முல்லை (திணை)

முல்லை என்பது பண்டைத் தமிழகத்தில் பகுத்து அறியப்பட்ட ஐந்து வகைத் தமிழர் நிலத்திணைகளில் ஒன்றாகும். காடும், காடு சார்ந்த இடங்களும் முல்லை நிலமாகும். செம்மண் பரந்திருத்தலால் முல்லை நிலமானது செம்புலம் எனவும் அழைக்கப்பட்டது. இந்நிலம் முல்லை மலரைத் தழுவிப் பெயரிடப்பட்டது. " மாயோன் மேய காடுறை உலகமும்" எனத் தொல்காப்பியம் முல்லை பற்றிக் கூறுகிறது.

முல்லை நிலத்தின் பொழுதுகள்

கார் என்னும் பெரும் பொழுதும் மாலை என்னும் சிறுபொழுதும் முல்லை நிலத்துக்குரிய பொழுதுகளாகும்.

முல்லை நிலத்தின் கருப்பொருட்கள்

• தெய்வம்: மாயோன்
• மக்கள்: இடையர், இடைச்சியர், ஆயர், ஆய்ச்சியர்
• உணவு: வரகு, சாமை
• பறவைகள்: புள் (கருடன்); காட்டுக் கோழி
• விலங்குகள்: மான், முயல், பசு, ஆடு,மரை
• நீர் நிலை : காட்டாறு
• மரங்கள்: கொய்யா, காயா, குருத்து
• மலர்கள்: முல்லை, பிடா,தொன்றி
• பண்: பறை, முல்லை யாழ்
• பறை : ஏறுகோள்
• தொழில்: சாமை, வரகு விதைத்தல், களை எடுத்தல், குழலூதல், ஏறு தழுவல், குரவைக் கூத்தாடல், மந்தை மேய்த்தல்
• ஊர்: பாடி

முல்லை நிலத்தின் உரிப்பொருட்கள்

• அக ஒழுக்கம் : இருத்தல்
• புற ஒழுக்கம் : வஞ்சி