சித்திரை

சித்திரை
சித்திரை மாதத்தில் சூரியனின் நிலை
நாட்காட்டி	தமிழ் நாட்காட்டி
மாத எண்	1
நாட்களின் எண்ணிக்கை	31
பருவ காலம்	இளவேனிற்காலம்
கிரெகொரியின் இணை	14 ஏப்ரல் - 14 மே
குறிப்பிடத்தக்க நாட்கள்	தமிழ்ப் புத்தாண்டு சித்திரா பௌர்ணமி சித்திரைத் திருவிழா

தமிழர் காலக்கணிப்பு முறையின்படி ஓர் ஆண்டுக்குரிய பன்னிரண்டு மாதங்களில் சித்திரை ஒன்றாவது மாதமாகும். தமிழ் மாதங்கள் பூமிக்குச் சார்பாகத் தோற்றுகின்ற சூரியனுடைய இயக்கத்தை அடிப்படையாகக் கொண்ட சூரியமானத்தின்படி இம்மாதங்கள் கணிக்கப்படுகின்றன. இதனால் இவை சூரிய மாதங்கள் எனப்படுகின்றன.

இராசிச்சக்கரத்தில் மேட இராசிக்குள் சூரியன் நுழைவதிலிருந்து அந்த இராசியை விட்டு வெளியேறும் வரையில் உள்ள காலம் சித்திரை மாதமாகும். சித்திரை மாதம் 31 நாட்களைக் கொண்டது. ஆங்கில நாட்காட்டியில் ஏப்ரல் மாதம் 14 ஆம் நாள் முதல் மே மாதம் 14 ஆம் நாள் வரை தமிழ் சித்திரை மாதமாகும்.

சூரியன் மேட இராசிக்குள் நுழைவது சித்திரை மாதப்பிறப்பு ஆகும். அத்துடன் சித்திரை முதல் மாதம் என்பதால் இதுவே புதிய ஆண்டின் தொடக்கமும் ஆகும். இதனால் சித்திரை மாதம் முதல் நாளைத் தமிழர் புத்தாண்டாகக் கொண்டாடுவர். சித்திரை மாதம் என்பது பொதுவாக வெப்பம் முகுழ்ந மாதமாகும். இம்மாதத்தில் தான் அக்கினி நட்சத்திரம் வருகிறது.

விழாக்கள்

சமண நூல்களின்படி, மகாவீரர் கிமு 599 ஆம் ஆண்டு சித்திரை மாதத்தில் சந்திரனின் பிரகாசமான அரை நிலவு நாளில் பிறந்தார். எனவே சைனர்கள் சித்திரை மாதத்தில் சைன சமயத்தின் மிக முக்கியமான விழாக்களில் ஒன்றான மகாவீரர் ஜெயந்தியைக் கொண்டாடுகின்றனர்.

சித்திரை மாதம் இளவேனிற்காலம் முடிவதுடன் தொடர்புடையது. வண்ணமயமான வசந்த விழாவான ஹோலி, சித்திரைக்கு முந்தைய மாதமான பங்குனி மாதத்தின் முழு நிலவு நாளில் கொண்டாடப்படுகிறது.

சித்திரை முதல் நாள் நாள் இந்து புத்தாண்டு நாளாகக் கொண்டாடப்படுகிறது. இது மகாராட்டிரத்தில் குடீ பாடவா என்றும், தமிழ்நாட்டில் புத்தாண்டு என்றும் அழைக்கப்படுகிறது.

மதுரையின் புகழ்பெற்ற விழாவான சித்திரைத் திருவிழா சித்திரை மாதம் வளர்பிறையில் தொடங்கி முழுநிலவு நாளில் முடிவடைகிறது. சித்திரைத் திருவிழாவின் ஒன்பதாம் நாளன்று சொக்கநாதருக்கும் அங்கயற்கன்னிக்கும் திருக்கல்யாணம் நடக்கும். விழாவின் கடைசி நாளான முழுநிலவு நாளில் கள்ளழகர் மதுரை வைகை ஆற்றில் எழுந்தருள்வார்.

தமிழ் மாதங்கள்

வரிசை எண்	தமிழ் சூரிய மாதம்	ஆங்கில தேதிகள்	தமிழ் மாதம் (ஆங்கிலம்)	சந்திர மாதம் (சமஸ்கிருதம்)	சூரிய மாதம் (இராசி)	இராசி அடையாளம்	முக்கிய நட்சத்திரம்	சூரிய அடிப்படையிலான திருவிழாக்கள்	சந்திர அடிப்படையிலான திருவிழாக்கள்
1	சித்திரை	ஏப் 14 – மே 14	Chithirai	சைத்ர	மேழம் (மேஷம்)	வருடை (ஒரு வகை ஆடு)	சித்திரை நட்சத்திரம்	தமிழ்ப் புத்தாண்டு, சித்திரைத் திருவிழா	இராம நவமி, சித்திரா பௌர்ணமி
2	வைகாசி	மே 15 – ஜூன் 14	Vaikasi	வைசாக	விடை (ரிஷபம்)	காளை அல்லது ஆண் மாடு	விசாகம் நட்சத்திரம்	வைகாசி விசாகம்	நரசிம்ம ஜெயந்தி
3	ஆனி	ஜூன் 15 – ஜூலை 16	Aani	ஜ்யேஷ்ட	ஆடவை (மிதுனம்)	இரட்டைகள்	அனுசம்	ஆனி திருமஞ்சனம்	குரு பூர்ணிமா
4	ஆடி	ஜூலை 17– ஆக 16	Aadi	ஆஷாட	கடகம்	நண்டு	பூராடம் / உத்திராடம்	ஆடிப்பெருக்கு	ஆடி அமாவாசை, வரலட்சுமி நோன்பு
5	ஆவணி	ஆக 17 – செப் 16	Avani	ஷ்ராவண	சிங்கம் / மடங்கல் (சிம்மம்)	சிங்கம்	திருவோணம்	ஆவணி அவிட்டம்	கிருஷ்ண ஜெயந்தி, விநாயக சதுர்த்தி
6	புரட்டாசி	செப் 17 – அக் 17	Purattasi	பத்ரபாத	கன்னி	கன்னிப்பெண்	பூரட்டாதி / உத்திரட்டாதி	புரட்டாசி சனிக்கிழமை விரதம்	நவராத்திரி நோன்பு, விஜயதசமி
7	ஐப்பசி	அக் 18 – நவ 16	Aippasi	அஸ்வின	துலை (துலாம்)	இருபக்கத்திற்கும் நடுநிலையில் இருக்கும் துலாபாரம்	அச்சுவினி	அன்னாபிசேகம்	தீபாவளி, கந்த சஷ்டி
8	கார்த்திகை	நவ 17 – டிச 15	Karthikai	கார்திக	நளி (விருச்சிகம்)	தேள்	கிருத்திகை	கார்த்திகை விளக்கீடு	கார்த்திகை பூர்ணிமா
9	மார்கழி	டிச 16 – ஜன 13	Margazhi	மார்கஷீர்ஷ	தனுசு	வில் மற்றும் அம்பு சேர்ந்திருக்கும் ஒரு சிலை	மிருகசீரிடம்	வைகுண்ட ஏகாதசி	திருவாதிரை நோன்பு
10	தை	ஜன 14 – பிப் 12	Thai	பௌஷ	சுறவம் (மகரம்)	ஆடு	பூசம்	தைப்பொங்கல்	ரத சப்தமி
11	மாசி	பிப் 13 – மா 13	Masi	மக	குடம் (கும்பம்)	ஒரு பானையிலிருந்து பெருகியோடும் நீர்	மகம்	மாசி மகம்	மகா சிவராத்திரி
12	பங்குனி	மா 14 – ஏப் 13	Panguni	பல்குண	மீனம்	இரு மீன்கள்	உத்தரம்	பங்குனி உத்திரம்	ஹோலிகா தகனம்

இவற்றையும் காண்க

• சந்திர மாதம்
• சித்திரகுப்தர்
• இந்து சோதிடம்

வெளி இணைப்புகள்

• ஆங்கில தேதியிலிருந்து தமிழ் தேதி வருவித்தல்
• தமிழ் நாட்காட்டி