சுவேதா மோகன்
சுவேதா மோகன் | |
|---|---|
 | |
| பிறப்பு | 19 நவம்பர் 1985 சென்னை, தமிழ்நாடு, இந்தியா |
| படித்த கல்வி நிறுவனங்கள் | இசுடெல்லா மேரிக் கல்லூரி |
| பணி |
|
| செயற்பாட்டுக் காலம் | 2003– தற்போது வரை |
| தாய் | சுஜாதா மோகன் |
| வாழ்க்கைத் துணை | அஸ்வின் சாசி (தி. 2011) |
| பிள்ளைகள் | 1[1] |
| உறவினர்கள் | பறவூர் தா. கி. நாராயண பிள்ளை (தாத்தா) |
| இசை வாழ்க்கை | |
| இசை வடிவங்கள் |
|
| இசைக்கருவி(கள்) | குரலிசை |
| வெளியீட்டு நிறுவனங்கள் | தனிப்பட்ட கலைஞர் |
| வலைத்தளம் | |
| shwetamohan | |
சுவேதா மோகன் (Shweta Mohan, பிறப்பு:19 நவம்பர் 1985) ஓர் இந்தியப் பின்னணிப் பாடகி ஆவார்.[2][3] தமிழ், மலையாளம், தெலுங்கு, கன்னடம் ஆகிய நான்கு தென்னிந்தியத் திரைப்படங்களிலும் பின்னணி பாடுகிறார். திரைப்படப் பாடல்களுடன், ஆவணப் பாடல்களையும் பதிவு செய்துள்ளார். மேலும் சில இந்தித் திரைப்படங்களைத் தவிர, தென்னிந்தியத் திரைப்படங்களில்முன்னணி பின்னணிப் பாடகியாகத் தன்னை நிலைநிறுத்திக் கொண்டார்.
பின்னணிப்பாடகி சுஜாதா மோகன், கிருஷ்ணா மோகன் ஆகியோரின் மகளாகப் பிறந்த சுவேதா, சிறந்த பெண் பின்னணிப் பாடகியருக்கான பிலிம்பேர் விருதுகள் தெற்கு ஐந்து தடவையும், ஒரு கேரள மாநில திரைப்பட விருதையும், ஒரு தமிழ்நாடு மாநில திரைப்பட விருதையும் பெற்றுள்ளார்.
குடும்பம்
[தொகு]சுவேதா மோகன் 1985 நவம்பர் 19 அன்று சென்னையில் ஒரு மலையாளக் குடும்பத்தில் பிறந்தார். கிருஷ்ண மோகன், பின்னணிப் பாடகி சுஜாதா மோகன் ஆகியோரின் மகள் ஆவார். சென்னையின் குட் ஷெப்பர்ட் கான்வெண்ட்டில் தனது பள்ளிப்படிப்பை முடித்து, சென்னை ஸ்டெல்லா மேரிக் கல்லூரியில் பட்டம் பெற்றார். தனது நீண்டகால நண்பரான அஸ்வின் சாசியை மணந்தார். சுவேதா மோகன், அஸ்வின் சாசி ஆகியோருக்கு ஒரு மகள் உள்ளார்.[1]
தொழில் வாழ்க்கை
[தொகு]சுவேதா தனது 9 வயதில் கருநாடக இசையில் பயிற்சி பெறத் தொடங்கினார். ஒரு குழந்தைக் கலைஞராக, ஏ. ஆர். ரகுமான் இசையில் பம்பாய் திரைப்படத்தில் குச்சி குச்சி இராக்கம்மா இந்திரா திரைப்படத்தில் அச்சம் அச்சம் இல்லை போன்ற பாடல்களில் குழுப்பாடகியாகப் பாடினார். இளையராஜா, ஏ. ஆர். ரகுமான், வித்தியாசாகர், எம். எம். கீரவாணி, எம். ஜெயச்சந்திரன், ஜான்சன், சார்த், ஊசேபச்சன், தீபக் தேவ், ஹாரிஸ் ஜெயராஜ், யுவன் சங்கர் ராஜா, வி. ஹரிகிருஷ்ணா, ஜி. வி. பிரகாஷ் குமார், மணிசர்மா, கண்ணன், என். ஆர். ரகுநந்தன், மணிகாந்த் கத்ரி, தேவி ஸ்ரீ பிரசாத், அனிருத் ரவிச்சந்திரன், சௌரேந்த்ரோ-சௌமியோஜித் போன்ற இந்திய இசையமைப்பாளர்களுக்குப் பாடியுள்ளார். சுவேதா தற்போது பின்னணிப் பாடகரான பின்னி கிருஷ்ணகுமாரிடம் கருநாடகப் பாரம்பரிய இசையைக் கற்று வருகிறார்.[4]
சில தமிழ்ப் பாடல்கள்
[தொகு]- கனவே - சென்னையில் ஒரு நாள்
- கடவுளின் கோயில் - மயங்கினேன் தயங்கினேன்
- சத்தம் சத்தமின்றி - ஆயிரம் முத்தங்களுடன் தேன்மொழி
- யம்மா யம்மா - 7ஆம் அறிவு
- அமளி துமளி - கோ
- நீ கோரினால் - 180
- நீ முத்தம் ஒன்று - போக்கிரி
- மேகம் மேகம் - கண்ணாமூச்சி ஏனடா
- குச்சி குச்சி - பம்பாய் (குழந்தை பாடகியாக)
- இனி அச்சம் அச்சம் இல்லை - இந்திரா (குழந்தை பாடகியாக)
மேற்கோள்கள்
[தொகு]- ↑ 1.0 1.1 Singer Shweta Mohan blessed with a baby n girl named Sreshta பரணிடப்பட்டது 21 மே 2018 at the வந்தவழி இயந்திரம். English.mathrubhumi.com (1 December 2017). Retrieved on 2019-08-25.
- ↑ "Shweta Mohan Playback singer". The Times of India. 13 August 2020. https://timesofindia.indiatimes.com/topic/Shweta-Mohan.
- ↑ {{Cite news|url=https://timesofindia.indiatimes.com/entertainment/hindi/music/news/Shweta-Mohan-is-happy/etarticleshow/5513702.cms%7Ctitle=Shweta Mohan is happy|date=30 சனவரி 2010|work=[[தி டைம்ஸ் ஆஃப் இந்தியா}}
- ↑ "And Quiet Flows The Karamana: Two of a kind". தி இந்து. 5 October 2012. http://www.thehindu.com/features/friday-review/music/and-quiet-flows-the-karamana-two-of-a-kind/article3968866.ece.
வெளி இணைப்புகள்
[தொகு]| கலைஞர் | |
|---|---|
| மற்றவை | |
