சூலை 5

ஜூலை 5, கிரிகோரியன் ஆண்டின் 186வது நாளாகும். நெட்டாண்டுகளில் 187வது நாள். ஆண்டு முடிவிற்கு மேலும் 179 நாட்கள் உள்ளன.

நிகழ்வுகள்

• 1295 - இங்கிலாந்துக்கு எதிராக ஸ்கொட்லாந்தும் பிரான்சும் கூட்டை உருவாக்கின.
• 1610 - நியூபவுண்ட்லாந்து தீவை நோக்கிய தனது பயணத்தை ஜோன் கை பிறிஸ்டலில் இருந்து 39 குடியேறிகளுடன் கடற்பயணத்தை ஆரம்பித்தார்.
• 1687 - ஐசாக் நியூட்டன் தனது புகழ்பெற்ற பிரின்சிப்பியா மாத்தமாட்டிக்கா நூலை வெளியிட்டார்.
• 1770 - ரஷ்யப் பேரரசுக்கும் ஒட்டோமான் பேரரசுக்கும் இடையில் செஸ்மா என்ற இடத்தில் போர் இடம்பெற்றது.
• 1811 - வெனிசுவேலா ஸ்பெயினிடம் இருந்து விடுதலையை அறிவித்தது.
• 1830 - பிரான்ஸ் அல்ஜீரியாவினுள் நுழைந்தது.
• 1865 - Salvation Army இங்கிலாந்தில் ஆரம்பிக்கப்பட்டது.
• 1884 - ஜெர்மனி கமரூனை ஆக்கிரமித்தது.
• 1900 - ஆஸ்திரேலியப் பொதுநலவாய சட்டம் பிரித்தானிய நாடாளுமன்றில் ஏற்றுக்கொள்ளப்பட்டது.
• 1945 - இரண்டாம் உலகப் போர்: பிலிப்பீன்சின் விடுதலை அறிவிக்கப்பட்டது.
• 1950 - கொரியப் போர்: அமெரிக்கப் படைகளுக்கும் வட கொரியாப் படைகளுக்கும் இடையில் முதலாவது மோதல் ஆரம்பமானது.
• 1950 - சியோனிசம்: யூதர்கள் அனைவரும் இஸ்ரேலில் குடியேற அனுமதி அளிக்கும் சட்டம் இஸ்ரேலில் கொண்டுவரப்பட்டது.
• 1951 - சந்தி திரான்சிஸ்டரை வில்லியம் ஷொக்லி கண்டுபிடித்தார்.
• 1954 - பிபிசி தன் முதல் தொலைக்காட்சிச் செய்தியை ஒளிபரப்பியது.
• 1962 - பிரான்சிடமிருந்து அல்ஜீரியா விடுதலை அடைந்தது.
• 1970 - கனடிய விமானம் ஒன்று டொரொண்டோ விமான நிலையத்தில் மோதியதில் 109 பேர் கொல்லப்பட்டனர்.
• 1971 - ஐக்கிய அமெரிக்காவில் வாக்களிக்கும் வயது எல்லை 21 இலிருந்து 18 ஆகக் குறைக்கப்பட்டது.
• 1975 - போர்த்துக்கல்லிடம் இருந்து கேப் வேர்ட் விடுதலை பெற்றது.
• 1977 - பாகிஸ்தானில் இடம்பெற்ற இராணுவப் புரட்சியில் மக்களால் தெரிவு செய்யப்பட்ட முதலாவது பிரதமர் சுல்பிக்கார் அலி பூட்டோ பதவி இழந்தார்.
• 1987 - விடுதலைப் புலிகளின் முதல் கரும்புலித் தாக்குதல் மில்லரினால் யாழ்ப்பாணம், நெல்லியடி இராணுவ முகாம் மீது நடத்தப்பட்டது.
• 1992 - இயக்கச்சியில் வை-8 விமானம் விடுதலைப் புலிகளினால் சுட்டு வீழ்த்தப்பட்டது.
• 1996 - குளோனிங் முறையில் முதலாவது பாலூட்டி, டோலி என்ற ஆடு ஸ்கொட்லாந்தில் பிறந்தது.
• 1998 - செவ்வாய்க் கோளுக்கு தனது முதலாவது விண்கலத்தை ஜப்பான் ஏவியது.
• 2004 - இந்தோனீசியாவில் முதலாவது அதிபர் தேர்தல் இடம்பெற்றது.
• 2006 - வட கொரியா குறைந்தது இரண்டு குறுகிய தூரம் பாயும் ஏவுகணைகளையும், ஒரு ஸ்கட் ஏவுகணையையும் ஒரு நீண்ட தூரம் பாயும் ஏவுகணையையும் சோதித்தது.

பிறப்புகள்

• 1653 - தாமஸ் பிட், மதராசின் பிரித்தானிய ஆளுநர் (இ. 1726)
• 1996 - டோலி, முதல் குளோனிங் பாலூட்டி (இ. 2003)

இறப்புகள்

• 1987 - கப்டன் மில்லர், விடுதலைப் புலிகளின் முதல் கரும்புலி (பி. 1966)

சிறப்பு நாள்

• வெனிசுவேலா - விடுதலை நாள் (1811)
• அல்ஜீரியா - விடுதலை நாள் (1962)
• கேப் வேர்ட் - விடுதலை நாள் (1975).
• ஆர்மீனியா - அரசியலமைப்பு நாள் (1995)
• தமிழீழம் - கரும்புலிகள் நாள்

வெளி இணைப்புக்கள்

• பிபிசி: இந்த நாளில்
• நியூ யோர்க் டைம்ஸ் இந்த நாளில்
• கனடா இந்த நாளில்

---