பாயசம்

பாயசம்

மாற்றுப் பெயர்கள்	கீர், ஷீரம், பாயேஷ்
தொடங்கிய இடம்	இந்தியா
பகுதி	தென்னிந்தியா
முக்கிய சேர்பொருட்கள்	அரிசி, பால், ஏலக்காய், சேமியா, சவ்வரிசி, அவல், குங்கமப்பூ
வேறுபாடுகள்	கில் ஈ ஃபிர்தாவுஸ், பார்லி, பால், சேமியா, சவ்வரிசி, பருப்பு

பாயசம் (பேச்சு வழக்கு: பாயாசம்) என்பது விருந்துகளில் பரிமாறப்படும் முக்கியமான இனிப்பு உணவு ஆகும். இதில் பால் பாயசம், பருப்புப் பாயசம், அவல் பாயசம் எனப் பல வகைகள் உண்டு. பால் பாயசம் என்பது பால், சவ்வரிசி, சேமியா முதலானவற்றை கொண்டு தயாரிக்கப்படுகிறது.

தமிழர் விருந்துகளில் பால் பாயசம் முக்கிய உணவாகும். இது பொதுவாக உளுந்து வடை அல்லது பொடித்த அப்பளம் ஆகியவற்றோடு சேர்த்து உண்ணப்படுகிறது. விருந்துகளில் நிறைப்புணவாகப்(Dessert) பரிமாறப்படுவதற்கும், நோயாளர்களுக்கு இலகுவில் செரிமானமடையும் உணவாகவும் பாயசம் கொள்ளப்படுகிறது.