செ. செ. தாம்சனின் அணு மாதிரி

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
செ.செ.தாம்சனின் அணு மாதிரி.

1904 ஆம் ஆண்டில் செ. செ. தாம்சனின் அணு மாதிரி (Plum pudding model) என்பது செ.செ.தாம்சனால் வழங்கப்பட்டதும் அணு மாதிரிகளிலேயே முதன்மையானதுமாகும்.[1] செ. செ. தாம்சன் இலத்திரன் கண்டறிந்த காலத்தில் அணுக்கரு கண்டறியப்படவில்லை. ஆதலால் அணுக்கள் மின்சுமையற்றவை எனவும்,இலத்திரன்கள் எதிர்மின்சுமையுள்ளவை எனவும் கண்டறிந்தார்.

அணு மாதிரி பற்றிய கண்ணோட்டம்[தொகு]

இந்த அணு மாதிரியில், அணுவின் உள்ளே இலத்திரன்கள் பொதிந்து இருப்பாதாகக் கொள்ளப்பட்டது. செ.செ.தாம்சன் இலத்திரன்களை துகள்கள் ("corpuscles") என்று அழைத்தார். சி. செ. சுடானி (G. J. Stoney) என்ற அறிவியல் அறிஞர் இலத்திரன்கள் எனப் பெயரிட்டார்.[2]

செ. செ. தாம்சன் அணு மாதிரி[தொகு]

அணுக்கள் மின்சுமையற்றவை என்ற கோட்பாட்டால், அணுக்கள் நேர்மின் சுமையை, எதிர்மின்சுமையுள்ள இலத்திரன்கள் சமன் செய்கின்றன என்பது செ.செ.தாம்சனின் கருத்து.

இதனடிப்படையில் மூன்று முக்கிய அனுமானங்களை வெளியிட்டார்:

  1. அணுவின் எல்லா பகுதிகளிலும் எதிர்மின்சுமையுள்ள ஒவ்வொரு இலத்திரனும் நேர்மின் சுமையுள்ள துகளுடன் இணைக்கப்பட்டுள்ளது.
  2. அணுவின் மையத்தில் நேர்மின் சுமையுள்ள துகள்களை, சம அளவுள்ள எதிர்மின்சுமையுள்ள இலத்திரன்கள் சுற்றி வருகிறது.
  3. அணுவில் சீராகப் பரவியுள்ள நேர்மின் சுமையுள்ள துகள்களுக்கிடையே ஆங்காங்கே எதிர்மின்சுமையுள்ள இலத்திரன்கள் பொதிந்துள்ளன.

இந்த மூன்று கோட்பாடுகளில் மூன்றாவது கோட்பாடு மிகச் சரியாக இருக்கும் எனத் தாம்சன் தீர்மானித்தார்.

1904 ஆம் ஆண்டு தனது அணு மாதிரியைத் தாம்சன் வெளியிட்டார். அதன்படி அணுவில் சீராகப் பரவியுள்ள நேர்மின் சுமையுள்ள துகள்களாலான கோளத்தில் ஆங்காங்கே எதிர்மின்சுமையுள்ள இலத்திரன்கள் பொதிந்துள்ளன.[3]

கைகர்-மார்சதென் சோதனையின் அடிப்படையில் ரூதர்போர்டு அணுமாதிரி ஏற்றுக்கொள்ளப்பட்டதால் தாம்சனின் அணு மாதிரி தோல்வியடைந்தது.

செ. செ. தாம்சன் அணு மாதிரி பற்றிய சில குறிப்புகள்[தொகு]

  • செ. செ. தாம்சன் அணுவின் நேர்மின் சுமை மற்றும் எதிர்மின்சுமை பற்றி முதலில் விளக்கினார்.
  • அணுவின் ஆரத்தை 10-10 மீட்டர் எனக் கணக்கிட்டார்.
  • அணுவின் நிலைப்புத் தன்மைக்கும், நிறமாலை வரிகள் உருவாவதற்கான காரணமும் சரியாக விளக்கப்பட்டது.
  • ஆல்ஃபா துகள் சிதறடிப்பு மற்றும் நிறமாலை வரிகளின் வரிசைகள் ஆகியவற்றை விளக்காததால் தாம்சனின் அணு மாதிரி தோல்வியடைந்தது.

மேற்கோள்கள்[தொகு]

  1. "Plum Pudding Model - Universe Today". Universe Today (27 August 2009). பார்த்த நாள் 19 December 2015.
  2. Stoney, G. Johnstone (October 1894). "Of the 'Electron' or Atom of Electricity". Philosophical Magazine. 5 38 (233): 418–420. doi:10.1080/14786449408620653. http://www.chemteam.info/Chem-History/Stoney-1894.html. 
  3. Thomson, J. J. (March 1904). "On the Structure of the Atom: an Investigation of the Stability and Periods of Oscillation of a number of Corpuscles arranged at equal intervals around the Circumference of a Circle; with Application of the Results to the Theory of Atomic Structure". Philosophical Magazine. Sixth 7 (39): 237–265. doi:10.1080/14786440409463107.