பாம்பன் பாலம்: திருத்தங்களுக்கு இடையிலான வேறுபாடு

பாம்பன் பாலம்
பாம்பன் பாலம்
	பாம்பன் சாலை மற்றும் ரயில் பாலம்
அதிகாரப் பூர்வ பெயர்	அன்னை இந்திரா காந்தி பாலம்
போக்குவரத்து	2 வழி சாலை போக்குவரத்து
தாண்டுவது	பாக்கு நீரிணை
இடம்	ராமேஸ்வரம், தமிழ்நாடு, இந்தியா
அமைவு	9°16′56.70″N 79°11′20.1212″E / 9.2824167°N 79.188922556°E

Browse history interactively

← முந்தைய வேறுபாடு அடுத்த வேறுபாடு →

உள்ளடக்கம் நீக்கப்பட்டது உள்ளடக்கம் சேர்க்கப்பட்டது

VisualWikitext

வரியுள்

06:31, 11 ஏப்பிரல் 2021 இல் நிலவும் திருத்தம்

பாம்பன் பாலம் (Pamban Bridge) பாக்கு நீரிணையில் இந்தியாவின் தமிழ்நாடு மாநிலத்தில் அமைந்துள்ள பெருநிலப்பரப்பையும் இராமேசுவரத்தையும் இணைக்கும் ஒரு மிகப்பெரிய பாலமாகும். இக்கடல் பாலத்தில் நடுவே பெரிய கப்பல்கள் போக்குவரத்துக்கு ஏற்றவாறு பாலத்தின் நடுவில் திறக்கும் கத்திரி வடிவ தூக்கு பாலமாக வடிவமைக்கபட்டு செயல்பட்டுவருகிறது. இது இந்தியாவின் முதல் கடல் பாலம் ஆகும். சுமார் 2.3 கி.மீ. நீளம் கொண்ட இப்பாலம் இந்தியாவின் இரண்டாவது மிக நீளமான கடல் பாலம் ஆகும் (முதலிடத்தில் மும்பையில் உள்ள பாந்திரா-வொர்லி கடற்பாலம்). இப்போது பாம்பன் தொடருந்துப் பாலம், பாம்பன் பேருந்துப் பாலம் என இரண்டாக அழைக்கப்பட்டாலும். முதன் முதலில் ஆங்கிலேயர்களால் கட்டப்ட்ட தொடருந்து பாலத்தையே பாம்பன் பாலம் என குறிப்பிடபடுகிறது.

தொடருந்துப் பாலம்

இப்பாலமே இந்தியாவில் அமைந்துள்ள மிக நீளமான கடல் தொடருந்துப் பாலமாகும். இதன் நீளம் 2.3 கி.மீ. பாம்பன் ரயில் பாலம் 6,776 அடி (2,065 மீ) நீளமானது. இதை 1914ஆம் ஆண்டு திறந்தனர். இப்பாலத்தின் கீழே கப்பல்கள் செல்வதற்கு ஏதுவாக பாலத்தின் நடுப்பகுதியை உயரத் தூக்குவதற்கு ஏற்றவாறு வடிவமைத்துள்ளனர். தொடக்கத்தில் குறுகிய அகல தொடருந்துகள் செல்வதற்கு ஏற்றவாறே கட்டினர். பின்னர் இதை அகலப் பாதைத் தொடருந்துகள் செல்வதற்கு ஏற்றவாறு இந்திய இரயில்வே 2007 ஆகத்து 12 இல் புதுப்பித்தது. ஒவ்வொரு மாதமும் கிட்டத்தட்ட 10 கப்பல்கள் இப்பாலத்தின் நடுவில் திறக்கும் வாசல் வழியாகச் செல்கின்றன.

பேருந்து பாலம்

இராமேஸ்வரத்திற்கு சாலை வழி போக்குவரத்திற்காக பேருந்து பாலம் முதன் முதலாக 1988 அக்டோபர் 2 இல் அன்றைய இந்திய பிரதமர் ராஜீவ் காந்தி அவர்களால் தொடங்கப்பட்டது. இப்பாலத்திற்கு அவரது தாயாரும் முன்னாள் பிரதமருமான இந்திரா காந்தியின் நினைவாக அவரது பெயர் பாலத்திற்கு சூட்டப்பட்டது.

இம்மேம்பாலத்தில் இருந்து அருகிலுள்ள தீவுகளையும் பாலத்திற்குக் கீழே செல்லும் தொடருந்துப் பாலத்தையும் மற்றும் கப்பல் போக்குவரத்துகளையும் காணமுடியும்.

கட்டுமானம்

பாம்பன் தொடருந்துப் பாலம் 6,776 அடி (2,065 மீ) நீளமானது^[1]. இதன் கட்டுமானம் 1913ஆம் ஆண்டில் துவங்கி 18 மாதங்களில் முடிக்கப்பட்டு 1914 பிப்ரவரி 24 இல் திறந்து வைக்கப்பட்டது. இப்பாலத்தின் கீழே கப்பல்கள் செல்வதற்கு ஏதுவாக பாலத்தின் நடுப்பகுதியை உயரத் தூக்குவதற்கு ஏற்றவாறு வடிவமைத்துள்ளனர் (இராட்டிண வடிவுப் பாலம்). இதில் 146 சிறு இடைவெளிகள் உள்ளன. இதன் இருபுறமும் உள்ள முக்கிய தூணின் உயரம் 220 அடி ஆகும்.

கட்டுமானப் பொருட்கள்

பாலம் கட்ட தேவையான 18,000 டன் சல்லிக் கற்கள் 270 கி.மீ. தொலைவிலிருத்தும் மணல் 110 கி.மீ. தொலைவிலிருத்தும் எடுத்து வரப்பட்டது.
இதனைக் கட்ட சிமெண்ட் 5000 டன், எஃகு இரும்பு 18,000 டன் உபயோகப்படுத்தப்பட்டது.

புதுப்பித்தல்

தொடக்கத்தில் குறுகிய அகலத் தொடருந்துகள் (Meter Guage)செல்வதற்கு ஏற்றவாறே கட்டினர். பின்னர் இதை அகலப் பாதைத் தொடருந்துகள் (Broad Gauge) செல்வதற்கு ஏற்றவாறு இந்திய இரயில்வே 2007 ஆகஸ்ட் 12இல் புதுப்பித்தது^[1]. ஒவ்வொரு மாதமும் கிட்டத்தட்ட 10 கப்பல்கள் இப்பாலத்தின் வழியாகச் செல்கின்றன. இப்பாலம் வாரம் ஒரு முறை திறக்கப்படுகிறது. இதன் நூற்றாண்டு விழா 2014ஆம் ஆண்டு கொண்டாடப்பட்டது^[2].

வலிமை

பாம்பன் பாலம் உலகின் மிகவும் அதிக அளலில் துருப்பிடிக்கத் தக்க பகுதியில் (ஐக்கிய அமெரிக்காவின் மயாமிக்கு அடுத்தபடியாக) அமைக்கப்பட்டுள்ளது. இதனால் இதற்கான கட்டுமானப் பணிகள் மிகுந்த சிரமங்களுக்கு இடையிலேயே நடைபெற்றன. அத்துடன் இப்பகுதி கடல் கொந்தளிப்பு (Tsunami) ஏற்படும் பகுதியுமாகும்^[1] 1964இல் நிகழ்ந்த தனுஷ்கோடி புயலில் இப்பாலத்திற்கு எவ்வித சேதமும் ஏற்படவில்லை.

கப்பல்கள் செல்வதற்காகத் திறக்கும் 'கேன்டில் லீவர்' பகுதி.

அமைவு

பாக்கு நீரிணையில் இரண்டு கி.மீ தொலைவுக்குப் பரந்திருக்கும் இப்பாலம் இந்தியப் பெருநிலப்பரப்பையும் இராமேஸ்வரத்தையும் இணைக்கும் முதல் பாலமாகும்.

மேற்கோள்கள்

வெளி இணைப்புகள்

[Hindu-1] 1.0 ^1.1 ^1.2 The Hindu Business Line : Pamban Bridge to be pulled down for gauge conversion

[Celebration-2] The Hindu : Kalam inaugurates centenary celebrations of Pamban bridge

[1]

[2]

@@ வரிசை 15: / வரிசை 15: @@
 ==பேருந்து பாலம்==
-* [[இராமேஸ்வரம்|இராமேஸ்வரத்திற்கு]] சாலை வழி போக்குவரத்திற்காக [[பேருந்து]] பாலம் முதன் முதலாக 1988 அக்டோபர் 2 இல் அன்றைய இந்திய பிரதமர் [[ராஜீவ் காந்தி]] அவர்களால் தொடங்கப்பட்டது.  இப்பாலத்திற்கு அவரது தாயாரும் முன்னாள் பிரதமருமான [[இந்திரா காந்தி]] அவர்களின் நினைவாக அவர் பெயரால் '''இந்திரா காந்தி மேம்பாலம்''' எனப் பெயரிடப்பட்டுள்ளது.
+* [[இராமேஸ்வரம்|இராமேஸ்வரத்திற்கு]] சாலை வழி போக்குவரத்திற்காக [[பேருந்து]] பாலம் முதன் முதலாக 1988 அக்டோபர் 2 இல் அன்றைய இந்திய பிரதமர் [[ராஜீவ் காந்தி]] அவர்களால் தொடங்கப்பட்டது. இப்பாலத்திற்கு அவரது தாயாரும் முன்னாள் பிரதமருமான [[இந்திரா காந்தி|இந்திரா காந்தியின்]] நினைவாக அவரது பெயர் பாலத்திற்கு சூட்டப்பட்டது.
 * இம்மேம்பாலத்தில் இருந்து அருகிலுள்ள தீவுகளையும் பாலத்திற்குக் கீழே செல்லும் [[தொடருந்து|தொடருந்துப் பாலத்தையும்]] மற்றும் [[கப்பல்]] போக்குவரத்துகளையும் காணமுடியும்.