ஜாம்பவந்தன்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
ஜாம்பவான்

ஜாம்பவந்தன் (சமக்கிருதம்: जाम्‍बवान) என்பவர் சிவபெருமானுக்கு, பார்வதிக்கும் பிறந்த மகன் ஆவார். இவர் கரடி முகமும், மனித உடலும் கொண்டவர். இவர் ஜாம்பவான் என்றும் அறியப்படுகிறார்.

ஜாம்பவந்தனின் தோற்றம்[தொகு]

சிவபெருமானும் பார்வதியும் கையிலை மலையில் இருந்த பொழுது, மிக ரம்மியமான காட்டினை அனுகி, இருவரும் கரடி ரூபம் கொண்டனர். அத்துடன் அவர்களின் உறவில் கரடி முகமும், மனித உடலும் கொண்ட குழந்தை பிறந்தது. அக்குழந்தை சிவ ரூபத்தினை கொண்டவராக இருந்தமையால், ஜாம்பவந்தன் என்று அழைக்கப்பட்டார். [1]

அரக்கர்களும், தேவர்களும் அமிழ்தம் வேண்டி பாற்கடலை கடையும் பொழுது அங்கு மந்திரங்களை ஜபம் செய்தவர் ஜாம்பவந்தன் ஆவார்.

இராமயணத்தில் ஜாம்பவந்தன்[தொகு]

ஜாம்பவந்தன் இராமரின் பக்தனாவார். சீதையைத் தேடி அனுமன் இலங்கைக்கு செல்லும் வழியில் கடலைக் கடக்க முடியாமல் தவித்த போது, தன்னம்பிக்கையூட்டி கடலை கடக்க ஜாம்பவந்தன் உதவியுள்ளார். இவரின் தன்னம்பிக்கையான பேச்சால் மட்டுமே அனுமன் இலங்கைக்கு சென்றதாக கருதப்படுகிறது.

கிருஷ்ணவதாரத்தில் ஐாம்பவந்தன்[தொகு]

ஜாம்பவந்தன் வசித்த காட்டில், சத்யஜித்தின் சியமந்தக மணியை வேட்டையின் போது அணிந்து கொண்டு சென்ற தன் உடன் பிறந்தவன் பிரசேனன் என்பவனை சிங்கமொன்று கொன்றது. அந்த சிங்கத்தினை கொன்று ஜாம்பவந்தன் சியமந்தக மணியை எடுத்துச் சென்றார். அதனையறிந்த கிருஷ்ணன் ஜாம்பவந்தனுடன் போர்செய்தார். இறுதியில் கிருஷ்ணன் தான் வணங்கும் இராமனின் மறுபிறவி என்பதை அறிந்து ஜாம்பவந்தன் சியமந்தக மணியை அவரிடம் கொடுத்தார். அத்துடன் ஜாம்பவதி என்ற தன் மகளையும் கிருஷ்ணனுக்கு திருமணம் செய்வித்தார்.

இவற்றையும் காண்க[தொகு]


மேற்கோள்களும் குறிப்புகளும்[தொகு]

  1. மகாபுராணங்களில் ஒன்றான கூர்ம புராணம் - பாற்கடலில் தோன்றியவை பங்கீடு பகுதி

வெளி இணைப்புகள்[தொகு]

"https://ta.wikipedia.org/w/index.php?title=ஜாம்பவந்தன்&oldid=1879608" இருந்து மீள்விக்கப்பட்டது