டுரோக்கோபோர்

டுரோக்கோபோர்((/ˈtroʊkəˌfɔːr, ˈtrɒ-, -koʊ-/;^[1]^[2] (டுரோகோபோர் (Trochophore) என்றும் உச்சரிக்கப்படுகிறது) என்பது குற்றிலைகள் உடைய மிதவைவாழி கடல் குடம்பி (இளம் உயிரிகள்) களாகும்.

இவற்றின் மேற்பரப்பில் உள்ள குற்றிலைகளை விரைவாக நகர்த்துவதன் மூலம், நீர் அசைவு உருவாக்கப்படுகிறது. இதன் மூலம் தங்கள் இயக்கத்தின் திசையைக் கட்டுப்படுத்துகிறது. இதன் மூலம் இந்த இளம் உயிரிகள் தங்கள் உணவை மிக எளிதாகப் பிடிக்கின்றன.

அமைவு[தொகு]

டுரோகோசூவா உயிரினக் கிளையான, எண்டோபுரொக்ட்சு, மெல்லுடலிகள், வளைதசைப் புழுக்கள், எச்சியுரா, சிபுங்குலா, மற்றும் நெமர்டியாக்களில் இந்த மிதவை உயிரி காணப்படுகிறது. இவை அனைத்தும் ஒன்றிணைந்து லோபோட்ரோகோசோவாவின் ஒரு பகுதியை உருவாக்குகின்றன. இந்த குழுவின் பொதுவான மூதாதையரின் வாழ்க்கைச் சுழற்சியில் டுரோக்கோபோர் இளம் உயிரிகள் ஒருபகுதியாக இருந்திருக்கலாம்.

சொற்பிறப்பியல்[தொகு]

டுரோக்கோபோர் என்ற சொல்லானது பண்டைய கிரேக்கச் சொல்லான τροχός (trókhos) "சக்கர" என்ற அர்த்தத்திலும் φέρω (phérō) - அல்லது φορέω (phoréō) - கொண்டிருக்க, அதாவது, இந்த இளம் உயிரியில் சக்கரம் போன்ற குற்றிலை பட்டைகள் கொண்டிருப்பதால் வந்தது.

உணவுப் பழக்கம்[தொகு]

டுரோக்கோபோர் இளம் உயிரிகள் பெரும்பாலும் மிதவைவாழி ஊட்டம் கொண்டவை ஆகும்; அதாவது, இவை மற்ற மிதவைவாழிகளை உணவாக உட்கொள்கின்றன.

வாழ்க்கைச் சுழற்சி[தொகு]

வளைதசைப்புழுக்களில் பொமடோசெரோஸ் லாமர்கி (குடும்ப செர்பூலிடே) வாழ்க்கைச் சுழற்சியில் பல்வேறு டுரோக்கோபோர் நிலைகள் உள்ளன (படம்: Dமுதல் F வரை):D - ஆரம்ப நிலைE-முழு நிலைF-தாமத நிலை

G-மெட்டாடுரோக்கோபோர்