ஹம்சத்வனி

ஹம்சத்வனி

• இது 29வது மேளகர்த்தா இராகமாகிய, "பாண" என்றழைக்கப் படும் 5வது சக்கரத்தின் 5வது மேளமாகிய சங்கராபரணத்தின் ஜன்ய இராகம் ஆகும். எப்போதும் பாடக் கூடிய இவ்விராகம் ஔடவ இராகம் ஆகும்.

ஆரோகணம்:	ஸ ரி2 க3 ப நி3 ஸ்
அவரோகணம்:	ஸ் நி3 ப க3 ரி2 ஸ

• இந்த இராகத்தில் ஷட்ஜம், சதுஸ்ருதி ரிஷபம் (ரி₂), அந்தர காந்தாரம் (க₃), பஞ்சமம், காகலி நிஷாதம் (நி₃) ஆகிய சுரங்கள் வருகின்றன.

இதர அம்சங்கள்

• ஆரோகண அவரோகணத்தில் ம , த வர்ஜம். இது உபாங்க இராகம் ஆகும்.

• மூர்ச்சனாகாரக இராகம். இதன் பஞ்சம மூர்ச்சனையே நாகஸ்வராளி இராகம் ஆகும்.

• ஜண்டை சுரக்கோர்வைகளும், தாட்டு சுரக்கோர்வைகளும் இவ்விராகத்திற்கு இனிமையைக் கொடுக்கின்றன.

• அரங்கிசை நிகழ்ச்சிகளிலும், பிற நிகழ்ச்சிகளிலும் தொடக்கத்தில் பாடுவதற்கு மிகப் பொருத்தமான இராகம். வீரச்சுவை நிரம்பியது.

• முத்துஸ்வாமி தீஷிதர் அவர்களின் தந்தையாகிய இராமசாமி தீஷிதர் (1735-1817) இந்த இராகத்தைக் கண்டு பிடித்ததாகச் சொல்லப்படுகின்றது.

உருப்படிகள்

1. வர்ணம் : "ஜலஜாக்ஷா" - ஆதி - மானம்புசாவடி வெங்கடசுப்பைய்யர்.
2. கிருதி : "வாதாபி கணபதீம்" - ஆதி - முத்துஸ்வாமி தீஷிதர்.
3. கிருதி : "ரகு நாயகா" - ரூபகம் - தியாகராஜர்.
4. கிருதி : "கந்தனைக் காணாமல்" - ஜம்பை - பெரியசாமித்தூரன்.
5. திருவருட்பா : "தயாகி தந்தையும்" - கண்ட சாபு - இராமலிங்க அடிகள்.