பயனர் பேச்சு:செல்வா

ஆவணத் தொகுப்புகள் 1. 2. 3. 4

---

IAST க்கான என் பரிந்துரை

IAST க்கான என் பரிந்துரை

வேண்டுகோள்...

வணக்கம் ஐயா!
தமிழிலக்கியம் குறித்து பிற மொழி அறிஞர்கள் (மொழியியலாளர்கள், இலக்கியவாதிகள், சிந்தனையாளர்கள்...) தெரிவித்துள்ள கருத்துகள் குறைந்தது 7 தேவைப்படுகிறது. ஆதார மூலத்துடன் கிடைத்தால் இன்னமும் சிறப்பு! தங்களின் நினைவில் அம்மாதிரியான கருத்துகள் ஏதேனும் இருந்தால்...அந்த கருத்துகளை இங்கே இடுமாறு கேட்டுக் கொள்கிறேன். இதனை வலைவாசல்:தமிழிலக்கியம் எனும் பக்கத்தில் காட்சிப்படுத்த எண்ணம். நன்றி! −முன்நிற்கும் கையொப்பமிடப்படாத கருத்து Selvasivagurunathan m (பேச்சு • பங்களிப்புகள்) என்ற பயனரால் பதிக்கப்பட்டது. 13:24, மே 12, 2013 (UTC)

சுருக்கமாக பேரா. சியார்ச்சு ஆர்ட்டு அவர்கள் பக்கத்துக்கு முன்னர் தொடுப்பு தந்திருந்தேன். மேலும் பல உள்ளன. கிடைத்ததும், அங்கு இடுகின்றேன். --செல்வா (பேச்சு) 13:58, 3 சூன் 2013 (UTC)

மிக்க நன்றி; தங்களுக்கு எப்போது இயலுமோ, அப்போது அத்தகவல்களைத் தாருங்கள்! --மா. செல்வசிவகுருநாதன் (பேச்சு) 03:57, 7 சூன் 2013 (UTC)

ஏழு ஆண்டுகள் நிறைவு!

தமிழ் விக்கிப்பீடியாவில் நான் பங்களிக்கத்தொடங்கி ஏழு ஆண்டுகள் நிறைந்துவிட்டன. கடந்த ஓராண்டாக அவ்வளவாக அதிகம் பங்களிக்க இயலவில்லை.கடந்த ஆண்டில் ஏறத்தாழ ஆயிரம் தொகுப்புகளும், மாதம் ஏறத்தாழ 2 கட்டுரைகளைத்தொடக்கவும் மட்டுமே முடிந்துள்ளது. வரும் ஆண்டு கூடுதலான பங்களிப்பு இருக்க வேண்டும் என்று என்னை உந்துகின்றேன் என்றாலும் பல அழுத்தங்கள் (பணியழுத்தம் போக மற்ற அனைத்தும் தமிழ் சார்ந்தவையே) அலைக்கழிக்கின்றன. தொடர்ந்து பலரும் பங்காற்றி த.வி-யை முன்னேற்றுவது கண்டு மகிழ்கின்றேன்.--செல்வா (பேச்சு) 01:40, 26 மே 2013 (UTC)

செல்வா, விக்கியில் தங்கள் ஏழாண்டு நிறைவு மகிழ்ச்சியைத் தருகிறது. வாழ்த்துகள். கட்டுரைகளில் பங்களிப்புக் குறைவாக இருந்தாலும், அவ்வப்போது உரையாடல்களில் பங்குபற்றி தங்கள் மேலான கருத்துகளைத் தெரிவியுங்கள்.--Kanags ^{\உரையாடுக} 01:58, 26 மே 2013 (UTC) விருப்பம்--Anton (பேச்சு) 05:35, 26 மே 2013 (UTC)

நன்றி சிறீதரன்.--செல்வா (பேச்சு) 02:34, 26 மே 2013 (UTC)

விக்கியில் 7 ஆண்டுகள் நிறைவு செய்ததற்கு வாழ்த்துக்களும் பாராட்டுக்களும்! --Anton (பேச்சு) 05:35, 26 மே 2013 (UTC)

விருப்பம்-- பார்வதிஸ்ரீ (பேச்சு) 06:15, 26 மே 2013 (UTC)

வாழ்த்துகள் --அன்புடன் கி. கார்த்திகேயன் (பேச்சு) 05:19, 27 மே 2013 (UTC)

செல்வா, தமிழ் விக்கிப்பீடியாவில் தங்கள் வருகையும் இருப்பும் தொடர்ச்சியும் அடையாள முக்கியத்துவம் வாய்ந்தது. பல தமிழ் விக்கிப்பீடியர்களுக்கு இடையே பாலமாகவும் அவர்களுக்கு உந்துதலாகவும் இருந்துள்ளீர்கள். 2010 கட்டுரைப் போட்டியின் போது தங்கள் பங்களிப்பு அளப்பரிது. தொடர்ந்தும் முன்போல் தமிழ் விக்கிப்பீடியாவில் பங்களிக்கவும் ஒத்த சிந்தனையாளர்கள் பலருக்கு விக்கிப்பீடியாவை அறிமுகப்படுத்தி நமது பங்களிப்பாளர் சமூகத்தை வலுப்படுத்தவும் வேண்டுகிறேன். நன்றி. --இரவி (பேச்சு) 18:32, 29 மே 2013 (UTC)

செல்வா, உங்கள் தமிழ் விக்கிப் பணியில் ஏழாண்டு காலம் நிறைவெய்தி இருப்பதையிட்டு வாழ்த்துக்கள். இரவி, குறிப்பிட்டு இருப்பதுபோல், தமிழ் விக்கிப்பீடியாவில் உங்களது இணைவு அதன் வளர்ச்சியில் ஒரு திருப்புமுனை. கட்டுரைகள் எழுதுவதற்கும் மேலாகப் பிற பயனர்களை ஊக்குவித்து தமிழ் விக்கியைத் தொய்வின்றி வளர்த்ததில் உங்களுக்கு மிகப்பெரிய பங்கு உண்டு. உங்களுடைய ஆலோசனைகளும், கருத்துக்களும் தமிழ் விக்கிப்பீடியாவின் தரத்தை உயர்த்துவதற்குப் பெரும் உதவியாக இருந்தன. உங்களுடைய தொடர்புகளூடாக, தவியைப் புலமைத்துவ மட்டங்களில் அறிமுகப்படுத்துவதில் முனைப்பாகப் பணியாற்றியுள்ளீர்கள். அண்மையில் கொழும்பில் நான், இரவி, மயூரன், சஞ்சீவி சிவகுமார் ஆகியோர் சந்தித்துத் தமிழ் விக்கியின் வளர்ச்சி பற்றிப் பேசியபோது உங்களுடைய பங்களிப்பின் முக்கியத்துவம் குறித்துப் பேசிக்கொண்டோம். தமிழ் விக்கியில் உங்கள் பணி நீண்டகாலம் தொடரவேண்டும். ---மயூரநாதன் (பேச்சு) 13:49, 1 சூன் 2013 (UTC)

வாழ்த்துகளும் நன்மொழிகளும் கூறிய பயனர்கள் அன்டோன், பார்வதி, கார்த்திகேயன் இரவி, மயூரநாதன் ஆகிய அனைவருக்கும் என் நன்றி. போன ஆண்டைவிட இந்த ஆண்டு அதிக பங்களிப்பது எளிது :) இரவி, மயூரநாதன் உங்கள் நன்மொழிகளுக்கு நன்றியன். --செல்வா (பேச்சு) 16:45, 1 சூன் 2013 (UTC)

மயூரநாதனும் இரவியும் சொன்ன கருத்தே என்னுடையதும். தொகுப்புகளின் வாயிலாக நீங்கள் செய்துள்ள நேரடிப் பங்களிப்புகளோடு ஊக்க மொழிகளாலும் வழிகாட்டுதலாலும் செய்த பங்களிப்பும் ஒப்பற்றது. இன்னும் நெடுங்காலம் நீங்கள் தொடர்ந்து பணியாற்ற விரும்புகிறேன். -- சுந்தர் ^{\பேச்சு} 08:47, 3 சூன் 2013 (UTC)

//பல அழுத்தங்கள் (பணியழுத்தம் போக மற்ற அனைத்தும் தமிழ் சார்ந்தவையே) அலைக்கழிக்கின்றன//

தமிழ் சார்ந்த உங்களது விக்கி தவிர்த்த பங்களிப்புகளும் என்றாவது தமிழ் விக்கிப்பீடியாவுக்கு நிச்சயம் உதவும். அதனால் நீங்கள் செய்த விக்கி சாராத தமிழ் பங்களிப்புகளும் ஒரு வகையில் விக்கிப்பீடியாவுக்கு உதவக்கூடியதே. உங்கள் ஏழாண்டு விக்கி பங்களிப்புகளுக்கு வாழ்த்துக்கள்.--தென்காசி சுப்பிரமணியன் (பேச்சு) 09:35, 3 சூன் 2013 (UTC)

மிக்க நன்றி சுந்தர், தென்காசி சுப்பிரமணியன். --செல்வா (பேச்சு) 13:56, 3 சூன் 2013 (UTC)

வணக்கம் ஆசிரியப் பெருந்தகையே!
மீண்டும் முன்புபோல நீங்கள் இங்கு பங்களிப்பது, மிகுந்த உள்ளக் களிப்பினைத் தருகிறது! தங்களின் தமிழ்த் தொண்டிற்கு எனது நன்றிகள். தமிழ்மீது கொண்ட அன்பினாலேயே நான் இங்கு பங்களிக்க ஆரம்பித்தேன். பல்வேறு சொந்தப் பிரச்சினைகளுக்கு நடுவிலும்... நான் இன்னமும் என்னால் இயன்ற பங்களிப்பினை இங்கு தருவதற்கு, நீங்களும் ஒரு காரணம் என்பதனை மனமகிழ்ச்சியுடன் தெரிவித்துக் கொள்கிறேன். விக்கிக்கு நான் புதிதாய் இருந்த காலத்தில் ஒரு நல்லாசிரியராய் எனக்கு அனைத்தும் கற்றுத் தந்தீர்கள்; தங்களின் உதவியும் ஆலோசனைகளும் இன்னமும் தேவை! நட்புடன்--மா. செல்வசிவகுருநாதன் (பேச்சு) 19:24, 12 சூன் 2013 (UTC)

வணக்கம் செல்வசிவகுருநாதன்! விக்கியில் நாம் யாவருமே உடன் பணியாற்றும் நண்பர்களே. எனவே எளிமையாக செல்வா என்றே என்னைத் தயங்காமல் அழையுங்கள். நீங்கள் கூறிய நன்மொழிகளுக்கு மிகவும் நன்றி. மிக்க மகிழ்ச்சியும் :) கட்டாயம் என்னால் இயன்றவாறு பங்களித்து வருவேன். --செல்வா (பேச்சு) 02:36, 13 சூன் 2013 (UTC)

மலேசிய வானொலிப் பேட்டி

செல்வா, அண்மையில் மலேசிய வானொலிக்குப் பேட்டி அளித்ததாக உங்கள் பேசுபுக்கு குறிப்பு ஒன்றில் தெரிவித்து இருந்தீர்கள். இது தொடர்பாக பயனர் முத்துக்கிருசுணன் ஒரு செய்தி விடுத்துள்ளார். கவனிக்க முடியுமா?--இரவி (பேச்சு) 09:53, 1 சூன் 2013 (UTC)

ஏதோ பிறழ்வாக உணர நேர்ந்திருக்கின்றது. என் கருத்துகளை இங்கே பகிர்ந்துள்ளேன். தெரியச் செய்தமைக்கு நன்றி. --செல்வா (பேச்சு) 16:38, 1 சூன் 2013 (UTC)

கனிவுடன் விளக்கியதற்கு நன்றி, செல்வா. தற்போது குழப்பம் தீர்ந்துள்ளது. --இரவி (பேச்சு) 06:18, 3 சூன் 2013 (UTC)

நன்றி இரவி. நீங்கள் பயனர் முத்துக்கிருட்டிணன் அவர்களின் பக்கத்தில் இட்டிருந்த கருத்துகளையும் பார்த்தேன். எத்தனை அருமையானதொரு பொறுப்புணர்வுடன் எடுத்துக்கூறியிருக்கின்றீர்கள் என்று எண்ணி வியக்கின்றேன்! --செல்வா (பேச்சு) 14:42, 3 சூன் 2013 (UTC)

உதவி

செல்வா, தங்களின் உதவி இங்கு தேவைப்படுகின்றது. இந்த இராமதேவ சித்தரின் பாடலுக்கு காலம் எதுவாக இருக்கக் கூடும்?? உங்களின் கருத்து தேவை. --அராபத் (பேச்சு) 06:04, 4 சூன் 2013 (UTC)

அராபத்து, எனக்குச் சரியாகத் தெரியவில்லை. எனக்கு இப்படியான தலைப்புகளில் பற்பல ஐயங்கள் உண்டு. ஏதும் தெளிவாகத் தெரிந்தால் கூருகின்றேன்.--செல்வா (பேச்சு) 02:42, 13 சூன் 2013 (UTC)

இணைய Cochrane Library க்கான அணுக்கம்

விக்கித் திட்டம் மருத்துவத்தில் பங்குபற்றும் பயனர் மற்றும் மருத்துவ, அறிவியல் கட்டுரைகளை எழுதுபவர் எனும் நோக்கில் பின்வரும் தகவல் தங்களுக்கு வழங்கப்படுகின்றது: en:Cochrane Library என்பது மருத்துவ ஆய்வுக்கட்டுரைகள், அண்மைய ஆய்வுகள் அடங்கியுள்ள தரவுத்தளம். இதற்கான சந்தா 300 - 800 $ ஆகும். விக்கிபீடியாவில் மருத்துவத்தில் சிறப்பாகப் பங்களிக்கும் நூறு நபர்களுக்கு இலவசமாக இதன் அணுக்கம் கிடைக்கவுள்ளது. இதில் ஈடுபாடு இருக்குமெனின் தங்களின் நுழைவுப்பதிவை ஆங்கில விக்கிபீடியாவில் இடலாம். ஆலமரத்தடியிலும் இதைப்பற்றிய சிறுகுறிப்பு உள்ளது. en:Wikipedia:COCHRANE சென்றால் விவரங்களை அறிந்து பதியலாம்--செந்தி^{--ஃ உரையாடுக ஃ--} 22:53, 19 சூன் 2013 (UTC)

செந்தி, மிக்க நன்றி. நான் பதிவு செய்யலாம் என்றே போனேன். ஆனால் "Not have free access to Cochrane reports through your local library, university, institution, organization, or country" என்று அங்குக் கொடுக்கப்பட்டுள்ளது. எங்கள் பல்கலைக்கழகத்தின் வழி இலவச அணுக்கம் எனக்கு உண்டு என்பதால் பதிவு செய்யவில்லை. வேறு பல பயனர்கள் பயன்பெற இயலும். சுந்தருக்கு ஆர்வம் இருக்கும் என நினைக்கின்றேன். காப்புரிமை மீறாமல் ஏதும் நான் பகிர முடியும் என்றால் சொல்லுங்கள் கட்டாய உதவ அணியம். --செல்வா (பேச்சு) 00:02, 20 சூன் 2013 (UTC)

நன்றி செல்வா, இதன் அணுக்கம் கிடைக்காத பட்சத்தில் தங்களின் உதவி கோருகின்றேன்.--செந்தி^{--ஃ உரையாடுக ஃ--} 00:15, 20 சூன் 2013 (UTC)

கட்டாயம் செந்தி! --செல்வா (பேச்சு) 00:17, 20 சூன் 2013 (UTC)

தகவலுக்கு நன்றி செல்வா, செந்தி. நானும் விண்ணப்பித்துள்ளேன். -- சுந்தர் ^{\பேச்சு} 03:12, 20 சூன் 2013 (UTC)

கருத்து வேண்டி...

வணக்கம் செல்வா!
தங்களின் கருத்தை இங்கு தெரிவிக்கவும்; நன்றி! --மா. செல்வசிவகுருநாதன் (பேச்சு) 08:11, 24 சூன் 2013 (UTC)

கருத்தைத் தெரிவித்து உதவியமைக்கு மிக்க நன்றி! --மா. செல்வசிவகுருநாதன் (பேச்சு) 03:17, 28 சூன் 2013 (UTC)

தமிழ் விக்கிக் கூடலுக்கான வருகை விருப்பப் பதிவு

தமிழ் விக்கிப்பீடியாவின் பத்தாண்டு நிறைவை ஒட்டி செப்டம்பர் மாதம் சென்னையில் தமிழ் விக்கிப்பீடியா கூடல் நிகழ்வு ஒன்றை ஏற்பாடு செய்யலாமா என்று உரையாடி வருகிறோம். இதில் நீங்கள் கலந்து கொண்டால் நன்றாக இருக்கும். ஏனெனில், இது தமிழ் விக்கிப்பீடியாவின் பத்தாண்டுகளில் பலரையும் ஒரே இடத்தில் சந்தித்து உரையாடக்கூடிய அபூர்வ வாய்ப்பு. போனால் வராது :) கலந்து கொள்வதற்கான உங்கள் விருப்பம், தேவைகளைத் தெரிவித்தீர்கள் என்றால், அதன் அடிப்படையில் முடிவெடுத்துச் செயற்பட முடியும். குறிப்பாக, வெளிநாடு அல்லது வெளியூரில் இருந்து கலந்து கொள்வோருக்கான பயண உதவித் தொகை, தங்குமிடத் தேவை குறித்து அறிந்து கொண்டால் தான் அதற்கு ஏற்ப நிதி ஏற்பாடு செய்ய முடியும். உங்கள் விருப்பத்தை இங்கு தெரிவியுங்கள். நன்றி

மாதம் 250 தொகுப்புகள் மைல்கல்

வணக்கம், செல்வா!

நீங்கள் கடந்த மாதம் 250 தொகுப்புகளுக்கு மேல் பங்களித்திருப்பதற்கு என் மகிழ்ச்சியையும் நன்றியையும் தெரிவித்துக் கொள்கிறேன். இது பலருக்கும் உந்துதல் அளிப்பதாகவும் உதவியாகவும் இருக்கும். தொடர்ந்து இவ்வாறு பங்களித்து தமிழ் விக்கிப்பீடியாவின் முனைப்பான பங்களிப்பாளர் எண்ணிக்கையைக் கூட்ட உதவுமாறு விக்கித்திட்டம் 100 சார்பாக கேட்டுக் கொள்கிறேன். அடுத்து 1000 தொகுப்புகளைத் தாண்டும் போது மீண்டும் உங்கள் பேச்சுப் பக்கத்துக்கு வருவேன் :)

குறிப்பு: வெறும் தொகுப்பு / கட்டுரை எண்ணிக்கையைக் கருத்திற் கொண்டு நாம் தமிழ் விக்கிப்பீடியாவின் தரத்தை நோக்குவதில்லை. ஆயினும், முனைப்பான பங்களிப்பாளர்களை இனங்காண உள்ள முக்கிய வழிகளில் தொகுப்பு எண்ணிக்கையும் ஒன்று. எனவே, வழமை போலவே எண்ணிக்கையைக் கருத்தில் கொள்ளாமல் பயன் கருதி மட்டும் பங்களிக்குமாறு கேட்டுக் கொள்கிறேன். நன்றி.

--இரவி (பேச்சு) 05:44, 2 சூலை 2013 (UTC)

தமிழ் பெயர்கள்

வணக்கம். சிவையின் தமிழ் பெயர்கள், சிவனின் தமிழ் பெயர்கள் இந்த இரண்டு கட்டுரைகளையும் பார்வையிட்டு கருத்தௌக் கூறவும். இதில் கொடுக்கப்பட்டிருக்கும் தமிழ் சொல்லும் சில வடமொழி போல் தெரிகிறது.--தென்காசி சுப்பிரமணியன் (பேச்சு) 15:06, 22 சூலை 2013 (UTC)

வணக்கம். பார்த்தேன், அங்குள்ள சொற்கள் மிகப்பெரும்பாலும் நல்ல தமிழ்ச்சொற்களாகவே இருக்கின்றன என்று நினைக்கின்றேன். மிகச்சிலவே பிறமொழிச்சொற்களாக உள்ளன.: எ.கா: அனேகன் (ஏனகன், அனேகன்). ஆனால் இந்த ஆயிரம் சொற்களைத் தொகுத்த முறையைக் கூறுதலும் நல்லதாக இருக்கும். பேராயிரடையான் என்று கூறுவதுபோல, எந்த அடியார்கள் பாடல்களில் கூறப்பட்டுள்ளன என்பதை இயலுமானால் சேர்க்கலாம். வடமொழியில் கூறப்ட்ட பெயர்களும் சரியானவையா என்பது தெரியவில்லை. சிவையின் பெயர்களில் அறம்வளர்த்த நாயகி (தர்மசம்வர்த்தினி) போன்றவற்றை சேர்ப்பதும் சேர்க்காததும் பற்றியும் (அதற்கான முறைமைகளைக் கூறுவது) நல்லது. --செல்வா (பேச்சு) 20:57, 22 சூலை 2013 (UTC)

வணக்கம் நண்பரே,.
இந்து தொன்மவியல், இந்துத் தொன்மவியல் இவற்றில் எது சரியானது என்பதை கூறவும். அத்துடன் சிவபெருமானின் ஆயிரம் பெயர்கள் தொகுப்பு இணையத்தின் சைவம் ஆர்க் தளத்திலிருந்து எடுக்கப்பட்டது. அது போல அம்மனுக்கு ஆயிரம் பெயர்கள் இருக்கமென நினைக்கிறேன். ஆனால் இணையத்தில் காணக் கிடைக்கவில்லை. :-( --சகோதரன் ஜெகதீஸ்வரன் (பேச்சு) 07:23, 24 சூலை 2013 (UTC)

சிதறம் சொல் குறித்து கருத்து

இந்தப் பக்கத்தில் சிதறம் சொல் குறித்து ஒரு உரையாடல் தொடங்கப்பட்டுள்ளது. உங்களின் பார்வைக்கு: பேச்சு:கிப்சின் ஆற்றல் --சிவக்குமார் ^{\பேச்சு} 11:05, 4 ஆகத்து 2013 (UTC)I

நன்றி சிவக்குமார்! --செல்வா (பேச்சு) 19:35, 4 ஆகத்து 2013 (UTC)

குலைதிறம் என்ற சொல்லைப் பரிந்த்ரைக்கிறேன். உலோ.செந்தமிழ்க்கோதை (பேச்சு) 07:26, 1 மே 2015 (UTC)

தமிழ் சொல் தேவை

தேசியம், சுதேசியம் போன்ற சொற்களிற்கு தூய தமிற்சொல்லை தந்து உதவ வேண்டும்.--தென்காசி சுப்பிரமணியன் (பேச்சு) 18:13, 10 ஆகத்து 2013 (UTC)

தேசம் = நாடு; தேசியம் என்பது நாட்டியம் என ஆகமுடியாமல் வேறு பொருள் கொண்டுள்ளது; நாட்டியம் என்பது தேசியம் என்னும் பொருளையும் கொள்ளும் என்றும் வாதிடலாம், அதில் உண்மையும் உண்டு. தேசியமே நாட்டியமா எனக் கிண்டலுக்கும் ஆளாகலாம் :) நாட்டியம் என்றால் நிறுத்துமை நிலைநிறுத்துமை நாட்டப்படும் தன்மை என்றும் இன்னொரு பொருளும் உண்டு. ஆனால் தேசிய ஆய்வகம் (national labs) என்பதை நாட்டக ஆய்வகம் என்று கூறலாம். நாட்டகல் (அகல் = விரிந்த)என்றால் நாடுதழுவிய என்று பொருள். நாட்டகல் ஆய்வகம் (அதாவது நாடுதழுவிய அல்லது நாடு முழுவதற்குமாக அமைந்த ஆய்வகம்). National conference என்பனவற்றுக்கு நாடளாவிய கருத்தரங்கு எனலாம். தேசியம் என்பது தேசம்+ இயம் என ஆன சொல். தமிழ்த்தேசியம் என்பது தமிழ்த்தனிநாட்டியல், தமிழ்த்தனிநாட்டாண்மை; சுதேசியம் என்பது தன்னாண்மை, தன்நாட்டாண்மை, தன்னாட்டிறைமை, தன்னாட்டிறையாண்மை எனக் கூறலாம். --செல்வா (பேச்சு) 03:35, 11 ஆகத்து 2013 (UTC)

National-நாட்டு, தன்னாட்டு, நாட்டக (சூழல்பொருத்தம் பார்த்து பயன்படுத்தலாம்.); International- பன்னாட்டு, உலக, ஞால (சூழல்பொருத்தம் பார்த்து பயன்படுத்தலாம்.) உலோ.செந்தமிழ்க்கோதை (பேச்சு) 07:26, 1 மே 2015 (UTC)

மிக்க நன்றி செல்வா.--தென்காசி சுப்பிரமணியன் (பேச்சு) 04:02, 11 ஆகத்து 2013 (UTC)

கட்டுரைக் வேண்டுதல்

வணக்கம். விக்கிப்பீடியா பற்றி பொது ஊடகங்களில் பரப்புரை செய்யவும், பத்தாண்டுகளை பதிவு செய்யவும் சிறப்புக் கட்டுரைகளை இதழ்களில் வெளியிடுதல் உதவும். அந்த வகையில் தொடர் பங்களிப்பாளரான நீங்கள் பின்வரும் தலைப்புக்களில் ஒன்றில் விக்கிப்பீடியா:தமிழ் விக்கிப்பீடியா பத்தாண்டுகள்/சிறப்பிதழ்கள்#கட்டுரைத் தலைப்புக்கள் கட்டுரை எழுதித் தர முடிந்தால் சிறப்பு. 400 அல்லது 800 சொற்கள். செப்டெம்பர் 11 2013 திகதிக்குள். குறிப்பாக பின்வரும் தலைப்புக்களில் ஒன்று:

• கூட்டாசிரியப் படைப்பு:தமிழ் விக்கிப்பீடியா (இதழுக்கு ஏற்ற மாதிரி திருத்தித் தரல் முடிந்தால் சிறப்பு)

உங்கள் பரிசீலனைக்கும் பங்களிப்புக்கும் நன்றி. --Natkeeran (பேச்சு) 00:24, 12 ஆகத்து 2013 (UTC)

உதவி

metric மற்றும் metric space -இவற்றைத் தமிழில் எவ்வாறு அழைக்கலாம்?--Booradleyp1 (பேச்சு) 03:57, 16 ஆகத்து 2013 (UTC)

இது ஒருவகையாகப் பொதுமைப்படுத்தப்பட்ட (இ)யூக்கிளீடிய தொலைவுப் பண்பு உள்ள வெளி எனக் கொள்ளலாம். இவற்றின் முக்கியமான நான்கு பண்புகளாக கீழ்க்கண்டவற்றைக் குறிக்கின்றனர் (|ஆங்கில விக்கிப்பீடியாவிலும், உவுல்ஃபிரம் தளமும் பார்க்கலாம்).

1. $d(x,y)\geq 0$     (non-negative),
2. $d(x,y)=0\,$ iff $x=y\,$     (identity of indiscernibles),
3. $d(x,y)=d(y,x)\,$     (symmetry) and
4. $d(x,z)\leq d(x,y)+d(y,z)$     (triangle inequality).

இதில் மெட்ரிக்கு என்பது அளவிடல் என்னும் கருத்தை அடிப்படையாகக் கொண்டது என்று கருதுகின்றேன். இந்த அளவிடலும் ஏதோ ஒரு வகையில் ஏதோ இரண்டுக்கும் "இடையே" உள்ளதாக, அளக்கக்கூடியதான 'விலக்கத் தொலைவை'க் குறிப்பதாகக் கொள்ளலாம். எனவே "metric space" என்பதை அளவெளி. எனலாம். இவ்வகையான சொற்களின் பொருத்தப்பாடுகளோ பயன்பாடுகளோ, போதிய அளவு அத்துறையை அறிந்தவர்கள் தங்கள் துறையறிவு விளங்க கருத்துரையாடிப் பயன்படுத்திப் பார்த்தால் மட்டுமே தெளிவுறும். அளபுவெளி என்றும் சொல்லலாம். மெட்ரிக்கு என்பதை அளபியம் எனலாம்.

--செல்வா (பேச்சு) 15:42, 16 ஆகத்து 2013 (UTC)

நன்றி.--Booradleyp1 (பேச்சு) 16:55, 16 ஆகத்து 2013 (UTC)

பத்தாண்டு கொண்டாட்ட ஒருங்கிணைப்பாளர் பொறுப்பு

வணக்கம், செல்வா. தமிழ் விக்கிப்பீடியா பத்தாண்டு கொண்டாட்ட பொறுப்பாளர்களில் ஒருவராக பணி புரிய இயலுமா? தமிழகத்து கல்வி சார், அறிவு சார், தமிழார்வலர் சார் புலங்களில் நிகழ்வு குறித்த விழிப்புணர்வை ஏற்படுத்துவதிலும், தங்கள் அனுபவத்தின் மூலம் ஒட்டு மொத்த நிகழ்வு குறித்த நெறிப்படுத்தலுக்கும் உங்கள் பங்களிப்பு பயன் மிக்கதாக இருக்கும். நன்றி.--இரவி (பேச்சு) 17:50, 23 ஆகத்து 2013 (UTC) இரவி நன்றி. செப்டம்பர் 6 ஆம் நாளுக்குப் பிறகு கட்டாயம் வேன்டிய உதவிகள், பொறுப்பேற்புகள் செய்ய முடியும். அதற்கு முன்னே முழுவதுமாகப் பங்குகொள்வது கடினம்.கட்டாயம் என்னால் செய்யக்கூடிய அனைத்தையும் செய்வேன். --செல்வா (பேச்சு) 12:15, 26 ஆகத்து 2013 (UTC)

பண்பாட்டுச் சுற்றுலாவுக்கான அழைப்பு

வணக்கம். தமிழ் விக்கிப்பீடியா பத்தாண்டு கொண்டாட்டத்தின் ஒரு பகுதியான பண்பாட்டுச் சுற்றுலாவில் நீங்களும் கலந்து கொள்ள வேண்டும் என்று அன்புடன் அழைக்கிறேன். தங்கள் வருகையை திட்டப்பக்கத்தில் உறுதிப்படுத்தி விடுங்கள். இது "அழைப்புள்ளவர்களுக்கு மட்டும்" என்ற வகையில் ஏற்பாடு செய்யப்படும் சுற்றுலா. எனவே, உங்கள் நண்பர்கள், உறவினர்கள் முதலியோரை அழைத்து வருவதைத் தவிர்க்கலாம். நன்றி.--இரவி (பேச்சு) 20:12, 18 செப்டம்பர் 2013 (UTC)

உதவி

கான்சுடன்டினோப்பிளின் வீழ்ச்சி என்ற கட்டுரையை பார்க்கவும், நிறைய லத்தீன், இத்தாலிய, கிரேக்க , துருக்கிய சொற்கள் அதில் உள்ளன. பெயர்களுக்கு பக்கத்தில் அதன் ஆங்கில பெயரை எழுதியுள்ளேன். அவற்றை சரிபார்க்கமுடியுமா?--குறும்பன் (பேச்சு) 00:24, 24 செப்டம்பர் 2013 (UTC)

குறும்பன், பார்க்கின்றேன்.--செல்வா (பேச்சு) 01:04, 24 செப்டம்பர் 2013 (UTC)

உதவி தேவை...

வணக்கம்! தமிழ் விக்கியில் பல ஆண்டுகளாக பங்களித்துவரும் பங்களிப்பாளர் எனும் முறையில், தங்களின் உதவி தேவைப்படுகிறது…

• தமிழ் விக்கியின் வளர்ச்சியில் குறிப்பிடத்தக்க பங்களித்த / பங்களித்துவரும் பயனர்களுக்கு 'பாராட்டுச் சான்றிதல்' வழங்கிட நாம் முடிவு செய்ததை தாங்கள் அறிவீர்கள். இதற்கான தெரிவு செய்தலில் உங்களின் உதவியினை நாடுகிறோம்.
• 'முதற்பக்க பங்களிப்பாளர் அறிமுகம்' எனும் காப்பகத்திலிருந்து பயனர்களின் பெயர்களை எடுத்து முதற்கட்ட பட்டியல், இங்கு இடப்பட்டுள்ளது. ஆனால் இது முழுமையடைந்த பட்டியலன்று… இந்தப் பட்டியலை நிறைவு செய்திட தங்களின் உதவி தேவைப்படுகிறது!
• சிலர் 'முதற்பக்க பங்களிப்பாளர் அறிமுகத்தில்' இடம்பெறவில்லை; சிலர் அதற்குரிய தகவலை இன்னும் தரவில்லை. இன்னும் பலர் கடந்த சில மாதங்களில் நல்ல பங்களிப்புகளைத் தந்திருக்கிறார்கள். இதை அனைத்தையும் கருத்தில் கொண்டு சான்றிதழ் பெற இருப்போரின் பட்டியலை தாங்கள் முழுமை செய்து தந்தால் உதவியாக இருக்கும். தொகுப்புகள் எண்ணிக்கை, ஒட்டு மொத்தப் பங்களிப்பு என்பது போல் ஏதேனும் ஒரு வரையறையைக் கொள்ளலாம்.
• வேறு ஏதேனும் காரணிகள் உங்கள் எண்ணத்தில் தோன்றினால்... அதனையும் கருத்தில்கொண்டு தெரிவினை செய்யலாம்.
• மிக்க நன்றி!--மா. செல்வசிவகுருநாதன் (பேச்சு) 06:24, 26 செப்டம்பர் 2013 (UTC)

பொறுமையாக பாருங்கள்; மிகுந்த அவசரமில்லை! மயூரநாதன், 25 பெயர்களை சேர்த்துள்ளார். எவரும் விடுபட்டுவிடாமல் இருக்கவே நாம் முயற்சிக்கிறோம். --மா. செல்வசிவகுருநாதன் (பேச்சு) 11:06, 26 செப்டம்பர் 2013 (UTC)

இருநாள் சென்னைக் கூடல் பற்றிய கருத்து தேவை

வணக்கம். இரு நாள் சென்னைக் கூடல் பற்றிய நிறை, குறைகள், கருத்துகளை விக்கிப்பீடியா:தமிழ் விக்கிப்பீடியா பத்தாண்டுகள்/விமர்சனங்கள் பக்கத்தில் இட வேண்டுகிறேன். வருங்காலத்தில், இது போன்ற நிகழ்வுகளை இன்னும் சிறப்பாக திட்டமிட இது உதவும்.--இரவி (பேச்சு) 03:33, 1 அக்டோபர் 2013 (UTC)

அளித்துள்ளேன். (நான் அக்டோபர் 7, 2013 அன்றுதான் கனடா திரும்பினேன்). --செல்வா (பேச்சு) 05:11, 12 அக்டோபர் 2013 (UTC)

சிவண்

தாங்கள் கூறிய விளக்கம், தங்கள் மகளின் பெயர் 'சிவணி', பாருங்கள்.
விடுதியில் தாங்கள் அளித்த விருந்து
மறக்கமுடியாத மாண்பு. --Sengai Podhuvan (பேச்சு) 07:25, 4 அக்டோபர் 2013 (UTC)

ஐயா பெருநன்றியன். உங்களை நேரில் பார்த்து இரண்டுநாள்கள் அளவளாவும் நற்பேறு பெற்றேன். உங்கள் ஊக்கமும் உணர்ச்சியும், உழைப்பும் அனைவரையும் வியப்பில் ஆழ்த்துகின்றது. சிவண்-சிவணுதல் பற்றிய கருத்துகளுக்கு மிக்க நன்றி. --செல்வா (பேச்சு) 05:09, 12 அக்டோபர் 2013 (UTC)

10-ஆவது ஆண்டுநிறைவு ஒன்றுகூடல்

சென்னையில் நடந்த 10-ஆவது ஆண்டுநிறைவு விழாவில் நேரில் கலந்துகொள்ள இயன்றது குறித்துப் பெருமகிழ்ச்சி. அப்பொழுது மயூரநாதன், செங்கை பொதுவன் ஐயா, மரு. புருனோ, தமிழ்ப்பரிதி மாரி, பூங்கோதை, சோடாபாட்டில் (பால செயராமன்) பார்வதி, அபிராமி, நந்தினி, சண்முகம், சூரியபிரகாசு, நீச்சல்காரன், செகதீசன், சிரீதர், இபயத்துல்லா, அரீசு, சஞ்சீவிகுமார், சிவகோசரன், யோகி சிவம் போன்று முன்னே பார்த்திராத 20-25 விக்கிப்பீடியர்களை நேரில் சந்தித்ததும் இரண்டுநாள்கள் கலந்து பழக முடிந்ததும் மிக மிக மகிழ்ச்சியான உணர்வைத் தந்தது (இரவி, சுந்தர், தகவல் உழவன், தேனி சுப்புரமணி, மணிகண்டன் போன்ற சிலரை முன்னர் பார்த்திருக்கின்றேன்). சுந்தர் கூறியது போல உவப்பத் தலைகூடி உள்ளப்பிரிதல் என்னும் திருக்குறளே நினைவுக்கு வந்தது! தமிழ் விக்கிப்பீடியாவில் நாம் செல்ல வேண்டிய தொலைவு இன்னும் மிகவுள்ளது, அதற்கு இந்த ஒன்றுகூடல் புத்துணர்ச்சி ஊட்டி, புத்தாக்கத்துக்கு வழிகோலும் என்று திண்ணமாக நம்புகின்றேன். உங்களை எல்லாம் சந்தித்ததில் மகிழ்ச்சி. கார்த்திக்கு பாலா, சிவக்குமார், முத்துக்கிருட்டிணன் (மலாக்கா) போன்ற சிலரைக் காண முடியாது போயிற்று. அடுத்த வாய்ப்பில் சந்திக்க இயலும் என நம்புகின்றேன்--செல்வா (பேச்சு) 05:30, 12 அக்டோபர் 2013 (UTC)

நன்றியுரைத்தல்

		நிர்வாக அணுக்கம் தந்தமைக்கு நன்றியுரைத்தல்
		வணக்கம் நண்பரே. எந்தன் மீது நன்மதிப்பு கொண்டு. தங்களுடைய மதிப்புமிக்க ஆதரவினை நல்கி, நிர்வாக அணுக்கத்தினை பெற்று தந்தமைக்கு என்னுடைய நன்றிகளை உரித்தாக்குகிறேன். --சகோதரன் ஜெகதீஸ்வரன் (பேச்சு) 18:59, 15 அக்டோபர் 2013 (UTC)

நடைபெற்ற நிருவாகி தரத்துக்கான வாக்கெடுப்பில் எனக்கு ஆதரவாக வாக்களித்து உதவியமைக்கு தமிழ் விக்கிபீடியாவின் தூண்களில் ஒருவரான தங்களுக்கு எனது இதயங்கனிந்த நன்றியைத் தெரிவித்துக்கொள்கின்றேன்! --செந்தி^{--ஃ உரையாடுக ஃ--} 02:02, 16 அக்டோபர் 2013 (UTC)

--நந்தகுமார் (பேச்சு) 08:29, 16 அக்டோபர் 2013 (UTC)

piezoelectronics & printed electronics

வணக்கம் செல்வா. எப்படி இருக்கிறீர்கள்? அழுத்தமின்னணுவியல் மற்றும் அச்சு மின்நாடா இரண்டு கட்டுரைகளை தொடங்கியுள்ளேன். பொருந்துகிறதா என பார்க்க வேண்டுகோள். --பழ.இராஜ்குமார் (பேச்சு) 20:44, 19 அக்டோபர் 2013 (UTC)

நலமே இராச்குமார். நீங்கள் எப்படி இருக்கின்றீர்கள்? கட்டுரைகளைப் பார்த்தேன். நல்ல தொடக்கம். நானும் பங்களிக்கின்றேன். நல்ல தலைப்புகள் இவை. அழுத்தமின் விளைவு என்னும் பக்கத்தையும் பார்த்திருப்பீர்கள் என்று நம்புகின்றேன். --செல்வா (பேச்சு) 21:42, 19 அக்டோபர் 2013 (UTC)

Stunt - சாகசம்

இதற்கு தூய தமிழ் பெயர் என்ன? Stunt Double என்பதற்கு மறை<தூய தமிழ் பெயர்> என்று வைக்கலாமா?--தென்காசி சுப்பிரமணியன் (பேச்சு) 17:45, 24 அக்டோபர் 2013 (UTC)

வேதனை! வேதனை!!

அன்புள்ள அய்யா! சென்னை கூடலுக்குப் பின் கருத்து மற்றும் கலந்துரையாடல் வேதனையளிக்கிறது. புதுப்பயனரான நான் (இருதய அறுவை சிகிச்சை செய்துள்ளேன்) மிகுந்த வேதனைப் படுகிறேன். தயவுசெய்து இதற்கு முற்றுப்புள்ளி வையுங்கள் அன்புடன் --யோகிசிவம் (பேச்சு) 02:19, 26 அக்டோபர் 2013 (UTC)

• மிக இனிய கூடல் நிகழ்ச்சிக்குப் பிறகு இங்கே விக்கியில் நடப்பது பலருக்கும் வருத்தம் அளிக்கின்றது என்பது உண்மை. ஆனால் இது விரைவில் தீரும். இதில் பங்குள்ளவர்கள் 4-5 பேரே என்றாலும் எல்லோருக்கும் ஒருவகையில் எதிர்மறையான தாக்கம் ஏற்படுத்துகின்றது என்பது உண்மை. ஆனால் அருள்கூர்ந்து இதுகுறித்து கவலைப்படாதீர்கள். ஓராண்டு கழித்துப் பார்த்தால் இப்படி ஒன்று நடந்ததா என்பதே நினைவில் கூட இராது. ஆகவே நாம் நம் பணியில் கவனம் செலுத்துவோம். இப்பிணக்கு விரைவில் தீர்வு எய்தும் என்றே நினைக்கின்றேன். தீர்வு நோக்கி நகர என்னால் ஆன உதவிகளைச் செய்வேன். இதுவும் ஏதோ ஒருசில வழிகளில் நம்மை வலுவாக்கிக்கொள்ள உதவும் என்று நம்புகின்றேன். உடல்நிலையை அருள்கூர்ந்து பார்த்துக்கொள்ளுங்கள். --செல்வா (பேச்சு) 02:32, 26 அக்டோபர் 2013 (UTC)

கட்டுரைப் போட்டி

வணக்கம் நண்பரே! தாங்கள் விரும்பினால் கட்டுரைப் போட்டியில் பங்கெடுக்கலாமே!

விக்கிப்பீடியா:2013 தொடர் கட்டுரைப் போட்டி என்ற பக்கத்தில் உள்ள விதிகளைப் படியுங்கள். உங்கள் பெயரை பதிவு செய்யுங்கள். அதிக :கட்டுரைகளை விரிவாக்கினால், பரிசு உங்களுக்கே! அடுத்த எட்டு மாதங்களுக்கு இந்த போட்டி தொடரும். ஒவ்வொரு :மாதமும் வெற்றியாளர் அறிவிக்கப்படுவார். வெற்றி பெற வாழ்த்துகிறேன். நன்றி! --NeechalBOT (பேச்சு) 08:13, 27 அக்டோபர் 2013 (UTC)

விக்கிப்பீடியா:விக்கித் திட்டம் தனிமங்கள்

விக்கிப்பீடியா:விக்கித் திட்டம் தனிமங்கள் மீண்டும் செயல்பாட்டிற்கு வர வேண்டும் என்று விருப்பப்படுகிறேன். தாங்கள் இத்திட்டப் பங்களிப்பாளர் என்னும் முறையில், இன்னும் சிறப்பாக இத்திடத்தினைச் செயற்படுத்துவதற்கான ஆலோசனைகளை வழங்க வேண்டுகின்றேன். கருத்துக்களை பேச்சுப் பக்கத்தில் இடுமாறு கேட்டுக்கொள்கின்றேன். நன்றி அஸ்வின் (பேச்சு) 16:28, 27 அக்டோபர் 2013 (UTC)

உங்கள் பங்களிப்புகளைக் கண்டேன். மிக்க மகிழ்ச்சி. நானும் மீண்டும் கலந்துகொண்டு நிறைவு செய்து, மேன்மைப்படுத்தவும் முயலுவேன். நன்றி.--செல்வா (பேச்சு) 16:32, 27 அக்டோபர் 2013 (UTC)

விருப்பம் நன்றி --அஸ்வின் (பேச்சு) 17:05, 27 அக்டோபர் 2013 (UTC)

உதவி தேவை

மெக்சிக்கோ-அமெரிக்கப் போர் கட்டுரையில் நிறைய எசுப்பானிய சொற்கள் உள்ளன. அவற்றை சரியாக மொழிபெயர்த்தேனா என்று தெரியாது (ஆங்கில விக்கியில் இருந்து நானே மொழிபெயர்த்தது, என்னுடைய எசுப்பானிய அறிவு அமிகோ என்பது மட்டும் தான்) அதை சரி பார்க்கவும், உரைதிருத்தம் இருந்தாலும் செய்யவும். --Kurumban (பேச்சு) 16:49, 27 அக்டோபர் 2013 (UTC)

பார்க்கின்றேன், குறும்பன். --செல்வா (பேச்சு) 00:17, 28 அக்டோபர் 2013 (UTC)

தேவையற்ற உரையாடல்

en:Wikipedia:DFTT - இதை நினைவில் கொள்ளவும். தேவையற்ற உரையாடல்களை வளர்க்க வேண்டாம், செல்வா. -- சுந்தர் ^{\பேச்சு} 02:28, 31 அக்டோபர் 2013 (UTC)

நன்றி சுந்தர்! --செல்வா (பேச்சு) 03:45, 1 நவம்பர் 2013 (UTC)

வாபசு என்ற சொல்லின் தமிழ் பதம்

வாபசு என்ற சொல்லின் தமிழ் பதம் என்ன? மீளப்பெறுதலா? இது ஆங்கிலச் சொல் தானே? நன்றி.--தென்காசி சுப்பிரமணியன் (பேச்சு) 09:40, 11 நவம்பர் 2013 (UTC)

வாப்பசு என்பது திரும்பப்பெறுதல், மீளப்பெறுதல்தான். இது உருதுச்சொல் (பாரசீகத்தில் வாப¹ச்⁷ என்றால் திருப்பல்). இச்செய்தி ப. அருளியின் அயற்சொல் அகராதி தொகுதி-4 இல் குறிக்கப்பெற்றுள்ளது. மறுமொழி தர காலத்தாழ்ச்சி ஏற்பட்டமைக்கு வருந்துகின்றேன். --செல்வா (பேச்சு) 15:43, 27 நவம்பர் 2013 (UTC)

பெயரிடல் மரபு கொள்கை மாற்றம் - கருத்து வேண்டல்

வணக்கம். பேச்சு:புத்தா கொலாப்சுடு அவுட் ஆஃப் சேம் (திரைப்படம்) போன்ற உரையாடல்களைத் தொடர்ந்து இங்கு வேண்டப்படும் கொள்கை மாற்றம் குறித்து உங்கள் கருத்துகளைத் தெரிவித்தால் உதவியாக இருக்கும். நன்றி. --இரவி (பேச்சு) 17:10, 24 நவம்பர் 2013 (UTC)

நன்றி இரவி. கருத்துகள் இட்டுள்ளேன்.--செல்வா (பேச்சு) 15:45, 27 நவம்பர் 2013 (UTC)

விரிவான உரையாடலுக்கு நன்றி, செல்வா. அதே கொள்கை உரையாடல் பக்கத்தில் நானும் சில ஐயங்களைக் கேட்டுள்ளேன். அவற்றையும் கவனிக்க வேண்டுகிறேன். நன்றி. --இரவி (பேச்சு) 04:45, 19 திசம்பர் 2013 (UTC)

வேண்டுகோள்...

வணக்கம்! பேச்சு:பத்ம பூசன் என்பதில் தங்களின் கருத்தினை தெரிவிக்க வேண்டுகிறேன்; நன்றி! --மா. செல்வசிவகுருநாதன் (பேச்சு) 13:20, 27 சனவரி 2014 (UTC)

சதவீதம், சதவிகிதம், விழுக்காடு...

வணக்கம்! சதவீதம், சதவிகிதம், விழுக்காடு... இவற்றுள் எது மிகப் பொருத்தமான சொல் என்பதனை தெளிவுபடுத்த வேண்டுகிறேன்; நன்றி! --மா. செல்வசிவகுருநாதன் (பேச்சு) 07:23, 2 மே 2014 (UTC)

"வீதம்" என்பது "rate", "சதவீதம்" என்பது "percentage" ஐக் குறிக்கும். "விகிதம்" என்பது "ratio". எனவே "சதவிகிதம்" என்பது பிழை. "சதவீதம்" என்பதற்கு "நூற்றுவீதம்" என்பதையும் பயன்படுத்துவது உண்டு "விழுக்காடு" என்பது இதே பொருளிலேயே தமிழ் நாட்டில் பயன்பாட்டில் உள்ளது. ஆனால் "விழுக்காடு" என்ற சொல் இலங்கைத் தமிழரிடையே வழக்கில் இல்லை. "நூற்றுவீதம்", "சதவீதம்" வழக்கில் உள்ளன. "சதம்", "வீதம்" என்பன தமிழ்ச் சொற்கள் அல்ல என்றே எண்ணுகிறேன். "விழுக்காடு" என்னும் சொல் வேறு பொருள்களில் பழந் தமிழ் நூல்களில் பயன்பட்டுள்ளதாகத் தெரிகிறது. percentage என்ற பொருளில் எப்போதிருந்து பயன்படுகிறது என்று தெரியவில்லை. --மயூரநாதன் (பேச்சு) 07:54, 2 மே 2014 (UTC)

மயூரநாதன் அவர்களுக்கு நன்றி! செல்வா என்ன சொல்கிறார் என்பதனையும் கவனிக்கலாம். இப்போதைக்கு சதவீதம் என்பதனை எனது தொகுப்புகளில் பயன்படுத்துகிறேன். --மா. செல்வசிவகுருநாதன் (பேச்சு) 09:14, 2 மே 2014 (UTC)

மயூரநாதன் கூறியவை முற்றிலும் சரியே. தெளிவாகவும் வேறுபடுத்திக்காட்டியுள்ளார். ஒரேயொரு சிறு கருத்து உள்ளது. விகிதம் என்பது 4/10 என்பது போல் (பத்துக்கு நான்கு) என்னும் வகுத்தல் ஒப்பீட்டைக் (வகுப்பீட்டைக்) காட்டும். ஆனால் விகிதம் என்னும் சொல்லே வீதம் என்று மாறுபடுகின்றது. ஆனால் வீதம் என்பதை 'rate' என்று கொள்கின்றோம். இந்த 'rate' என்பதும் ஒரு விகிதமே. எவ்வளவுக்கு எவ்வளவு (பத்துக்கு நான்கு, நூற்றுக்கு ஆறு என்பது போல்) என்பதே வீதம். சொல் வடிவமானது விகிதம் என்பது வீதம் என மாறும். எ.கா. மகா என்பது மா என்று ஆகும், மகன் என்பது மான் என்று ஆகும் இப்படிக் ககரம் கெட்டு முதல் எழுத்து நெடிலொலியாக மாறுதல் தமிழில் இயல்பு. விகிதம் > வீதம். நூற்றன் வீதம் என்பதே சதவீதம் (சதம் என்னும் சமற்கிருதச்சொல் நூற்றைக் குறிக்கும்). விகு என்பது பகு எனப் பொருள்படும். விகுதி என்பது பகுத்த உறுப்பு. விகிதம் என்பது வகுபாட்டு எண். விழுக்காடு என்பது நூற்றன் விழுக்காடு என்னும் பொருளிலேயே பயன்படுகின்றது. விழுக்காடு என்பதன் நேர்ப்பொருள் வீதம். ஒரு குறிப்பிட்ட எண்ணிக்கையான மரம் அல்லது கணக்கிடு பொருளில் எத்தனை விழுந்துவிட்டன என்பதைக் குறிக்கும் (போருக்குச் சென்றவர்களில் நூறுபேருக்கு எத்தனை பேர் மாண்டார்கள்?). நூற்றில் 24 விழுந்துவிட்டது என்றால் விழுக்காடு 24. (= 24%)எந்தளவு பங்கு விழுந்துவிட்டது என்பது கருத்து (பங்கு என்பதும் ஒரு விகிதமே, வீதமே). கணக்கில் X அளவு இருந்தால் P விழுந்துவிட்டால் P/X என்பது விழுக்காடு. இதனை நூற்றன் வீதமாகக் கொண்டால் நூற்றன் விழுக்காடு. இன்று விழுக்காடு என்றாலே நூற்றன் விழுக்காடுதான் (தமிழகத்திலே). வீதம் என்பதைத் தமிழ் என்று கூறுவாரும் அன்று என்றும் கூறுவாரும் உண்டு. பகு-வகு-விகு என்பது தமிழ்தான் என்பது என் கணிப்பு. எனவே விகிதம், வீதம் ஆகிய இரண்டும் தமிழே. தமிழன்று என்றாலும் எடுத்தாள்வதில் தவறில்லை. வேறு பொருத்தமான சொல்லும் இல்லை (விழுக்காடு என்னும் மற்றொரு சொல்லைத்தவிர). வழக்கத்திலும் ஊன்றிய சொல். விழுக்காடு என்பது நூற்றன் விழுக்காடாகக் கொண்டு பயன்படுத்தலாம். மயூரநாதன் கூறியது போல வீதம் என்பதை 'rate' என்பதற்கு ஈடாகவும், விகிதம் என்பதை 'raio' என்பதற்கு ஈடாகவும், விழுக்காடு (அல்லது சதவீதம், நூற்றுவீதம்) என்பதை 'percentage' என்பதற்கும் ஈடாகப் பயன்படுத்தலாம். --செல்வா (பேச்சு) 03:08, 3 மே 2014 (UTC)

செல்வா, விரிவான விளக்கத்து நன்றி. சென்னைப் பேரகரமுதலியிலும் வீதம், விகிதம் என்னும் சொற்கள் ஒரே பொருளிலேயே பயன்படுகின்றன. காலப்போக்கில் தேவை கருதி இவற்றிடையே வேறுபாடு உருவாகியிருக்கிறது என்று தோன்றுகிறது. ---மயூரநாதன் (பேச்சு) 06:48, 3 மே 2014 (UTC)

கட்டுரையை விரிவாக்க உதவி தேவை

வணக்கம் செல்வா, குறித்த கால நீக்கல் வேண்டுகோளை எதிர்கொள்ளும் வானோடி, சமநிலையாக்கி, கொழுப்பிழையம், அறிவியல் கணிமை ஆகிய கட்டுரைகளை விரிவாக்கி உதவ முடியுமா? நன்றி.--இரவி (பேச்சு) 12:34, 16 மே 2014 (UTC)

இக்கட்டுரைகளைச் சிறிதளவாவது விரிவாக்க உதவுவேன். அருள்கூர்ந்து நீக்க வேண்டாம். பயனுடைய தொடக்கநிலை கட்டுரைகள். --செல்வா (பேச்சு) 16:20, 22 மே 2014 (UTC)

இரங்கல்

செல்வா, தங்கள் தாயாரின் இறப்புச் செய்தியை மணி மணிவண்ணனின் செய்தி ஒன்றில் இருந்து அறிந்து கொண்டேன். பேரிழப்பில் வாடும் தங்களுக்கும் தங்கள் குடும்பத்தினருக்கும் எனது ஆழ்ந்த இரங்கல்களைத் தெரிவிக்கிறேன்.--Kanags ^{\உரையாடுக} 09:44, 20 சூன் 2014 (UTC)

என்னுடைய ஆழ்ந்த இரங்கல்களும்.......--♥ ஆதவன் ♥ _{｡◕‿◕｡ ^{♀ பேச்சு ♀} 12:54, 20 சூன் 2014 (UTC)}

ஒவ்வொருவரையும் ஆழமாகப் பாதிக்கும் விடயங்களுள் தாயாரின் இழப்பு முக்கியமானது. அவ்வாறானதொரு இழப்பினால் வாடும் உங்களுக்கும், உங்களது குடும்பத்தினருக்கும் எனது ஆழ்ந்த இரங்கல்களைத் தெரிவித்துக்கொள்கிறேன். ---மயூரநாதன் (பேச்சு) 14:43, 20 சூன் 2014 (UTC)

எனது ஆழ்ந்த இரங்கல்கள்--நந்தகுமார் (பேச்சு) 17:32, 20 சூன் 2014 (UTC)

தாயாரின் ஆன்மா அமைதிபெற இறைவனை வேண்டுகிறேன். --மா. செல்வசிவகுருநாதன் (பேச்சு) 02:56, 21 சூன் 2014 (UTC)

தாயிற் சிறந்த கோயில் இல்லை - இரங்கலை உரித்தாக்குகிறேன். 17 10 2014 வரையில் டொரோண்டோவில் இருக்கிறேன். --Sengai Podhuvan (பேச்சு) 13:15, 1 சூலை 2014 (UTC)

அன்பார்ந்த நண்பர்களே, உங்கள் யாவருக்கும் என் இதயங்கனிந்த நன்றி. ஈடுசெய்யமுடியாத இழப்பு! பல நாள்களாக தமிழ்விக்கிப்பீடியா பக்கம் வாராததால் உங்களின் இந்தக் கனிவான மொழிகளைக் காணாது இருந்துவிட்டேன். மிக்க நன்றி Kanags, ஆதவன்,மயூரநாதன், நந்தகுமார்,மா. செல்வசிவகுருநாதன், செங்கைப் பொதுவன் ஐயா. --செல்வா (பேச்சு) 04:03, 22 சூலை 2014 (UTC)

விருப்பம்--♥ ஆதவன் ♥ _{｡◕‿◕｡ ^{♀ பேச்சு ♀} 05:29, 10 ஆகத்து 2014 (UTC)}

பல்கலைக்கழகங்கள் தொடர்பாக

வணக்கம் செல்வா! பல்கலைக்கழகங்கள் தொடர்பாக நான் எழுதும் கட்டுரைகளில் செயற்கைத் தன்மை இருக்கிறது. எழுத்து நடை மிக மோசமாக, ஆங்கிலத்தை ஒட்டியவாறு அமைந்துள்ளது. வாக்கியத்தில் சொற்கள் இடம் மாறியுள்ளன. அது எனக்கு மிகந்த வருத்தத்தைத் தருகிறது. எனவே, தயை கூர்ந்து. ஏதேனும் ஒரு பல்கலைக்கழகம் தொடர்பான கட்டுரையில், எளிமை நடையில் இயல்பான முறையில் எழுதி, திருத்தம் மேற்கொண்டு, எனக்கு சுட்டிக் காட்டுமாறு தாழ்மையுடன் வேண்டுகிறேன். விரைந்து உதவுமாறு வேண்டுகிறேன். உங்களது திருத்தத்தை முன்மாதிரியாகக் கொண்டே இனிவரும் கட்டுரைகளை எழுத விரும்புகிறேன். இன்னொரு ஐயம். பல்கலைக்கழங்கள் தொடர்பான சொற்கள் பல, லத்தீன் மொழியில்(?), கிறித்துவம் தொடர்பான(?), புரியாத மாதிரி சொற்களாக உள்ளன. அவற்றிற்கும், ஏனைய ஆங்கிலச் சொற்களுக்கும் இணையான தமிழ்ச் சொற்களைத் தந்து உதவுக. கல்வி நிலையங்கள் தொடர்பான வார்ப்புருக்களைப் பாருங்கள். கீழ்க்கண்டவற்றிற்கு இணையான சொற்கள் தேவை.

• maritime studies = நீர்சார் படிப்பு
• geology - நிலவியல்
• college of education/ school of education - கல்வியியற் கல்லூரி
• school of arts, design and media = கலை, வடிவமைப்பு (வகுதி), ஊடகக் கல்லூரி/பள்ளி
• rector = தலைவர்
• emeritus professor - வாழ்நாள் பேராசிரியர்/ஓய்வுபெற்றப் பேராசிரியர்
• mascot = சின்னம்
• type=public university = வகை = பொதுப் பல்கலைக்கழகம் (எதிர்: தனியார் பல்கலைக்கழகம்)
• materials science பொருளறிவியல் (பொருளியல் என்றும் வழங்கப்பெறுகின்றது, ஆனால் பொருளாதாரவியலோடு குழப்பம் ஏற்பட வாய்ப்புண்டு)
• physical sciences = பருவியக்க அறிவியல் (பருப்பொருளிய அறிவியல் என்றும் சொல்லலாம்)
• college of education = கல்வியியற் கல்லூரி
• athletics (விளையாட்டு/தடகளம்??), களவிளையாட்டு
• softball (மென்பந்து/பூப்பந்து??)
• baseball = தடிபந்தாட்டம் (உருட்டுக்கட்டைப் பந்து ஆட்டம்)
• accredition board = ஒப்பல் ஆணையம்/ஆயம் (கல்விப்பட்டங்கள் ஏற்புடையதென்று ஒப்புதல் வழங்கும் ஆணையம்/ஆயம்)
• affiliation = நிறுவனச் சார்பு
• field tracking = மாற்றப்பதிவுகள் கண்காணிப்பு?
• interpretation (related to translation) = பொருள்கோண்மை
• state unuversity (மாநிலப் பல்கலைக்கழகம்/அரசுப் பல்கலைக்கழகம்??)
• community college = பட்டயக் கல்லூரி
• historic black university = வரலாற்றிய/மரபு கறுப்பர் பல்கலைக்கழகம்.
• group of trustees - நம்பிக்கைப் பொறுப்பாளர் குழு? பொறுப்பாளர் குழு
• administration - நிர்வாகம், நிருவாகம் அல்லது ஆட்சி

(administration = "the officials in the executive branch of government under a particular chief executive." என்னும்பொழுது ஆட்சிநடத்துநர், ஆட்சிப்பொறுப்பாளர் எனலாம், ஆனால் "the process or activity of running a business, organization, etc. "the day-to-day administration of the company" என்னும் பொழுது (ஆட்சி/தொழில்) நடத்துதல் என்பதே பொருள், ஆகவே நடத்தம், நிறுவன நடத்தம் எனலாம்.

தேவையிருப்பின் மீதமுள்ளவற்றைக் கேட்டுத் தெளிவேன். தயை கூர்ந்து உதவுக. நன்றி!-தமிழ்க்குரிசில் (பேச்சு) 16:25, 9 சூலை 2014 (UTC)

பேச்சு, மன்னிக்கவும் இப்பொழுதுதான் பார்த்தேன். பரிந்துரைகள் தந்துள்ளேன், பார்க்கவும்.--செல்வா (பேச்சு) 04:34, 10 ஆகத்து 2014 (UTC)

மிக்க நன்றி! -தமிழ்க்குரிசில் (பேச்சு) 04:37, 10 ஆகத்து 2014 (UTC)

செங்கைப் பொதுவன்

நல்லாரைக் காண்பதுவும் நன்றே நலம்மிக்க

நல்லார்சொல் கேட்பதுவும் நன்றே – நல்லார்

குணங்கள் உரைப்பதுவும் நன்றே அவரோ(டு)

இணங்கி இருப்பதுவும் நன்று. (ஔவையார் வாக்கு)

• நீங்கள் நல்லவர்

டொரோண்டோ தொடர்பு # 917 282 2341--Sengai Podhuvan (பேச்சு) 08:00, 2 ஆகத்து 2014 (UTC)

ஐயா, வணக்கம். நீங்கள் தொராண்டோவில் இருப்பது அறிந்து மிகவும் மகிழ்ச்சி, ஆனால் நான் இப்பொழுது இந்தியாவில் இருக்கின்றேன். தொராண்டோவில் இருக்கும் விக்கி நண்பர் நற்கீரனிடம் தொடர்பு கொள்ளுங்கள் ஐயா.--செல்வா (பேச்சு) 04:01, 10 ஆகத்து 2014 (UTC)

Tamil encyclopedia

Hello! I am from English Wikipedia. In the Wikipedia newspaper there it is reported that you are seeking help digitizing the text of the Tamil-language encyclopedias Kalaikalangiyam and Kuzhandaigal Kalaikalangiyam. I am writing to wish you good luck with your project. If it would be useful to have funding to help you organize a community effort to support volunteers working on this, then please consider making a request for funding at the Wikimedia meta:Grants:IdeaLab. A lot of people care about having better resources available for Indian languages and if a bit of funding could make this project happen more easily, then I think the money would be awarded. Blue Rasberry (talk) 13:59, 18 செப்டம்பர் 2014 (UTC)

Thanks a lot Bluerasberry. I was away attending a conference and hence could not respond immediately. I will pursue your suggestion. --செல்வா (பேச்சு) 16:52, 24 செப்டம்பர் 2014 (UTC)

பதக்கம்

		20,000+ தொகுப்புகள்
		தமிழ் விக்கியில் 20,000 + தொகுப்புகளுக்கு மேல் பங்களித்து முனைப்பான தமிழ் விக்கிப்பீடியராகத் திகழ்வதற்கு என் மகிழ்ச்சியையும் நன்றியையும் தெரிவித்துக் கொள்கிறேன் மிகச்சிறந்த உழைப்பாளர் பதக்கம் தமிழ் விக்கிப்பீடியாவில் 20,000 + தொகுப்புகள் என்ற இலக்கை எட்டியமைக்காக வழங்கப்படுகின்றது. விக்கியன்பு மூலம் வழங்கப்பட்டது-- -- mohamed ijazz(பேச்சு) 11:24, 2 அக்டோபர் 2014 (UTC)

விருப்பம் வாழ்த்துக்கள் செல்வகுமார் அவர்களே--ஸ்ரீகர்சன் (பேச்சு) 15:20, 2 அக்டோபர் 2014 (UTC)

விருப்பம் மிக்க நன்றி. :) --செல்வா (பேச்சு) 17:09, 2 அக்டோபர் 2014 (UTC)

• மிகச் சிறப்பாகப் பணியாற்றி வரும் செல்வா அவர்களுக்கு உளமார்ந்த வாழ்த்துகளும் பாராட்டும் உரித்தாகுக!--பவுல்-Paul (பேச்சு) 17:46, 2 அக்டோபர் 2014 (UTC)

விருப்பம் வாழ்த்துகள் !!--மணியன் (பேச்சு) 01:32, 3 அக்டோபர் 2014 (UTC)

• • • பதக்கம் வழங்கிய Mohamed ijazz, வாழ்த்துகள் தெரிவித்த ஸ்ரீகர்சன், பவுல்-Paul, மணியன் ஆகிய அனைவருக்கும் நன்றி.--செல்வா (பேச்சு) 13:19, 4 அக்டோபர் 2014 (UTC)

பெண்ணியம் வலைவாசல்

வணக்கம் . பெண்ணியம் தொடர்பாக புதிதாக ஒரு வலைவாசல் துவங்கப்பட்டுள்ளது . இதன் வடிவமைப்பு , உள்ளடக்கம் எவ்வாறாக இருக்கலாம் என்று தங்களுக்கு ஏதேனும் கருத்து இருப்பின் , வலைவாசல் பேச்சு பக்கத்திலோ அல்லது ஆலமரத்தடியிலோ தெரிவிக்கவும் .நன்றி--Commons sibi (பேச்சு) 18:29, 27 அக்டோபர் 2014 (UTC)

விக்கித் திட்டம் 100, சனவரி 2015 அழைப்பு

அனைவரும் வருக

வணக்கம் செல்வா!
தமிழ் விக்கிப்பீடியாவில் சிறப்பாக பங்களித்தமைக்கும், பங்களிக்கின்றமைக்கும் எனது நன்றிகள். தமிழ் விக்கிப்பீடியாவில் ஒரு மாதம் (சனவரி 2015) 100 தொகுப்புக்கள் செய்யும் 100 பயனர்களை உருவாக்கும் இலக்கைக் கொண்ட ஓர் அரிய திட்டம் துவங்கப்பட்டுள்ளது. வரும் சனவரி மாதம் 100 தொகுப்புக்கள் செய்யும் 100 பயனர்களுள் ஒருவராக பிரகாசிக்க தங்களை அன்புடன் அழைக்கிறேன். இலக்கை அடைபவர்களுக்கு பதக்கங்களும், முதல் நாளில் இலக்கை அடைபவர்களுக்கு சிறப்புப் பதக்கங்களும் வழங்கப்படும். :) :) . மேலதிக விபரங்களுக்கு திட்டப்பக்கம் வருக. நன்றி.

--♥ ஆதவன் ♥

｡◕‿◕｡ ^{♀ பேச்சு ♀} 07:22, 30 திசம்பர் 2014 (UTC)

Global account

Hi செல்வா! As a Steward I'm involved in the upcoming unification of all accounts organized by the Wikimedia Foundation (see m:Single User Login finalisation announcement). By looking at your account, I realized that you don't have a global account yet. In order to secure your name, I recommend you to create such account on your own by submitting your password on Special:MergeAccount and unifying your local accounts. If you have any problems with doing that or further questions, please don't hesitate to contact me on my talk page. Cheers, DerHexer (பேச்சு) 12:31, 17 சனவரி 2015 (UTC)

தானியங்கி வரவேற்பு

வணக்கம், புதுப்பயனர் வரவேற்பை தானியங்கி கொண்டு செய்ய வாக்கெடுப்பு நடைபெறுகிறது. தங்களுடைய கருத்துகளையும், வாக்கையும் இங்கு பதிவு செய்ய வேண்டுகிறேன், நன்றி! --தினேஷ்குமார் பொன்னுசாமி (பேச்சு) 08:35, 7 மே 2015 (UTC)

உதவித்தொகை பெற, ஆதரவு கோரிக்கை

விக்கிப்பீடியா:உதவித்தொகை#Info-farmer_(தகவலுழவன்) என்ற பக்கத்தில் உதவித்தொகை பெற விண்ணபித்துள்ளேன். ஆதரவு தரக் கோருகிறேன். வணக்கம்.--த♥உழவன் ^(உரை) 17:58, 4 சூலை 2015 (UTC)

விக்கி மாரத்தான் 2015 - பங்கேற்க அழைப்பு

விக்கி மாரத்தான் 2015

வணக்கம்!

சூலை 19, 2015 அன்று நடக்கவிருக்கும் விக்கி மாரத்தான் 2015 முன்னெடுப்பில் கலந்துகொள்ளத் தங்களை அன்புடன் அழைக்கிறோம்!

தங்களின் விருப்பத்தை இங்குப் பதிவு செய்யுங்கள்; நன்றி!

--மா. செல்வசிவகுருநாதன் (பேச்சு) 19:11, 7 சூலை 2015 (UTC)

ஆசிய மாதம் - முதல் வாரம்

வணக்கம்,

ஆசிய மாதம் போட்டியில் கலந்து கொண்டு, கட்டுரைகளை உருவாக்கி வருவதற்கு பாராட்டுக்களும் நன்றிகளும்.

ஒழுங்கமைப்பாளர்கள் ஒவ்வொரு கட்டுரையையும் மதிப்பீடு செய்ததும், இங்கே (Y), (N) ஆகிய எழுத்துக்களால் குறிப்பிடுவார்கள். இதை நீங்கள் செய்ய வேண்டாம்.

• இங்குள்ள (Y) என்பது கட்டுரை விதிக்கு ஏற்ப உள்ளதென்பதைக் குறிக்கிறது.
• இங்குள்ள (N) என்பது கட்டுரை விதிக்கு ஏற்ப இல்லை என்பதைக் குறிக்கிறது.
• இங்குள்ள (P) என்பது கட்டுரை விதிக்கு ஏற்ப இருந்தாலும், சில சிக்கலால் மதிப்பீட்டு நிலையிலேயே உள்ளது என்பதைக் குறிக்கிறது.
• (Y), (N) இல்லாமல் இருந்தால் இற்றைப்படுத்தவில்லை அல்லது கட்டுரை இன்றைப்படுத்தும்படி விடப்பட்டுள்ளது எனக் கொள்ளலாம்.
• இங்குள்ள (Y), (N) அல்லது (P) என்பன மேல் விக்கியின் முடிவுகளின்படியே இங்கு இற்றைப்படுத்தப்படடுள்ளது.

கட்டுரையை மீளவும் மதிப்பீடு விரும்பினால், கட்டுரையை அடுத்துள்ள (N) அல்லது (P) என்பதை நீக்கிவிடுங்கள். ஒருங்கிணைப்பாளர்கள் கட்டுரைய மீளாய்வு செய்வார்கள்.

கட்டுரை ஏன் "இல்லை" (N) அல்லது "மதிப்பிடப்படுகிறது" (P) என்பதை, மதிப்பிடும் கருவியிலுள்ள இணைப்பு வழியாக அறிந்து கொள்ளலாம்.

குறிப்பு: இணைக்கப்படும் கட்டுரைகளை [[பகுப்பு:ஆசிய மாதக் கட்டுரைகள் நவம்பர் 2015]] என்ற பகுப்பினுள் இணைத்துவிடுங்கள். கட்டுரைகளை விதிக்கு ஏற்ப தொகுத்து முடிந்ததும் இங்கு இணையுங்கள். முன் கூட்டியே பதிவு செய்யத் தேவை இல்லை.

{{User Asian Month}}, இது விக்கிப்பீடியாவின் ஆசிய மாதம் போட்டியில் பங்குபற்றுபவர்களுக்காக பயனர் வார்ப்புரு. இதனை உங்கள் பயனர் பக்கத்தில் இணைக்கலாம்.

நன்றி --MediaWiki message delivery (பேச்சு) 19:49, 9 நவம்பர் 2015 (UTC)

ஆசிய மாதம் - இறுதி வாரம்

வணக்கம்!

கிட்டத்தட்ட ஆயிரம் விக்கிப்பீடியர்களில் ஒருவராக விக்கிப்பீடியா ஆசியா மாதத்தில் இணைந்து கொண்டமைக்கு நன்றி. சிலர் நல்ல முறையில் போட்டியில் பங்களிப்புச் செய்து கொண்டிருக்கையில், வேறுசிலர் நல்ல பங்களிப்புக்கு முயன்று கொண்டிருக்கிறார்கள். இந்நேரத்தில், சில இற்றைப்படுத்தப்பட்ட செய்திகளை உங்களுடன் பகிர்ந்து கொள்ள விரும்புகிறேன்.

1. விக்கிப்பீடியா ஆசியத் தூதுவர் என்ற பட்டத்தைப் பெற நீங்கள் விரும்பினால், திட்டத்தின் பக்கத்தில் மற்றவர்கள் எவ்வாறு முனைப்புடன் செயற்படுகிறார்கள் என்பதில் இருந்து அறியலாம்.
2. ஒரு வாரத்திற்கும் குறைவான நாட்களே போட்டி முடிவடைய இருப்பதால், உங்கள் பங்களிப்புக்களை திசம்பர் 3, 2015 (UTC) இற்கு முன் தெரிவியுங்கள். ஆனால், நவம்பர் மாதத்தில் செய்யப்பட்ட பங்களிப்புக்கள் மாத்திரம் போட்டிக்கு எடுத்துக் கொள்ளப்படும்.
3. நீங்கள் ஐந்து கட்டுரைகளை போட்டிக்கென தெரிவித்து, அதில் ஒன்று சிறு காரணத்திற்கான தகுதி அடையவில்லை (குறைந்தது 300 சொற்களைக் கொண்டிருக்க வேண்டும், அல்லது சிக்கலான வார்ப்புருக்கள் காணப்படல்) என்றாலும், உங்களுக்கு அஞ்சலட்டை அனுப்பி வைக்கப்படும்.
4. நீங்கள் போட்டியை முறையாக முடித்திராவிட்டாலும், உங்களை பங்களிப்பாளராகப் பெற்றதில் மகிழ்சியடைகிறோம்.

குறிப்பு: முடிந்தால் {{WAM talk 2015}} என்ற வார்ப்புருவை போட்டிக்காக உருவாக்கும் கட்டுரைகளின் பேச்சுப் பக்கத்தில் இணைத்துவிடுங்கள்.

உங்களுக்கு ஏதும் கேள்வியிருந்தால், என்னைத் தொடர்பு கொள்ளுங்கள். --AntanO --MediaWiki message delivery (பேச்சு) 04:15, 28 நவம்பர் 2015 (UTC)

உதவி

வணக்கம் நண்பரே, தமிழகக் கோவில்கள் தானியக்கத் திட்டத்திற்கு பயனர்:Neechalkaran/எண்ணிக்கை1, பயனர்:Neechalkaran/எண்ணிக்கை1, பயனர்:Neechalkaran/எண்ணிக்கை1 ஆகிய இடங்களில் தங்களின் உதவி தேவைப்படுகிறது. வடவெழுத்துகளை நீக்குதலை செய்துவிடுவோம், ஆனால் வடமொழி சொற்களுக்கு இணையான தமிழ் சொற்களை கண்டறிவதில் சிரமம் உள்ளது. உதவுங்கள். நன்றி. --சகோதரன் ஜெகதீஸ்வரன் (பேச்சு) 15:27, 16 சூலை 2016 (UTC)

அவ்வப்பொழுது இயன்றவாறு உதவுகின்றேன். நன்றி சகோதரன் ஜெகதீஸ்வரன் - --செல்வா (பேச்சு) 15:45, 16 சூலை 2016 (UTC)

விக்கி மாரத்தான் 2016 - பங்கேற்க அழைப்பு

வணக்கம்!

சூலை 31, 2016 அன்று நடக்கவிருக்கும் தமிழ் விக்கி மாரத்தான் 2016 முன்னெடுப்பில் கலந்துகொள்ளத் தங்களை அன்புடன் அழைக்கிறோம்!

சென்ற ஆண்டு மாரத்தானில் 65 பயனர்கள் கலந்து கொண்டு 24 மணி நேரத்தில் 2370 தொகுப்புகள் ஊடாக 178 கட்டுரைகளை உருவாக்கினோம். தமிழ் விக்கிப்பீடியாவின் இந்தத் தனிச்சிறப்பு மிக்க முயற்சிக்கு, இந்த ஆண்டு சில இலக்குளை முன்வைத்துள்ளோம்.

• பஞ்சாப் மாதம் தொடர்பான தொகுப்புகள். தமிழில் தகவல் தேடுபவர்கள், போட்டித் தேர்வுக்குத் தயாராகிறவர்கள் இந்தியா பற்றிய பல்வேறு தகவல்களை அறிந்து கொள்ள வேண்டியுள்ளது. அடுத்தடுத்து தகுந்த வேளைகளில் இது போல் ஒவ்வொரு மாநிலம் குறித்தும் தகவல்களைக் குவிக்கலாம். தற்போது, பஞ்சாப் மாதத் தொடர் தொகுப்பு முயற்சியில் இந்திய அளவில் கூடுதல் தகவலைச் சேர்ப்பதில் ஆங்கில விக்கிப்பீடியாவுடன் போட்டியிட்டுச் செயற்பட்டு வருகிறோம். நீங்களும் இணைந்தால் தமிழ் விக்கிப்பீடியாவுக்கான கேடயம் வெல்லலாம் :)
• கோயில்கள் தொடர்பான சொற்பட்டியல், மாதிரிக் கட்டுரைகளை இறுதியாக்கி தானியக்கப் பதிவேற்றம் நோக்கி நகர்வது. இதன் மூலம் 40,000+ கட்டுரைகளை உருவாக்கலாம்.
• கூகிள் தமிழாக்கக் கட்டுரைகளைச் சீராக்குதல்

இது போக, வழமை போல தங்களுக்கு விருப்பமான தொகுப்புகளிலும் ஈடுபடலாம். நெடுநாளாக விக்கியில் செய்ய நினைத்துள்ள பணிகளை நிறைவேற்றுவதற்கு இது ஒரு நல்ல நாள் :)

தங்களின் விருப்பத்தை இவ்விடத்தில் பதிவு செய்யுங்கள்; நன்றி!

--மா. செல்வசிவகுருநாதன் (பேச்சு) 18:57, 26 சூலை 2016 (UTC)

பதக்கம்

பஞ்சாப் மாதப் பங்களிப்பாளர் பதக்கம்

பஞ்சாப் மாதத்தில் சிறப்பான பங்களித்தமைக்கு நன்றி. தமிழ் விக்கிப்பீடியர் சிவகோசரனின் முன்னெடுப்பில், இம்முயற்சியில் முதலில் ஈடுபட்டது தமிழ் விக்கிப்பீடியாவே. இம்முனைப்பின் ஊடாக இந்திய மொழி விக்கிப்பீடியாக்கள் அனைத்திலும் ~3,000 கட்டுரைகள் உருவாகியுள்ளன. கூடுதல் பைட்டுகளைச் சேர்த்து கேடயம் வெல்ல இயலாவிட்டாலும், பல்வேறு தலைப்புகளிலும் செறிவான கட்டுரைகளை உருவாக்கியது தமிழ் விக்கிப்பீடியர்களே என்பது ஒருங்கிணைப்பாளர்கள் கருத்து. அனைத்துக்கும் மேலாக, இந்திய விக்கிமாநாட்டுக்குச் சென்ற போது, பஞ்சாப் பற்றிய பல்வேறு தகவல்களையும் தமிழிலேயே அறிந்து கொள்ள நமது கட்டுரைகள் உதவின என்பதே ஆகப் பெரும் சிறப்பு. தொடர்ந்து இது போன்ற பல்வேறு மாநிலங்கள், நாடுகள் பற்றி கட்டுரைகளைச் சீராக வளர்த்தெடுக்க வேண்டும் என்ற எண்ணமும் மேலோங்கியது. நன்றி. --இரவி (பேச்சு) 04:57, 16 ஆகத்து 2016 (UTC) விக்கியன்பு மூலம் வழங்கப்பட்டது (பதிகை)