சிங்கப்பூரின் பிரதமர்
சிங்கப்பூர் குடியரசு பிரதமர் | |
|---|---|
 பிரதமரின் பட்டம் | |
| வாழுமிடம் | சிறீ டெமாசெக் |
| நியமிப்பவர் | தர்மன் சண்முகரத்தினம் (சிங்கப்பூர் குடியரசுத் தலைவர்) |
| பதவிக் காலம் | 5 ஆண்டுகள் அல்லது அதற்கு முன்னதாக, புதுப்பிக்கத்தக்கது. சிங்கப்பூர் நாடாளுமன்றம் ஐந்தாண்டுகளுக்கு ஒருமுறை அல்லது அதற்கு முன்னதாகக் கலைக்கப்படலாம். நாடாளுமன்ற உறுப்பினர்களின் பெரும்பான்மையின் நம்பிக்கையைப் பெற்றவரை குடியரசுத் தலைவர் பிரதமராக நியமிக்கிறார். |
| முதலாவதாக பதவியேற்றவர் | லீ குவான் யூ |
| உருவாக்கம் | 3 சூன் 1959 |
| ஊதியம் | ஆண்டுக்கு S$2.2 மில்லியன் |
| இணையதளம் | www |
சிங்கப்பூர் குடியரசின் பிரதமர் (Prime Minister of the Republic of Singapore, மலாய்: Perdana Menteri Republik Singapura; சீன மொழி: 新加坡共和国总理) சிங்கப்பூர் குடியரசின் அரசாங்கத்தின் தலைவராவார். நாடாளுமன்ற உறுப்பினர்களின் பெரும்பான்மையின் நம்பிக்கையைப் பெற்றவரை குடியரசுத் தலைவர் பிரதமராக நியமிக்கிறார். பிரதமர் அமைச்சரவைக்குத் தலைமை தாங்குகிறார்.
சிங்கப்பூரின் பிரதமர் பதவி 1959ஆம் ஆண்டிலிருந்து இருந்து வருகிறது. சிங்கப்பூர் தன்னாட்சி பெற்ற பின்னர், அப்போதைய சிங்கப்பூர் ஆளுநரால் லீ குவான் யூ பிரதமராக நியமிக்கப்பட்டார். மலாயா கூட்டமைப்புடன் இணைந்து மலேசியாவின் ஒரு மாநிலமாக இருந்த 1963 முதல் 1965 வரையிலும், 1965ஆம் ஆண்டு சிங்கப்பூர் விடுதலை பெற்ற பின்னரும், இப்பதவி சிங்கப்பூரின் பிரதமர் என்றே அழைக்கப்பட்டது.
லீ குவான் யூ 5 சூன் 1959 முதல் 28 நவம்பர் 1990 வரை பிரதமராகப் பதவி வகித்தார். அவரைத் தொடர்ந்து கோ சொக் தொங் 28 நவம்பர் 1990 முதல் 12 ஆகத்து 2004 வரை பிரதமராகப் பதவி வகித்தார். அவருக்குப் பின்னர் லீ சியன் லூங் 12 ஆகத்து 2004 முதல் 15 மே 2024 வரை பிரதமராகப் பதவி வகித்தார். லீ சியன் லூங் பிரதமர் பதவியிலிருந்து விலகிய பின்னர் மூத்த அமைச்சராக நியமிக்கப்பட்டார்.
15 மே 2024 அன்று லாரன்ஸ் வோங் சிங்கப்பூரின் நான்காவது பிரதமராகப் பதவியேற்றார். இவர் பிரதமர் பதவியுடன் நிதி அமைச்சராகவும் உள்ளார்.
சிங்கப்பூர் பிரதமர்களின் பட்டியல்
[தொகு]| எண் | பிரதமர் | பதவிக்காலம் | மக்கள் ஆதரவு | நாடாளுமன்றத் தொகுதி | அரசியல் கட்சி |
|---|---|---|---|---|---|
| 1 | லீ குவான் யூ 李光耀  |
5 சூன் 1959 — 28 நவம்பர் 1990 11499 நாட்கள் |
1968 94.34% 1972 84.08% 1976 89.03% 1980 92.74% 1988 81.60% |
டான்ஜோங் பகார் (ஒற்றை உறுப்பினர் தொகுதி) (1955–1991) டான்ஜோங் பகார் (குழு சார்பாளர் தொகுதி) (1991–2015) |
 மக்கள் செயல் கட்சி |
| 2 | கோ சொக் தொங் 吴作栋（吳作棟）  |
28 நவம்பர் 1990 — 12 ஆகத்து 2004 5006 நாட்கள் |
1991 61.0% 1992 72.9% 1997 65.0% 2001 75.3% |
மரைன் பரேடு (ஒற்றை உறுப்பினர் தொகுதி) (1976–1988) மரைன் பரேடு (குழு சார்பாளர் தொகுதி) (1988–2020) |
மக்கள் செயல் கட்சி |
| 3 | லீ சியன் லூங் 李显龙（李顯龍）  |
12 ஆகத்து 2004 — 15 மே 2024 7216 நாட்கள் |
2006 66.14% 2011 60.14% 2015 69.86% 2020 61.24% |
டெக் கீ ஒற்றை உறுப்பினர் தொகுதி (1984–1991) ஆங் மோ கியோ குழு சார்பாளர் தொகுதி (1991–2025) |
மக்கள் செயல் கட்சி |
| 4 | லாரன்சு வோங் 黄循财（黃循財）  |
15 மே 2024 — நடப்பில் 876 நாட்கள் |
2025 73.48% | மார்சிலிங்–யூ டீ குழு சார்பாளர் தொகுதி (2015–) |
மக்கள் செயல் கட்சி |