சோடியம் தெலூரைடு

சோடியம் தெலூரைடு
பெயர்கள்
	வேறு பெயர்கள் இருசோடியம் தெலூரைடு; ஐதரோதெலூரிக்கு அமில சோடியம் உப்பு
இனங்காட்டிகள்
சிஏஎசு எண்	12034-41-2
EC number	234-806-0
	InChI InChI=1S/2Na.Te;
யேமல் -3D படிமங்கள்	Image
பப்கெம்	82837
	SMILES [Na][Te][Na];
பண்புகள்
மூலக்கூறு வாய்பாடு	Na2Te
வாய்ப்பாட்டு எடை	173.58 கி/மோல்
தோற்றம்	வெண் தூள்,; நீர் உறிஞ்சும் திறன்
அடர்த்தி	2.90 கி/செ.மீ 3, திண்மம்
உருகுநிலை	953 °C (1,747 °F; 1,226 K)
நீரில் கரைதிறன்	நன்றாகக் கரையும்
தீங்குகள்
முதன்மையான தீநிகழ்தகவுகள்	தண்ணீருடன் தொடர்பு கொள்ளும்போது எரியக்கூடிய வாயு வெளியிடப்படுகிறது.
GHS pictograms
GHS signal word	எச்சரிக்கை
தொடர்புடைய சேர்மங்கள்
ஏனைய எதிர் மின்னயனிகள்	சோடியம் ஆக்சைடு; சோடியம் சல்பைடு; சோடியம் செலீனைடு; சோடியம் பொலோனைடு
ஏனைய நேர் மின்அயனிகள்	ஐதரசன் தெலூரைடு; இலித்தியம் தெலூரைடு; பொட்டாசியம் தெலூரைடு; ருபீடியம் தெல்லூரைடு; சீசியம் தெலூரைடு
	மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும்; பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். verify (இது ?) வார்ப்புரு மேற்கோள்கள்

சோடியம் தெலூரைடு (Sodium telluride) என்பது Na₂Te என்ற மூலக்கூற்று வாய்ப்பாடு கொண்ட ஒரு கனிம வேதியியல் சேர்மமாகும். இந்த உப்பு வெப்பவியல் ரீதியாக நிலையற்ற அமிலமான ஐதரசன் தெலூரைடின் இணை காரமாகும். ஆனால், பொதுவாக சோடியத்துடன் தெலூரியத்தைச் சேர்த்து குறைப்பு வினைக்கு உட்படுத்துவதன் மூலம் தயாரிக்கப்படுகிறது. சோடியம் தெலூரைடு காற்றுக்கு மிகவும் உணர்திறன் கொண்டதாக இருப்பதால் கையாள்வதற்கு சவாலான ஒரு வேதிப்பொருளாகும். இச்சேர்மத்தை காற்று முதலில் பாலிதெலூரைடுகளாக ஆக்சிசனேற்றம் செய்யும். அவை Na₂Te_x (x > 1) என்ற பொதுவாய்ப்பாட்டால் அடையாளப்படுத்தப்படுகின்றன. முற்றிலும் தூய்மையானதாக இருக்கும்போது நிறமற்றதாக இருக்கும் சோடியம் தெலூரைடு மாதிரிகள், காற்று ஆக்சிசனேற்றத்தின் விளைவுகளால் பொதுவாக ஊதா அல்லது அடர் சாம்பல் நிறத்தில் தோன்றும்.

தயாரிப்பு

பொதுவாக அம்மோனியாவை கரைப்பானாகப் பயன்படுத்தி தயாரிப்பு வினை நடத்தப்படுகிறது.^[2]

கட்டமைப்பு

M₂X என்ற பொது வாய்ப்பாட்டுடன் தொடர்புடைய பல சேர்மங்களைப் போலவே சோடியம் தெலூரைடும் எதிர் புளோரைட்டு கட்டமைப்பை ஏற்றுக்கொள்கிறது. இவ்வாறான திண்ம Na₂Te சேர்மத்தில் ஒவ்வொரு Te²⁻ அயனியும் எட்டு Na⁺ அயனிகளால் சூழப்பட்டுள்ளன. மேலும் ஒவ்வொரு Na⁺ அயனியும் நான்கு Te₂₋ அயனிகளால் சூழப்பட்டுள்ளன.^[3]

பண்புகள்

M₂X வகையைச் சேர்ந்த எளிய உப்புகள், (இங்கு X என்பது ஒரு ஓற்றை அணு எதிர்மின் அயனியாகும்) பொதுவாக எந்த கரைப்பானிலும் கரையக்கூடியவை அல்ல. ஏனெனில் அவை அதிக படிகக்கூடு ஆற்றலைக் கொண்டுள்ளன. தண்ணீரைச் சேர்க்கும்போதும் அல்லது ஈரமான காற்று கூட அல்லது ஆல்ககால்களுடன் சேர்த்து சூடாக்கும்போது Te²⁻ புரோட்டோனேற்றம் அடைகிறது:

Na₂Te + H₂O → NaHTe + NaOH

இந்த வினையின் காரணமாக, Na₂Te உடன் தொடர்புடைய பல செயல்முறைகள் NaHTe (CAS # 65312-92-7) சேர்மத்தை உள்ளடக்கியிருக்கலாம். இது அதிகம் கரையக்கூடியதாகவும் எளிதிலும் உருவாகிறது.

கரிம வேதியியல் பயன்பாடு

Na₂Te கரிமத் தொகுப்பு வினைகளில் பயன்படுத்தப்படுகிறது. குறைப்புகளுக்கான வினைபொருளாகவும், கரிமதெலூரியம் சேர்மங்களின் தொகுப்பு வினையில் Te தனிமத்தின் மூலமாகவும் பயன்படுத்தப்படுகிறது.^[4] இருநாப்தைல்தெலூரைடு தயாரிப்பில் விளக்கப்பட்டுள்ளபடி, அரைல் ஆலைடுகள் ஈரரைல் தெலூரைடுகளுக்கு மாற்றாகப் பயன்படுத்தப்படுகின்றன:

Na₂Te + 2 C₁₀H₇I → (C₁₀H₇)₂Te + 2 NaI

1,3-டைன்களுடன் Na₂Te வினைபுரிந்து தொடர்புடைய தெலூரோபீன்களைக் கொடுக்கிறது. இவை கட்டமைப்பு ரீதியாக தயோபீன்களை ஒத்தவையாகும்.

Na₂Te + RC≡C-C≡CR + 2 H₂O → TeC₄R₂H₂ + 2 NaOH

ஒரு குறைக்கும் முகவராக, Na₂Te சேர்மம் நைட்ரோ குழுக்களை அமீன்களாக மாற்றுகிறது. மற்றும் சில C-X பிணைப்புகளையும் பிளக்கும்.^[4]

மேற்கோள்கள்

↑ "12034-41-2 - Sodium telluride, 99.9% (metals basis) - 41777 - Alfa Aesar". www.alfa.com.
↑ F. Fehér (1963). "Sodium Telluride, Potassium Telluride Na₂Te, K₂Te". In G. Brauer (ed.). Handbook of Preparative Inorganic Chemistry, 2nd Ed. Vol. 1. NY, NY: Academic Press. p. 441.
↑ Wells, A.F. (1984) Structural Inorganic Chemistry, Oxford: Clarendon Press. பன்னாட்டுத் தரப்புத்தக எண் 0-19-855370-6.
↑ ^4.0 ^4.1 "Sodium Telluride" Dittmer, D. C. in Encyclopedia of Reagents for Organic Synthesis 2001. எஆசு:10.1002/047084289X.rs103.

[1] "12034-41-2 - Sodium telluride, 99.9% (metals basis) - 41777 - Alfa Aesar". www.alfa.com.

[2] F. Fehér (1963). "Sodium Telluride, Potassium Telluride Na₂Te, K₂Te". In G. Brauer (ed.). Handbook of Preparative Inorganic Chemistry, 2nd Ed. Vol. 1. NY, NY: Academic Press. p. 441.

[3] Wells, A.F. (1984) Structural Inorganic Chemistry, Oxford: Clarendon Press. பன்னாட்டுத் தரப்புத்தக எண் 0-19-855370-6.

[ditt-4] 4.0 ^4.1 "Sodium Telluride" Dittmer, D. C. in Encyclopedia of Reagents for Organic Synthesis 2001. எஆசு:10.1002/047084289X.rs103.

[2]

[3]

[4]