழுமம் ஆகும். அளவற்ற கருணையும் எல்லையில்லாக் குரூரமும்[1] கொண்டவர்களாக, பெண்மையின் பெருந்தெய்வமாகிய பார்வதியின் அம்சங்களாக இவர்கள் விளங்குகின்றனர்.

தச என்றால் பத்து வித்யா என்றால் அறிவு எனப் பொருள். இந்தப் பத்து தேவிகளும் பெண்மையின் சக்தியை தாய்மை முதல் கோபம் வரை அனைத்து வடிவிலும் காட்டுபவர்கள். தசமகா வித்யா தேவிகளின் வருகை சாக்த மார்க்கத்தில் பக்தி என்ற வழியை காட்டியது. உருவாவதும் பெண்ணால், அழிவதும் பெண்ணால் என நம்பும் சாக்தர்கள், இந்த பத்து தேவிகளையும் உளமார வழிபட்டனர். தேவி பாகவத புராணத்தின் கடைசி ஒன்பது அதிகாரங்களில் ஏழாவதான "சண்டி" சாக்தர்களின் "தேவி கீதை" ஆனது. இந்த பத்து தேவிகளில் சில தேவியர் தாந்திரிகர்களால் மட்டும் ஆராதனை செய்யப்படுவர்.

சாக்தத்தின் வரலாற்றில், பெருவித்தையரின் தோற்றமும் வளர்ச்சியும், கி.பி 17ஆம் நூற்றாண்டில் உச்சம் பெற்ற சாக்த பக்தி இயக்கத்தின் முக்கியமான மைல்கற்களாகும். கி.பி ஆறாம் நூற்றாண்டளவில் புராண காலத்தில் தோன்றிய இவ்வழிபாடு, முழுமுதற்கடவுளை, பெண்ணாகப் போற்றியதுடன், தேவி பாகவத புராணம் முதலான நூல்களில், முக்கியமான வழிபாடுகளில் ஒன்றாகக் குறிப்பிடப்பட்டிருக்கிறது. சாக்தத்தின் மையநூலாக மாறிய "தேவி கீதை", இதே நூலின் ஏழாம் காண்டத்தின் இறுதி ஒன்பது அத்தியாயங்களே (31 முதல் 40 வரை) என்பது குறிப்பிடத்தக்கது. [2]

பெயர்க் காரணம்[தொகு]

காளி - பதின்பெருவித்தையரில் முதல்வி

மகாவித்தை என்பது, சங்கதச் சொற்களான "மகா" (பெரும்), "வித்யா" (பெருந்தோற்றம், பேரறிவு, ஞானம்) ஆகியவற்றின் சேர்க்க்கையால் உருவானதாகும்.[2]

பெயர்கள்[தொகு]

"ஒருபெரும் உண்மையே, பத்து திருவடிவங்களில் விளங்குகின்றது. பேரன்னை ஒருத்தியே பத்து பேராளுமைகளாக - பதின்பெருவித்தைகளாகப் போற்றப்படுகிறாள்" என்பது சாக்தரின் நம்பிக்கை.[3]

தச மகா வித்யா தேவிகளின் பெயர்கள்:

  1. காளி – பரம்பொருளின் இறுதி வடிவம். காலத்தின் வடிவானவள்.
  2. தாரா – வழிகாட்டியாகவும் பாதுகாவலியாகவும் விளங்கும் தெய்வம். மோட்சத்தைத் தரும் பேரறிவை வழங்கும் ""நீல சரசுவதி" எனும் பெருந்தெய்வமும் இவளே.
  3. திரிபுரசுந்தரி (ஷோடசி) – மூவுலகிலும் பேரழகி! தாந்திரீக நெறியின் பார்வதி. "மோட்சமுக்தி" என்றெல்லாம் போற்றப்படுபவள்.
  4. புவனேசுவரி – பிரபஞ்ச வடிவாய்த் திகழும் அன்னை வடிவம்
  5. பைரவி – அஞ்சத்தகும் அன்னையின் வடிவம்
  6. சின்னமஸ்தா – தன் தலை தானே அரிந்த தியாகத் திருவுருவம்.[4]
  7. தூமாவதி – இறப்பின் தெய்வம், விதவையாய்க் காட்சியருள்பவள்.
  8. பகளாமுகி – எதிரிகளை அடக்கியாளும் தேவதை
  9. மாதங்கி – இலலிதையின் தலைமை மந்திரிணி
  10. கமலை – தாந்திரீக நெறியின் திருமகள்.

மகாபாகவதபுராணமும் பிரம்மாண்ட புராணமும், "ஷோடசி" என்பதைத் திரிபுர சுந்தரிக்குப் பதிலாகக் கூறுகின்றன.[1] குஹ்யாதிகுஹ்ய தந்திரம் நூல், பதின்பெருவித்தைகளை, திருமாலின் பத்தவதாரங்களுடன் இணைப்பதுடன், அவர்களிலிருந்தே, மால் பத்து அவதாரங்களைக் கொண்டதாக வர்ணிக்கின்றது. ஸ்ரீசக்கரத்தில் இவர்கள் ஆராதிக்கப்படுவதுடன், திரிபுரசுந்தரியை ஆதிபராசக்தியாகப் போற்றுவது சாக்தர் வழக்கு.

உசாவியவை[தொகு]

"https://ta.wikipedia.org/w/index.php?title=தச_மகா_வித்யா&oldid=1923940" இருந்து மீள்விக்கப்பட்டது