சாய்னா நேவால்

கட்டற்ற கலைக்களஞ்சியமான விக்கிப்பீடியாவில் இருந்து.
தாவிச் செல்லவும்: வழிசெலுத்தல், தேடல்
சாய்னா நேவால்
Saina Nehwal
px
நேர்முக விவரம்
பெயர் சாய்னா நேவால்l
பிறந்த தேதி 17 மார்ச் 1990 (1990-03-17) (அகவை 25)
பிறந்த இடம் ஐசார், அரியானா[1]
உயரம் 1.65 மீ
எடை 60 கிகி (130 இறா)
நாடு  இந்தியா
கரம் வலக்கை
பயிற்சியாளர் அத்திக் சௌகாரி,
புல்லேலா கோபிசந்த்
விமல் குமார்
பெண்கள் ஒற்றையர்
பெரும தரவரிசையிடம் 1 [2](2 ஏப்ரல் 2015)
தற்போதைய தரவரிசை 1 [2](2 ஏப்ரல் 2015)
பதக்கங்கள் 16

சாய்னா நேவால் (Saina Nehwal, பிறப்பு: 17 மார்ச் 1990) ஒரு இந்திய இறகுப்பந்தாட்ட வீராங்கனை. இறகுப்பந்தாட்ட உலகப் பேரவையின் நடப்பு உலக தரவரிசையில் முதலாவதாக உள்ளார்,[3][4] உலக இளநிலை இறகுப்பந்தாட்ட வாகையர் போட்டியில் வென்ற முதல் இந்தியப் பெண்ணும், ஒலிம்பிக் இறகுப்பந்தாட்டப் போட்டியில் பதக்கம் வென்ற முதல் இந்தியரும் இவரே.[5] 2012 ஆகத்து மாதத்தில் நடந்த லண்டன் ஒலிம்பிக் போட்டியில் இவர் வெண்கலப் பதக்கம் பெற்றார்.[6] பிரகாஷ் பதுகோனேக்குப் பின்னர் உலக தர வரிசையில் முதலிடம் பெற்ற முதல் இந்தியரும், உலக தர வரிசையில் முதன் முதலாக முதலிடம் இந்தியப் பெண்ணும் இவரே.

சூன் 21, 2009ஆம் நாள் ஜாகர்தாவில் நடந்த இந்தோனேசிய ஓப்பன் போட்டியில் தரவரிசையில் முன்னிற்கும் சீனாவின் லின் வாங்கை அதிரடியாக வென்று பட்டத்தைப் பெற்று வரலாறு படைத்தார். இந்த போட்டியை வென்ற முதல் இந்தியப் பெண் இவர்.

அரியானாவில் இசாரில் பிறந்த சாய்னா, ஐதராபாத்திலேயே மிகப்பெரும்பாலும் வாழ்ந்திருக்கின்றார். அவரது தந்தை முனைவர் அர்வீர் சிங் எண்ணெய்வித்துக்கள் ஆய்வு இயக்ககத்தில் அறிவியலாளராகப் பணிபுரிகிறார். அவரது தந்தையும் அன்னை உசா நெவால் இருவரும் முன்னாள் இறகுப்பந்தாட்ட வீரர்கள்.[7]. அவரது ஆர்வத்திற்கு வித்திட்டு பயிற்சிக்காக பாடுபட்டவர் அவரின் தந்தை. சிறுவயது பயிற்சிக்காக தனது சேமிப்பையும் உழைப்பையும் அவருக்காக செலவிட்டார். 2004ஆம் ஆண்டு பிபிசிஎல் (BPCL) நிறுவனம் அவரை பணிக்கு அமர்த்தியது.

வெற்றிப்பாதை[தொகு]

போட்டி ஆண்டு முடிவு
செக்கோசுலாவிகியா இளநிலை ஓப்பன் 2003 வாகையாளர்
2004 காமன்வெல்த் இளைஞர் ஆட்டங்கள் 2004 3Silver medal icon.svg வெள்ளி
ஆசிய சாடிலைட் இறகுப்பந்தாட்ட போட்டி 2005 வாகையாளர்
உலக இளநிலை இறகுப்பந்தாட்ட வாகையர் போட்டிகள் 2006 இரண்டாம் நிலை
2006 காமன்வெல்த் விளையாட்டுகள் 2006 3Bronze medal icon.svg வெண்கலம்
பிலிப்பைன் ஓப்பன் 2006 வாகையாளர்
ஆசிய சாடிலைட் இறகுப்பந்தாட்ட போட்டி 2006 வாகையாளர்
இந்திய தேசிய இறகுப்பந்தாட்ட போட்டிகள் 2007 வாகையாளர்
தேசிய விளையாட்டுகள் இந்தியா 2007 3Gold medal icon.svg தங்கம்
சீன தாய்பெய் ஓப்பன் 2008 வாகையாளர்
இந்திய தேசிய இறகுப்பந்தாட்ட போட்டிகள் 2008 வாகையாளர்
2008 காமன்வெல்த் இளைஞர் விளையாட்டுகள் 2008 3Gold medal icon.svg தங்கம்
உலக இளநிலை இறகுப்பந்தாட்ட வாகையர் போட்டிகள் 2008 வாகையாளர்
இந்தோனேசிய ஓப்பன் 2009 வாகையாளர்
ஹாங்காங் ஓப்பன் 2010 வாகையாளர்[8]

ஒலிம்பிக் விளையாட்டுக்களில் சாய்னா[தொகு]

1. 2012ஆம் ஆண்டு, இலண்டன் ஒலிம்பிக் - இறகுப்பந்தாட்டத்தில் ஒலிம்பிக் பதக்கம் பெற்ற முதல் இந்தியர். ஆகஸ்ட் 4, 2012 அன்று நடந்த வெண்கலப்பதக்கத்திற்கான போட்டி நிகழ்வில் வெற்றி பெற்று வெண்கலம் வென்றார்.

ஒலிம்பிக் போட்டிகளில் இறகுப்பந்தாட்டத்தில் அரையிறுதிப் போட்டிகளை அடைந்த முதல் இந்தியர் என்ற பெருமையையும் பெற்றார்.[9] அரையிறுதிப் போட்டியில் சீன வீராங்கனை யிஹன் வங் (உலகின் தர வரிசையில் முதலிடம்)'ஐ எதிர்த்துப் போராடினார். 13-21, 13-21 என்ற கணக்கில் தோற்கடிக்கப்பட்டார்.

2. 2008ஆம் ஆண்டு, பெய்ஜிங் ஒலிம்பிக் - இறகுப்பந்தாட்டத்தில் காலிறுதிப் போட்டிகளை அடைந்த முதல் இந்தியப் பெண்.

சாதனைகள்[தொகு]

  • இறகுப்பந்தாட்டத்தில் ஒலிம்பிக் பதக்கம் பெற்ற முதல் இந்தியர்.
  • உலக இளையர் இறகுப்பந்தாட்ட போட்டியில் வெற்றி பெற்ற முதல் இந்தியப் பெண்.
  • சூப்பர் தொடர் போட்டிகளில் வெற்றி பெற்ற முதல் இந்தியர்.

விருதுகள்[தொகு]

முதலிடம்[தொகு]

பெண்கள் ஒற்றையர் பிரிவு இறகுப்பந்தாட்டத் தரவரிசையில் உலக அளவில் சாய்னா நேவால் முதலிடத்தை 2015 ஆம் ஆண்டு பெற்றார்.[10][11]

மேற்கோள்கள்[தொகு]

  1. T. S. Sudhir: Saina Nehwal - An Inspirational Biography, Nimby Books (Westland Publications), 2012, ISBN 978-8190657037
  2. 2.0 2.1 "BWF World Rankings". பார்த்த நாள் 2 April 2015.
  3. Sukumar, Dev (28 March 2015). "Nehwal Assured of Top Spot; Makes India Open Final". Badminton World Federation. http://www.bwfbadminton.org/news_item.aspx?id=94107. பார்த்த நாள்: 31 March 2015. 
  4. "World No.1 Saina Nehwal Wins Maiden India Open Super Series". NDTV Sports - Badminton News. பிடிஐ. 29 மார்ச் 2015. http://sports.ndtv.com/badminton/news/239861-saina-nehwal-wins-maiden-crown-as-world-number-one. பார்த்த நாள்: 31 March 2015. 
  5. "Saina first Indian shuttler to win Olympic medal". பார்த்த நாள் 4 August 2012.
  6. "'Miracle win': Saina Nehwal wins bronze medal after opponent pulls out" (4 August 2012).
  7. The Hindu feature article dated 20 Jul 2005
  8. [1]
  9. http://www.thehindu.com/sport/article3717963.ece?homepage=true
  10. "தரவரிசையில் முதலிடம்". தினகரன். பார்த்த நாள் 29 மார்ச் 2015.
  11. "Saina Nehwal becomes first Indian woman to attain World No.1 ranking". ஐபிஎன் லைவ். பார்த்த நாள் 29 மார்ச் 2015.
"http://ta.wikipedia.org/w/index.php?title=சாய்னா_நேவால்&oldid=1834132" இருந்து மீள்விக்கப்பட்டது