சம்மா ஜெயின்
| சம்மா ஜெயின் | |
|---|---|
| |
| இந்தியத் தூதுவர்-கிரீசு | |
| பதவியில் சூன் 2017 – அக்டோபர் 2019 | |
| இந்திய தூதர்-பனாமா, கோட்டி வார், நிகரகுவா | |
| பதவியில் மே 2014 – சூன் 2017 | |
| இந்தியா-கோட் டிவார் தூதுவர், நிக்கராகுவா பனாமா | |
| பதவியில் ஆகத்து 2008 – ஆகத்து 2011 | |
| தனிநபர் தகவல் | |
| பிறப்பு | சம்மு, ஜம்மு காஷ்மீர், இந்தியா |
| தேசியம் | இந்தியர் |
| பிள்ளைகள் | 1 |
| தொழில் | இராஜதந்திரி |
சம்மா ஜெயின் (Shamma Jain)(பிறப்பு 1959) என்பவர் இந்திய மூத்த இராஜதந்திரி ஆவார்.[1] இவர் சூன் 2017[2] முதல் அக்டோபர் 2019 வரை கிரேக்கத்திற்கான இந்தியத் தூதராக பணியாற்றினார். பனாமா, கோஸ்டா ரிக்கா, நிக்கராகுவா,[3] கோட் டிவார், லைபீரியா, சியரா லியோனி[4] கினி ஆகிய நாடுகளில் 2008 முதல் 2011 வரை இந்தியாவின் தூதராகவும் பணியாற்றியுள்ளார். ஜெயின் தூதராக பணியாற்றுவதைத் தவிர, உரோமில் தூதரகத்தின் துணைத் தலைவர், அமெரிக்காவில் அரசியல் ஆலோசகர் மற்றும் பாரிஸில் உள்ள ஐக்கிய நாடுகள் கல்வி, அறிவியல், பண்பாட்டு நிறுவனம் இந்தியாவின் நிரந்தர தூதுக்குழு உள்ளிட்ட பிற இராஜதந்திர பதவிகளிலும் பணியாற்றியுள்ளார்.
இளமை[தொகு]
சம்மா ஜெயின் சம்மு & காசுமீரில் பிறந்தார். சம்மு பல்கலைக்கழகத்தில் அரசியல் அறிவியலில் இளங்கலை பட்டத்திற்கான அதிபரின் தங்கப் பதக்கம் இவருக்கு வழங்கப்பட்டது. புது தில்லியில் உள்ள ஜவகர்லால் நேரு பல்கலைக்கழகத்தில் தத்துவம் மற்றும் அரசியலில் இரட்டை முதுகலைப் பட்டங்களைப் பெற்றார்.[5] இவர் மதிப்புமிக்க பல்கலைக்கழக மானியக் குழு ஆராய்ச்சி நிதியுதவியினைப் பெற்றவர் ஆவார்.
பணி[தொகு]
ஜெயின் 1983-ல் இந்திய வெளியுறவுப் பணியில் தனது இராஜதந்திர வாழ்க்கையைத் தொடங்கினார்.[6] பனாமாவுக்கான இந்தியத் தூதராக நியமிக்கப்படுவதற்கு முன்பு, இவர் பயங்கரவாத எதிர்ப்புப் பிரிவின் தலைவராகவும், பயங்கரவாத எதிர்ப்பு இராஜதந்திரம் தொடர்பான அனைத்து விடயங்களையும், புது தில்லியில் உள்ள வெளியுறவு அமைச்சகத்தின் கொள்கை திட்டமிடல் மற்றும் ஆராய்ச்சிப் பிரிவின் தலைவராகவும் இருந்தார்.[7] தூதர் ஜெயின், இந்தியாவின் பழமையான வெளியுறவுக் கொள்கை சிந்தனைக் குழுவான இந்திய உலக விவகார குழுவின் இணைச் செயலாளராகவும் பணியாற்றினார்.[8]
ஜெயின் இத்தாலியின் உரோமில் உள்ள இந்தியத் தூதரகத்தில் துணைத் தூதராக இருந்தார்.[9] இவர் பாரீஸில் உள்ள ஐக்கிய நாடுகள் கல்வி, அறிவியல், பண்பாட்டு நிறுவனம் இந்தியத் தூதுக்குழுவின் முதல் செயலாளராகவும், 1997 முதல் 2001 வரை வாசிங்டன், டி. சி., இந்தியத் தூதரகத்தில் அரசியல் ஆலோசகராகவும் பணியாற்றினார். இங்கு இவர் அமெரிக்காவிற்கும் இந்தியாவிற்கும் இடையிலான இருதரப்பு அரசியல் மற்றும் மூலோபாய உறவுகளுக்குப் பொறுப்பாக இருந்தார்.[10]
2003 முதல் 2005 வரை, இவர் பிலிப்பீன்சின் மணிலாவில் துணைத் தூதராகவும் பொறுப்பாளர்களாகவும் பணியாற்றினார்.[11] இதற்கு முன், தெற்காசியப் பிராந்தியத்தில் இந்தியாவின் கொள்கை நிகழ்ச்சி நிரலை முன்னெடுப்பதற்கான பொறுப்புடன் தெற்காசிய நாடுகளின் பிராந்தியக் கூட்டமைப்பின் இயக்குநராக இருந்தார். தூதர் ஜெயின் துருக்கி மற்றும் அர்கெந்தீனாவிலும் தூதரகப் பணிகளை மேற்கொண்டுள்ளார்.
ஜெயின் லைபீரியா பல்கலைக்கழகத்தில் 2009ஆம் ஆண்டு தொடக்கப் பேச்சாளராக இருந்தார். இங்கு இவருக்கு மதிப்புறு முனைவர் பட்டம் வழங்கப்பட்டது.[12] பிரித்தானிய மேலாண்மை மற்றும் தொழில்நுட்ப நிறுவனத்தில் 2009 பட்டப்படிப்பு வகுப்பின் தொடக்கப் பேச்சாளராகவும் பணியாற்றினார். இவருக்கு இசான் என்ற மகன் உள்ளார்.
கோட் டிவார் தூதர்[தொகு]
ஆகத்து 2008-ல் லைபீரியா, சியரா லியோன் மற்றும் கினியா ஆகிய நாடுகளுக்கு ஒரே நேரத்தில் அங்கீகாரத்துடன் கோட் டிவார்க்கான இந்தியத் தூதராக ஜெயின் நியமிக்கப்பட்டார். இவரது பதவிக்காலத்தில், மேற்கு ஆப்பிரிக்காவிற்கும் இந்தியாவிற்கும் இடையே வணிக, வர்த்தக மற்றும் கலாச்சார உறவுகளில் வியத்தகு அதிகரிப்பு ஏற்பட்டது. இந்த நெருக்கமான பொருளாதார இணைப்புகள் 2015ஆம் ஆண்டிற்குள் மேற்கு ஆப்பிரிக்காவுடனான இந்தியாவின் வர்த்தகம் $40 பில்லியனாக வளர உத்வேகத்தை அளித்துள்ளது.[13]
மேற்காப்பிரிக்க நாடுகளின் பொருளாதார சமூகத்துடன் உறவுகளைத் தீவிரப்படுத்துவதன் மூலமும், எண்ணெய் மற்றும் எரிவாயு, கல்வி, மருந்துகள், சுரங்கம் மற்றும் உள்கட்டமைப்புத் துறையில் ஒத்துழைப்பை மேம்படுத்துவதன் மூலமும் மேற்கு ஆப்பிரிக்காவுடனான ஈடுபாட்டை ஆழப்படுத்துவதற்கான இந்தியாவின் முயற்சிகளுக்கு இவர் தலைமை தாங்கினார். கோட் டிவார்க்கான இந்தியத் தூதராக இருந்த இவர், ஆப்பிரிக்காவுடனான இந்தியாவின் வளர்ச்சி ஒத்துழைப்பில் திறன் மேம்பாடு ஒரு முக்கிய உந்துதல் என்று வாதிட்டார். ஆப்பிரிக்கா முழுவதும் நூற்றுக்கும் மேற்பட்ட தொழில்முறை பயிற்சி நிறுவனங்களை நிறுவுவதற்கு இவர் வாதிட்டார், இதற்காக இந்தியா 700 மில்லியன் டாலர்களை ஒதுக்கியது.[13] முன்னாள் வெளியுறவுத்துறை அமைச்சர் சசி தரூருடன் இணைந்து, ஐக்கிய நாடுகள் பாதுகாப்பு அவையில் இந்தியாவுக்கு நிரந்தர இடம் கிடைக்க லைபீரிய ஆதரவைப் பெறுவதற்கு இவர் காரணமாக இருந்தார்.[14]
பிப்ரவரி 2010-ல், தூதர் ஜெயின் மற்றும் இந்திய அயல்நாட்டு விவகார அமைச்சர் வயலார் ரவி ஆகியோர் லைபீரியாவுக்கு இராஜதந்திர பயணத்தின் போது வாகன விபத்தில் சிக்கினர். மன்ரோவியாவில் வேகமாக ஓட்டிச் சென்ற ஓட்டுநர் ஒருவர் இவர்களின் வாகனம் மீது மோதியபோது இது நிகழ்ந்தது. லைபீரிய அதிபர் எலன் ஜான்சன் சர்லீஃப் விபத்து நடந்த இடத்திற்குச் சென்று, இவர்களை மேல் மருத்துவச் சிகிச்சைக்காக அபிஜான் விமானம் மூலம் கொண்டு செல்ல ஏற்பாடு செய்தார்.[15]
ஐவோரியன் உள்நாட்டுப் போர்[தொகு]
கடுமையான ஆபத்தை எதிர்கொண்ட போதிலும், மார்ச் 2011-ல் நடந்த இரண்டாம் ஐவோரியன் உள்நாட்டுப் போரில் சிக்கிய கோட் டிவாரில் உள்ள இந்தியர்களை வெளியேற்றுவதை சம்மா ஜெயின் மேற்பார்வையிட்டார்.[16] லோரண்ட் பாக்போ மற்றும் நெருங்கிய உதவியாளர்களுக்கு எதிரான பொருளாதாரத் தடைகளுக்காக ஐ. நா. பாதுகாப்பு அவையின் இந்தியா வாக்களித்ததுடன் இது ஒத்துப்போனது.[17] இவரது இல்லம் அமைந்துள்ள இராஜதந்திர பகுதியில் கடுமையான துப்பாக்கிச் சூடு மற்றும் வெடிப்புகளுக்கு மத்தியில், தூதர் ஜெயின் இந்தியச் சமூகத்தின் பல நூறு உறுப்பினர்களை வெளியேற்றுவதை உறுதி செய்வதற்காக அபிட்ஜானில் இருந்தார்.
8 ஏப்ரல் 2011 அன்று, ஜெயின் கொக்கோடி, அபிட்ஜானில் உள்ள இவரது இல்லம் ஆயுதமேந்திய கூலிப்படையினால் தாக்கப்பட்டபோது பிரெஞ்சு துருப்புக்களால் வெளியேற்றப்பட்டார். பாக்போவின் முற்றுகையிடப்பட்ட குடியரசுத் தலைவர் வளாகத்தை ஒட்டியிருந்த இவரது வீட்டில் இவர் சிக்கிக் கொண்டார். இந்த பகுதி தலைநகரில் தற்போதைய ஜிபேக்போ மற்றும் அலசான் வட்டாரா ஆகியோரின் எதிர் படைகளுக்கு இடையே கடுமையான சண்டையைக் கண்டது. பல மணிநேரம் அவரது இல்லத்தில் அடைக்கப்பட்டிருந்த பிறகு, தூதர் ஜெயின் ஐ. நா. மற்றும் பிரெஞ்சுப் படைகளின் துணிச்சலான நடவடிக்கையில் அபிட்ஜானுக்கு வெளியே உள்ள பிரெஞ்சு இராணுவ தளத்திற்குப் பாதுகாப்பாக வெளியேற்றப்பட்டார்.[17]
மேலும் பார்க்கவும்[தொகு]
மேற்கோள்கள்[தொகு]
- ↑ "Shri Amrit Lugun appointed new Ambassador of India to Greece". https://elinepa.org/shri-amrit-lugun-appointed-new-ambassador-of-india-to-greece/.
- ↑ "Shamma Jain appointed Indian envoy to Greece". Business Standard. http://www.business-standard.com/article/pti-stories/shamma-jain-appointed-indian-envoy-to-greece-117062901243_1.html.
- ↑ "CII Interactive Session". Confederation of Indian Industry. http://www.cii.in/PhotoGalleryDetail.aspx?enc=KBTvEDa/DRwabL03WCyPLwcWzSYGoWkz9NTe76paDb4yKMmz3UAayrbPCfwFBtBrrBBtNYQut6JIs2A3OJ7jh9F3rmQNa373y67qvqEGRKJqp8jcr+41hI/Hnv7lFntS.
- ↑ "Embassy of India in Ivory Coast". Ministry of External Affairs. http://www.eoiabidjan.org/page/display/61.
- ↑ "Center for African Studies". JNU. http://www.jnu.ac.in/SIS/CAS/CAS_Alumni_MPhil.pdf.
- ↑ "Shamma Jain appointed as the next Ambassador of India to Panama". Ministry of External Affairs. http://www.mea.gov.in/press-releases.htm?dtl/23152/Ms+Shamma+Jain+appointed+as+the+next+Ambassador+of+India+to+Panama.
- ↑ "MEA Organization". Ministry of External Affairs. http://www.meaindia.nic.in/staticfile/organisation.pdf.
- ↑ "MEA Moves its Men, Post-Haste". Indian Express. http://www.newindianexpress.com/thesundaystandard/MEA-Moves-its-Men-Post-Haste/2014/03/02/article2085131.ece.
- ↑ "Shamma Jain appointed next Ambassador to Cote d'Ivoire". UNI. 2008 இம் மூலத்தில் இருந்து 23 மே 2011 அன்று. பரணிடப்பட்டது.. https://web.archive.org/web/20110523173211/http://news.webindia123.com/news/Articles/India/20080820/1032240.html.
- ↑ "Conseil Exécutif – 140th Session". UNESCO. http://unesdoc.unesco.org/images/0009/000938/093839F.pdf.
- ↑ "ASEAN Regional Forum on Counter-Terrorism". ASEAN. 2008 இம் மூலத்தில் இருந்து 23 செப்டம்பர் 2015 அன்று. பரணிடப்பட்டது.. https://web.archive.org/web/20150923175418/http://www.asean.org/archive/arf/11ARF/2nd-ISM-CTTC/Annex-A.pdf.
- ↑ "Liberia: UL Releases Itinerary For Its 87th Graduation Indian Envoy To Serve As Commencement Speaker". allAfrica.com. 2009. http://allafrica.com/stories/200904210789.html.
- ↑ 13.0 13.1 "Government initiatives aiding India-West Africa trade surge". Business Standard. http://www.business-standard.com/article/news-ians/government-initiatives-aiding-india-west-africa-trade-surge-113101500516_1.html. பார்த்த நாள்: 15 May 2014.
- ↑ "Visiting Indian Minister of State and Liberian President Hold Bilateral Talks". Government of Liberia. http://www.emansion.gov.lr/2press.php?news_id=1326&related=7&pg=sp. பார்த்த நாள்: 15 May 2014.
- ↑ "Ravi to be discharged from Cote d'Ivoire hospital in few days". Zee News. http://zeenews.india.com/news/nation/ravi-to-be-discharged-from-cote-divoire-hospital-in-few-days_602655.html.
- ↑ "66 Indians evacuated from Cote d'Ivoire". Yahoo News. https://in.news.yahoo.com/66-indians-evacuated-cote-divoire-20110412-110003-158.html. பார்த்த நாள்: 15 May 2014.
- ↑ 17.0 17.1 "UN forces rescue Indian envoy to Ivory Coast". CNN-IBN இம் மூலத்தில் இருந்து 10 April 2011 அன்று. பரணிடப்பட்டது.. https://web.archive.org/web/20110410040838/http://ibnlive.in.com/news/un-forces-rescue-indian-envoy-to-ivory-coast/148671-2.html. பார்த்த நாள்: 15 May 2014.
