லட்சுமி (இந்துக் கடவுள்)

மகாலட்சுமி என்ற பெயரில் வெளிவந்த திரைப்படம் பற்றி அறிய மகாலட்சுமி (திரைப்படம்) கட்டுரையைப் பார்க்க.

லட்சுமி
ரவி வர்மாவின் லட்சுமி ஓவியம்
தேவநாகரி	लक्ष्मी
சமசுகிருதம்	lakṣmī
வகை	தேவி (முத்தேவியர்)
இடம்	வைகுந்தம், திருப்பாற்கடல்
மந்திரம்	ஓம் மகாலட்சுமியே நமக
துணை	விஷ்ணு
சகோதரன்/சகோதரி	ஜேஷ்டா தேவி (மூத்த சகோதரி)
குழந்தைகள்	காமதேவன்,ஐயனார் (வளர்ப்பு மகன்)

இலக்குமி (Lakshmi) என்பவர் இந்து சமயத்தில் வணங்கப்படும் பெண் கடவுளாவார். இவர் செல்வத்தை வழங்கும் கடவுளாகவும் விஷ்ணுவின் துணைவியாகவும் சித்தரிக்கப்படுகிறார். விஷ்ணுவின் அவதாரங்களின் துணையாக இவரும் சீதை, உருக்மணி, பத்மாவதி போன்று அவதாரம் எடுப்பதாக கூறுவதுண்டு.

தோற்றம் மற்றும் புராணம்

அமுதம் வேண்டி தேவர்களும், அசுரர்களும் பாற்கடலைக் கடைந்த தருணத்தில் அதிலிருந்து எண்ணற்ற பொருள்களும், இறைகளும் வெளிவந்தன. அதில் ஒன்றாக லட்சுமி தேவியும் தோன்றினார்.

பெயர்கள்

லட்சுமி என்ற சொல்லுக்கு லட்சணம் பொருந்தியவள் என்று பொருள்.

வேறு பெயர்கள்

• பத்மா: தாமரையில் வசிப்பவள்
• கமலா: தாமரையில் வசிப்பவள்
• பத்மப்பிரியா: தாமரையை விரும்புகின்றவள்
• பத்மசுந்தரி: தாமரையைப் போல அழகானவள்
• விஷ்ணுப்பிரியா: திருமாலை விரும்புகின்றவள்

திருமகள், அலைமகள், ஐஸ்வர்யா, வைஷ்ணவி, நாராயணி, பார்கவி, ஜலஜா, மாதவி, சுஜாதா, ஸ்ரேயா எனப் பல்வேறுப் பெயர்களில் அழைக்கப்படுகிறார்.

லட்சுமி தேவியின் அவதாரங்கள்

ஒவ்வொரு முறையும் மகாவிஷ்ணு அவதாரம் செய்யும் போது அதற்கு துணையாக லட்சுமி தேவி அவதரிப்பதாக புராணங்கள் கூறுகின்றன. அவற்றைப் பற்றி நாமும் பார்ப்போம்:-

ஸ்ரீ தேவி

இந்த அவதாரத்தில் இவர் பிருகு முனிவர்-க்யாதி தம்பதிகளின் மகளாக அவதரித்திருக்கிறார். இவரது அழகில் மயங்கி பலர் திருமணம் செய்ய விரும்பினாலும் மகாவிஷ்ணுவே தனக்கு கணவனாக வேண்டும் என்று அவரையே விரும்பினார். அதன்படி மகாவிஷ்ணு யக்ஞராக அவதரித்து ஸ்ரீ தேவியை மணந்து கொண்டார்.

லட்சுமி வடிவங்கள்

லட்சுமியின் வடிவங்களாக அஷ்ட லட்சுமி எனும் எட்டு வடிவங்களும், 16 வடிவங்களும் சமய நூல்களில் குறிப்பிடப்பட்டுள்ளன.

அஷ்ட லட்சுமிகள்

செல்வத்தின் அதிபதியாக வணங்கப்படும் லட்சுமியின் வடிவமானது ஆதிலட்சுமி, தான்ய லட்சுமி, தைரிய லட்சுமி, கஜ லட்சுமி, சந்தான லட்சுமி, விஜயலட்சுமி, வித்யா லட்சுமி, தன லட்சுமி என எட்டு வடிவங்களாக காணப்படுகிறது.

16 வடிவங்கள்

தனலட்சுமி, வித்யாலட்சுமி, தான்யலட்சுமி, வரலட்சுமி, சவுபாக்யலட்சுமி, சந்தானலட்சுமி, காருண்யலட்சுமி, மகாலட்சுமி, சக்திலட்சுமி, சாந்திலட்சுமி, சாயாலட்சுமி, த்ருஷ்ணாலட்சுமி, சாந்தலட்சுமி, கிருத்திலட்சுமி, விஜயலட்சுமி, ஆரோக்கிய லட்சுமி என லட்சுமிகள் 16 வகை வடிவங்களாக காணப்படுகிறது.

லட்சுமி விழாக்கள்

• வரலட்சுமி நோன்பு

மந்திரங்கள்

• ஸ்ரீசூக்தம் <ref>Sri Suktam</regf>
• அஷ்டலட்சுமி தோத்திரம்
• லலிதா சகஸ்ரநாமம்

கோயில்கள்

• பெசன்ட் நகர் அஷ்டலட்சுமி கோயில், சென்னை
• மருதாதூர் ஸ்ரீமகாலட்சுமி கோயில் (திருவனந்தபுரம்)
• மகாலட்சுமி கோயில்
• மோகினிராஜ் லட்சுமி கோயில்
• அஷ்டலட்சுமி கோயில், ஐதராபாத்து
• மகாலட்சுமி கோயில், கோலாப்பூர்
• மகாலட்சுமி கோயில், மும்பை
• ஸ்ரீ மகாலட்சுமி கோயில் பெங்களூரு அருகே
• மகாலட்சுமி கோயில், பிரேசில்
• ஸ்ரீ மகாலட்சுமி கோயில், ஈச்சனேரி, கோயம்புத்தூர்
• மகாலட்சுமி கோயில், ஜான்சி

இவற்றையும் காண்க

• அஷ்ட லட்சுமி
• எண்ணெய் விளக்கு
• தேவி
• லட்சுமிநாராயணன்

வெளி இணைப்புகள்

• லஷ்மி குபேர பூஜை
• சோடச லட்சுமி பூஜை