சிறீ சத்ரபதி சிவாஜி விளையாட்டரங்கம் (Shri Chhatrapati Shivaji Stadium) இந்தியாவின்மகாராட்டிர மாநிலத்திலுள்ளகோலாப்பூரில் அமைந்துள்ள ஒரு பல்நோக்கு விளையாட்டரங்கமாகும். கோலாப்பூர் துடுப்பாட்ட சங்க விளையாட்டரங்கம் என்ற பெயராலும் இது அறியப்படுகிறது.[1] இந்த விளையாட்ட்ரங்கம் மகாராட்டிர துடுப்பாட்ட அணிக்காக பல முதல் தர மற்றும் பட்டியல் ஏ போட்டிகளை நடத்தியுள்ளது. இங்கு சந்தோசு கோப்பை போட்டிகளும் நடந்துள்ளன. விளையாட்டரங்கம் கோலாப்பூர் துடுப்பாட்ட சங்கத்திற்கு சொந்தமானது. இச்சங்கமே விளையாட்டரங்கை நிர்வகிக்கிறது. பல ஆண்டுகளாக மகாராட்டிராவை ஆண்ட ஒரு சிறந்த மராட்டிய வீரரான சிவாஜியின் பெயரால் அழைக்கப்படுகிறது. இன்றுவரை இந்த மைதானம் 1952 முதல் 2006 வரை 14 முதல் தரப் போட்டிகளையும், அத்துடன் 1990-ஆம் ஆண்டில் ஒரு பட்டியல் ஏ போட்டியையும் நடத்தியுள்ளது. அந்தப் போட்டியில் மகாராட்டிரா துடுப்பாட்ட அணி வில்சு XI அணியிடம் 18 ஓட்டங்கள் வித்தியாசத்தில் தோல்வியடைந்தது.[2]
