சிறீமந்தி பாய் நினைவு அரசு அருங்காட்சியகம்
 சிறீமந்தி பாய் நினைவு அரசு அருங்காட்சியகம் | |
  Location within கருநாடகம் | |
| நிறுவப்பட்டது | 4 மே 1960 |
|---|---|
| அமைவிடம் | பெஜாய் சாலை, மங்களூர், கருநாடகம் |
| ஆள்கூற்று | 12°53′13″N 74°50′47″E / 12.887000°N 74.846491°E |
| வகை | வரலாற்று சிறப்புமிக்க இல்லம் |
| வருனர்களின் எண்ணிக்கை | 1 மில்லியன் |
சிறீமந்தி பாய் நினைவு அரசு அருங்காட்சியகம் (Srimanthi Bhai Memorial Government Museum) என்பது கருநாடக மாநிலம் மங்களூரில் அமைந்துள்ள கருநாடக அரசின் தொல்லியல் மற்றும் அருங்காட்சியக இயக்குநரகத்தின் தொல்லியல், புவியியல் கலைப்பொருட்களின் தொகுப்பு ஆகும். கருநாடக அரசின் முதலமைச்சரான பி. டி. ஜத்தியால் 4 மே 1960 அன்று இந்த அருங்காட்சியகம் திறந்துவைக்கப்பட்டது. இந்த அருங்காட்சியகம் கருநாடகாவின் கடலோரப் பகுதியான மங்களூரில் அமைந்துள்ளது.[1]
வரலாறு
[தொகு]இந்த அருங்காட்சியக சேகரிப்புகளின் முக்கிய பகுதிகள் கர்னல் வி. ஆர். மிராஜ்கர் என்பவரால் செய்யப்பட்டது. இரண்டாம் லாகூர் போரின் போது லாகூரில் பிரித்தானிய இந்திய தரைப்படையில் மருத்துவ அதிகாரியாக மிராஜ்கர் இருந்தார்.[2] இந்த அருங்காட்சியகம் இவரது வாழ்க்கை இல்லமாக இருந்தது. இது 1935ஆம் ஆண்டில் இத்தாலியின் மிலனில் கட்டப்பட்ட கட்டிட கட்டமைப்புகளின் வரைபடத்தினை மையமாகக் கொண்டு வடிவமைக்கப்பட்டு கட்டப்பட்டது. இது கப்பல் வடிவில் தோன்றும். 1955ஆம் ஆண்டில் இந்த நினைவகம் கருநாடக அரசிற்கு நன்கொடையாக வழங்கப்பட்டது. இந்தியாவிற்கு உள்ளேயும் வெளியேயும் மிராஜ்கர் மேற்கொண்ட பயணங்களின் போது பெறப்பட்ட பழங்கால மற்றும் சமகால தலைசிறந்த படைப்புகளின் அனைத்து சேகரிப்புகளுடன் வழங்கப்பட்டது.[3] இதன்பிறகு, இது ஓர் அருங்காட்சியகமாக மாற்றப்பட்டு மிராஜ்கரின் தாயார் சிறீமந்தி பாய் நினைவாக பெயரிடப்பட்டது. பண்டைய நாகரிகங்களின் கலாச்சாரம் மற்றும் வாழ்க்கை முறை மற்றும் கலை மற்றும் கைவினைப் பொருட்களை சித்தரிக்கும் தொல்பொருட்கள் மற்றும் வரலாற்று சேகரிப்புகள் இங்கு உள்ளன.
கண்காட்சி அரங்குகள்
[தொகு]- அருங்காட்சியக கண்காட்சிகளில் துலுநாட்டின் தனித்துவமான பூத கோலா சிலை, முகா (முகமூடி) பாத்திரங்கள் உள்ளன.
- பழங்கற்கால மற்றும் புதிய கற்கால கல் கருவிகள், நாணயங்கள், உலோக பாத்திரங்கள், மர தளபாடங்கள், இசைக்கருவிகள், இனவியல் பொருட்கள், ஆயுதங்கள் மற்றும் கவசங்கள், அரப்பா மற்றும் மகேஞ்சோதரோவின் பிரதிகள், காந்தாரா மற்றும் தக்சசீலா கலைப் பள்ளி, வாரங்கல், நாகர்ஜுனகொண்டா, சரநாத், கோனார்க், குசானா, அஹிம்சத்ரா, துலுநாடு மற்றும் உள்ளூர் பகுதிகள்.
- விலங்குகளின் முத்திரைகள், மர பலகைகள், பிரம்மாண்டமான மரச் சிலைகள், பீங்கான் பொருட்கள், இசைக்கருவிகள், விளக்குகள், கடிகாரம், மரக் கடவுளின் சிலைகள் மற்றும் உள்ளூர் மக்களின் வரலாற்றுத் தேடும் அம்சங்களுக்கான பிற பழங்காலங்கள்.[4]
ஓவியம்
[தொகு]இந்த கண்காட்சியில் பாரம்பரிய உடைகள், சமகால காட்சிகள், உருவப்படங்கள், எண்ணெய் மற்றும் நீர் ஓவியங்களின் தன்மை ஆகியவை பல்வேறு அடையாளம் காணப்பட்ட மற்றும் அடையாளம் காணப்படாத கலைஞர்களால் உள்ளடக்கப்பட்டுள்ளன.
கட்டிடத்தின் முதல் தளம் கர்னல் வி. ஆர். மிராஜ்கர் உருவாக்கிய சேகரிப்புகளுக்கு அர்ப்பணிக்கப்பட்டுள்ளது. இந்தியா,சீனா, நேபாளம், செக்கோஸ்லோவாக்கியா, ஆப்பிரிக்கா, டென்மார்க், பாரசீக, ஜெர்மனி, சப்பான், துருக்கி, பிரிட்டன், இத்தாலி, திபெத்து, உருசியா, வெனிஸ், பாரிஸ் மற்றும் லண்டன் ஆகிய பகுதியிலிருந்து பல்வேறு வகையான கைவினைப் பொருட்களை இவர் சேகரித்துள்ளார். இவரது சமகால சேகரிப்புகள் பல தனித்துவமானவை மற்றும் இப்போது பழங்கால துண்டுகளாக மாறிவிட்டன. மர தளபாடங்கள், கண்ணாடி பலகைகள், வெள்ளி மற்றும் தந்தப் பொருட்கள், குண்டுகள், சிகார் பெட்டிகள், பல்வேறு வகையான லைட்டர்கள், மரப் பொருட்கள், கண்ணாடி பொருட்கள், உலோகப் பொருட்கள் போன்றவை அவரால் தனிப்பட்ட முறையில் பயன்படுத்தப்பட்டன.
மகாத்மா காந்தி புகைப்படக் காட்சியகம்
[தொகு]காந்தியின் புகைப்படக் காட்சியகம் காந்தியின் அரிய புகைப்படங்களின் தொகுப்புகளைக் காட்டுகிறது.[5] இது காந்தியின் பிறப்பு முதல் வாழ்க்கைப் பயணத்தின் இறுதி வரை பல்வேறு நிகழ்ச்சிகளைப் பிரதிபலிக்கிறது. ஆப்பிரிக்காவில் வாழ்க்கை-பேரணிகள், ஒத்துழையாமை இயக்கங்கள், தண்டி அணிவகுப்பு, சத்தியாகிரகம், நேரு, ஜின்னா, கஸ்தூரிபா, இரவீந்திரநாத் தாகூர், சுபாஷ் சந்திர போஸ், சர்தார் படேல், லார்ட் மவுண்ட் பேட்டன் மற்றும் நமது தேசத்தின் பிற வரலாற்று நபர்களுடன் காந்தியை சித்தரிக்கும் புகைப்படங்கள். ஆண்ட்ரூஸ், வர்தா மற்றும் பிறருக்கு எழுதிய காந்திஜியின் கடிதங்களின் தொகுப்புகள் இடம்பெற்றுள்ளன.
குழந்தைகள் பிரிவு
[தொகு]குழந்தைகள் பிரிவில் பொம்மலாட்டங்கள், யக்சகானம், பூத கோலா பொம்மைகள், பறவை மற்றும் விலங்குகளின் மாதிரிகள், வானூர்தி, படகு மாதிரிகள், புகைப்படங்கள், மர மாதிரிகள், துளுநாட்டின் இன மற்றும் பூத்தா ஆராதனே உருவின் தொகுப்பு உள்ளது.[6]
கற்கள்
[தொகு]வெளிப்புற வளாகத்தில் நடுகல், துளுநாட்டின் மகா சதி கல்லு, துளு, கன்னட கல்வெட்டுகள், வீரர்களின் சிலைகள், ஜெயனா, பாம்பு-நாகரத்தின கற்கள் மற்றும் பெல்டங்காடியின் ஜமலாபாத் கோட்டையிலிருந்து சேகரிக்கப்பட்ட பீரங்கிகள் ஆகியவை கிபி 14 முதல் 16ஆம் நூற்றாண்டுக்கு இடையில் செய்யப்பட்ட பொருட்களாகும்.[7]
இதனையும் காண்க
[தொகு]மேற்கோள்கள்
[தொகு]- ↑ "Shreemanthi Bai Memorial Government Museum Mangaluru - DEPARTMENT OF ARCHAEOLOGY MUSEUMS AND HERITAGE". archaeology.karnataka.gov.in.
- ↑ K T, Vinobha (16 October 2012). "Authorities do no good to this museum road". Times of India. https://timesofindia.indiatimes.com/city/mangaluru/Authorities-do-no-good-to-this-museum-road/articleshow/16830660.cms. பார்த்த நாள்: 10 January 2020.
- ↑ Kumar, Ashwani (4 March 2016). "Bejai museum awaits a facelift". Deccan Herald. https://www.deccanherald.com/content/532511/bejai-museum-awaits-facelift.html. பார்த்த நாள்: 10 January 2020.
- ↑ "Mangaluru Smart City Limited". mangalurusmartcity.net.
- ↑ "Mangalore museum, Gandhi letters | Swapna Kishore". swapnawrites.com. 24 April 2013.
- ↑ "Bejai Museum, Mangalore - Museum timings, entry fees, nearby places, things to go". myholidayhappiness.com. https://myholidayhappiness.com/place/karnataka/mangalore/bejai-museum.
- ↑ "Mangaluru: Smiles at Srimanthi Bai Museum at Bejai" (in en). www.daijiworld.com. https://www.daijiworld.com/news/newsDisplay?newsID=893239.