ஜி. கே. வாசன்
ஜி. கே. வாசன் | |
|---|---|
| தமிழ் மாநில காங்கிரசு | |
| தலைவர் | |
| தனிப்பட்ட விவரங்கள் | |
| பிறப்பு | 28 திசம்பர் 1964 சுந்தரபெருமாள் கோவில்,தஞ்சாவூர் மாவட்டம் தமிழ்நாடு |
| துணைவர் | சுனிதா |
| பிள்ளைகள் | பிரனாவ் கருப்பையா |
| வாழிடம் | சென்னை |
| கல்வி | பி.ஏ. நிருவன செயலியல் |
| இணையத்தளம் | www |
ஜி. கே. வாசன் (பிறப்பு: டிசம்பர் 28, 1964) தமிழ்நாட்டு அரசியல்வாதி தமிழக காங்கிரஸ் கட்சியின் தலைவராகப் பணியாற்றியவர். தற்போது தமிழ் மாநில காங்கிரசு கட்சியின் தலைவராக உள்ளார்.[1]
குடும்பம்
[தொகு]ஜி.கே.வாசன் தஞ்சை மாவட்டம் கும்பகோணம் அருகே சுந்தரபெருமாள் கோவில் கிராமத்தில் பெரும்பண்ணையார் குடும்பத்தில் பிறந்தார். இவர் தந்தையார் பெயர் ஜி. கே. மூப்பனார், தாயார் பெயர் கஸ்தூரி. சென்னை புதுக் கல்லூரியில் பி.ஏ. நிருவன செயலியல் பட்டம் பெற்றார். 29-11-1996-இல் சுனிதாவை திருமணம் புரிந்தார்.[2]
காங்கிரஸ் கட்சியில்
[தொகு]தனது தந்தையின் மரணத்திற்குப் பின் தமிழ் மாநில காங்கிரஸ் தலைவராக பணியாற்றி பின்னர் அதனை இந்திய தேசிய காங்கிரஸ் கட்சியுடன் இணைத்தார். பின்னர் தமிழக காங்கிரஸ்தலைவராகவும், அகில இந்திய காங்கிரஸ் செயலாளராகவும், இருமுறை நாடாளுமன்ற மாநிலங்களவை உறுப்பினராக வெற்றி பெற்று ஒருமுறை மத்திய புள்ளிவிவரத்துறை இணை அமைச்சராகவும் பணியாற்றியுள்ளார். மத்திய கப்பல் துறை அமைச்சராக பணியாற்றியுள்ளார்.
- தற்போது (ஆகத்து 2025), அவருடைய கட்சி, தேசிய ஜனநாயகக் கூட்டணியில் இணைந்து செயல்பட்டுக் கொண்டிருக்கிறது.[3]
தமிழ் மாநில காங்கிரஸ் கட்சி மறுதொடக்கம்
[தொகு]2014 நாடாளமன்ற தேர்தலில் மத்தியில் காங்கிரஸ் தோல்வியைத் தழுவியது. இந்நிலையில் காங்கிரசில் இருந்து வெளியேறிய ஜி. கே. வாசன் காங்கிரசுடன் இணைத்த தனது தந்தை ஜி. கே. மூப்பனார் ஆரம்பித்த தமிழ் மாநில காங்கிரஸ் (த. மா. கா.)[4] கட்சியை 2014 நவம்பர் 28-இல் மீண்டும் தொடங்கினார்.
- திருவையாறு தியாகபிரம்மா மகாஉத்சவ சபாவின் தலைவராகவும், அதன் நிர்வாக அறங்காவலராகவும் உள்ளார்.[5]
மேற்கோள்கள்
[தொகு]- ↑ தினத்தந்தி (2025-02-26). "அரசு ஊழியர்கள், ஆசிரியர்களின் கோரிக்கைகளை காலம் தாழ்த்தாமல் நிறைவேற்ற வேண்டும் - ஜி.கே. வாசன்". www.dailythanthi.com. Retrieved 2025-08-16.
- ↑ Keshav Karna. "G K VASAN: Age, Biography, Education, Wife, Caste, Net Worth & More - Oneindia". www.oneindia.com (in ஆங்கிலம்). Retrieved 2025-08-16.
- ↑ "தேசிய ஜனநாயக கூட்டணிக்கு இன்னும் சில கட்சிகள் வரும்: ஜி.கே.வாசன் நம்பிக்கை". Hindu Tamil Thisai. 2025-08-15. Retrieved 2025-08-16.
- ↑ Vikatan (2014-11-01). "மூப்பனார் தொடங்கிய த.மா.கா. - ஒரு ப்ளாஷ்பேக்!". www.vikatan.com/. Retrieved 2025-08-16.
- ↑ C Jeyalakshmi (2019-01-23). "திருவையாறில் 172வது தியாகராஜர் ஆராதனை விழா: 25ஆம் தேதி பஞ்சரத்ன கீர்த்தனை". tamil.oneindia.com. Retrieved 2025-08-16.