சுபாக்

சுபாக்

யுனெசுக்கோ உலகப் பாரம்பரியக் களம்
பாலி தபனான் உயர்நில நெல் வயல்கள்
அலுவல்முறைப் பெயர்	சுபாக் நீர்ப் பாசன அமைப்பு
அமைவிடம்	பாலி, இந்தோனேசியா
உள்ளடக்கம்	உலுன் தானு பத்தூர் கோயில் பத்தூர் ஏரி பெக்கேரிசான் நீர்நிலைகள் சத்தூர் அங்கா பத்துகாரு அரச நீர்க் கோயில் தாமான் அயூன் கோயில்
கட்டளை விதி	பண்பாட்டுக் களம்: (iii), (v), (vi)
உசாத்துணை	1194rev
பதிவு	2012 (36-ஆம் அமர்வு)
பரப்பளவு	19,519.9 ha (48,235 ஏக்கர்கள்)
Buffer zone	1,454.8 ha (3,595 ஏக்கர்கள்)
ஆள்கூறுகள்	8°15′33″S 115°24′10″E
பாலியில் சுபாக் அமைவிடம்

சுபாக் (ஆங்கிலம்: Subak; பாலினியம்; இந்தோனேசியம்: Subak) என்பது இந்தோனேசியா, பாலி தீவில் உள்ள நெல் வயல்களுக்கான படிமுறை (terraced rice fields) நீர் மேலாண்மை அல்லது நீர்ப்பாசன அமைப்பாகும். தனித்துவம் வாய்ந்த இந்த அமைப்பு 9-ஆம் நூற்றாண்டில் உருவாக்கப்பட்டது.

பாலி மக்களைப் பொறுத்தவரையில், நீர்ப்பாசனம் என்பது தாவரங்களின் வேர்களுக்கு தண்ணீர் வழங்குவது மட்டுமல்ல; அதற்கு மேலும் ஓர் ஒருங்கிணைந்த செயற்கை சுற்றுச்சூழல் அமைப்பை உருவாக்கவும் நீர் பயன்படுகிறது என கருதுகிறார்கள்.

இந்த அமைப்பு ஏறக்குறைய 20,000 எக்டேர் (49,000 ஏக்கர்) பரப்பளவில் ஐந்து படி (அடுக்கு) முறை நெல் வயல்களையும்; வயல்நீர் கோயில்களையும் (water temples) கொண்டுள்ளது. சுபாக் எனப்படும் இந்தக் கூட்டுறவு நீர் மேலாண்மையின் முக்கிய மையமாக அங்குள்ள கோயில்கள் பெரும் பங்காற்றுகின்றன.

வரலாறு

9-ஆம் நூற்றாண்டில், பாலி தீவில் ஆதிக்கம் செலுத்திய இராச்சியங்கள், அரசியல்துறையிலும் வளர்ச்சி பெற்ற போது சுபாக் நீர்ப்பாசன அமைப்பும் தீவிரமாகச் செயல்படத் தொடங்கியது. முதன்முதலில் சுபாக் அமைப்பு பற்றி அறியப்பட்ட அல்லது எழுதப்பட்ட பதிவு 11-ஆம் நூற்றாண்டைச் சேர்ந்தது என அறியப்படுகிறது.

அந்தக் காலகட்டத்தைச் சேர்ந்த ஓர் உரைப் பதிவு, கசுவகாரா (kasuwakara) என்ற பெயரில் சுபாக் அமைப்பு முறையைக் குறிப்பிடுகிறது. பின்னர் அந்தப் பெயர் சுவாக் (suwak) என்றும்; சுபாக் (subak) என்றும் மாற்றம் கண்டது. ஆனால் அதே காலகட்டத்தைச் சேர்ந்த பிற ஆவணங்களும்; இந்த சுபாக் அமைப்பை பெசாகி கோயிலுடன் இணைக்கின்றன.

இதன் மூலம் சுபாக் அமைப்பு 11-ஆம் நூற்றாண்டிற்கு முந்தையது என்பது உறுதிபடுத்தப் படுகிறது.

அமைப்பு

சுபாக் என்பது சுற்றுச்சூழல் ரீதியாக ஒரு நிலையான பாரம்பரிய நீர்ப்பாசன முறையாகும். பாலினிய வேளாண்மைச் சமூகத்தை, பேல் பஞ்சார் (bale banjar) எனும் கிராமத்தின் சமூக மையம்; மற்றும் பாலினிய கோயில் அமைப்புகளுக்குள் சுபாக் முறைமை ஒன்றாக இணைக்கிறது.

பாசன நீரைப் பகிர்ந்து அளிக்கும் முறைமையில்தான், சுபாக் அமைப்பின் வலிமையும் அதன் சிறப்புத் தன்மையும் அடங்கி உள்ளது. அதே வேளையில், சுபாக் திட்டங்களில் கோயில்களின் செயல்பாடுகளும் ஒன்றுபடுகின்றன. அத்துடன் சுபாக் அமைப்பு முறை என்பது மனித உடல் மற்றும் மனுக்குலத்தின் ஆன்மீகத் தன்மைகளாலும் பிணைக்கப்பட்டு உள்ளதாக பாலி மக்கள் நம்புகிறார்கள். சுபாக் கட்டமைப்பு, அதற்குள் நடைபெறும் சமய விழாக்களிலும் அதன் தனித்துவத்தைக் கொண்டுள்ளது.

சுபாக்கில் தனிநபர்களுக்கும், குழுச் சடங்குகளுக்கும் பொருந்தி வரும் சடங்குகள் உள்ளன. அதனால்தான் சுபாக் என்பது வேளாண்மை துறையில், நீர் ஆதாரத்துடன் தொடர்புடையதாகக் கருதப்படுகிறது. கோயில்களின் பல்வேறு சடங்கு நடவடிக்கைகளை மேற்கொள்வதற்கு மூல அமைப்பாகவும் விளங்குகிறது.

காட்சியகம்

• சுபாக் நீர்ப்பாசன காட்சிப் படங்கள்

சதிலுவி நெல் வயல்கள் அமைப்பு

• 
  பத்தூர் ஏரி
• 
  உலான் தானு
• 
  எம்பூல் கோயில்
• 
  புரா தாமான் அயூன்
• 
  ஆனைக் குகை தீர்த்தம்
• 
  தெகலாலாங் கியான்யார்

மேலும் காண்க

• பவோலி
• தடுப்பணை
• தபனான் பிராந்தியம்
• இராணியின் படிக்கிணறு, குஜராத்
• குசராத்திலுள்ள படிக்கட்டுக் கிணறுகளின் வரலாறு

மேலும் படிக்க

• Arif, Anita Syafitri (2015). "The Real Subak – Integrated Organic Farming as Tri Hita Karana Manifesto". Agricultural Landscapes of Asia: learning, preserving, and redefining (Bali ACLA (Asian Cultural Landscape Association) International Symposium).
• Huang, Hao (July 2020). "Nature and the Spirit: Ritual, Environment, and the Subak in Bali". EnviroLab Asia 3 (2): 1–22. https://scholarship.claremont.edu/cgi/viewcontent.cgi?article=1039&context=envirolabasia. பார்த்த நாள்: 2024-05-12. 
• Lansing, J. Stephen; Kremer, James N. (March 1993). "Emergent Properties of Balinese Water Temple Networks: Coadaptation on a Rugged Fitness Landscape". American Anthropologist 95 (1): 97–114. https://www.researchgate.net/publication/264313614_Emergent_Properties_of_Balinese_Water_Temple_Networks_Coadaptation_on_a_Rugged_Fitness_Landscape. பார்த்த நாள்: 2024-05-11. 
• Lansing, J. Stephen (2007). Priests and Programmers: Technology of Power in the Engineered Landscape of Bali. Princeton University Press. ISBN 9780691130668.
• Lansing, J. Stephen (1996). "7. Simulation Modeling of Balinese Irrigation". In Mabry, J. (ed.). Canals and Communities: Small-scale Irrigation Systems. Tucson: Univ of Arizona Press. pp. 139–156.

• Norken, I Nyoman (2019). "Efforts to preserve the sustainability of subak irrigation system in Denpasar city, Bali Province, Indonesia". MATEC Web of Conferences 276: 1–13. https://www.matec-conferences.org/articles/matecconf/pdf/2019/25/matecconf_icancee2019_04002.pdf. பார்த்த நாள்: 2024-05-11. 

வெளி இணைப்புகள்

• பொதுவகத்தில் சுபாக் தொடர்பாக ஊடகக் கோப்புகள் உள்ளன.
• "Cultural Landscape of Bali Province: the Subak System as a Manifestation of the Tri Hita Karana Philosophy". whc.unesco.org. 2012. Retrieved 2024-05-11.
• Salamanca, Albert M.; Nugroho, Agus; Osbeck, Maria; Bharwani, Sukaina; Dwisasanti, Nina (2015). "The world heritage site in Catur Angga Batukaru. Managing a living cultural landscape: Bali's subaks and the UNESCO World Heritage Site" (PDF). jstor.org. Stockholm Environment Institute. Retrieved 2024-05-11. With detailed map and data of the 14 subaks in the Catur Angga Batukaru area of Unesco's listed site.
• "Direct Water Democracy in Bali". everybodyandnobody.wordpress.com. 2016. Retrieved 2024-05-11.