நெற்ஃபிளிக்சு

நெற்ஃபிளிக்சு அல்லது நெட்ஃபிளிக்சு அல்லது நெட்ஃபிளிக்ஸ் (Netflix, Inc) என்பது வாடிக்கையாளர்கள் கேட்டவுடன் நிகழ்பட சேவையை (Video on demand) வழங்கும் ஒரு ஐக்கிய அமெரிக்க இணைய வணிகம் ஆகும். இது தற்போது ஐக்கிய அமெரிக்காவிலும் கனடாவிலும் இயங்குகிறது. குறிப்பிட்ட கட்டணம் செலுத்தி, இணையம் ஊடாகத் திரைப்படங்கள், தொலைக்காட்சி நிகழ்ச்சிகள், மற்றும் பிற நிகழ்படங்களை வாடிக்கையாளர்கள் இணையம் ஊடாகத் தரவிறக்கிப் பார்க்கலாம். தொடக்கக் காலத்தில் அஞ்சல் வழியாகத் திரைப்பட இறுவட்டுகளை வாடிக்கையாளர்களுக்கு அனுப்பும் சேவையினைச் செய்து வந்தது. தற்போது வாடிக்கையாளர் இறுவட்டுக்காகக் காத்திராமல் இணையம் வழியாகத் திரைப்பட மற்றும் தொலைக்காட்சி நிகழ்ச்சிகளைத் தரவிறக்கிக் காணும் சேவையினை வழங்குகிறது. தற்போது மிகவும் வேகமாக வளர்ந்துவரும் வணிகங்களிலும் இதுவும் ஒன்று.