அசல் (திரைப்படம்)

அசல்
இயக்கம்	சரண்
தயாரிப்பு	ராம்குமார் பிரபு
கதை	சரண் யூகி சேது
கதைசொல்லி	சரண்
இசை	பரத்வாஜ் வை - கின்ஸ்
நடிப்பு	அஜித் குமார் சமீரா ரெட்டி பாவனா பிரபு ராஜீவ் கிருஷ்ணா சம்பத் பிரதிப் ராவட் யூகி சேது
ஒளிப்பதிவு	பிரசாந்
படத்தொகுப்பு	அந்தோனி
விநியோகம்	சிவாஜி பிலிம்ஸ்
வெளியீடு	பெப்ரவரி 5, 2010 (2010-02-05)
நாடு	இந்தியா
மொழி	தமிழ்

அசல் சரணின் இயக்கத்தில் 2009 ஆம் ஆண்டில் வெளிவரவிருக்கும் தமிழ்த் திரைப்படம் ஆகும். இந்த படத்தை சிவாஜி பிலிம்ஸ் தயாரிக்கிறது. அஜித் குமார், சமீரா ரெட்டி, பாவனா மற்றும் பிரபு ஆகியோர் இப்படத்தில் முக்கிய பாத்திரங்களில் நடிக்க ஒப்பந்தமாகியுள்ளனர். சரண் காதல் மன்னன், அமர்க்களம், அட்டகாசம் ஆகிய அஜித்தின் வெற்றி படங்களை இயக்கியவர் என்பது குறிப்பிடத்தக்கது, இதனால் ரசிகர்கள் இடையே மிகுந்த எதிர்பார்ப்பு காணப்படுகிறது. அசல் படத்தின் கதையை யூகி சேது எழுதுகிறார், யூகி சேது வில்லன் படத்திற்கு கதை எழுதியவர் என்பது குறிப்பிடத்தக்கது . ரஜினிகாந்த் இந்த படத்தை ஏப்ரல் 8 வெளியிட்டார். பெப்ரவரி 5, 2010க்கு இத்திரைப்படம் வெளிவரவிருக்கிறது.

வகை

கமர்ஷியல், மசாலாப்படம்

பாத்திரங்களும் தொழிநுட்ப கலைஞர்களும்

பாத்திரங்கள்

நடிகர்கள்	பாத்திரம்
அஜித் குமார்	சிவா மற்றும் சிவாவின் தந்தை
பிரபு	மிராசி
சமீரா ரெட்டி	சாரா
பாவனா	சுலபா
யூகி சேது	டொண் சமோசா
சுரேஷ்	டேணியல் தர்மராஜ்
சம்பத்	சேம்
ராஜீவ் கிருஷ்ணா	விக்கி
பிரதிப் ராவட்	கலிவர்தன்
கெலி டொர்ஜு	செட்டி
ஆதித்யா
கரண் மீயோ சப்புரு

தொழிநுட்ப கலைஞர்கள்

சிவா‌ஜி பிலிம்ஸ் படத்தை தயா‌ரிக்கிறது. முதல் மூன்று படங்களுக்கு இசையமைத்த பரத்வா‌ஜ் நான்காவது முறையாக அ‌ஜித், சரண் கூட்டணியுடன் ஒன்றிணைகிறார்.

அ‌ஜித் ஜோடியாக சமீராரெட்டி மற்றும் பாவனா நடிக்கின்றனர். சரணின் பிற படங்கள் போலவே இந்தப் படத்தின் அனைத்துப் பாடல்களையும் வைரமுத்து எழுதுகிறார். நீரவ்சாவின் அசிஸ்டெண்ட் பிரசாந்த் படத்துக்கு ஒளிப்பதிவு செய்கிறார். விவேக் கருணாகரன் காஸ்ட்யூம்.படத்தில் பிரபுவும் முக்கியமான வேடத்தில் நடிக்கிறார்.

பாடல்

இப் படத்திற்கு ஐந்தாவது முறையாக அஜித்துடன் இணையும் பரத்வாஜ் மற்றும் ஸ்காட்லாந்து இசை குழுவினரான வை - கின்ஸ் இசை அமைக்கவுள்ளர்.

பாடல்	பாடியவர்கள்	வரிகள்
அசல்	சுனிதா மேணன்	வைரமுத்து
குதிரைக்கு தெரியும்	சூர்முகி, ஹீரீ சரன்	வைரமுத்து
டொட்டொடய்ங்	முகேஷ், ஜணனி	வைரமுத்து
எங்கே எங்கே	எஸ். பி. பாலசுப்பிரமணியம்	வைரமுத்து
துஷ்யந்தா	சூர்முகி, குமரன்	வைரமுத்து
எம் தந்தை	பரத்வாஜ்	வைரமுத்து
எங்கே எங்கே	கார்த்திகேயன் மற்றும் குழுவினர்	வைரமுத்து

படப்பிடிப்பு

படப்பிடிப்பு 2009 ஜுன் ஆரம்பித்து 31ம் திகதி டிசம்பர் நிறைவடைந்தது.

ஐந்தாவது முறையாக அஜித்துடன் இணையும் சரண்

“ஏழு வருஷத்துக்கு முன் எனக்குள் விதைப்போட்ட ‘கரு’தான் இப்போ ‘அசல்’ கதையாக வேர்விட்டு நிற்கிறது. நம்பிக்கை துரோகத்திற்கு எதிரா வெடித்து கிளம்பும் ஒருவனின் கதைதான் இது.

வில்லனை பலிவாங்குறதோட சுபம் போடுற வழக்கமான படமா இது இருக்காது. டான், இண்டர்நேஷனல் சேஸிங்னு இன்ட்ரஸ்டிங்கான திரைக்கதையை ட்ரை பண்ணியிருக்கேன்.”பாட்ஷா ரஜினி மாதிரியான கேரக்டர்தான் அஜித்துக்கு. படம் வந்தபிறகு அஜித்தை சூப்பர் ஸ்டாரா கொண்டாடப்போவது நிச்சயம். கெட்டப்,மேனரிசம்,ஸ்டைல்னு புது அஜித்துக்கு நிறையவே தீனி இருக்கு”. கிரீஸ்,துருக்கி,இத்தாலி,துபாய்,சிங்கப்பூர்னு பல இடங்களில் படமாகிறது. மே மாதம் முதல் படப்பிடிப்பு ஆரம்பம்.

படத்தில் அஜித்துடன் மோத இருப்பது மொத்தம் 6 வில்லன்கள்.இந்த அரை டஜன் வில்லன்களையும் நெதர்லாந்து, துருக்கி, இத்தாலி, ஹங்கேரி என்று பறந்து சென்று பழிவாங்குகிறார் அஜித்.நடுவே சமீரா ரெட்டி மற்றும் பாவனாவுடனான சஹானா சாரலும் உண்டு.இசை பரத்வாஜ். படம் முழுக்க வெட்டருவா மீசையுடன் வருகிறார் அஜித்.இந்த புதிய தோற்றம் படத்துக்கே புதிய லுக்கை தரும் என்றார் சரண். அஜித்துக்காக சிலம்பரசன் ஒரு பாடலுக்கு வாய்ஸ் கொடுக்கிறார்.

வெளி இணைப்புகள்

• அசல் இணையத்தள தொகுப்பு