உள்ளடக்கத்துக்குச் செல்

சர்வதேச தாவர வகைப்பாட்டியலுக்கான சங்கம்

கட்டற்ற கலைக்களஞ்சியமான விக்கிப்பீடியாவில் இருந்து.
சர்வதேச தாவர வகைப்பாட்டியலுக்கான சங்கம்
உருவாக்கம்சூலை 18, 1950
தலைமையகம்பிராட்டிஸ்லாவா, சுலோவாக்கியா
President
லூசியா ஜி. லோமன் (2023 முதல்)
வலைத்தளம்www.iaptglobal.org

சர்வதேச தாவர வகைப்பாட்டியலுக்கான சங்கம் (ஆங்:International Association for Plan Taxonomy; சுருக்கமாக IAPT) என்பது தாவரப் பல்லுயிரியத்தைப் புரிந்துகொள்ள ஊக்குவித்தல், தாவரவியலாளர்களிடையே ஆராய்ச்சித் தொடர்புகளை எளிமைப்படுத்தலுக்கும், தாவரப் பெயர்களின் சீர்மை மற்றும் நிலைத்தன்மையை மேற்பார்வையிடுவதற்கும் நிறுவப்பட்ட ஓர் உலகளாவிய அமைப்பு ஆகும்.[1][2][3]

சுவீடனின் ஸ்டாக்ஹோமில் நடைபெற்ற ஏழாவது சர்வதேச தாவரவியல் மாநாட்டின் (செவன்த் இன்டர்நேசனல் பொடானிகல் காங்கிரசு) போது, 1950 ஜூலை 18ஆம் தேதி ஐ.ஏ.பி.டி நிறுவப்பட்டது.[4][5] இதன் தலைமையகம், சுலோவாக்கியாவின் பிராட்டிஸ்லாவாவில் அமைந்துள்ளது.[6]

நிர்வாகம்

[தொகு]

2023ஆம் ஆண்டு முதல், ஐ.ஏ.பி.டி-இன் தற்போதைய தலைவராக சாவ் பாலோ பல்கலைக்கழகத்தைச் சேர்ந்த லூசியா ஜி. லோமன் பதவி வகிக்கிறார்.[7][8]

  • துணைத் தலைவர்: ஃபபியான் மிஷெலாங்கெலி - நியூயார்க் தாவரவியல் தோட்டம்.[9]
  • பொதுச் செயலர்: மௌரிசியோ பொனிஃபசினோ - ரிபப்ளிகா பல்கலைக்கழகம், மொன்டெவீடியோ, உருகுவே.[10]

நோக்கங்கள்

[தொகு]

ஐ.ஏ.பி.டி-இன் முதன்மையான நோக்கம் பல்லுயிரியத்தை மேம்படுத்தி புரிந்துகொள்வது ஆகும். அதாவது, வாழும் தாவரங்கள் மற்றும் தொல்படிம தாவரங்களின் கண்டுபிடிப்பு, பெயரிடல், வகைப்பாடு மற்றும் அமைப்பியல் ஆகியவற்றை மேம்படுத்துவதே ஆகும்.[11]

இது தாவரப் பல்லுயிரியத்தின் பரந்த ஆய்வு மற்றும் அதன் பாதுகாப்பையும் ஊக்குவிக்கிறது; இந்நோக்கத்தைப் பற்றி பொதுமக்களிடையே விழிப்புணர்வை ஏற்படுத்துவதிலும் ஈடுபடுகிறது.[12]

தாவர அமைப்பியல், வகைப்பாட்டியல், பெயரியல் துறைகளில் பணியாற்றும் தாவரவியலாளர்களிடையே சர்வதேச ஒத்துழைப்பை ஐ.ஏ.பி.டி எளிமைப்படுத்துகிறது. இது கூட்டங்களுக்கு நிதியளிப்பதன் மூலமும், மேற்கோள் வெளியீடுகள் மற்றும் இதழ்கள் போன்ற வளங்களை வெளியிடுவதன் மூலமும் சாதிக்கப்படுகிறது.

நிறுவல் வரலாறு

[தொகு]

ஐ.ஏ.பி.டி 1950ஆம் ஆண்டில் இலாப நோக்கமற்ற அமைப்பாக நிறுவப்பட்டது. இதன் நோக்கங்கள்:

  • டாக்சன் என்ற காலாண்டிதழை வெளியிடுதல் — இதில் சங்கத்தின் நடவடிக்கைகளும், தாவர வகைப்பாட்டியலுக்கான பொதுவான முக்கியத்துவம் கொண்ட செய்திகளும் அடங்கும்.[13]
  • ரெக்னம் வெஜெடாபிலே என்ற நூல்களையும்,[14] தாவரவியலாளர்களுக்குப் பயனுள்ள குறியீடுகளையும் வெளியிடுதல்.
  • குறிப்பிட்ட வகைப்பாட்டியல் மற்றும் பெயரியல் நோக்கங்களுக்கான குழுக்களை நிறுவி பராமரித்தல்.
  • தாவர அமைப்பியல் சார்ந்த சிக்கல்கள் குறித்த சர்வதேசக் கருத்தரங்குகளை ஏற்பாடு செய்தல்.

பெயர்களின் சீர்மை

[தொகு]

ஐ.ஏ.பி.டி, தாவரப் பெயர்களில் சீர்மையையும் நிலைத்தன்மையையும் அடைய முயல்கிறது. இதனை ஆல்காக்கள், பூஞ்சைகள் மற்றும் தாவரங்களுக்கான பெயரியலுக்கான சர்வதேசக் குறியீடு (இன்டர்நேசனல் கோட் ஆஃப் நாமன்கிளேச்சர் ஃபார் ஆல்கே, ஃபங்கை அண்டு பிளான்ட்ஸ்) — ஐ.சி.என்; முன்பு சர்வதேசத் தாவரவியல் பெயரியல் குறியீடு என அறியப்பட்டது) வழியாக உறுதிசெய்கிறது. மேலும், தாவர வகைப்பாட்டியல் மற்றும் பெயரியலுக்கான சர்வதேசப் பணியகத்தின் (இன்டர்நேசனல் ப்யூரோ ஃபார் பிளான்ட் டேக்சானாமி அண்டு நாமன்கிளேச்சர்) மேற்பார்வை வழியாகவும் இதைச் செய்கிறது.

வெளியீடுகள்

[தொகு]

டாக்சன் இதழ்

[தொகு]

சங்கத்தின் அதிகாரப்பூர்வ இதழ் "டாக்சன்" ஆகும். பெயர்களைப் பாதுகாக்க அல்லது நிராகரிக்கும் முன்மொழிவுகளையும், மற்றும் ஐ.சி.என்-ஐ திருத்தும் முன்மொழிவுகளை வெளியிடுவதற்கான ஒரே ஊடகம் இதுவாகும்.

ரெக்னம் வெஜெடாபிலே

[தொகு]

ரெக்னம் வெஜெடாபிலே - தாவர வகைப்பாட்டியலாளர்களுக்கு ஆர்வமான தலைப்புகளில் வெளியிடப்படும் ஒரு நூல் தொடர் ஆகும். இதன் பல தொகுதிகள் தாவர அமைப்பியல் துறையில் இலக்கியக் கணக்கெடுப்புகள் அல்லது தனி நூல்களாக உள்ளன. பொது பயன்பாட்டில் உள்ள தொகுதிகள்:

  • ஆல்காக்கள், பூஞ்சைகள் மற்றும் தாவரங்களுக்கான பெயரியலுக்கான சர்வதேசக் குறியீடு (ஐ.சி.என்; தொகுதி 159, 2018) — தாவரங்களுக்கு வழங்கப்படும் முறையான பெயர்கள் தொடர்பான விதிகள் மற்றும் பரிந்துரைகளின் தொகுப்பு. தற்போதைய பதிப்பு "ஷென்ஜென் குறியீடு" (Shenzhen Code) என அறியப்படுகிறது; 2017இல் சீனாவின் ஷென்ஜெனில் நடைபெற்ற 18ஆவது சர்வதேச தாவரவியல் மாநாட்டில் இது வரையறுக்கப்பட்டது.
  • வளர்க்கப்படும் தாவரங்களுக்கான பெயரியலுக்கான சர்வதேசக் குறியீடு, 8ஆம் பதிப்பு (தொகுதி 151, 2010) — தாவர வளர்ப்பினங்களுக்கான பெயர்கள் தொடர்பான விதிகள்.
  • இண்டெக்ஸ் நாமினம் ஜெனரிகோரம் (ஐ.ஜி.சி; தொகுதிகள் 100–102 & 113) — ஐ.சி.என்-இன் கீழ் வெளியிடப்பட்ட அனைத்து பேரின பெயர்களின் குறியீடு. இது ஸ்மித்சோனியன் நிறுவனத்துடன் இணைந்து தயாரிக்கப்படுகிறது. மின்னணுப் பதிப்பு இணையத்தில் கிடைக்கிறது.
  • இண்டெக்ஸ் ஹெர்பேரியோரம் — உலகின் தாவரகங்களுக்கான தொகுப்பும் வழிகாட்டியும். தொடர்புத் தகவல்கள், சுருக்கக் குறியீடுகள், ஒவ்வொரு தாவரகத்திலும் உள்ள முக்கிய சேகரிப்புகள் இதில் இடம்பெறுகின்றன. தற்போது இது நியூயார்க் தாவரவியல் தோட்டத்தால் நிர்வகிக்கப்படும் இணையதள தரவுத்தளமாக உள்ளது.
  • தாவரவியல் தோட்டங்களுக்கான சர்வதேச வழிகாட்டி (இன்டர்நேசனல் டிரக்டரி ஆஃப் பொடானிகல் கார்டன்ஸ்; புதுப்பிக்கப்பட்ட தொகுதி 95, 1977) — உலகெங்கிலும் உள்ள தாவரவியல் தோட்டங்களுக்கான வழிகாட்டி.

நடப்பு பயன்பாட்டில் உள்ள பெயர்கள்

[தொகு]

தற்போது உள்ள தாவரப் பேரினங்களின் அறிவியல் பெயர்களின் தரவுத்தளமான "நேம்ஸ் இன் கரண்ட் யூஸ்"-ஐயும் ஐ.ஏ.பி.டி பராமரிக்கிறது.[15]

விருதுகள்

[தொகு]

1986ஆம் ஆண்டில், ஐ.ஏ.பி.டி அடால்ஃப் என்க்லர் என்பவரின் நினைவாக இரண்டு என்க்லர் பதக்கங்களை வழங்க நிறுவப்பட்டது:

  • தங்க என்க்லர் பதக்கம் — தாவர வகைப்பாட்டியலுக்கு சிறந்த ஆயுள் பங்களிப்புக்காக ஆறு ஆண்டுக்கொருமுறை வழங்கப்படுகிறது. 1987 முதல் ஒவ்வொரு சர்வதேச தாவரவியல் மாநாட்டிலும் (IBC) வழங்கப்படுகிறது.
  • வெள்ளி என்க்லர் பதக்கம் — அமைப்பியல் தாவரவியலில் ஒரு தனி நூல் அல்லது பிற படைப்புக்காக 1987 முதல் 2001 வரை வழங்கப்பட்டது. 1990 முதல் 2002 வரை பல்வேறு கூட்டங்கள், மாநாடுகள், கருத்தரங்குகளில் இது வழங்கப்பட்டது.

2002ஆம் ஆண்டில், வெள்ளி பதக்கம் மூன்று விருதுகளாகப் பிரிக்கப்பட்டது:

  • வெள்ளி என்க்லர் பதக்கம் — தனிநூல் அல்லது தாவர அமைப்பியலுக்கு வழங்கப்படுகிறது.
  • ஸ்டாஃப்ளீ பதக்கம் — தாவர அமைப்பியலின் வரலாற்று, நூலியல், அல்லது பெயரியல் அம்சங்களுக்கு வழங்கப்படுகிறது. ஃப்ரான்ஸ் ஆண்டோனி ஸ்டாஃப்ளீ (1921–1997) நினைவாக.[16]
  • ஸ்டெபின்ஸ் பதக்கம் — மரபுவழியியல் தாவர அமைப்பியலுக்காகவோ அல்லது தாவர பரிணாமத்திற்காகவோ வழங்கப்படுகிறது. ஜார்ஜ் லெட்யார்ட் ஸ்டெபின்ஸ் ஜூ.1906–2000 நினைவாக.

மேற்கோள்கள்

[தொகு]
  1. ↑ IAPT web site. Retrieved on 2007-12-18.
  2. ↑ "About IAPT". International Association for Plant Taxonomy. Retrieved 2026-07-15.
  3. ↑ Turland, N. J. (2018). "The Mission and Vision of the International Association for Plant Taxonomy". Taxon 67: 1–4.
  4. ↑ Lanjouw, J. (1951). "The Foundation of the International Association for Plant Taxonomy". Taxon 1: 1–5.
  5. ↑ Osvald, Hugo (1953). Proceedings of the Seventh International Botanical Congress, Stockholm 1950. Almqvist & Wiksell.
  6. ↑ "IAPT Headquarters and Contact". International Association for Plant Taxonomy. Retrieved 2026-07-15.
  7. ↑ "New President of IAPT — Lúcia G. Lohmann". Taxon 72: 445. 2023.
  8. ↑ "Lúcia G. Lohmann — Faculty Profile". Universidade de São Paulo. Retrieved 2026-07-15.
  9. ↑ "Fabián Michelangeli — Curator". New York Botanical Garden. Retrieved 2026-07-15.
  10. ↑ "IAPT Officers and Council". International Association for Plant Taxonomy. Retrieved 2026-07-15.
  11. ↑ Wilson, K. L. (2010). "IAPT — Advancing Plant Systematics Globally". Taxon 59: 707–712.
  12. ↑ "IAPT's Role in Plant Conservation". Plant Systematics and Evolution 301: 1839–1845. 2015.
  13. ↑ IAPT Strategic Plan பரணிடப்பட்டது 2006-07-06 at Archive-It" (PDF). 2004. Taxon 53 (1): 2.
  14. ↑ பன்னாட்டுத் தர தொடர் எண் 0080-0694.
  15. ↑ "Names in Current Use". Archived from the original on 2008-02-12. Retrieved 2008-01-01.
  16. ↑ IAPT (2016). "Awards presented by IAPT". Archived from the original on 2016-12-20. Retrieved 2016-12-14.

வெளி இணைப்புகள்

[தொகு]

மேலும் காண்க

[தொகு]
"https://ta.wikipedia.org/w/index.php?title=சர்வதேச_தாவர_வகைப்பாட்டியலுக்கான_சங்கம்&oldid=4600999" இலிருந்து மீள்விக்கப்பட்டது