சுஐப் அக்தர்

கட்டற்ற கலைக்களஞ்சியமான விக்கிப்பீடியாவில் இருந்து.
(சோயிப் அக்தர் இலிருந்து வழிமாற்றப்பட்டது)
Jump to navigation Jump to search
சுஐப் அக்தர்
Shoaib Akhtar.jpg
தனிப்பட்ட தகவல்கள்
பட்டப்பெயர்The Rawalpindi Express
உயரம்5 ft 11 in (1.80 m)
மட்டையாட்ட நடைRight handed
பந்துவீச்சு நடைRight arm fast
பங்குBowler
பன்னாட்டுத் தரவுகள்
நாட்டு அணி
தேர்வு அறிமுகம் (தொப்பி 150)29 நவம்பர் 1997 எ மேற்கிந்தியத்தீவுகள்
கடைசித் தேர்வு8 டிசம்பர் 2007 எ இந்தியா
ஒநாப அறிமுகம் (தொப்பி 123)28 மார்ச் 1998 எ Zimbabwe
கடைசி ஒநாப3 மே 2009 எ ஆத்திரேலியா
வாழ்நாள் புள்ளிவிவரங்கள்
போட்டி வகை Test cricket One Day International First-class cricket List A cricket
ஆட்டங்கள் 46 144 133 195
ஓட்டங்கள் 544 373 1,670 811
மட்டையாட்ட சராசரி 10.07 9.81 12.27 12.10
100கள்/50கள் 0/0 0/0 0/1 0/1
அதியுயர் ஓட்டம் 47 43 59* 56
வீசிய பந்துகள் 8,143 6,798 20,460 9,306
வீழ்த்தல்கள் 178 223 467 301
பந்துவீச்சு சராசரி 25.69 21.85 21.26 21.46
ஒரு முறையில்
5 வீழ்த்தல்கள்		 12 4 28 6
ஒரு போட்டியில்
10 வீழ்த்தல்கள்		 2 n/a 2 n/a
சிறந்த பந்துவீச்சு 6/11 6/16 6/11 6/16
பிடிகள்/இலக்கு
வீழ்த்தல்கள்		 12/– 17/– 41/– 30/–

சுஐப் அக்தர் (பஞ்சாபி,உருது: شعیب اختر; பிறந்தது 13 ஆகஸ்ட் 1975 ராவல்பிண்டி, பஞ்சாப்) பாகிஸ்தானின் வலதுகை வேகப்பந்து வீச்சாளர் ஆவார். இவர் கிரிக்கெட் விளையாட்டில் இரண்டு முறை 161.3 கிலோமீட்டர் (100.2 mph) வேகத்தில் பந்து வீசி உலக சாதனை நிகழ்த்தியவர். இவர் உயிர் துடிப்பற்ற ஆடுகளத்தில் கூட யார்கர் வகைப்பந்துகள் மற்றும் கூர்மையான துள்ளி எழும் வகைப்பந்துகளை வீசும் திறமை படைத்தவர்.

எனினும் இவர் கிர்க்கெட் சர்ச்சைகளிலிருந்து விலகி இருக்கவில்லை, அணி உறுப்பினர்களுடன் ஒன்றாக விளையாட வில்லை என்று அடிக்கடி குற்றம் சாட்டப்பட்டார். 2005 ஆம் ஆண்டு ஆஸ்திரேலியா சுற்றுலாவிலிருந்து சுஐப் நாட்டிற்கு திருப்பி அனுப்பப்பட்டார். தடை செய்யப்பட்ட போதை மருந்து உட்கொண்டது நிரூபிக்கப்பட்ட காரணத்தால் ஒரு வருடம் கழித்து போதை மருந்து குற்றத்தில் சிக்கிக் கொண்டார். எனினும் இவர் மீது சுமத்தப்பட்ட தடைக்காக மேல்முறையீடு செய்தார். தனது சக அணி-வீரர் முகம்மது ஆசிஃப்[1] உடன் ஏற்பட்ட சர்ச்சையைத் தொடர்ந்து 2007 ஆம் ஆண்டு செப்டம்பர் மாதம் PCBயினால் சோயிப் காலவரையறையின்றி போட்டிகளில் விளையாடத் தடை விதிக்கப்பட்டார். பாகிஸ்தான் கிரிக்கெட் வாரியத்தின் கொள்கைகளை வெளிப்படையாகக் குறை கூறிய காரணத்திற்காக 2008 ஆம் ஆண்டு ஏப்ரல் ஒரு ஆம் தேதி முதல் ஐந்து ஆண்டுகள் கிரிக்கெட் போட்டிகளில் விளையாடத் தடை விதிக்கப்பட்டார்.[2] அக்டோபர் 2008 ஆம் ஆண்டு லாகூர் உயர்நீதி மன்றம் சோயிப் மீதான ஐந்து ஆண்டு தடை வழக்கு விசாரணைக்கு வரும் வரை அவர் போட்டிகளில் விளையாடுவதைத் தடை செய்யும் முடிவை இடை நிறுத்தம் செய்தது. இதனால் கனடாவில் நடைபெற்ற டிவெண்டி20 போட்டிகளுக்கான 15 பேர் கொண்ட அணியில் சோயிப் இடம் பெற்றார்.[3]

ஆரம்ப காலங்கள்[தொகு]

பாகிஸ்தானில் உள்ள பஞ்சாப் மாநிலத்தின் ராவல்பிண்டியில் உள்ள சிறிய கிராமமான மோரஹில் சோயிப் பிறந்தார். மோர்ஹாவில் உள்ள அட்டோக் எண்ணெய் சுத்திகரிப்பு நிலையத்தில் இவரது தந்தை வேலை செய்தார். இவரது தந்தை பஞ்சாபியாவார் அவரது தாய் பாஷ்டூன் இனத்தைச் சேர்ந்தவர். மோர்ஹனின் எலியாட் உயர்நிலைப் பள்ளியில் பள்ளிப் படிப்பையும், ராவல்பிண்டி அஸ்ஹார் மால் கல்லூரியில் கல்லூரிப் படிப்பையும் சுஐப் தொடர்ந்தார். இங்கு தான் சுஐபின் திறமைகளை வெளிகாட்ட வாய்ப்பு வழங்கப்பட்டு அவைகள் மின்னொலியாக வெளிவந்தன.

கிரிக்கெட் வாழ்க்கை[தொகு]

1999 ஆம் ஆண்டு உலகக் கோப்பை போட்டிகளுக்கு முன்பு நடைபெற்ற இந்தியாவிற்கு எதிரான போட்டித் தொடரிலிருந்து சுஐபின் செயற்றிறன் பிரபலமாகத் தொடங்கியது. ஷார்ஜாவில் நடைபெற்ற போட்டிகள் மற்றும் 1999 ஆம் ஆண்டு கிரிக்கெட் உலகக் கோப்பை போட்டிகளிலும் சுஐபின் தலைசிறந்த பந்து வீச்சு தொடர்ந்தது. பாகிஸ்தான் அணியில் புதியவராக இடம்பெற்று கல்கத்தாவில் இந்தியாவிற்கு எதிராக 1999 ஆம் ஆண்டு நடைபெற்ற ஆசியன் டெஸ்ட் சாம்பியன்ஷிப் போட்டிகளில் அடுத்தடுத்த பந்து வீச்சில் சச்சின் டெண்டுல்கர் மற்றும் ராகுல் டிராவிட் விக்கெட்டுடன் இவர் கைப்பற்றிய எட்டு விக்கெட்டுகள் இவரது பந்து வீச்சில் நினைவில் கொள்ளத் தக்க செயல்திறனாக இருந்தது. இது தான் சச்சின் டெண்டுல்கருடன் சுஐபின் முதல் சந்திப்பாக இருந்தது. இந்த போட்டியில் சுஐப் வீசிய முதல் பந்தில் சச்சின் வெளியேறினார்.

இதற்குப் பிறகு 2002 ஆம் ஆண்டு ஆஸ்திரேலியாவிற்கு எதிரான போட்டிகளில் தனது சக்தி வாய்ந்த பந்து வீச்சுத் திறனை வெளிக்காட்டினார். 2003 ஆம் ஆண்டு உலகக் கோப்பை இவருக்கு ஏமாற்றம் அளிக்கும் விதத்தில் இருந்தது. 2003 ஆம் ஆண்டு உலகக் கோப்பைப் போட்டிக்கு முந்தைய போட்டிகளுக்கான அணியிலிருந்து நீக்கப்பட்டதன் விளைவு தெளிவாகத் தெரிந்தது. அணியில் மீண்டும் இணைந்த 2004 ஆம் ஆண்டு நியூசிலாந்து அணிக்கு எதிரான போட்டித் தொடர்களில் திறமையாக விளையாடினார். ஆனால் 2004 ஆம் ஆண்டு இந்தியாவிற்கு எதிரான தோல்வியுற்ற தொடர்களில் ஆட்டம் போராட்டமாக இருந்தது. விளையாடும் போது காயம் ஏற்பட்டதாகக் கூறி மைதானத்தை விட்டு வெளியேறிய நிகழ்வு அணித் தலைவர் இன்சமாம்-உல்-ஹக்கிற்கு சந்தேகத்தை ஏற்படுத்தியது. இதனால் இந்த தொடர் சர்ச்சையில் முடிந்தது. இதன் காரணமாக இன்சமாம்-உல்-ஹக் மற்றும் பயிற்சியாளர் பாப் உல்லமருடனான சோயிப்பின் உறவு சிதைவுற்றது. காயத்திற்கான காரணத்தைப் பற்றி விசாரணை செய்ய PCBயினால் மருத்துவக் குழு ஒன்று அமைக்கப்பட்டது.[4]

தனது அணிக்கான ஆற்றல் மிக்க பந்துவீச்சாளராக 2005 ஆம் ஆண்டு தனது மதிப்பை சோயிப் மீண்டும் அடைந்தார். இங்கிலாந்திற்கு எதிரான மூன்று போட்டிகள் கொண்ட உள்நாட்டு டெஸ்ட் தொடரில் உயிர்த் துடிப்பில்லாத ஆடுகளங்களில் அசத்தலான பந்துவீச்சுத் திறனை வெளிப்படுத்தினார். பந்துகளை மிதமாக கையாளும் இவரது பந்து வீச்சு முறை இங்கிலீஷ் ஆட்டக்காரர்கள் விளையாட முடியாத அளவிற்கு இருந்தது. தொடரில் அதிகப்படியாக பதினேழு விக்கெட்டுகளைக் கைப்பற்றினார். இதற்கு முன்னாள் அணிக்கு திரும்பியதை விட தற்போதைய வரவு குறிப்பிடத்தக்கதாக இருந்தது. இவரது ப்ரிமா தோனா மனப்பாங்கும் மற்றும் அணியினருடன் ஈடுபாடு இல்லாமை போன்ற காரணங்களால் வொர்செஸ்டர்ஷைர் தலைவர் ஜான் எலியாட் மற்றும் அனைத்துத் தரப்பினராலும் குறை கூறப்பட்டார். "இரண்டு அணிகளுக்கு இடையே பெரிய வித்தியாசமாக அவர் (சோயிப்) இருந்ததாக நினைத்தேன் என்று சோயிப்பின் செயல்திறனைப் பற்றி இங்கிலிஷ் அணித்தலைவர் மைக்கேல் வாஹனும் போற்றினார்.[5] கிரிக்கெட் பந்து வீச்சு வரலாற்றில் 100 mph வேகத்தை மீறிய முதல் பந்து வீச்சாளர் என்றும் இவர் அறியப்பட்டார். 100.2 mph வேகத்தில் இவர் வீசிய பந்தானது வேகமாக வீசப்பட்ட பந்து வீச்சுக்கான சாதனையாக இன்றும் உள்ளது.

13-ஆட்டங்கள் தடை செய்யப்பட்ட பிறகு அக்டோபர் 29, 2007 அன்று லாகூரில் தென் ஆப்பிரிக்காவிற்கு எதிரான தொடரில் வெற்றியை நிர்ணையிக்கும் ஐந்தாவது ஒரு நாள் போட்டியில் சிறப்பாக விளையாடி 4-43 என்ற இலக்குடன் அக்தர் மீண்டும் அணியில் இணைந்தார். அடுத்தபடியாக, 16-பேர் பங்கு கொண்ட 2007 ஆம் ஆண்டு இந்தியாவிற்கு எதிரான போட்டிகளுக்கான பாகிஸ்தான் குழுவில் சேர்க்கப்பட்டு எந்த வித சம்பவமும் இன்றி வெற்றியுடன் முடித்தார்.

சோயிப் அக்தர் பாகிஸ்தான் கிரிக்கெட்டின் தலைசிறந்தவர் என்று நீதிபதி ரானா பஹ்வன்தாஸ் ஒருமுறை குறிப்பிட்டு இருந்தார்.[6]

உள்நாட்டு கிரிக்கெட்[தொகு]

ஆட்டோகிராப்பில் சோயிப் அக்தர் கையொப்பம் இடுகிறார்.

சோமர்செட் (2001), தர்ஹாம் (2003 மற்றும் 2004) மற்றும் வொர்செஸ்டர்ஷைர் (2005) ஆகிய மூன்று இங்கிலீஷ் உள்நாட்டு கிரிக்கெட்டில் சோயிப் விளையாடி உள்ளார். அப்போது மிகவும் வெற்றி பெற்றிருந்தார். எடுத்துக்காட்டாக 2003 ஆம் ஆண்டு நேஷனல் லீக்கில் சேமர்செட்டிற்கு எதிராக ஆட்டத்தில் தர்ஹாமிற்காக 5-53 எடுத்தது, இரண்டு ஆண்டுகள் கழித்து க்ளாமோர்கனுக்கு எதிரான ஆட்டத்தில் வார்செஸ்டர்ஷைருக்காக 6-16 எடுத்தது போன்றவற்றைக் கூறலாம். ஆனால் அப்போது அவர் உடற்தகுதி காரணங்களால் பாதிக்கப்பட்டார். அந்தப் போட்டிகளில் அவர் மிகவும் குறைந்த அளவு ஈடுபாட்டுடன் இருந்ததை உணர முடிந்தது. இது வார்செஸ்டர்ஷைர் வழக்கில் குறிப்பிடும் படியாக இருந்தது: "வீரர்கள் தங்கள் கிளப்பிற்கு உண்மையாக இல்லை. உண்மையில், சோயிப் தான் இருந்த எந்த ஒரு குழுவிற்கும் உண்மையாக இருக்கவில்லை. அவர் ஒரு முன்னனி நட்சத்திரம் அவருக்கு என்ன வேண்டுமோ அதைத் தான் செய்வார்" என்று கிளப்பின் தலைவர் ஜான் எலியாட் கூறினார்.[7]

இந்தியன் பிரீமியர் லீக்[தொகு]

டெல்லி டேர்டெவில்ஸ் அணிக்கு எதிராக ஆட்டத்தில் கொல்கத்தா நைட் ரைடர்ஸ் அணிக்காக IPLயில் தனது முதல் போட்டியில் வலிமையுடன் சோயிப் வந்தார். 133 என்ற குறைவான இலக்குடன் விளையாடிய டேர்டெவில்ஸ் அணியின் நான்கு முன்னணி வீரர்களை சோயிப் வீழ்த்தியது டெல்லி டேர்டெவில்ஸ் 110 என்ற இலக்கை மட்டுமே எடுக்க காரணமாக அமைந்தது. மூன்று ஓவர்களுக்கு 4-11 என்ற இலக்கங்களுடன் சிறப்பாக செயல்பட்டதால் ஆட்ட நாயகன் விருது பெற்றார்.[8][9] தனது செயற்றிறனை எந்த நிலையிலும் நிரூபிக்கலாம் என்ற கருத்தை சுஐப் மறுத்தார், " விளையாட்டில் வெல்ல வேண்டும் என்று தான் நினைத்தேன்" என்ற நிலையில் கூறினார். நைட் ரைடர்ஸ் அணித் தலைவர் சௌரவ் கங்குலி சோயிப்பின் ஆட்ட திறன் பற்றி கூறும் போது, அவருக்கு பின்னால் பல நிகழ்ச்சிகள் நிகழ்ந்த நிலையில் நம் நாட்டிற்கு வந்துள்ளார்..ஆனால் இங்கு பல பரிமாணங்களைக் காட்டியுள்ளார்."[10] நைட் ரைடர்ஸ் அணி அக்தரின் காயங்கள் காரணமாக அவரை தங்களது IPL ஒப்பந்தத்திலிருந்து நீக்கி விட்டதாகப் பொதுவாக அறிக்கை வெளிவிட்டதாக கூறப்பட்டது. ஆனால் நைட் ரைடர்ஸ் அதிகாரிகள் இந்த அறிக்கைகளை மறுத்து தாங்கள் வேகப் பந்து வீச்சாளருடன் பேச்சு வார்த்தை நடத்தி வருவதாகத் தெரிவித்தனர்.[11]

சர்வதேசப் பந்து வீச்சு சாதனைகள்[தொகு]

டெஸ்டில் ஐந்து-விக்கெட் சாதனைகள்[தொகு]

டெஸ்டில் ஐந்து-விக்கெட் சாதனை
வரிசை எண் எடுக்கப்பட்டது ஆட்டம் எதிரணி நகரம்/நாடு இடம் வருடம்
1 5/43 மூன்று தென் ஆப்பிரிக்கா டர்பன், S.A. கிங்ஸ்மீட் 1998
2 5/75 13 இலங்கை பெஷாவர், பாகிஸ்தான் அர்பாப் நியாஸ் ஸ்டேடியம் 1999
3 5/24 16 மேற்கிந்தியத் தீவுகள் ஷார்ஜா, UAE ஷார்ஜா கிரிக்கெட் அசோசியேசன் ஸ்டேடியம் 2002
4 6/11 19 ஆஸ்திரேலியா கொலும்பு, இலங்கை PSS 2002
5 6/50 25 பங்களாதேஷ் பெஷாவர், பாகிஸ்தான் அர்பாப் நியாஸ் ஸ்டேடியம் 2003
6 5/48 27 நியூசிலாந்து வெலிங்டன், நியூசிலாந்து பேசின் ரிசர்வ் 2003
7 6/30 27 நியூசிலாந்து வெலிங்டன், நியூசிலாந்து பேசின் ரிசர்வ் 2003
8 5/60 30 இலங்கை பைசிலாபாத், பாகிஸ்தான் இக்பால் ஸ்டேடியம் 2004
9 5/99 31 ஆஸ்திரேலியா பெர்த், ஆஸ்திரேலியா WACA மைதானம் 2004
10 5/109 32 ஆஸ்திரேலியா மெல்போர்ன், ஆஸ்திரேலியா MCG 2004
11 5/71 36 இங்கிலாந்து லாகூர், பாகிஸ்தான் கடாஃபி ஸ்டேடியம் 2005

டெஸ்டில் பத்து-விக்கெட் எடுக்கப்பட்டது[தொகு]

டெஸ்டில் பத்து-விக்கெட் எடுக்கப்பட்டது
வரிசை எண் ஆட்டத்தில் எடுக்கப்பட்டது ஆட்டம் எதிரணி நகரம்/நாடு இடம் ஆண்டு
1 10/80 25 பங்களாதேஷ் பெஷாவர், பாகிஸ்தான் அர்பாப் நியாஸ் ஸ்டேடியம் 2003
2 11/78 27 நியூசிலாந்து வெலிங்டன், நியூசிலாந்து பேசின் ரிசர்வ் 2003

ஒருநாள் போட்டியில் ஐந்து-விக்கெட் எடுக்கப்பட்டது[தொகு]

ஒருநாள் போட்டியில் ஐந்து-விக்கெட் எடுக்கப்பட்டது
வரிசை எண் ஆட்டத்தில் எடுக்கப்பட்டது ஆட்டம் எதிரணி நகரம்/நாடு இடம் ஆண்டு
1 5/19 42 நியூசிலாந்து கராச்சி, பாகிஸ்தான் நேஷனல் ஸ்டேடியம் 2001
2 6/16 60 நியூசிலாந்து வெலிங்டன், நியூசிலாந்து பேசின் ரிசர்வ் 2002
3 5/25 64 ஆஸ்திரேலியா ஆஸ்திரேலியா, ஆஸ்திரேலியா GABBA மைதானம் 2002
4 5/54 127 இங்கிலாந்து லாகூட், பாகிஸ்தான் கடாஃபி ஸ்டேடியம் 2005

கிரிக்கெட் விவாதங்கள் மற்றும் காயங்கள்[தொகு]

காயங்கள், சர்ச்சைகள் மற்றும் மோசமான மனோபாவங்களினால் சோயிப்பின் வாழ்க்கை பாதிக்கப்பட்டது. அச்சுறுத்தும் வேகத்தினால் இளவயதில் ஸ்டார்டோமில் பங்கேற்ற பிறகு வாழ்க்கையை நல்ல முறையில் அமைத்துக் கொள்வதில் கவனம் செலுத்துவதை விட கவர்ச்சியில் அதிகமாகக் கவனம் செலுத்தினார். 100 mph என்ற வேகத் தடையை கடந்த போதிலும் சோயிப்பின் மனோபாவம் அவரின் நற்பெயர் மற்றும் உடற்தகுதியில் இழப்பை ஏற்படுத்தியது. 2003 ஆம் ஆண்டு உலகக் கோப்பையில் சிறப்பாக செயல்படாத பிறகு அணித் தலைவர் வாக்கர் யூனிஸுடன் சண்டையில் ஈடுபட்டார். யூனிஸ் போன்ற மற்ற வீரர்களுடனும் இணைந்து குறை கூறினார். 2003 ஆம் ஆண்டு இலங்கையில் முத்தரப்பு தொடரின் போது பந்தினை அவர் சேதப்படுத்தியது கண்டறியப்பட்டது. பந்தை சேதப்படுத்திய குற்றத்திற்காக தடை செய்யப்பட்ட இரண்டாவது வீரர் சோயிப் ஆவார். இதே ஆண்டு தென் ஆப்பிரிக்காவிற்கு எதிரான போட்டியில் பால் ஆடம்ஸ் இடம் தவறாக நடத்து கொண்ட காரணத்தினால் இரண்டு ஒரு நாள் போட்டிகள் மற்றும் ஒரு டெஸ்ட் போட்டியில் தடைசெய்யப்பட்டார். 2004 ஆம் ஆண்டு இந்தியாவிற்கு எதிரான தொடரில் மணிக்கட்டு மற்றும் முதுகுவலி காயங்களால் அவதிப்பட்டார். இது அவரைப் பற்றிய நம்பகத்தன்மை மீது சில கேள்விகளை எழுப்பியது. இறுதி டெஸ்ட் போட்டியின் போது காயத்தின் காரணமாக ஆட்டத்தின் பகுதி நேரத்தில் பந்து வீச இயலாது என்று அமர்ந்து கொண்டார். சிறிது நேரம் கழித்து வெளிப்படையாக விளையாடிக் கொண்டு மட்டை விளையாடும் அளவிற்கு மாறினார். எனினும் இவரது காயங்கள் பொய் என்று நிரூபிக்கப்படவில்லை. ஆனால் இவரது நற்பெயர் பாதிக்கப்பட்டது. ஆட்டம் முடிந்ததும் நடைபெற்ற பத்திரிக்கை கூட்டத்தில் ஹக்கின் திடீர் எழுச்சி குறிப்பிடத்தக்கது. இவரின் சூழ்ச்சியுடன் கையாளும் முறை மற்றும் அரசியல் உள்ளீட்டால் அணித் தலைவர் மற்றும் பயிற்சியாளருடனான உறவு சிதைந்தது.

பின் தொடை காயம் மற்றும் ஒழுங்கின்மை பற்றிய வதந்திகள், ஈடுபாடு இல்லாமை மற்றும் உடல்நிலை புகார்கள் காரணமாக 2005 ஆம் ஆண்டு ஆஸ்திரேலியா சுற்றுப்பயணத்தில் இருந்து திருப்பி அனுப்பட்டார். இரவு நேரத்தில் தாமதமாக வெளியே செல்வதை தவிர்க்காத காரணத்திற்காக PCB அபராதம் விதித்தது.[12] இந்த நிலையில் ஒரு முறை அன்பு காட்டப்பட்ட சோயிப் அணிக்குழுவினர், எதிரணியினர் மற்றும் கிரிக்கெட் ரசிகர்கள் ஆகியோரால் தூற்றப்பட்டார். அதிகப்படியாக மருந்து உட்கொண்டதற்காக இரண்டு ஆண்டுகள் விளையாட தடைசெய்யும் வரை இவரது வாழ்க்கை கணுக்கால் மற்றும் முழங்கால் காயங்களால் பாதிக்கப்பட்டது. இதன் காரணமாக பிப்ரவரி 2006 ஆம் ஆண்டு அறுவை சிகிச்சை செய்து கொண்டார்.

நவம்பர் 2006 ஆம் ஆண்டு இந்தியாவிற்கான பாகிஸ்தான் அணியின் தொடர்பு அதிகாரி அனில் காவுல், சோயிப் ICC சேம்பியன்ஸ் ட்ரோபியில் பங்கேற்ற போது பேருந்தில் ஒலிக்கப்பட்ட இசையை விரும்பாமல் பயிற்சியாளர் பாப் உல்மருடன் சண்டையிட்டு அவரைத் தாக்கியதாகக் கூறினார். ஆனால் சோயிப் மற்றும் உல்மர் இந்த குற்றச்சாட்டை உறுதியாக மறுத்தனர்.[13]

மருந்து அவதூறு[தொகு]

நாண்ட்ரோலோன் எனப்படும் திறனை-அதிகப்படுத்தும் பொருளை உட்கொண்டதற்காக செய்யப்பட்ட சோதனையில் சாதகமான முடிவு வந்த காரணத்தினால் அக்டோபர் 2006 ஆம் ஆண்டு சோயிப் மற்றும் முகம்மது ஆசிப் இணை PCB இனால் தடை செய்யப்பட்டது.[14] 2006 ஆம் ஆண்டு ICC சேம்பியன்ஸ் ட்ரோபியிலிருந்து இருவரும் நீக்கப்பட்டனர்.[15] அடிக்கடி மருந்து சோதனைக்காக சோயிப் உட்படுத்தப்பட்ட காரணத்தினால் மருந்து பொருளை சோயிப் தவறாகப் பயன்படுத்தி இருப்பார் என்று சந்தேகப்பட்டதாக PCB இன் முன்னாள் தலைவர் கூறி இருந்தார்.[16] பாகிஸ்தான் அணித்தலைவர் இன்சமாம் உல் ஹக் முன்பே சோயிப்பின் போதைப் பொருள் குற்றத்தைப் பற்றி குறை கூறி இருந்தார் ஆனால் PCB கருத்தில் ஏற்றுக் கொள்ளவில்லை.[17] மூன்று ஆண்டுகளுக்கு முன்பு ஒன்றிணைந்த முதன்மை காவல் சோயிப்பை போதை மருந்துகளுடன் கைது செய்ததாக பாகிஸ்தான் செய்தி அறிக்கைகள் தெரிவித்து இருந்தன. இங்கிலாந்திற்கு எதிரான டெஸ்ட் தொடரில் அணியின் சட்டங்களுக்கு எதிராக இரவு விடுதிகளில் மரிஜுனா எனப்படும் போதைப் பொருளை புகைப்பது போல் கண்டறியப்பட்டதாக சோயிப் மீது அறிக்கை அளிக்கப்பட்டது.[17]

செயல்திறனை அதிகரிக்கும் போதை மருந்துகளை வேண்டுமென்றே உபயோகிக்கவில்லை என்று சோயிப் உடனடியாக தனது களங்கமின்மையை வெளியிட்டார். பத்திரிக்கைக்கு வெளியிட்ட அறிக்கையில், அணி உறுப்பினர்கள் அல்லது எதிரணியினரை ஏமாற்ற வில்லை என்று கூறியிருந்தார்.[18] PCBயின் போதைப் பொருட்கள் உட்கொள்வதை தடை செய்யும் செயற்குழுவின் விசாரணையின் போதும் ஆசிஃப் மற்றும் சோயிப் ஸ்ட்டீராய்டு பொருட்களை உட்கொண்டிருந்தனர்.[19] செயற்குழுனரின் முன்பு இவரது களங்கமின்மையை நம்பவைக்க முடிய வில்லை. இரண்டு ஆண்டுகள் தடை விதிக்குமாறு PCBக்கு அளிக்கப்பட்ட அறிக்கையில், ADC குறிப்பிட்டு இருந்தது.[20]

நவம்பர் 1, 2006 அன்று கிரிக்கெட் விளையாட்டில் சோயிப்பிற்கு இரண்டு ஆண்டுகள் தற்காலிக நீக்கமும் ஆசிஃபிற்கு ஓராண்டு தற்காலிக நீக்கமும் PCB வழங்கி தடை செய்தது.[21] சட்டத்துக்குப் புறம்பாக மருந்தேற்றும் குற்றவாளிகளுக்கான பாகிஸ்தான் ஒலிம்பிக் சங்கத்தின் பட்டியலில் சோயிப் பெயரும் இணைக்கப்பட்டது.[22] எனினும் டிசம்பர் 5, 2006 ஆம் ஆண்டு சோயிப்பின் பிரிதிநிதியான வழக்கறிஞர் அபிட் ஹாசன் மிண்டோ மேல்முறையீட்டில் வெற்றி கண்டார்.[23]

குற்ற விடுதலை[தொகு]

முன்பு செயற்குழுவினால் சுமத்தப்பட்ட போதைப் பொருட்கள் தடைக்கு எதிரான மேல்முறையீடுகளை கண்காணிக்க அமைக்கப்பட்ட தீர்பாயத்தினால் டிசம்பர் 5, 2006 அன்று சோயிப் மற்றும் முகம்மது ஆசிஃப் குற்ற விடுதலை செய்யப்பட்டனர். சோயிப்பின் வழக்கறிஞரான அபிட் ஹாசன் மிண்டோவிடமிருந்து மேல்முறையீட்டைக் கேட்ட பிறகு நீதிபதி பக்ருதின் இப்ராஹிம் தலைமையிலான மூன்று-பேர் கொண்ட குழு அமைக்கப்பட்டது. சோயிப்பின் குற்ற விடுதலைக்கு ஆதரவாக இருவர் வாக்களித்தனர். முன்னாள் டெஸ்ட் கிரிக்கெட்டர் ஹசீப் அஹ்சன் மற்றும் இப்ராஹிம் குற்ற விடுதலைக்கு ஆதரவாகவும் மூன்றாவது உறுப்பினர் தானிஸ் ஜாஹிர் மறுப்பும் தெரிவித்தனர். "விசித்திரமான சூழ்நிலைகள்" போதைப் பொருள் சார்ந்த சட்டத்திற்கு எதிராக உடனடியாக நிகழக்கூடிய குற்றங்கள் ஆகியவற்றால் இவைகளுக்கு எதிராக குற்றங்களில் விரைவாக தீர்ப்பு வழங்க காரணமாக அமைந்தது. போதை மருந்து சார்ந்த முழுமையான சோதனை முறைகள் பொதுவான முறைகளை பின்பற்றாமல் தொழில்நுட்ப குறைபாடுகளுடன் முடிவு செய்யப்பட்டது. தடை செய்யப்பட்டுள்ள போதை மருந்துகளில் உள்ள பொருள்களை பற்றி அறியாமல் இருந்துள்ளனர். PCBயும் பிறவற்றைக் கலந்த பொருட்கள் பற்றிய எச்சரிக்கையை அவர்களுக்குத் தெரியப்படுத்தாமல் இருந்துள்ளது என்பவை செயற்குழுவால் விவரிக்கப்பட்ட காரணங்களாகும்.[24][25]

சாதகமான தீர்ப்பு வழங்கியதற்காக PCB தலைவர் நாசிம் அஸ்ரஃப் மற்றும் சக அணி உறுப்பினர்கள், அணித்தலைவர் மற்றும் பயிற்சியாளர் ஆகியோருக்கு மிகவும் நன்றியுடன் சோயிப் மற்றும் முகம்மது ஆசிஃப் இருந்தனர். PCB கேட்டுக் கொண்டதன் படி உடல்நலம் மற்றும் செயல்திறனில் முன்னேற உள்ளூர் போட்டிகளில் கலந்து கொண்டனர். இதன் காரணமாக பாகிஸ்தானில் நடைபெற்ற மேற்கிந்திய தீவுகளுக்கு எதிரான 2006 ஆம் ஆண்டு நவம்பர்-டிசம்பர் மாதங்களில் நடைபெற்ற தொடரில் இருவரும் பங்கேற்க வில்லை.[1]

வேகப் பந்து வீச்சாளரான சோயிப் மற்றும் முகம்மது ஆசிஃபின் ஆகியோருக்கு எதிரான பாகிஸ்தானின் தடை நீக்கத்தை எதிர்த்து WADA வேர்ல்ட் ஆண்டி-டூப்பிங் ஏஜென்சி இந்த வழக்கை சுவிட்சர்லாந்தின் லாவ்சனில் உள்ள விளையாட்டுகளுக்கான மத்தியஸ்த நீதிமன்றங்களுக்கு மாற்றியது.[2] போதைப் பொருள் உபயோகம் இல்லாத விளையாட்டாக மாற்ற ICCயும் WADA மேல்முறையீட்டை ஏற்றுக் கொண்டது.[3]

2007 ஆம் ஆண்டு கிரிக்கெட் உலகக் கோப்பையில் விளையாடுவதற்கு மேற்கிந்திய தீவுகளுக்கு புறப்படும் கடைசி நேரத்தில் சோயிப் மற்றும் ஆசிஃப் நீக்கப்பட்டதாக அணி அதிகாரிகள் கூறினர். இவர்கள் காயங்களுடன் கரிபியனில் விளையாடுவது இடர்களை ஏற்படுத்தும் என்று PCB மற்றும் அணி நிர்வாகம் கூறியது. இன்று வரை இருவரில் ஒருவர் கூட உடல் தகுதியுடன் இருப்பதாக தெரிவிக்க அதிகாரப்பூர்வ போதைப் பொருள் சோதனைகளுக்கு உட்படுத்தப்படவில்லை.[26]

விளையாட்டுகளுக்கான மத்தியஸ்த நீதிமன்றம் PCBயின் முடிவில் தலையிடுவது தங்களின் அதிகார எல்லையில் இல்லை என்று ஜூலை 2, 2007 அன்று வழக்கைத் தள்ளுபடி செய்தது.[27][28]

பிறப்புறுப்பில் நச்சுயிரி சார்ந்த மரு முன்பு தோல் சம்பந்தப்பட்ட வியாதியாக அறிக்கை அளிக்கப்பட்டிருப்பதாக கூறி மே 21, 2001 ஆம் ஆண்டிற்கான டுவெண்டி20 உலக சேம்பியன்ஷிப் அணியிலிருந்து நீக்கப்பட்டார்.[29]

மற்ற சர்ச்சைகள்[தொகு]

கராச்சியில் நடைபெற்ற சர்வதேச முகாமில் தவறாக நடந்து கொண்டதற்காக PCBயினால் விதிக்கப்பட்ட ரூபாய் 300,000 அபராதத்தை எதிர்த்து நடைபெற்ற கண்டனத்தில் PCBக்கு எதிராக முறையற்ற மொழிகளை உபயோகப்படுத்தியதாகக் கூறி 2007 ஆம் ஆண்டு ஆகஸ்ட் மாதத்தில் சோயிப்பிற்கு அறிக்கை அளிக்கப்பட்டது.[30]

தென்னாப்பிரிக்காவில் தொடங்க இருந்த வேர்ல்ட் டுவெண்டி 20யில் தனது சக அணி வீரரான முகம்மது ஆசிஃபை சோயிப் மட்டையால் தாக்கியதால் இடது தொடையில் காயம் ஏற்பட்டதாக வதந்தி வெளிவந்தது. ஆதாரங்களின் படி இருவரும் துணி மாற்றும் அறையில் சண்டையில் ஈடுபட்டதாகவும் அதன் விளைவால் ஆசிஃப் தனது இடது தொடையில் அடிக்கப்பட்டதாகவும் கூறப்பட்டது. சோயிப் தான் முன்னாள் பாகிஸ்தான் கிரிக்கெட் ஆட்டகாரர் இம்ரான் கானின் தோற்றம் போல் இருப்பதாக கூறியதை ஆசிஃப் மற்றும் சாஹித் அப்ரிடி ஏற்றுக் கொள்ளவில்லை என்பதனாலும் மேலும் சோயிப் கூறியதை ஏளனம் செய்தார்கள் என்ற காரணத்தினாலும் இருவருக்கும் இடையே சண்டை ஆரம்பித்ததாக ஆதாரங்கள் கூறுகின்றன.[31] காயங்களை விட இந்த தோற்காயம் கடுமையானதாக கருதப்படவில்லை என்றாலும் இந்த சம்பவத்தில் அணி சார்ந்த விசாரணை நிலுவையில் இருந்தது.[32] ஆரம்பகட்ட விசாரணைகளுக்கு பிறகு தவறு சோயிப் மீது உள்ளதாகக் கூறி டுவெண்டி20 உலகக் கோப்பையில் அணியிலிருந்து[33] நீக்கப்பட்டு வீட்டிற்கு அனுப்பபட்டார்.[34] PCBயினால் ஐந்து ஆட்டங்களில் விளையாட தடை செய்யப்பட்டு மற்றும் வாழ்நாள் தடை விதிக்கும் அளவிற்கு உடனடியாக நிகழக்கூடிய விதத்திலும் இருந்தது.[35] "எனது குடும்பத்தை பற்றி தவறாக பேசினார் என்று கூறி அப்ரிடி தான் சண்டை உருவாகக் காரணம் என்று சோயிப் பிறகு தெரிவித்தார். அவைகளை என்னால் பொருத்துக் கொள்ள இயலவில்லை." அப்ரிடி இந்த குற்றங்களை மறுத்தார் மேலும் இவரின் தலையீட்டால் ஆசிஃப் மிக அதிகமான காயங்களால் பாதிக்கப்பட்டுள்ளதாக கூறினார்.[36] சோயிப் படுத்து இருந்த காரணத்தினால் "சாகித் அப்ரிடியினால் சண்டையில் எதுவும் செய்ய இயலவில்லை" "அதற்காக அவர் மன்னிப்பும் கேட்க வில்லை" என்று ஆசிஃபும் கூறினார்.[37] சாகித் அப்ரிடி & முகம்மது ஆசிஃப் மற்றும் அணி உறுப்பினர்களுடன் சோயிப் பிறகு ஒட்டிக் கொண்டார்.

வீரர்களுக்கான நடத்தை விதி முறைகளை மீறியதற்காக ஏப்ரல் 1, 2008 அன்று ஐந்து ஆண்டுகள் தடை செய்யப்பட்டார். இந்த தடையானது பாகிஸ்தான் மற்றும் அனைத்து வகையான கிரிக்கெட்டிற்கும் நீண்டது.[38] இந்த தடையானது இந்தியன் பீரிமியர் லீக்கில் விளையாடுவதிலிருந்தும் பாதுகாக்கவில்லை. IPL ஆட்சிக் குழு சோயிப் மீதான தடை நீக்கப்படும் அல்லது முடியும் வரை IPL போட்டிகளில் விளையாட அனுமதிப்பது இல்லை என்று முடிவு செய்தது. " அவர்கள் [PCB] IPLலில் விளையாட அனுமதித்தாலும் சர்தேசக் கட்டுபாட்டு ஒழுக்கங்களை மதிக்க வேண்டும் என்று நாங்கள் விரும்புவோம்" என்று குழுவின் உறுப்பினரான IS பிந்தரா கூறினார்.[39] தடைக்கு எதிராக யுத்தம் செய்யப் போவதாக சோயிப்பும் கூறினார். " நான் மேல் முறையீடு செய்வேன் இது எனது உரிமை. இங்கே தோற்றால் நீதிமன்றம் செல்வேன், அங்கேயும் தோற்றால் உச்ச நீதிமன்றம் செல்வேன்."[40] PCB தலைவர் நசிம் அஸ்ரஃப் சோயிப்பிற்கு எதிராக குற்ற பத்திரிக்கை ஒன்றை தாக்கல் செய்தார். செய்தி அலைவரிசையில் தான் கூறிய கருத்துக்களை திரும்ப பெற வேண்டும் என்றும் தடையை தண்டனையாக ஏற்றுக் கொண்டு இந்தியன் பீரிமியர் லீக்கில் சம்பாதிக்கும் தொகையில் ஒரு குறிப்பிட்ட பகுதியை பங்காக வழங்க வேண்டும் என்றும் "நேரடியாக தன்னை தாக்கி பேசியதற்காக" ரூபாய் 100 மில்லியன் (தோராயமாக 1.6 மில்லியன் அமெரிக்க டாலர்) மற்றும் கூடுதலாக ரூபாய் 100 மில்லியனை PCBக்கும் "பாகிஸ்தான் கிரிக்கெட் சங்கம் மற்றும் பாகிஸ்தான் கிரிக்கெட் அணியின் பெயரை கொச்சை படுத்தியதற்காகவும் வழங்க வேண்டும் என்றும் அஸ்ரஃப் மேலும் குறிப்பிட்டு இருந்தார்.[41] மூன்று-பேர் கொண்ட மேல்முறையீட்டு தீர்ப்பாயம் ஜூனில் மேல்முறையீடு விவாதிற்கு வரும் வரை சோயிப்பின் ஐந்து ஆண்டுகால தடையை நிறுத்தி வைப்பதாக ஏப்ரல் 30 இல் அறிவித்தது.[42] குறிப்பாக PCB தலைவர் டாக்டர் நசிம் அஸ்ரஃப் மற்றும் நாட்டிற்கு தன்னால் ஏற்பட்ட அவமானத்திற்கு நிபந்தனையற்ற மன்னிப்பு கேட்டுக் கொள்வதாக சோயிப் பிறகு தெரிவித்தார். சோயிப்பிற்கு எதிராக அஸ்ரஃபின் சட்ட வழக்குரைஞர் ரூபாய் 22 கோடி (தோராயமாக அமெரிக்க டாலர் 3.37 மில்லியன்) கேட்டு லாகூர் உரிமையியல் நீதிமன்றத்தில் மே 2 ஆம் தேதி வழக்கு தொடர்ந்தார்.[43] மூன்று-பேர் கொண்ட மேல்முறையீட்டு தீர்ப்பாயம் மே 4 ஆம் தேதி சோயிப்பின் ஐந்து-ஆண்டுகள் தடையை ஜூன் 4 ஆம் தேதி கூடும் வரை ஒரு மாதம் நிறுத்தி வைத்து, தற்போது நடைபெற்றுக் கொண்டிருக்கும் IPL தொடரில் பங்கேற்கலாம் என்று கூறியது.[44] ஒரு நாளுக்கு பிறகு, சோயிப் மற்றும் தலைவர் நசிம் அஸ்ரஃப் இடையிலான அவதூறு வழக்கை நீண்ட காலம் நீட்டிக்காமல் அவர்களுக்கிடையே உள்ள முரண்பாட்டை ரக்மான் மாலிக் என்ற இஸ்லாமாபாத்தைச் சேர்ந்த அரசியல் அதிகாரி முன்னிலையில் நீக்கப் போவதாக PCB அறிவித்தது. "எனது மதிப்பு நிலைநாட்டப்பட்டு விட்டது இனி அவதூறு வழக்கு நீண்ட நாட்களுக்கு நீட்டப் படாது", என்று அஸ்ரஃப் மேற்கோள் காட்டி இருந்தார்.[45]

செப்டம்பர் 4, 2008 அன்று முறையான வேலை செய்யும் விசா இல்லாத காரணத்தினால் பிரிட்டிஷ் குடி நுழைவு அதிகாரிகளினால் ஹீத்ரோ விமான நிலையத்தில் இறங்கிய போது சோயிப் அக்தர் மீண்டும் நாட்டிற்கு திருப்பி அனுப்பப்பட்டார். முறையான விசா வைத்து இருந்த போதிலும் வேலை செய்வதற்கான விசா இல்லாமல் அக்தரால் உள்ளூர் கிரிக்கெட் போட்டிகளில் விளையாட இயலாது என்று அதிகாரிகள் தெரிவித்தனர். உடனடியாக தேவையான விசாவைப் பெற்று இங்கிலீஷ் கவுண்டியின் சார்பில் சர்ரே என்ற அணிக்கு விளையாடத் திரும்பினார்.[46]

செக்ஸ் சம்பந்தப்பட்ட வியாதி (பிறப்புறுப்பில் மருக்கள்) இருப்பதாக கூறியதற்கும் 2009 ஆம் ஆண்டு டுவெண்டி20 உலகக் கோப்பையில் போட்டியிலிருந்து நீக்கியதற்கும் பாகிஸ்தான் கிரிக்கெட் சங்கத்தின் மீது வழக்கு தொடரப் போவதாக அக்தர் அச்சுறுத்தினார்.[47]

ஆஸ்திரேலிய சுற்றுலாவில் தேர்ந்தெடுக்க வேண்டி உடம்பு இழைக்க பயன்படும் ஒருவகை மருந்தை (Liposuction) தன்னிடம் வைத்து இருந்ததாக 2009 ஆம் ஆண்டு டிசம்பரில் அக்தர் மீது குற்றம் சாட்டப்பட்டது. தனது மருத்துவர் இந்த மருந்துகள் நல்லவை என்று கூறிய காரணத்தினால் தான் வைத்து இருந்ததாக அக்தர் இந்தக் குற்றங்களை மறுத்தார்.

குறிப்புதவிகள்[தொகு]

  1. ↑ "PCB bans Shoaib Akhtar for an indefinite period". Archived from the original on 2008-04-20. https://web.archive.org/web/20080420184447/http://in.sports.yahoo.com/070907/139/6kgvi.html. 
  2. ↑ சுஐயிப் அக்தர் ஐந்து ஆண்டுகள் தடை செய்யப்பட்டார் | நியாயமற்றது
  3. ↑ "Shoaib in for Canada, not Yousuf". http://content-usa.cricinfo.com/pakistan/content/story/372804.html. 
  4. ↑ "Bone scan puts Akhtar in the clear". 2004. 2006-04-10 அன்று பார்க்கப்பட்டது.
  5. ↑ "Vaughan - Batsmen to blame". 2004. 2006-04-10 அன்று பார்க்கப்பட்டது.
  6. ↑ Rediffnews. "The law is equal for everyone in Pakistan". I have little interest in cricket. People are crazy about cricket and we feel happy when our country wins. The names of Hanif Mohammad, Imran Khan, Shoaib Akhtar all come to my mind once I think about cricket. These are legends of Pakistani cricket
  7. ↑ Steve Pittard and John Stern (2007-05-24). "Dodgy overseas signings". Cricinfo. 2007-05-24 அன்று பார்க்கப்பட்டது.
  8. ↑ இந்தியன் பிரீமியர் லீக்ஹ்- 35வது ஆட்டம், Kolkata Knight Riders v Delhi Daredevils. Cricinfo.com. 2008-05-14 அன்று பெறப்பட்டது.
  9. ↑ தில்லி படுதோல்வி அடைய சோயிப் வழிவகுத்தார். Cricinfo.com. 2008-05-14 அன்று பெறப்பட்டது.
  10. ↑ உண்மையை நிரூபிக்க என்னிடம் எந்தக் கருத்தும் இல்லை- சோயிப். Cricinfo.com. 2008-05-14 அன்று பெறப்பட்டது.
  11. ↑ நைட் ரைடர்ஸ் தற்போதும் அக்தருடன் உடன்பாட்டில் உள்ளனர் பரணிடப்பட்டது 2009-02-14 at the வந்தவழி இயந்திரம், பிப்ரவரி 3, 2009
  12. ↑ ABC ஸ்போர்ட்ஸ் - கிரிக்கெட் - பாகிஸ்தானின் அக்தர் ஆஸ்திரேலியாவின் நடன நிகழ்ச்சியில் பங்கேற்றதால் அபராதம் விதிக்கப்பட்டார்
  13. ↑ i-Pod பாடல் மூலம் சோயிப் பயிற்சியாளர் வூல்மரை அறைந்தார் - நியூஸ் - நியூஸ் - இண்டியாடைம்ஸ் கிரிக்கெட்
  14. ↑ கிரிக்இன்ஃபோ - ஆசிஃப் மற்றும் அக்தர் வீடு திரும்பினர்
  15. ↑ Staff writers and wires (2006-10-16). "Shoaib returns positive test". FOX SPORTS Australia. http://www.foxsports.com.au/story/0,8659,20589658-23212,00.html. 
  16. ↑ சோயிப் மயக்க மருந்து சோதனை செய்வதற்கு ஒத்துழைக்க வில்லை: சஹர்யார் - நியூஸ் - நியூஸ் - இண்டியாடைம்ஸ் கிரிக்கெட்
  17. ↑ 17.0 17.1 பாகிஸ்தான் நியூஸ் சர்வீஸ் - பாக்ட்ரிப்யூன்
  18. ↑ BBC SPORT | கிரிக்கெட் | அதிர்ச்சியில் சோயிப் அப்பாவித்தனத்திற்கு கண்டனம்
  19. ↑ கிரிக்இன்ஃபோ - கவலை அளிக்கிறது இருப்பினும் சோயிப்பை ஒரு உதாரணமாக மாற்றியுள்ளோம் - ஆலம்
  20. ↑ பாகிஸ்தான் கிரிக்கெட் சங்கம் - அதிகாரப்பூர்வ வலைத்தளம்
  21. ↑ கிரிக்இன்ஃபோ - மருந்து பயன்படுத்தியதால் சோயிப் மற்றும் ஆசிஃப் தடைச் செய்யப்பட்டனர்
  22. ↑ "காப்பகப்படுத்தப்பட்ட நகல்". 2007-09-27 அன்று மூலம் பரணிடப்பட்டது. 2010-04-23 அன்று பார்க்கப்பட்டது. Cite uses deprecated parameter |dead-url= (உதவி); Invalid |dead-url=dead (உதவி)
  23. ↑ கிரிக்இன்ஃபோ - சோயிப் மற்றும் ஆசிஃப் விடுவிக்கப்பட்டனர்
  24. ↑ கிரிக்இன்ஃபோ - சோயிப் மற்றும் ஆசிஃப் விடுவிக்கப்பட்டனர்
  25. ↑ கிரிக்இன்ஃபோ - டோப் ஆன் டூபிங் ஸ்கேண்டல்
  26. ↑ சோயிப் மற்றும் ஆசிஃப் உலகக் கோப்பையில் போட்டியிலிருந்து நீக்கப்பட்டனர்:
  27. ↑ மயக்க மருந்து விவகாரங்களில் தலையிட நீதிமன்றங்களுக்கு அதிகாரம் இல்லை. Cricinfo.com. 2007-07-03 அன்று பெறப்பட்டது.
  28. ↑ பாகிஸ்தான் முடிவில் நீதிமன்றம் தலையிட முடியாது. Cricinfo.com. 2007-07-03 அன்று பெறப்பட்டது.
  29. ↑ [13] ^ http://content.cricinfo.com/nzvind2009/content/current/story/398362.html
  30. ↑ "Shoaib uses foul language to protest PCB decision". Archived from the original on 2012-07-13. https://archive.is/20120713153808/http://in.sports.yahoo.com/070811/139/6jbmc.html. 
  31. ↑ ஆசிஃப்பை மட்டையால் சோயிப் அடித்தார், அதனால் அணியிலிருந்து நீக்கப்பட்டார் செப்டம்பர் 8, 2007 - த இண்டியன் எக்ஸ்பிரஸ்
  32. ↑ "Asif injured in dressing room spat by Akhtar". http://content-uk.cricinfo.com/pakistan/content/current/story/309867.html. 
  33. ↑ 2007 ஆம் ஆண்டு டுவெண்டி20 உலககோப்பை இடைவேளைக்கு பிறகு பாகிஸ்தான் சோயிப்பை அழைத்தது செப்டம்பர் 7, 2007 ரியூட்டர்ஸ்
  34. ↑ சம்பவத்திற்கு பிறகு சோயிப் வீட்டிற்கு அனுப்பபட்டார்
  35. ↑ சோயிப் ஐந்து ஆட்டங்களுக்கு தடை செய்யப்பட்டுள்ளார் செப்டம்பர் 8, 2007 டெய்லி டைம்ஸ்
  36. ↑ கிரிக்கெட்-சண்டையை தூண்டிய காரணத்தினால் பாகிஸ்தானின் அக்தர் அஃப்ரிடியை குற்றம்சாட்டினார் | ஸ்போர்ட்ஸ் | கிரிக்கெட் | ரியூட்டர்ஸ்
  37. ↑ "சோயிப் உண்மையைப் பேசவில்லை: ஆசிஃப்". 2011-06-04 அன்று மூலம் பரணிடப்பட்டது. 2010-04-23 அன்று பார்க்கப்பட்டது. Cite uses deprecated parameter |dead-url= (உதவி); Invalid |dead-url=dead (உதவி)
  38. ↑ சோயிப் ஐந்து ஆண்டுகள் தடை செய்யப்பட்டார். Cricinfo.com. 2008-05-04 அன்று பெறப்பட்டது.
  39. ↑ சோயிப் IPLலில் விளையாட முடியாது. Cricinfo.com. 2008-05-04 அன்று பெறப்பட்டது.
  40. ↑ 'ஐ ஹாவ் பீன் விக்டிமைஸ்ட்' - சோயிப். Cricinfo.com. 2008-05-04 அன்று பெறப்பட்டது.
  41. ↑ அஸ்ரஃப் பையில்ஸ் லீகல் நோட்டீஸ் அகைன்ஸ்ட் சோயிப். Cricinfo.com. 2008-05-04 அன்று பெறப்பட்டது.
  42. ↑ சோயிப்ஸ் பைவ்-இயர் பேன் அப்ஹெல்ட். Cricinfo.com. 2008-05-04 அன்று பெறப்பட்டது.
  43. ↑ அஸ்ரஃப் பையில்ஸ் டிபாமேசன் சூட் அகையின்ஸ்ட் சோயிப். Cricinfo.com. 2008-05-04 அன்று பெறப்பட்டது.
  44. ↑ சோயிப் கிளியர்ட் டு ப்ளே இன் IPL. Cricinfo.com . 2008-05-04 அன்று பெறப்பட்டது.
  45. ↑ PCB சாஃப்டென்ஸ் ஸ்டேன்ஸ் ஆன் சோயிப் Cricinfo.com. 2008-05-05 அன்று பெறப்பட்டது.
  46. ↑ அக்தர் ரிட்டன் ஹோம் ஆஃப்டர் விசா ஹிட்ச் பரணிடப்பட்டது 2009-02-13 at the வந்தவழி இயந்திரம். Cricdb.com. 2008-09-04 அன்று பெறப்பட்டது.
  47. ↑ சோயிப் அக்தர்ஸ் ஜெனிடல் வார்ட்ஸ் கீப் ஹிம் அவுட் ஆப் பாகிஸ்தான்ஸ் வேர்ல்ட் டுவெண்டி 20 ஸ்குவாட். 2009-08-10 அன்று பெறப்பட்டது.

புற இணைப்புகள்[தொகு]

"https://ta.wikipedia.org/w/index.php?title=சுஐப்_அக்தர்&oldid=3276660" இருந்து மீள்விக்கப்பட்டது