ஜோத்சனா சிறீகாந்த்

ஜோத்சனா சிறீகாந்த்
2011இல் ஒரு நிகழ்ச்சியில்
பிறப்பு	பெங்களூர்
தேசியம்	இந்தியா
அறியப்படுவது	கருநாடக இசை, மேற்கத்திய இசை

ஜோத்ஸ்னா சிறீகாந்த் (Jyotsna Srikanth) இவர் ஓர் இந்திய வயலின் கலைஞரும் மற்றும் இசையமைப்பாளருமாவார். இவர் கருநாடக இசை மற்றும் மேற்கத்திய பாரம்பரிய இசை நிகழ்ச்சிகளை நிகழ்த்துகிறார்.

ஆரம்ப கால வாழ்க்கை

ஜோத்ஸ்னா ஸ்ரீகாந்த் இந்தியாவின் பெங்களூரில் ஒரு ஆந்திர இசைக் குடும்பத்தில் பிறந்தார். இவரது தாயார் இரத்னா சிறீகாந்தையா ஓர் கருநாடக இசைக்கலைஞரும் மற்றும் ஆசிரியரும் ஆவார்.

இசை வாழ்க்கை

பயிற்சி

ஜோத்ஸ்னாவின் இசை பயிற்சி அவரது தாயின் கீழ் ஐந்தாவது வயதில் கருநாடக குரலுடன் தொடங்கியது. இது பயிற்சியின் கடுமையான திட்டமாக இருந்தது. தினமும் ஆறு மணி நேரம் பயிற்சியில் ஈட்பட்டுள்ளார். திருவிழா காலங்களில் இசை நிகழ்ச்சிகளிலிலும் கலந்து கொண்டுள்ளார்.

இவரது ஆறு வயதில், குன்னக்குடி வைத்தியநாதன் என்ற கலைஞரின் வயலின் நிகழ்ச்சியில் கலந்து கொண்டார். இது கருவி மீதான இவரது சொந்த ஆர்வத்தைத் தூண்டியது. பாரம்பரிய இந்திய வயலின் மேதையான ஆர். ஆர். கேசவமூர்த்தியின் கீழ் இவர் பயிற்சியைத் தொடங்கினார். இவரது முதல் தனி இசை நிகழ்ச்சி ஒன்பது வயதில் இருந்தது.

ஒரு முழுமையான வயலின் கலைஞராக திகழ மேற்கத்திய பாரம்பரிய பாணியிலான வயலினைக் கற்றுக்கொள்வதன் அவசியத்தை ஜோத்ஸ்னா உணர்ந்தார். மேலும் பெங்களூர், இசைப்பள்ளி என்ற நிறுவனத்தில் இந்த வகையிலான தனது பயிற்சியைத் தொடங்கினார். பின்னர், மேம்பட்ட பயிற்சிக்காக, குறிப்பிடத்தக்க இந்திய இசையமைப்பாளரான இளையராஜாவுடன் பணிபுரியும் தனி வயலின் கலைஞரான வி. எஸ். நரசிம்மனுடன் பயிற்சி மேற்கொள்ள சென்னை சென்றார். பின்னர், இலண்டன் இசைக் கல்லூரியில் இவர் பட்டம் பெற்றார்.

தொழில்

ஹம்சலேகா மற்றும் இளையராஜா போன்ற திரைப்பட இசையமைப்பாளர்களின் இயக்கத்தில் ஜோத்ஸ்னாவின் இசைக்கான ஆரம்ப முயற்சி திரையுலகில் ஏற்பட்டது. இவரது கணக்கின் படி, இவர் இருநூறுக்கும் மேற்பட்ட தென்னிந்திய படங்களில் வாசித்துள்ளார்.

இவரது திருமணத்தைத் தொடர்ந்து, இவர் இலண்டனுக்குச் சென்றார். அங்கு இவர் ஆவணப்படங்களுக்கான ( டிஸ்கவரி தொலைக்காட்சி மற்றும் நேஷனல் ஜியோகிராஃபிக் தொலைக்காட்சி ), தொலைத்தொடர்கள், இசை, கலை மற்றும் நடனம் உலக விழா, சிவப்பு வயலின் விழா, கிளீவ்லேண்ட் இசைத்திருவிழா மற்றும் பிபிசி ப்ரோம்ஸ் என்ற இசை நிகழ்ச்சி ஆகியவற்றில் இசை நிகழ்ச்சிகளை நிகழ்த்தியுள்ளார்.

ஜோத்ஸ்னா ஜாஸ் மற்றும் இணைவு ஆகியவற்றைச் செய்கிறார். மேலும் ஃப்யூஷன் ட்ரீம்ஸ் என்ற குழுவை அமைத்து நடத்தி வருகிறார். இவர் பாரம்பரிய கிதார் கலைஞரான சைமன் தாக்கர் மற்றும் பிளமேன்கோ / ஜாஸ் கிதார் கலைஞர் எட்வர்டோ நீப்லா ., மற்றும் பேடோ சாக்சபோன் கலைஞர் ரியோ கியாவோ ஆகியோருடன் இணைந்து பணியாற்றியுள்ளார்.

கேம்பிரிட்ஜ் பல்கலைக்கழகம் மற்றும் லிவர்பூல் பல்கலைக்கழகத்தில் இந்திய மற்றும் மேற்கு பாரம்பரிய வயலின் இடையே ஒப்பீட்டு நுட்பங்கள் குறித்து ஜோத்ஸ்னா சொற்பொழிவு செய்துள்ளார்.

வரவிருக்கும் இந்திய கலைஞர்களுக்கு ஐக்கிய இராச்சியத்தில் இசை நிகழ்ச்சிகளை நிகழ்த்த உதவுவதற்காகவும், அத்துடன் தொண்டுகளுக்கு நிதி திரட்டவும் துருவா என்ற அறக்கட்டளையை அவர் நிறுவினார்.

2012 ஆம் ஆண்டில், இவர் இலண்டன் சர்வதேச கலை விழாவை ஏற்பாடு செய்தார். இது கருநாடக, இணைவு, நாட்டுப்புற மற்றும் பால்கன் இசையின் தொடர் நிகழ்ச்சிகளையும், சைப்ரஸ் மற்றும் இந்தியாவிலிருந்து நடன நிகழ்ச்சிகளையும் நடத்தியது.

ஜோத்ஸ்னா தனது கரருநாடக இசை வாழ்க்கையை ஒரு தனிப்பாடகராக திகழ்கிறார். டாக்டர் எம். பாலமுரளிகிருட்டிணா, கத்ரி கோபால்நாத், சித்ரவீணா ரவிகிரண், இரஞ்சனி-காயத்ரி, சுதா ரகுநாதன், ஜெயந்தி குமரேஷ், சஞ்சய் சுப்ரமண்யன் நித்யஸ்ரீ மகாதேவன், ஆர்.கே.ஸ்ரீகண்டன் மற்றும் அருணா சாய்ராம் போன்ற மேதைகளுடன் ஒரு துணையாகவும் இருக்கிறார்.

இவர் தியாகராஜா, புரந்தரதாசர், பாபநாசம் சிவன், அன்னமாச்சார்யார், முத்துசாமி தீட்சிதர், சியாமா சாஸ்திரிகள் மற்றும் மைசூர் வாசுதேவாச்சாரியார் போன்ற இந்திய இசையமைப்பாளர்களின் பாடல்களில் நிபுணத்துவம் பெற்றவர். ஜோத்ஸ்னா லண்டன் சர்வதேச கலை விழாவை நடத்துகிறார் மற்றும் இங்கிலாந்தில் துருவ் ஆர்ட்ஸ் என்ற நிறுவனத்தின் கலை இயக்குநராக உள்ளார்

தனிப்பட்ட வாழ்க்கை

இந்தியாவின் பெங்களூர் மருத்துவக் கல்லூரியில் மருத்துவ நோயியலில் பட்டம் மற்றும் முதுகலை பட்டங்களைப் பெற்ற ஜோத்ஸ்னா ஒரு நோயியல் நிபுணர் ஆவார். கே.வி.சிறீகாந்த் சர்மாவை திருமணம் செய்து கொண்ட இவர், இரண்டு குழந்தைகளைப் பெற்று லண்டனில் வசித்து வருகிறார்.