ஜான்பீல் மேளா

கட்டற்ற கலைக்களஞ்சியமான விக்கிப்பீடியாவில் இருந்து.
Jump to navigation Jump to search
ஜான்பீல் மேளா
(திவா பழங்குடியினரின் திருவிழா)
நாட்கள்சனவரி அல்லது பிப்ரவரி
காலப்பகுதிவருடாந்திரத் திருவிழா
அமைவிடம்(கள்)தயாங் பெல்குரி, மரிகாவன், அசாம்
துவக்கம்15ஆம் நூற்றாண்டு
ஒரு திவா பெண் மேளாவில் உணவு தயாரிக்கிறார்

ஜான்பீல் மேளா (Jonbeel Mela) என்பது மூன்று நாள் வருடாந்திர உள்நாட்டு திவா சமூக கண்காட்சி ஆகும். இந்திய மாநிலமான அசாமில் கொண்டாடப்படும் அறுவடைத் திருவிழாவான மாக் பிஹுவின் வார இறுதியில் ஜான்பீல் என்ற இடத்தில் தயாங் பெல்குரி என்று அழைக்கப்படும் ஒரு வரலாற்று இடத்தில் நடைபெறுகிறது. இது அசாமின் மரிகாவன் மாவட்டத்தில் ஜாகிரோடில் இருந்து 3 கி.மீ. தொலைவிலும், [1] [2] [3] [4] குவகாத்தியிலிருந்து 32 கி.மீ. தொலைவிலும் உள்ளது. மேளாவை தேசிய நெடுஞ்சாலை 37 இணைக்கிறது.

பெயர்க் காரணம்[தொகு]

ஜான்பீல் என்பது அசாமிய மொழியில் ஜான் என்பது நிலாவெனவும், பீல் என்பது நீர்த்தடம் என்று அழைக்கப்படுகிறது. ஏனெனில் இங்கு ஒரு பெரிய இயற்கை நீர்நிலை பிறை நிலவின் வடிவத்தில் உள்ளது.

வரலாறு[தொகு]

கி.பி 15 ஆம் நூற்றாண்டிற்குப் பிறகு இந்த மேளா தொடங்கியதாகக் கூறப்படுகிறது. [1] நடைமுறையில் உள்ள அரசியல் சூழ்நிலைகளைப் பற்றி விவாதிக்க திவா (லாலுங்) என்பவரால் இது முதலில் ஏற்பாடு செய்யப்பட்டது.

பண்டமாற்று முறை[தொகு]

திவா சமூகத்தைச் சேர்ந்த ஒரு பழங்குடிப் பெண்
பண்டமாற்று முறை மூலம் தயாரிப்புகளின் பரிமாற்றம்

இந்நிகழ்ச்சியில் ஒரு பெரிய சந்தை இங்கு கூடுகிறது. மேளா துவங்குவதற்கு சில நாட்களுக்கு முன்பு, அசாம் மலைகளின் வாழும் பழங்குடிச் சமூகங்கள், வடகிழக்கின் திவா, கர்பி, காசி, மற்றும் ஜெயந்தியா போன்ற பழங்குடியினத்தைச் சேர்ந்தவர்கள் தங்களிடமிருக்கும் பொருட்களுடனும், தயாரிப்புகளுடனும் மலைகளிலிருந்து இறங்கி தங்கள் பொருட்களை பூர்வீக பழங்குடி அசாமிய மக்களுடன் ஒரு பண்டமாற்று முறைமையில் பரிமாறிக்கொள்கின்றன . [2] [3] [4] இது ஒரு நவீன கால பண்டமாற்று முறை என்றும், பண்டமாற்று முறை இந்தியாவில் இன்னும் உயிருடன் இருப்பது இங்கு மட்டுமே என்றும் கூறப்படுகிறது. [1]

முக்கியத்துவம்[தொகு]

மேளா நடைபெறுவதற்கு முன்பு, மனிதகுலத்தின் நல்வாழ்வுக்காக ஒரு அக்னி பூஜை ( தீ வழிபாடு ) செய்யப்படுகிறது [2] [3] [4] மேளா ஈரநிலத்தில் சமூக மீன்பிடியுடன் தொடங்குகிறது.

ஜான்பீல் கண்காட்சியில் ஒரு பழங்குடி ஆசாமி பெண் தனது குழந்தையுடன்

வடகிழக்கு இந்தியாவில் சிதறியுள்ள பழங்குடி அசாமிய சமூகங்கள் மற்றும் பழங்குடியினரிடையே நல்லிணக்கம் மற்றும் சகோதரத்துவம் ஆகியவை மேளாவின் கருப்பொருளாகும். அரசன் கோபா தனது அரசவை உறுப்பினர்களுடன் மேளாவுக்குச் சென்று தனது குடிமக்களிடமிருந்து வரிகளை வசூலிக்கிறார். [3] [4] மக்கள் தங்கள் பாரம்பரிய நடனம் மற்றும் இசையை நிகழ்த்துகிறார்கள். திருவிழாவை மகிழ்ச்சியாகவும் வேடிக்கையாகவும் ஆக்குகிறார்கள். [2]

பேரரசின் கொடுப்பனவு[தொகு]

2009 சனவரி 17 அன்று அசாம் அரசு கோபா இராச்சியத்தின் கீழ் உள்ள சமூகங்களைச் சேர்ந்த 19 வழக்கமான மன்னர்களுக்கு "வருடாந்திர பேரரசின் கொடுப்பனவு" ஒன்றை அறிவித்தது. இதில் தற்போதைய அசாமின் மூன்று மாவட்டங்களின் பகுதிகள் அடங்கும்: மரிகாவன், நகோன் மற்றும் காமரூப். அசாமின் கல்வி அமைச்சர் கௌதம் போரா, மன்னர்களின் அவர்கள் கீழ் உள்ள மக்கள் தொகை எண்ணிக்கையை பொறுத்து ரூ. 3000 முதல் ரூ. 10,000 வரை வங்கி காசோலைகளை வழங்கினார். [5]

புனைகதைகளில்[தொகு]

இரீட்டா சவுத்ரியின் சாகித்திய அகாதமி விருது பெற்ற புதினமான தியோ லங்குஹூயில் மேளா பற்றிய விரிவான குறிப்புகள் உள்ளன. [6]

மேற்கோள்கள்[தொகு]

  1. 1.0 1.1 1.2 Borthakur, Dibya Jyoti (19 January 2008). "Jonbeel Mela drawing a large number of visitors". Assam Times. மூல முகவரியிலிருந்து 8 January 2009 அன்று பரணிடப்பட்டது.
  2. 2.0 2.1 2.2 2.3 "Jonbeel Mela".
  3. 3.0 3.1 3.2 3.3 "Assam Fairs & Festivals". 121indiatourism.com. மூல முகவரியிலிருந்து 2011-07-07 அன்று பரணிடப்பட்டது.
  4. 4.0 4.1 4.2 4.3 "Joonbeel Mela – Assam". Indiawijzer.nl.
  5. Sharma, Anup (18 January 2009). "JONBEEL FAIR - Royal allowance for Kings of Assam". Sakaltimes.com.[தொடர்பிழந்த இணைப்பு]
  6. Saikia, Samiran. "Between the lines".

வெளி இணைப்புகள்[தொகு]

Commons-logo-2.svg
விக்கிமீடியா பொதுவகத்தில்,
Jonbeel mela
என்பதின் ஊடகங்கள் உள்ளன.
"https://ta.wikipedia.org/w/index.php?title=ஜான்பீல்_மேளா&oldid=3069603" இருந்து மீள்விக்கப்பட்டது