சுந்தரராஜு சோமு

மாண்புமிகு துவான் டத்தோ செரி சுந்தரராஜூ சோமு Sundarajoo Somu DGPN;DMPN;DSPN;PKT (பினாங்கு)
பினாங்கு மாநில ஆட்சிக்குழு உறுப்பினர்
பதவியில் உள்ளார்
பதவியில் 16 ஆகத்து 2023
ஆளுநர்	அகமது புசி அப்துல் ரசாக் (2023–2025) ராம்லி நிகா தாலிப் (2025 தொடக்கம்)
அமைச்சு	வீடமைப்பு சுற்றுச்சூழல்
முன்னையவர்	ஜக்தீப் சிங் டியோ (வீடமைப்பு) பி பூன் போ (சுற்றுச்சூழல்)
தொகுதி	பிறை சட்டமன்றத் தொகுதி
பினாங்கு மாநில சட்டமன்றம் பிறை சட்டமன்றத் தொகுதி
பதவியில் 12 ஆகத்து 2023 – தற்போது வரையில்
முன்னையவர்	இராமசாமி பழனிச்சாமி (பாக்காத்தான் அரப்பான்–ஜசெக)
பெரும்பான்மை	9,139 (2023)
தனிப்பட்ட விவரங்கள்
பிறப்பு	Sundarajoo a/l Somu 23 மே 1962 (1962-05-23) பிரிக்பீல்ட்ஸ், கோலாலம்பூர், சிலாங்கூர், மலாயா கூட்டமைப்பு (மலேசியா)
குடியுரிமை	மலேசியர்
தேசியம்	மலேசியா
அரசியல் கட்சி	ஜனநாயக செயல் கட்சி (DAP) (2018 தொடக்கம்)
பிற அரசியல் தொடர்புகள்	பாக்காத்தான் அரப்பான் (PH) (2018 தொடக்கம்)
பிள்ளைகள்	4
முன்னாள் மாணவர்	நாட்டிங்காம் பல்கலைக்கழகம்
பணி	அரசியல்வாதி

சுந்தரராஜூ சோமு (ஆங்கிலம்; மலாய்: Sundarajoo Somu‎) (பிறப்பு: 23 மே 1962) என்பவர் ஒரு மலேசிய அரசியல்வாதி ஆவார். இவர் 2023 ஆகத்து 12-ஆம் திகதியில் இருந்து, பினாங்கு முதல்வர் சாவ் கொன் யாவ் அவர்களின்; பாக்காத்தான் அரப்பான் (PH) மாநில நிர்வாகத்தில் பினாங்கு மாநில ஆட்சிக்குழு (EXCO) உறுப்பினராகவும்; பிறை சட்டமன்றத் தொகுதிக்கான பினாங்கு மாநில சட்டமன்ற (MLA) உறுப்பினராகவும் பணியாற்றியுள்ளார்.

இவர் பாக்காத்தான் அரப்பான் (PH) கூட்டணியின் ஓர் உறுப்புக் கட்சியான ஜனநாயக செயல் கட்சியின் (DAP) உறுப்பினராகவும் உள்ளார்.

தொடக்ககால வாழ்க்கை

சுந்தரராஜு, கோலாலம்பூரில் உள்ள பிரிக்பீல்ட்ஸ் கிராமப் பகுதியில் 23 மே 1962 அன்று ஓர் ஏழைக் குடும்பத்தில் பிறந்தார்.

கல்வி

தொடக்கத்தில் கோலாலம்பூர் பெடரல் தொழில்நுட்பக் கல்விக் கழகத்தில் பட்டச்சான்றிதழ் பெற்ற இவர். பின்னர் இங்கிலாந்து, நொட்டிங்காம் பல்கலைக்கழகத்தில் முதுகலை வணிக மேலாண்மைத் துறையில் முதுகலை பட்டம் பெற்றார்.

வாழ்க்கை

சுந்தரராஜூ முதன்முதலில் மலேசியப் பொது காப்பீட்டு சங்கத்தில் (General Insurance Association of Malaysia) ஓர் அதிகாரியாகப் பணியாற்றினார். 1987-ஆம் ஆண்டு பன்னாட்டு அளவிலான நிதி நெருக்கடியின் போது தன் வேலையை இழக்க நேர்ந்தது. அதன் பின்னர் அவர் ஒரு ரப்பர் தோட்டத்தில் கண்காளிப்பாளராகப் பணியாற்றத் தொடங்கினார். பின்னர், எஸ்பி செத்தியா (SP Setia) எனும் நில சொத்து மேம்பாட்டு நிறுவனத்தின் நிறுவனர் டான் ஸ்ரீ லியூ கீ சின் வசித்து வந்த இடத்தில் ஒரு பாதுகாப்பு காவலராகப் பணிபுரிந்தார்.

அதற்கு முன்பு வாடகைக்கார் ஓட்டுநராகவும் பணியாற்றியுள்ளார். பின்னர். 2005-இல் எஸ்பி செத்தியா எனும் நிறுவனத்தில் விற்பனையாளராகச் சேருவதற்கு முன்பு, டான் ஸ்ரீ லியூ கீ சின் அவர்களின் வாகன ஓட்டுநராகவும் பணியாற்றினார். 2012-இல், எஸ்பி செத்தியா நிறுவனத்தின் மலேசிய வடக்குப் பகுதிக்கான பொது மேலாளராக நியமிக்கப்பட்டார்.

2014-ஆம் ஆண்டில், எஸ்பி செத்தியா நிறுவனத்தை பெர்மோடலான் நேசனல் நிறுவனம் (Permodalan Nasional Berhad) கையகப்படுத்தியதைத் தொடர்ந்து, எக்கோவேர்ல்ட் (EcoWorld) எனும் சுற்றுலா ஈர்ப்பு நிறுவனத்தை அமைக்க டான் ஸ்ரீ லியூ கீ சின்னுக்கு உதவினார். சிறிது காலத்திற்குப் பின்னர் எக்கோவேர்ல்ட் நிறுவனத்தின் துணைத் தலைவராகவும்; துணை தலைமை நிர்வாக அதிகாரியாகவும் பதவி உயர்வு பெற்றார்.

அரசியல் வாழ்க்கை

சுந்தரராஜூ சோமு, 2018-ஆம் ஆண்டில் ஜனநாயக செயல் கட்சியில் சேர்ந்தார்.

தேர்தல் முடிவுகள்

பினாங்கு மாநில சட்டமன்றம்

ஆண்டு	தொகுதி	வேட்பாளர்		பெற்ற வாக்குகள்	%	எதிரணி		வாக்குகள்	%	பதிவான வாக்குகள்	பெரும் பான்மை	%
2023	N16 பிறை		சுந்தரராஜூ சோமு	10,680	76.76%		சிவசுந்தரம் ராசலிங்கம் (கெராக்கான்)	1,541	11.08%	14,044	9,139	68.58%
							டேவிட் மார்சல் பாக்கியநாதன் (சுயேச்சை)	1,439	10.34%
							விக்னேசுவரி அரிகிருஷ்ணன் (மூடா)	253	1.82%

விருதுகள்

• பினாங்கு
  • - Order of the Defender of State (DGPN) – டத்தோ செரி (2020)
  • - Order of the Defender of State (DMPN) – டத்தோ (2016)
  • - Order of the Defender of State (DSPN) – டத்தோ (2011)
  • சிறப்புமிகு நடத்தை பதக்கம் (PKT) (2009)

மேலும் காண்க

• மலேசிய விருதுகள்
• மலேசியப் பொதுத் தேர்தல், 2022
• பினாங்கு மாநிலத் தேர்தல் 2023
• மலேசிய இந்திய சட்டமன்ற உறுப்பினர்கள்
• மலேசிய மாநில சட்டமன்ற உறுப்பினர்களின் பட்டியல் (2018–2023)

வெளி இணைப்புகள்

• முகநூலில் சுந்தரராஜு சோமு