சுனந்தா தாசு
சுனந்தா தாசு | |
|---|---|
 | |
| முதல் பெண் சட்டமன்ற உறுப்பினர்: பாரி சட்டமன்றத் தொகுதி ஒடிசாவின் சட்டமன்றம் | |
பதவியில் உள்ளார் | |
| பதவியில் ஏப்ரல் 2019 | |
| முன்னையவர் | தேபாசிசு நாயக் |
| தனிப்பட்ட விவரங்கள் | |
| பிறப்பு | சுனந்தா தாசு பெப்ரவரி 2, 1974 ஜாஜ்பூர் மாவட்டம், ஒடிசா, இந்தியா |
| அரசியல் கட்சி | பிஜு ஜனதா தளம் |
| துணைவர் | தேவேந்திர குமார் தாசு |
| பிள்ளைகள் | 2 |
| தொழில் | அரசியல்வாதி, சமூக சேவகர்[1] |
சுனந்தா தாசு ஒடிசாவில் ஒரு அரசியல்வாதி.ஆவார். 2019 ஆம் ஆண்டிலிருந்து இவர் ஒடிசாவில் பாரி தொகுதிக்கான சட்டமன்ற உறுப்பினராக இருக்கிறார். [2]
ஆரம்ப கால வாழ்க்கை[தொகு]
கேஷாப் சந்திர தாசுக்கு யாதவ் குடும்பத்தில் சுனந்தா தாசு பிறந்தார் [3] . ஜாஜ்பூர் மாவட்டத்தின் பாரி, ராம்பா கிராமத்தில் உள்ள கிருபசிந்து பித்யாபபனில் பள்ளிப் படிப்பை முடித்தார். [4]
அரசியல் வாழ்க்கை[தொகு]
ஜாஜ்பூர் மாவட்டத்தில் பாரி சட்டமன்றத் தொகுதியில் சட்டமன்ற உறுப்பினராகத் தேர்ந்தெடுக்கப்பட்ட முதல் பெண் என்ற பெருமையை சுனந்தா தாசு பெற்றுள்ளார். அவர் முன்னாள் பாஜக ஒன்றியத் தலைவராகவும், ஜாஜ்பூர் மாவட்டத்தில் சட்டமன்ற உறுப்பினராக தேர்ந்தெடுக்கப்பட்ட நான்காவது பெண்மணியாகவும் உள்ளார். தேர்தலுக்கு இரண்டு நாட்களுக்கு முன்பு சுனந்தா பிஜு ஜனதா தளம் கட்சியில் சேர்ந்தார். காலையில் கட்சியில் சேர்ந்து, மாலை பாரி சட்டமன்றத் தொகுதியில் இருந்து போட்டியிடும் வாய்ப்பினைப் பெற்றமைக்காக அவர் செய்திகளில் பேசப்பட்டார்.
2000 ஆம் ஆண்டு முதல் தொடர்ச்சியாக நான்கு முறை பாரி சட்டமன்ற பிரிவில் இருந்து தேர்ந்தெடுக்கப்பட்ட தேபாசிஷ் நாயக்கிற்கு பதிலாக சுனந்தா நியமிக்கப்பட்டார். நாயக்கிற்கு பதிலாக பாரி தொகுதிக்கு பரிந்துரைக்கப்பட்டபோது, அப்பகுதியில் உள்ள பிஜு ஜனதா தள தொழிலாளர்களின் கோபத்தை அவர் எதிர்கொள்ள வேண்டியிருந்தது. சில பிஜு ஜனதா தளம் கட்டசியின் தொழிலாளர்களும் தொகுதியில் இருந்து சுனந்தாவின் தோல்வியை உறுதிப்படுத்த முயன்றதாக வட்டாரங்கள் தெரிவித்தன. சட்டமன்ற உறுப்பினர் வேட்பாளருக்கான பரிந்துரையை முன்னாள் பாரி தொகுதி பிஜு ஜனதா தள தலைவரும் நாயக்கின் உதவியாளருமான ஷேக் சஃபியுதீன் மற்றும் அவரது ஆதரவாளர்கள் எதிர்த்தனர். தேர்தல் முடிந்தவுடன் சைபுதீன் பிஜு ஜனதா தளத்தில் இருந்து இடைநீக்கம் செய்யப்படும் அளவிற்கு நிலைமை மோசமாகியது.
பாரதீய ஜனதா கட்சியைச் சேர்ந்த பிஸ்வா ரஞ்சன் மல்லிக் என்பவருக்கு எதிராக சுனந்தா களமிறங்கினார், அவர் 2017 ஆம் ஆண்டில் ஒன்றியத் தலைவராக தேர்ந்தெடுக்கப்பட்டார். மல்லிக் 4,062 வாக்குகள் வித்தியாசத்தில் தோற்கடிக்கப்பட்டார். சுனந்தா 72,559 வாக்குகளைப் பெற்ற நிலையில், பாஜக வேட்பாளர் 68,497 வாக்குகளைப் பெற்றார். காங்கிரஸ் வேட்பாளர் உமேஷ் சந்திர ஜெனா 4,062 வாக்குகளைப் பெற்றார். [5]
குறிப்புகள்[தொகு]
- ↑ "Sunanda Das". Odisha Legislative Assembly. பார்க்கப்பட்ட நாள் 6 Aug 2020.
- ↑ "Constituencies - India". Jajpur District:Odisha. 20 Mar 2018. பார்க்கப்பட்ட நாள் 5 Aug 2020.
- ↑ Pioneer, The (5 Jun 2019). "In brief". The Pioneer. பார்க்கப்பட்ட நாள் 6 Aug 2020.
- ↑ ADR. "Sunanda Das(BJD):Constituency- BARI(JAJPUR) - Affidavit Information of Candidate:". MyNeta. பார்க்கப்பட்ட நாள் 5 Aug 2020.
- ↑ "'Bari gets its first woman MLA'". தி நியூ இந்தியன் எக்சுபிரசு. 2019-05-29. https://www.newindianexpress.com/states/odisha/2019/may/29/bari-gets-its-first-woman-mla-1983105.html. பார்த்த நாள்: 2020-08-05.