சுபாசினி அலி

கட்டற்ற கலைக்களஞ்சியமான விக்கிப்பீடியாவில் இருந்து.
சுபாசினி அலி சாகல்
2019ஆம் ஆண்டில் சுபாசினி அலி
நாடாளுமன்ற உறுப்பினர், மக்களவை (இந்தியா)
பதவியில்
1989–1991
தொகுதிகான்பூர் மக்களவைத் தொகுதி
முன்னையவர்நரேஷ் சாந்தர் சதுர்வேதி
பின்னவர்ஜகத் வீர் சிங் துரோணா
President, அனைத்திந்திய ஜனநாயக மாதர் சங்கம்
தனிப்பட்ட விவரங்கள்
பிறப்பு29 திசம்பர் 1947 (1947-12-29) (அகவை 76)
கான்பூர், இந்தியா
அரசியல் கட்சிஇந்தியப் பொதுவுடமைக் கட்சி (மார்க்சிஸ்ட்)
துணைவர்முசாபர் அலி (divorced)
பிள்ளைகள்சாத் அலி
வாழிடம்(s)விஐபி சாலை, கான்பூர் கான்பூர்
முன்னாள் கல்லூரிபெண்கள் கிறித்தவக் கல்லூரி,[1] சத்ரபதி ஷாகுஜி மகராஜ் பல்கலைக்கழகம்
As of 27 சனவரி, 2007
மூலம்: [1]

சுபாசினி அலி (Subhasini Ali) என்பவர் ஒரு இந்திய அரசியல்வாதியும், இந்தியப் பொதுவுடமைக் கட்சியின் (மார்க்சிஸ்ட்) உறுப்பினரும் மற்றும் அனைத்திந்திய ஜனநாயக மாதர் சங்கத்தின் தலைவரும், கான்பூரிலிருந்து தேர்ந்தெடுக்கப்பட்ட முன்னாள் நாடாளுமன்ற உறுப்பினரும் ஆவார்.

ஆரம்பகால வாழ்க்கை மற்றும் கல்வி[தொகு]

சுபாசினி அலி கர்னல் பிரேம் சாகல் மற்றும் கேப்டன் இலட்சுமி சாகல் (டாக்டர் லட்சுமி சுவாமிநாதன்) [2] ஆகியோரின் மகள் ஆவார். இவர்கள் இந்திய தேசிய ராணுவத்தின் ஒரு பகுதியாக இருந்தனர். சுபாசினி அலி தேராதூனில் உள்ள வெல்ஹாம் பெண்கள் பள்ளியில் பயின்றார்.[3] சென்னையில் உள்ள மகளிர் கிறிஸ்தவ கல்லூரியில் இளங்கலை பட்டம் பெற்றார், பின்னர் கான்பூர் பல்கலைக்கழகத்தில் முதுகலைப் பட்டம் பெற்றார். இவர் முன்னதாகத் திரைப்படத் தயாரிப்பாளர் முசாபர் அலியை மணந்தார். இவர்களது மகன் சாத், பண்டி அவுர் பாப்லி, ஜூம் பராபர் ஜூம் போன்ற படங்களை இயக்கிய திரைப்பட .இயக்குநர் ஷாத் அலி ஆவார் சுபாசினி அலி பொதுவுடமைவாதியும், நாத்திகரும் ஆவார். இவருடைய மகனும் நாத்திகர் ஆவார். சுபாசினி அலியின் மகன் சாத் சாஜ்னீன் ஹுசியனை திருமணம் செய்து கொண்டார். பின்னர் சாஜ்னீன் சாதை விவாகரத்து செய்தார்.[4]

அரசியல் வாழ்க்கை[தொகு]

ஒரு தொழிற்சங்கவாதியாகவும் மற்றும் அனைத்திந்திய ஜனநாயக மாதர் சங்கத்தின் தலைவராகவும், ஒரு காலத்தில் கான்பூரின் அரசியலில் அவர் மிகவும் செல்வாக்கு செலுத்தியவர் ஆவார். அங்கு இந்திய இந்தியப் பொதுவுடமைக் கட்சி தொழிற்சங்கங்கள் மீது கட்டுப்பாட்டைக் கொண்டிருந்தது, மேலும் இது சிபிஐ ஆதரவு எஸ்.எம். பானர்ஜியை மக்களவைக்கு நான்கு முறை 1957 முதல் 1971 வரை. இந்தியப் பொதுவுடமைக் கட்சியின் இந்த செல்வாக்கு 1989 ஆம் ஆண்டு பொதுத் தேர்தலில் நாடாளுமன்றத்தில் வெற்றிபெற உதவியது, மேலும் கான்பூரிலிருந்து 56,587 வாக்குகள் வித்தியாசத்தில் தனக்கு அடுத்து வந்த போட்டியாளரான பாரதிய ஜனதா கட்சி வேட்பாளரை தோற்கடித்தார். 1977ஆம் ஆண்டில் நெருக்கடி நிலைக்குப் பிறகு பொதுவுடமைக் கட்சியின் செல்வாக்கு குறைந்தது. 1996 பொதுத் தேர்தலில் அவர் 151,090 வாக்குகள் வித்தியாசத்தில் தோற்றார். 2004 பொதுத் தேர்தலில் 4558 வாக்குகள் (0.74%) மட்டுமே பெற்று ஐந்தாவது இடத்தைப் பிடித்தார். இந்திய பொதுவுடமைக் கட்சியின் (மார்க்சிஸ்ட்) வேட்பாளராக பராக்பூரிலிருந்து 2014 பொதுத் தேர்தலில் அவர் போட்டியிட்டு தோல்வியடைந்தார்.

அவர் தற்போது இந்தியப் பொதுவுடமைக் கட்சியின் (மார்க்சிஸ்ட்) மத்திய குழுவில் உறுப்பினராக உள்ளார். அவர் 2015 ஆம் ஆண்டில் இந்திய கம்யூனிஸ்ட் கட்சியின் (மார்க்சிஸ்ட்) அரசியல் பணியகத்தில் (பொலிட் பீரோ) சேர்க்கப்பட்டார், இதன் மூலம் பிருந்தா காரத்துக்குப் பிறகு அரசியல் பணியகத்தில் இரண்டாவது பெண் உறுப்பினரானார்.

திரைப்படங்கள்[தொகு]

சுபாசினி அலி 1981 ஆம் ஆண்டு வெளிவந்த, உம்ராவ் ஜான் என்ற அவரது கணவர் முசாபர் அலி இயக்கிய திரைப்படத்திற்கான ஆடைகளை வடிவமைத்தார். அவர் நடிப்பிலும் ஈடுபட்டார். மேலும் அவரது முதல் கதாபாத்திரம் 2001 இல் வெளியான அசோகாவில் இருந்தது, அதைத் தொடர்ந்து 2002 ஆம் ஆண்டில் தி குரு என்ற ஆங்கிலத் திரைப்படத்திலும் நடித்தார். 2005 ஆம் ஆண்டில் மீண்டும் காணப்பட்டது, அவரது சக கட்சி உறுப்பினர் பிருந்தா காரத் உடன் அமு படத்தில் நடித்தார் .

முசாபர் அலி இயக்கிய அஞ்சுமான் (1986) திரைப்படத்தை கான்பூரில் அனைத்திந்திய ஜனநாயக மாதர் சங்கத்திற்கான தனது போராட்டங்களுக்கான ஊக்கமாகப் பயன்படுத்திக் கொண்டார்.

குறிப்புகள்[தொகு]

  1. "Crusader for the women's cause". The Hindu. 19 December 2002. பார்க்கப்பட்ட நாள் 14 சூலை 2018.
  2. LAXMI SEHGAL:THE DOCTOR WHO SOLDIERS ON பரணிடப்பட்டது 11 நவம்பர் 2006 at the வந்தவழி இயந்திரம் the-south-Asian,October 2001.
  3. Fernandes, Vivek (2001-07-21). "The Subhashini Ali 5 Questions". rediff.com. பார்க்கப்பட்ட நாள் 2007-10-01.
  4. "There are religions that have very rigid rules and there are others that don't. Religion is something that I, as a person, am not interested in. I have always been an atheist. My parents were atheists. It doesn't bother me if somebody is religious. My problem is when religion is used to institutionalise other things."The Rediff Interview/ Subhasini Ali, 8 August 2001 (accessed 21 April 2008).

வெளி இணைப்புகள்[தொகு]

"https://ta.wikipedia.org/w/index.php?title=சுபாசினி_அலி&oldid=3480775" இலிருந்து மீள்விக்கப்பட்டது