ஜெர்டான் புதர் வானம்பாடி
| ஜெர்டான் புதர் வானம்பாடி | |
|---|---|
| |
| புதர் வானம்பாடி, சத்தியமங்கலம், தமிழ்நாடு | |
| உயிரியல் வகைப்பாடு | |
| திணை: | விலங்கினம் |
| தொகுதி: | முதுகுநாணிகள் |
| வகுப்பு: | பறவைகள் |
| வரிசை: | பசாரிபார்மிசு |
| குடும்பம்: | அலுடிடே |
| பேரினம்: | மிர்ராப்ரா |
| இனம்: | மி. அபினிசு |
| இருசொற் பெயரீடு | |
| மிர்ராப்ரா அபினிசு பிளைத், 1845 | |
| |
| பரம்பல் அடர் பசுமை நிறத்தில் | |
| வேறு பெயர்கள் | |
| |
ஜெர்டான் புதர் வானம்பாடி (Jerdon's bush lark) என்பது தெற்கு ஆசியாவில் காணப்படும் அலுடிடே குடும்ப பறவைச் சிற்றினம் ஆகும்.
பெயர்கள்[தொகு]
தமிழில் : ஜெர்டான் புதர் வானம்பாடி ஆங்கிலப்பெயர் : Jerdon's Bush lark அறிவியல் பெயர் : மிர்ராப்பா அபினிச[2]
உடலமைப்பு[தொகு]
இதனுடைய உடல் நீளம் 15 செ.மீ. ஆகும். உடலின் மேற்பகுதி செம்பழுப்பாக கருப்புக் கீற்றுக்களுடன் காணப்படும். பறக்கும்போது இறக்கைகளின் செம்பழுப்பு பளிச்செனத் தெரியும். வெளிர் பழுப்பு நிற மார்பில் சிறு முக்கோண வடிவிலான பழுப்புத் திட்டுகள் இருக்கும்.
பரவல்[தொகு]
ஜெர்டன் புதர் வானம்பாடி தென்கிழக்கு இந்தியாவிலும் இலங்கையிலும் பெரிய வரம்பைக் கொண்டுள்ளது. உலக அளவில் 100,000-1,000,000 சதுர கிலோமீட்டர்கள் பரப்பளவில் இவை காணப்படுகிறது என மதிப்பிடப்பட்டுள்ளது.[3] இது அதிகபட்சமாக 1500 m உயரம் வரை பல்வேறு திறந்தவெளி வாழ்விடங்களில் காணப்படுகிறது.[3] தமிழகம் எங்கும் புஞ்சை, நஞ்சை விளைநிலங்களிலும் புல்லும் புதருமான தரிசு நிலங்களிலும் ஜெர்டான் புதர் வானம்பாடியினைக் காணலாம். தனது உடல் நிறத்தோடு ஒட்டி அமைகின்ற செஞ்சரள் கற்களோடு கூடிய செம்மண் நிலத்திலேயே அதிகம் காணக்கூடியது.
உணவு[தொகு]
தரையில் ஓடியபடி புல்விதைகள், வண்டு, புழு பூச்சிகளை இரையாகத் தேடும். புதர்களின் உச்சி, பாறை, தந்திக் கம்பி ஆகியவற்றில் அமர்ந்திருக்கும். ஆண் பறவை திடீரென இறக்கை விரித்து எழுந்து செங்குத்தாக 10மீ உயரம் வரை சுவீர்.. சுவீர்.. சுவீர்.. என மென்குரலில் பாடியபடி சென்று பின் சுற்றிச் சுழன்றபடி கீழே வந்து முன்னிருந்த இடத்தில் அமரும். இனப்பெருக்க காலத்தில் நாள் முழுதும் சில மணித்துளிக்கொரு முறை இப்படிப் பாடிப் பறந்தபடி இருக்கும்.[4]
நடத்தை[தொகு]
இதனுடைய ஓசை, பறக்கும் முறை இந்திய புதர் காடைப் போன்றது. இருப்பினும், மேற்கூறிய இனங்கள் போலல்லாமல், ஜெர்டன் புதர் காடை பெரும்பாலும் மரங்கள் மற்றும் கம்பிகளில் அமர்ந்திருக்கிறது.[5]
இனப்பெருக்கம்[தொகு]
திசம்பர் முதல் மே முடிய தரையில் கால்நடைகளின் குளம்பு ஏற்படுத்திய குழிவில் கோப்பை வடிவில் கூடமைத்து 3 முதல் 4 முட்டைகள் இடும்.
மேற்கோள்கள்[தொகு]
- ↑ "Mirafra affinis". பன்னாட்டு இயற்கைப் பாதுகாப்புச் சங்கத்தின் செம்பட்டியல் பதிப்பு 2013.2. பன்னாட்டு இயற்கைப் பாதுகாப்புச் சங்கம். 2012. 26 November 2013 அன்று பார்க்கப்பட்டது.
- ↑ "புதர் வானம்பாடி Mirafra affinis". 17 அக்டோபர் 2017 அன்று பார்க்கப்பட்டது.
- ↑ 3.0 3.1 Compiler: Helen Temple (2008). "Jerdon's Bushlark - BirdLife Species Factsheet". Evaluators: Jeremy Bird, Stuart Butchart, Helen Temple. பன்னாட்டு பறவை வாழ்க்கை. May 9, 2009 அன்று பார்க்கப்பட்டது.
- ↑ தமிழ்நாட்டுப் பறவைகள் முனைவர் க.ரத்னம்-மெய்யப்பன் பதிப்பகம் பக்கம் எண்:101
- ↑ P.C. Rasmussen; J.C. Anderton (2005). Birds of South Asia. The Ripley Guide. Lynx Edicions.