சச்சின் பைலட்

சச்சின் பைலட்
இந்திய மக்களவை உறுப்பினர்
தொகுதி	அஜ்மீர் நாடாளுமன்றத் தொகுதி
தனிப்பட்ட விவரங்கள்
பிறப்பு	religion செப்டம்பர் 7, 1977 (1977-09-07) சஹாரான்பூர், உத்தரப் பிரதேசம்
இறப்பு	religion
இளைப்பாறுமிடம்	religion
அரசியல் கட்சி	இந்திய தேசிய கங்கிரசு
துணைவர்	சாரா
பெற்றோர்	religion
வாழிடம்(s)	வேத்புரா கிராமம், கசியாபாத்
இணையத்தளம்	http://www.sachinpilot.com/
As of செப்டம்பர் 14, 2006 மூலம்: [1]

சச்சின் பைலட் (பி. செப்டம்பர் 7, 1977) ஒரு இந்திய அரசியல்வாதி. இந்திய தேசிய காங்கிரசு கட்சியைச் சேர்ந்த இவர் ராஜஸ்தானில் உள்ள அஜ்மீர் மக்களவைத் தொகுதியிலிருந்து இந்திய நாடாளுமன்றத்துக்கு தேர்ந்தெடுக்கபப்ட்டுள்ளார். தற்போது நடுவண் தகவல் தொடர்பு மற்றும் தொழில்நுட்ப அமைச்சகத்தின் இணை அமைச்சராகப் பதவி வகிக்கிறார்.

ஆரம்பகால வாழ்க்கை

சச்சின் பைலட் உத்திர பிரதேசத்தில் உள்ள சஹாரான்பூர் என்ற கிராமத்தில் காங்கிரசு அரசியல்வாதி ராஜேஷ் பைலட்டின் மகனாகப் பிறந்தார். இவர் புது தில்லியில் உள்ள பால பாரதி விமானப் படை பள்ளியில் கல்வி கற்றார். தில்லி பல்கலைக்கழகத்தின் செயின்ட் ஸ்டீபன்ஸ் கல்லூரியில் பி.ஏ. ஹானர்ஸ் பட்டம் பெற்றார். அதன் பிறகு அமெரிக்காவின் பென்சில்வேனியா பல்கலைக்கழகத்தின் வார்ட்டன் வர்த்தகப் பள்ளியில் முதுகலை வணிக மேலாண்மைப் பட்டம் பெற்றார்.

அரசியல் வாழ்க்கை

சச்சின் பைலட் இந்தியா திரும்பிய போது தனது தந்தை ராஜேஷ் பைலட்டின் பிறந்த நாளான பிப்ரவரி 10, 2002 அன்று காங்கிரஸ் கட்சியில் புதுமுகமாக அறிமுகமானார். அவர் காங்கிரஸ் கட்சியில் சேர்ந்ததை கொண்டாடும் வகையில், விவசாயிகள் பெரும் கூட்டமாக ஒரு பேரணியில் கலந்து கொண்டார்கள்.

சச்சின் பைலட் 2004 ஆம் ஆண்டு மே 13 ம் தேதி ராஜஸ்தான் மாநிலம் தௌசா பாராளுமன்ற தொகுதியிலிருந்து மக்களவைக்கு (கீழ் அவை) சுமார் 1.2 லட்சம் வாக்குகள் வித்தியாசத்தில் தேர்ந்தெடுக்கப் பெற்றார். 2009 ஆம் ஆண்டு மே 16 ஆம் நாள் அஜ்மீர் தொகுதியிலிருந்து 15வது மக்களவைக்கு தேர்ந்தெடுக்கப் பெற்றார். தொகுதி வரையறையின் காரணமாக இவர் தனது தொகுதியை மாற்றிக்கொண்டார். இவர் பாரதீய ஜனதா கட்சியின் கிரண் மகேஸ்வரியை 76,000 க்கும் அதிகமான வாக்குகள் வித்தியாசத்தில் தோற்கடித்தார்.

இவர் தனது 26 ஆம் வயதில் நாட்டின் இளம் வயது பாராளுமன்ற உறுப்பினரானார். இவர் உள்நாட்டு விவகாரங்களை கவனிக்கும் பாராளுமன்ற நிலைக்குழுவின் உறுப்பினராக இருக்கிறார். மேலும் இவர் விமான போக்குவரத்து அமைச்சகத்தின் ஆலோசனைக்குழுவின் உறுப்பினராகவும் செயல்படுகிறார்.

பைலட் மத்திய தகவல் தொடர்பு மற்றும் தொழில்நுட்பம் அமைச்சகத்தின் மாநில அமைச்சர் பதவியை வகிக்கிறார். இதற்கு முன் இந்த பதவியை இவரது தந்தையான ராஜேஷ் பைலட் தனி அந்தஸ்துடைய இலாகா அமைச்சராக தொண்ணூறு ஆண்டுகளின் ஆரம்பத்தில் நரசிம்ம ராவ் ஆட்சியில் பதவி வகித்தார். ராஜேஷ் பைலட் (இறந்தது ஜூன் 11, 2000) ஒரு இந்திய அரசியல்வாதியாகவும் மற்றும் இந்திய அரசின் அமைச்சராகவும் இருந்தவர். இவர் இந்திய தேசிய காங்கிரஸ் கட்சியை சேர்ந்தவர் ஆவார். மேலும் தௌச தொகுதியிலிருந்து மக்களவைக்கு தேர்ந்தெடுக்கப் பெற்றவர்.

சொந்த வாழ்க்கை

சச்சின் பைலட் சாரா அப்துல்லாவை (தேசிய மாநாட்டுக்கட்சியின் தலைவர், ஜம்மு மற்றும் காஷ்மீர் மாநிலத்தின் முன்னாள் முதல்வரான பரூக் அப்துல்லா வின் மகள்) 2004 ஆம் ஆண்டு ஜனவரி 15 ம் தேதி டெல்லி யில் மணந்தார்.

வெளியான புத்தகங்கள்

• ராஜேஷ் பைலட் : இன் ஸ்பிரிட் ஃபாரெவர் : ஜனவரி 2001

வெளி இணைப்புகள்

• சச்சின் பைலட்டின் அதிகாரபூர்வ இணையத்தளம்
• சச்சின் பைலட் அனைத்திந்திய ரசிகர்கள் மன்றம்
• அமைச்சரவை