டாங் வாங்கி

டாங் வாங்கி Dang Wangi
கோலாலம்பூர்
டாங் வாங்கி நகர்ப்பகுதி
ஆள்கூறுகள்: 3°09′23.9″N 101°41′52.2″E
நாடு	மலேசியா
மாநிலம்	கோலாலம்பூர்
நேர வலயம்	மலேசிய நேரம் ஒ.ச.நே + 08:00
அஞ்சல் குறியீடு	50100
தொலைபேசி எண்	+603-207
போக்குவரத்துப் பதிவெண்	W ; V
இணையதளம்	www.dbkl.gov.my

டாங் வாங்கி (மலாய்; ஆங்கிலம்: Dang Wangi; சீனம்: 买个董) என்பது மலேசியா, கோலாலம்பூரில் உள்ள ஒரு முக்கிய நகர்ப்பகுதி ஆகும். இந்த நகர்ப்பகுதி மெர்டேக்கா சதுக்கத்திற்கு வடக்கே அமைந்துள்ளது.

மேலும் கோம்பாக் ஆறு; மற்றும் கிள்ளான் ஆறு ஆகிய ஆறுகளுக்கு இடையே அமைந்துள்ள இந்த நகர்ப்பகுதியின் எல்லைகளாக புக்கிட் நானாஸ்; மற்றும் மேடான் துவாங்கு ஆகிய நகர்ப்பகுதிகள் உள்ளன.

பொது

டாங் வாங்கி எனும் பெயர் மலாக்கா வீரர் ஆங் ஜெபாட் (Hang Jebat) மனைவியின் பெயரில் இருந்து பெறப்பட்டது. இருப்பினும் டாங் வாங்கி சாலை (மலாய்: Jalan Dang Wangi), என்று முன்பு அழைக்கப்பட்ட கேம்பல் சாலைக்கு டாங் வாங்கி நகர்ப்பகுதிக்குப் பெயரிடப்பட்டதாகவும் அறியப்படுகிறது.

இந்த நகர்ப்பகுதியின் மேற்கு முனையில் துவாங்கு அப்துல் ரகுமான் சாலை; மற்றும் கிழக்கு முனையில் அம்பாங் சாலை ஆகிய இரு சாலைகள் உள்ளன.

போக்குவரத்து

5 கிளானா ஜெயா எல்ஆர்டி வழித்தடத்தில் ஒரு பகுதியான  KJ12  டாங் வாங்கி எல்ஆர்டி நிலையம், இந்த நகர்ப்பகுதியின் வடகிழக்குப் பகுதியில் அமைந்துள்ளது. டாங் வாங்கி எல்ஆர்டி நிலையத்தின் அணுகல் நுழைவாயில், மத்திய கோலாலம்பூரின் வடகிழக்கு முனையில் அம்பாங் சாலையில் அமைந்துள்ளது.

டாங் வாங்கிக்கு அருகில் உள்ள புக்கிட் நானாஸ் நகர்ப்பகுதி, அம்பாங் சாலையின் குறுக்காகவும்; மற்றும் கிள்ளான் ஆறு நிலையத்திற்குப் பின்புறமாகவும் உள்ளது.

மேலும் காண்க

• புடு
• மேடான் துவாங்கு
• புக்கிட் நானாஸ்
• பெட்டாலிங் தெரு
• கோலாலம்பூர் மாநகர மையம்