செந்தமிழ் நிலம்
செந்தமிழ் நிலம் என்பது இயற்சொல் வழங்கும் நிலப்பகுதி ஆகும். இந்த நிலப்பகுதியின் எல்லையைக் குறிப்பிடுவதில் பழங்கால இலக்கண உரையாசிரியர்களின் கருத்தில் மாறுபாடுகள் உள்ளன.
- இளம்பூரணர் கருத்து
- செந்தமிழ் நிலம் என்பது வையை யாற்றின் வடக்கு, மருத யாற்றின் [1] தெற்கு, கருவூரின் மேற்கு, மருவூரின் [2] மேற்கு.
- நன்னூல் உரையாசிரியர் சங்கர நமச்சிவாயர் கருத்து
- செந்தமிழ் நிலம் என்பது பாண்டுநாட்டுப் பகுதி. [3])
- நன்னூல் உரையாசிரியர் சிவஞான முனிவர் கருத்து
- தென்பாண்டி நாடு சேர்க்கப்படாத பாண்டி நாடுதான் செந்தமிழ் நிலம். [4]
- நன்னூல் உரையாசிரியர் மயிலைநாதர் கருத்து
- இவர் இளம்பூரணர் கருத்தை வழிமொழிகிறார்.
அடிக்குறிப்பு[தொகு]
- ↑ மருதயாறு என்பது பெரம்பலூர் மாவட்டத்தில் ஓடும் ஆறு
- ↑ மருவூர் என்பது திருவையாற்றுக்கு மேற்குள்ள ஓர் ஊர்
- ↑
செந்தமிழ் நிலமாவது யாது எனின்,
- சந்தனப் பொதியச் செந்தமிழ் முனியும்
- சுந்தர பாண்டியன் எனும் தமிழ் நாடனும்
- சங்கப் புலவரும் தழைத்து இனிது இருக்கும்
- மங்கலப் பாண்டி வளநாடு என்ப (நன்னூல் நூற்பா 271 உரை
- ↑ செந்தமிழ்ப் பாண்டி நாட்டின் தென்திசைக்கண்ணதாய தென்பாண்டி நாட்டார் ஆவினைப் பெற்றம் என்றும், சோற்றைச் சொன்றி என்றும், ... வழங்குவர். (நன்னூல் விருத்தியுரை நூற்பா 273)